Црна хроника
Тепачка со чаши и шишиња во штипска дискотека
Во штипската дискотека „Клик“ во саботата, малку по 2.30 часот по полноќ, било пријавено дека 45-годишен штипјанец држејќи стаклено шише во рацете се доближил до масата на која бил А.П., кој бил на возраст од 34 години, заедно со 26-годишниот М.К., 22-годишниот С.С. и 35-годишниот Ѓ.Ш., сите од Штип, при што пријавениот со шишето го удрил А.П. неколкупати во пределот на главата по што му се придружиле и уште три други лица, кои исто така продолжиле со чаши и шишиња да го удираат А.П. по главата и телото, соопштија од полицијата.
По нападот, напаѓачите ја напуштиле дискотеката, а А.П., бидејќи добил повреди, веднаш бил пренесен во Клиничката болница во Штип, каде што е и задржан на лекување.
За случајот е известен основен јавен обвинител и се работи на негово целосно расчистување, велат од МВР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривична пријава за директорка на училиште во Делчево, без да спроведе транспарентна постапка извршила набавка
Надворешна канцеларија за криминалистички работи Делчево поднесе кривична пријава против Д.Ц. (52) од Делчево, директорка на средно училиште, поради постоење сомневање за сторено кривично дело „несовесно работење во службата“.
Таа, без да спроведе транспарентна постапка за набавка на стоки и услуги, извршила набавка од повеќе правни лица во вкупна вредност од 905.482 денари, а со Законот за јавни набавки е предвидено дека износот на извршени набавки без спроведена јавна набавка во текот на годината не смее да го надмине износот од 12.000 евра во денарска противвредност.
Црна хроника
Жена нападната од својот сопруг во семејниот дом
Вчера во 18:35 часот во СВР Скопје, 30-годишна жена пријавила дека во семејниот дом на подрачјето на Бит Пазар била физички нападната од нејзиниот сопруг О.Ѓ.(38) од Скопје.
Се преземаат мерки за расчистување на случајот.
Црна хроника
Обид за убиство во гостиварско
СВР Тетово поднесе кривична пријава против К.З.(63) од с.Церово, гостиварско, поради постоење основи на сомнение за сторени кривични дела „убиство во обид“, „предизвикување на општа опасност“ и „неовластено изработување, држење, посредување и тргување со оружје или распрскувачки материи“ и против Х.А.(38) од с.Церово, поради постоење основи на сомнение за сторено кривично дело „насилство“.
На 04.05.2024, по претходна расправија помеѓу пријавените, првопријавениот испукал три куршуми од автоматска пушка, по што бил физички нападнат од второпријавениот.