Црна хроника
Тинејџер за 10.000 евра измамил брачна двојка при купување на половно „ауди“
![](https://makfax.com.mk/wp-content/uploads/2020/09/audi-a4.jpg)
Во попладнивните часови на 25. септември во полициската станица Неготино, 59-годишна жена од овој град пријавила дека била измамена од 18-годишниот А.М. од селото Патишка Река, за сума од 10.000 евра.
Според пријавеното, околу 13 часот истиот ден, таа и нејзиниот сопруг кај нотар во Неготино со 18-годишникот завериле купопродажен договор за нивното возило „ауди а4“, а тинејџерот бил придружуван и од неговиот брат Н.М.
По ова, сите заедно заминале за Кавадарци, каде А.М. отишол во банка за да подигне пари во износ од 10.000 евра за исплата на возилото, додека пријавителката, нејзиниот сопруг и Н.М. чекале.
Според пријавата на оштетените, по некое време братот на 18-годишникот им рекол дека ќе оди до банката да види до каде е брат му, но и двајцата не се вратиле, па за кусо време во банката отишле и пријавителката со сопругот, но не ги пронашле ни браќата, ниту возилото, по што заклучиле дека се измамени.
Полицијата презема мерки за расчистување на случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Вознемирувал жена од Центар за згрижени лица и нападнал полицаец
![](https://makfax.com.mk/wp-content/uploads/2017/05/tupanici-za-policaec.jpg)
Вчера во 11:00 часот, полициски службеници од полициското одделение Сарај го привеле Х.М.(46) од Скопје, со престој во с.Чичино село, скопско, постапувајќи по претходна пријава дека вознемирувал од 45-годишна жена од Центарот за згрижени лица во с.Чичино село.
Потоа агресивно се однесувал кон полициски службеници кои преземале мерки по пријавата.
По целосно документирање на случајот ќе следува соодветен поднесок.
Црна хроника
Дете искасано од улично куче во Долно Лисиче
![](https://makfax.com.mk/wp-content/uploads/2022/12/ulicno-kuce.jpg)
Вчера во 18.35 часот во полициската станица Аеродром, М.Ѓ.(40) од с.Долно Лисиче, скопско, пријавил дека на место викано „Чатал“ во с.Долно Лисиче, неговиот малолетен син бил каснат од куче скитник.
Црна хроника
Возач со автомобил удри во велосипедист и тешко го повреди
![](https://makfax.com.mk/wp-content/uploads/2018/03/velosiped.jpg)
Вчера во 18.20 часот во СВР Скопје било пријавено дека на ул.„531“ во с.Марино, општина Илинден, патничко возило „форд фиеста“ со скопски регистарски ознаки, управувано од З.Ј.(56) од с.Марино, удрило во велосипед управуван од Д.Ј.(66) од Скопје.
Во несреќата со тешки телесни повреди се здобил велосипедистот констатирани во Градската општа болница „Св.Наум Охридски“ Скопје.
За настанот бил известен јавен обвинител. Извршен бил увид од увидна екипа од СВР Скопје.