Економија
„Анхоч“ прослави јубилеј – 25 години успешна работа

Со гала-свеченост, пред околу 750 гости во хотел „Александар палас“ на 10 октомври „Анхоч“ одбележа 25 години успешна работа. Во пријатен амбиент, заедно со голем број клиенти, соработници, деловни партнери и вработени, „Анхоч“ го прослави 25-годишниот јубилеј.
За отворањето на настанот и официјалниот дел се погрижи тим од Македонската филхармонија, додека за добрата забава задолжен беше бендот на Петар Ренџов. Дополнително атмосферата ја загреаја Јасмин Лопез и Онел од Куба, како и диџеј Ерик Фокс. За неповторлив хумор на настанот се погрижи Сашко Коцев, кој на свој оригинален начин делеше насмевки кај присутните.
„Анхоч“ е моментално најголемата македонска ИТ-компанија, со најголем избор на лаптопи, таблети, смартфони и друга ИТ-опрема, присутен на 15 продажни локации со 140 вработени во повеќе градови низ Македонија. До крајот на годината „Анхоч“ најавува отворање на два нови салони, во Скопје – Чаир и Куманово, како и релокација на еден од постоечките во поголем премиум салон на атрактивна локација во Скопје.
Патот кон успехот го почнува во 1994 година со производство, продажба и одржување компјутерски системи и ИТ-опрема со соодветна техничка поддршка.
Во услови на силна конкуренција „Анхоч“ успева да се наметне кај потрошувачите на локалниот пазар и полека се проширува и на национално ниво. Остварува соработка со повеќе локални фирми од другите градови и зочнува со продажба на своите производи низ целата држава.
„Анхоч“ во 2003 година го отвора првиот специјализиран ИТ-продажен салон во Скопје, првиот ПЦ-маркет во ГТЦ со кој овозможува поголема достапност на продуктите до потрошувачите.
Во 2010 година на македонскиот пазар ја отвора првата комплетно функционална ИТ-интернет продавница под името www.pcmarket.mk.
На нашиот пазар „Анхоч“ е познат и по своите брендирани конфигурации Анхоч алтеа и Анхоч голијат, кои единствени од Македонија го имаат добиено престижниот сертификат на Microsoft.
Успешната приказна на „Анхоч“ се темели на континуираната посветеност на квалитетот и задоволството на потрошувачите за конкурентна цена. Потрошувачот кој ќе им се обрати е сигурен дека ќе добие квалитетен производ за компетентна цена, придружен со одлична техничка поддршка.
(ПР текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Мицкоски: Имаме раст на извозот, градежништвото и туризмот гарантираат раст на БДП и подобар стандард на граѓаните

Во одговор на новинарско прашање, претседателот на ВМРО-ДПМНЕ, Христијан Мицкоски, истакна дека увозот е многу помал за околу 8% во евра, или за 12-13% во долари, додека пак извозот е во пораст во евра 23%, додека пак во долари е 28%.
„Ако ги споредите првите два месеци април и мај од оваа година, со првите два месеци април и мај од 2024 година, длабоки анализи правиме, ќе видите дека за 80 милиони долари е намален трговскиот дефицит, а тоа е цели 13% и тоа ќе учествува во БДП. Ако на тоа се додаде растот на индустриското производство коешто е во просек за април и мај, првите два месеци од вториот квартал 5,5%, а само во мај 9,4%’’, истакна Мицкоски.
Мицкоски додаде дека растот на туризмот и градежништвото, ќе доведат до зголемување на животниот стандард на граѓаните, но и зголемување на бруто домашниот производ.
„Растот на туризмот повеќе од 20%, инвестициската активност повеќе од 15%, растот и бумот во градежниот сектор, сето тоа нас ни гарантира еден успешен резултат за БДП во вториот квартал којшто очекувам да продолжи и во третиот и четвртиот квартал’’, заклучи Мицкоски.
Економија
Македонската „Green Machines“ ја зацврстува дистрибутивната мрежа во САД

Green Machines на БРАКО, познат по своите иновативни еколошки возила за чистење на јавни површини, бележи сериозен раст на американскиот пазар со мрежа на реномирани дистрибутери низ повеќе од 30 американски сојузни држави.
Најнов партнер е компанијата Mar-co Equipment од регионот на Лос Анџелес, која стана ексклузивен дистрибутер за Јужна Калифорнија.
Моментално, Green Machines има дистрибутери во следниве американски држави:
Owen Equipment – Вашингтон, Орегон, Северна Калифорнија, Невада, Ајдахо, Монтана, Јута, Колорадо, Ново Мексико
Industrial Disposal Supply – Тексас
Mar-co Equipment – Јужна Калифорнија
United Rentals – достапен низ сите држави и територии на САД
Grainger – достапен низ целата територија на САД
Equipment Depot – Луизијана, Мисисипи, Кентаки, Индијана, Охајо, Пенсилванија, Масачусетс, Конектикат, Њу Џерси, Мејн, Вирџинија, Милвоки, Висконсин, Флорида, Орегон, Вашингтон
Van Keppel – Канзас, Арканзас, Илиноис, Висконсин, Ајова
Овој успех претставува уште еден доказ за конкурентноста на македонскиот индустриски производ и неговата технолошка супериорност. Со новите дистрибутерски партнери, Green Machines продолжува да ја шири својата глобална визија за почисти, поеколошки и поефикасни урбани средини.
ПР текст
Економија
Муцунски: Владините политики за извоз даваат резултати – раст од 23,44 отсто во мај

Министерот за надворешни работи и надворешна трговија, Тимчо Муцунски, утрово на социјалните мрежи сподели податоци за кои рече дека го потврдуваат ефектот од економските политики на Владата, при чија реализација значајна улога има и Министерството што го предводи. Статистиката покажува стабилни и позитивни трендови во извозот, дури и во услови на стагнација на европскиот пазар.
Според објавените податоци, македонскиот извоз во мај 2025 бележи раст од 23,44 проценти, додека за првите пет месеци од годината порастот изнесува 3,15 отсто. Во истиот период, увозот е зголемен за само 1 отсто, што упатува на стабилен трговски биланс и позитивно салдо.
„Податоците укажуваат на значително поголем извоз од увоз – што значи повеќе свеж капитал во државата, зајакната девизна позиција и дополнителен поттик за економски раст. Зголемениот извоз отвора нови работни места, го зајакнува домашното производство и ја зголемува конкурентноста на македонските производи“, напиша министерот Муцунски.