Контакт

Економија

АППТ: Oчекувањата до 2025 година се значителен раст на македонскиот туризам и зголемување од 50 отсто на ноќевања и гости од земјите на „Отворен Балкан“

Објавено пред

Агенцијата за промоција и поддршка на туризмот и оваа година има значајна улога во презентација на македонските туристички потенцијали на саемот „Винска визија на ‘Отворен Балкан’ – вино, храна и туризам“, кој се одржува од 16 до 19 ноември во Белград, Република Србија.

dobivaj vesti na viber

„Резултатите на ‘Отворен Балкан’ се видливи на полето на туризмот преку годинешните постигнувања во туристичкиот сектор, кој е во раст не само помеѓу трите земји, Северна Македонија, Србија и Албанија, туку и поединечно во споредба со другите земји во регионот и Европа. Македонскиот туристички сектор сѐ повеќе се фокусира на промоција и понуда на eно-гастро концептот создавајки уникатни искуства во винските региони, семејните винарници и традиционалната храна. Агенцијата за промоција и поддршка на туризмот во стратешкото планирање за следните две години предвиде повеќе проекти на ова поле, со патно означување на винските патишта, изработка на винска туристичка мапа и дигитални алатки преку кои ќе мотивираме повеќе туристи да дознаат за традицијата, историјата и македонските вина“, потенцира директорот на Агенцијата за туризам, д-р Љупчо Јаневски.

Годинешната промоција на саемот ‘Винска визија на Отворен Балкан’ од страна на АППТ, покрај концептот базиран на новото туристичко лого Taste Life, е збогатена со резбарскиот, филигранскиот занает како дел од историското и културното наследство, а техниките се презентираат од врвните мајстори на широката публика на оваа саемска манифестација. Саемот ‘Винска визија на Отворен Балкан’ е одлична можност за дополнителна промоција пред потенцијалните туристи од регионот и задржување на позитивните резултати од 2023 година и во наредниот период. Македонскиот туристички сектор во првите девет месеци од 2023 година оствари 2.700.000 ноќевања, конкретно учеството на српските ноќевања од вкупниот број странски туристички ноќевања остварени во државава е 10 %, што е одличен показател за значењето на српскиот туристички пазар. Преостануваат уште три месеци од оваа година за постигнување на целта од 3,2 милиони ноќевања и повеќе од 530 милиони долари туристички промет.

Концептот на ‘Отворен Балкан’ е со реални можности за сите држави што ја споделуваат оваа економска визија, која ќе создаде конкурентна дестинација во многу аспекти од туристичката индустрија. Агенцијата за туризам продолжува со туристичка соработка, реализација на информативни патувања, обележување и создавање вински патишта, аплицирање на ИПА-проекти, со фокусирана медиумска кампања и промоција на ено-гастро концептот во рамките на регионот и очекува до 2025 година зголемување од 50 % на гостите и ноќевањата од земјите на ‘Отворен Балкан’“, се вели во соопштението на Агенцијата за туризам.

Економија

Доколку има потреба, ќе се продолжи мерката за замрзнување на цените, вели Бектеши

Објавено пред

Според министерот за економија Крешник Бектеши, мерките ги даваат своите резултати во делот на зачувување на животниот стандард.

dobivaj vesti na viber

Во случај, како што рече Бектеши, одредена мерка да се злоупотреби не само што ќе биде продолжена, туку ќе ги зајакнат и инспекциските капацитети.

Подвлече дека доколку има потреба, ќе се продолжи мерката за замрзнување на цените на прехранбените производи и по 1 јануари.

Сето тоа, како што појасни, ќе зависи од анализите што ќе ги направи Министерството за економија до крајот на годинава.

„Генерално прехранбената индустрија посебно трговијата на мало со храна и пијалаци веќе ја знаат лекцијата дека од страна на Министерството за економија нема да бидат дозволени злоупотреби“, рече Бектеши.

На прашање зошто беше потребен голем пакет на помош за граѓаните на само неколку месеци пред избори, Бектеши рече дека мерките се најавени од почетокот на годинава и не се мерки кои граѓаните не ги очекувале.

„Ветивме дека ни еден граѓанин нема да го почувствува товарот на енергетската и економската криза и дека како држава ќе ја покриеме разликата со цел да им излеземе во пресрет за тоа што е изгубено во минатото во делот на зголемување на инфлацијата и од влијанието на енергетската криза во делот на семејствата. Мерките се ветени на семејствата кои навистина имаа потешкотии во делот на справување со инфлацијата и со енергетската криза“, рече Бектеши.

Прикажи повеќе...

Економија

Бектеши и Шакири ја презентираа новата мерка за ваучери за домашен туризам за студентите

Објавено пред

Мерката ваучери за поддршка на домашниот туризам на Министерството за економија која беше наменета за работници со ниски приходи од следната година ќе биде наменета само за студентите во државните универзитети во државата.

dobivaj vesti na viber

Министерот за економија Крешник Бектеши и министерот за образование и наука Јетон Шакири денеска одржаа работен состанок со претставници на студентските собранија на дел од државните универзитети на кои им ја презентираа оваа нова мерка.

Целта на состанокот беше заедно со претставниците на студентските здруженија да се утврдат критериумите по кои ќе се доделуваат ваучерите за домашен туризам.

„Денеска со студентите разговаравме за критериумите за доделување на ваучери за домашен туризам за студентите и за нивните очекувања од оваа мерка која Министерството ја реализира изминатите четири години за работниците со ниски приходи. Во соработка со Министерството за образование и наука донесовме оваа мерка на Министерството за економија следната година да биде наменета само за студентите. Сакаме на студентите да им дадеме можност да ги посетат домашните туристички места, да ги истражат туристичките потенцијали на земјата. За оваа цел се предвидени 64 милиони денари во буџетот на Министерството за економија. Вредноста на ваучерот ќе зависи од предлозите кои ќе дојдат од студентите, а во зависност од тоа ќе се знае и бројот на студенти кои ќе бидат опфатени, а според првичните проценки ќе бидат опфатени од 3.000 до 4.000 студенти од државните универзитети“ кажа министерот Бектеши по состанокот со претставниците на студентите.

Мерката како што кажа Бектеши е предвидено да почне да се реализира од јануари следната година, а ваучерите ќе може да се користат до крајот на следната година.

Шакири кажа дека Министерството за образование и наука заедно со Министерството со економија воведува нова мерка за подигнување на студентскиот стандард.

„Во минатото имавме повеќе мерки кои ги дискутиравме со сите здруженија на студенти во однос на повисока вредност на субвенционираниот студентскиот оброк, продолжувајќи со повисоки стипендии и сега продолжуваме со поддршка на студентите со ваучери за домашен туризам. Мерката е за поздравување бидејќи студентите во текот на своето студирање мора да ги мотивираме за да остварат подобри резултати, а со оваа мерка може да придонесеме и за туристичкиот развој на нашата земја“ кажа Шакири.

Оваа мерка е дополнување на мерките од деветтиот пакет антикризни мерки на Владата во делот на подобрување на студентскиот стандард, покрај поддршката за превоз за студентите и учениците.

Критериумите за ваучерите за студентите ќе бидат прецизирани во текот на следната недела и ќе произлезат од предлозите на студентските здруженија.

Прикажи повеќе...

Економија

Виктор Андонов: Регионот треба да го следи примерот на ЕУ за декарбонизацијата на зелената енергија

Објавено пред

На втората регионална конференција на еколошките и бизнис лидери „Look Up 2“, која се одржа во Копаоник, Република Србија, свое учество имаше и директорот за развој на инвестиции на АД ЕСМ, Виктор Андонов. Конференцијата ја отвори Министерката за земјоделство, шумарство и водостопанство Јелена Танасковиќ, а исто така свое обраќање имаше и Министерката за енергетика и рударство Дубравка Џедовиќ Хандановиќ. Посебно обраќање имаше и Јанис Варуфакис поранешен министер за финансии на Грција.

dobivaj vesti na viber

Директорот за развој и инвестиции Виктор Андонов даде свое излагање на панелот “Европската енергетска политика на примерот на регионот” на кој модератор беше Бојана Млаѓеновиќ од РТС, а останатите учесници беа Дамир Миљевиќ, RESET Центар за одржлива енергетска транзиција, Босна и Херцеговина, проф. Д-р Драгослава Стојиљковиќ, редовен професор на Машинскиот факултет на Универзитетот во Белград, Дејан Стојчевски, КОО SEEPEX, Глиго Вуковиќ, претставник на ЕУ Србија, и Горан Свилановиќ, поранешен генерален секретар на Советот за регионална соработка.

Разговарајќи на панелот директорот истакна дека треба да имаме во предвид дека зелениот план се однесува на цела Европа, а не само на Европската Унија, и изрази увереност дека регионот треба да го следи примерот на ЕУ за поефикасно спроведување на транзицијата кон декарбонизација.

„Сите во регионот сме исто зависни од јаглен и следствено на тоа декарбонизацијата ќе биде голем предизвик за сите нас. Но, треба да имаме во предвид дека Европската унија го донесе својот план, а кога се случи кризата минатата година, сите зборуваа дека Repower EU може да се промени, а спротивно на тоа ЕУ излезе со уште поамбициозен план. Тоа е јасен сигнал дека Европа оди во таа насока и ние мораме тоа да го следиме тој пример ако сакаме да ја постигнеме нашата цел. И иако денес сите зборуваа дека ЕУ има малку пари за енергетска транзиција, деновиве на COP 28 потпишавме меморандум со голем конзорциум меѓународни финансиски институции за фер енергетска транзиција, тежок околу 3 милијарди долари“, истакна Андонов на панел дискусијата.

Тој изрази задоволство од напредокот на енергетската транзиција во регионот и истакна дека во текот на последните четири години, капацитетот на фотонапонски централи се зголемил од 17 на 550 мегават, а токму ЕСМ како компанија беше предводник на енергетската транзиција, преку првата фотонапонска централа во рудникот Осломеј, која е пример за земјите од регионот.

„Доколку пред четири години некој ни кажеше дека целта беше да се зголеми капацитетот на 550 мегавати за само неколку години, никој немаше да верува во тоа, а денес веќе е реалност. Овој напредок е само почетокот на патот кон зелена енергија и декарбонизација, и пред нас сеуште ни престои долг пат кон остварувањето на целите на енергетската транзиција“, рече директорот Андонов.

Регионот има амбициозни планови за енергетска транзиција, интензивно се работи на привлекување на инвестиции за поддршка на овие проекти и со овие напори и сето она што досега е постигнато во Северна Македонија во однос на декарбонизацијата, државата е на добар пат кон побрза и полесна транзиција кон зелената агенда. Спомнувајќи ја стратегијата, Андонов на панелот потврди дека во моментов се развиваат и нови подзаконски акти токму за складирање енергија,односно за инсталирање на батерии, а паралелно се развива и нов законски пакет за енергетика со цел имплементација на Пакетот за чиста енергија.

Прикажи повеќе...

Најново

Македонија8 часа

Земјата се соочува со епидемија од корупција, црната листа ќе се проширува, најави Агелер

Има различни етапи и различни начини на кои луѓето кои се наоѓаат на црната листа можат да пријават незадоволство, но...

Македонија9 часа

Со возило на фирма струмичанецот му помогнал на Палевски и го пренел преку Турција, обвинителството нареди истрага за возачот

Основното јавно обвинителство Скопје донесе Наредба за спроведување истражна постапка за едно лице поради основано сомнение дека сторил кривично дело...

Македонија10 часа

Анѓушев: Малта не треба да има почесен конзул со сенка врз неговото име, колку и да е таа неоправдана

Малтешкото Министерство за надворешни работи му ја прекина функцијата почесен конзул на Малта на поранешниот вицепремиер, Кочо Анѓушев, поради неговото...

Македонија12 часа

Мајката на Вања: Сè уште не можам да разберам зошто моето девојче е сега во гроб

Не ме интересираше неговиот живот. Мојот живот беа моите деца и мојата работа. Беше оставен на мира и разговаравме само...

Македонија12 часа

Спасовски го обвини ВМРО-ДПМНЕ за политиканство и најави дека ќе се испитуваат комуникациите на осомничените со лица надвор од групата

Политиканството во вакви случаи на убиства, уште еднаш ги убива жртвите и тоа не е добро. Ова го изјави министерот...

Македонија12 часа

Лога за екстрадицијата на Палевски: За релативно кратко време очекувам да биде меѓу нас и да докажува што се случило

Барањето за екстрадиција на Љупчо Пелвски- Палчо, осомничен дека е организатор и извршител на убиствата на 14 – годишната Вања...

Македонија13 часа

Спасовски: Адвокатот на Палевски се’ уште е на распит во полиција

Васко Стојков – адвокатотот на осомничениот за двојното убиство, Љупчо Палевски, се’ уште е на распит во полициската станица. Министерот...

Македонија13 часа

Кривична ќе има и за возачот кој го носел Палевски до Турција

Возачот кој го превезуваше осомничениот за двојното убиство, Љупчо Палевски,  во Турција и кој беше приведен на влез во земјава...

Македонија14 часа

Поднесен предлог за разрешување на јавен обвинител поради сторена тешка дисциплинска повреда

Комисијата за утврдување на дисциплинска одговорност на јавен обвинител во вршење на јавнообвинителската функција при Јавното обвинителство на Република Северна...

Свет14 часа

(Видео) Објавени снимки на кои се слушаат истрели: Русија вознемирена поради осмоодделенката која упадна со пиштол во училиште

Убиено е девојчето Марија Н., а уште пет лица се ранети во училиштето во Брјанск, Русија, кога утрово во одделението...

Свет15 часа

Бразил испраќа војници на границата со Венецуела, расте стравот од нова војна

Бразил објави дека распоредува војници долж границата со Венецуела, откако венецуелската влада ги објави плановите за вклучување на областите контролирани...

Македонија16 часа

Запленети непријавени 50.600 евра на скопскиот аеродром

Запленети 50.600 евра коишто патник на влез во државата на царинската испостава Аеродром Скопје не ги пријавил кај царинските службеници,...

Македонија17 часа

ВМРО-ДПМНЕ: Треба да се одговори зошто веднаш МВР не тргнало во потрага по возилото на убиениот Панче

МВР направи низа пропусти во истрагата за убиствата на Палевски, што ја отвора дилемата дали Вања можела да биде спасена,...

Свет17 часа

Сенатот го блокираше новиот пакет американска помош за Украина и за Израел

Пакетот нова безбедносна помош за Украина и за Израел во вредност од милијарди долари беше блокиран вчера од републиканците во...

Македонија1 ден

Адвокатот на Љупчо Палевски на распит во полициска станица

Адвокатот Васко Стојков, со кого Љупчо Палевски Палчо, првоосомничен за убиствата на 14-годишната Вања Ѓорчевска и велешанецот Панче Жежовски, замина...

Македонија1 ден

(Видео) Пендаровски: За втор мандат ќе се произнесам кога ќе дојде време, не е момент во овие траорни времиња да зборуваме за втор мандат

Претседателот Стево Пендаровски денеска кажа дека не размислува за втор мандат во вакви траорни времиња. „Прашањето на вашата колешка беше...

Македонија1 ден

Лога го потпиша барањето за екстрадиција на Љупчо Палевски

Министерот за правда Кренар Лога го потпиша барањето за екстрадиција на Љупчо Палевски, информираат од ресорното министерство. Појаснуваат дека истото...

Македонија1 ден

Побарана екстрадиција на Палевски поради убиствата

Основното јавно обвинителство Скопје го изготви Барањето за екстрадиција за Љупчо Палевски-Палчо кој е осомничен за убиствата на 14-годишната Вања...

Македонија2 дена

Пендаровски: Функционерите мора да работат и да градат, без да крадат, корупцијата најголем проблем за граѓаните

Претседателот Стево Пендаровски денеска се обрати на отворањето на дводневниот Отворен Форум за антикорупција организиран од Македонскиот центар за меѓународна...

Македонија2 дена

Мажoт кој го возел Палевски до Турција доби 48-часовен притвор

Судија го прифати предлогот и определи мерка краткотраен притвор од 48 часа за С.Д. од Струмица, кој го возел првиоосомничениот...