Контакт

Економија

Бектеши: Приремено ќе забраниме извоз на брашно

Објавено пред

„Приремена забрана за извоз на брашно кон трети земји, формирање фонд за туризам за поддршка на туристичкото стопанство, барање до ЗАМП да ги стави во мирување побарувањата од рестораните и хотелите, се дел од мерките на Министерството за економија за ублажување на последиците од вирусот Ковид-19. На почетокот на неделата Владата донесе одлука да ги замрзне цените на основните прехранбени производи со цел да не дојде до ценовни шокови.

„На седницата на Владата, која се одржа во понеделникот, донесовме одлука за замрзнување на цените на основните прехранбени производи, и тоа на лебот, солта, зејтинот, млекото и млечните производи, јајцата, брашното, месото, тестенините, лековите и дезифекциските сретства со состојба на денот на прогласување на пандемијата на СЗО, освен оние за кои има доказ дека им се зголемени влезните фактури. Изминатите денови сите бевме сведоци на зголемената побарувачка кај граѓаните што од стравување дека ќе се зголемат цените на основните производи купуваа во големи количини. За да не дојде до зголемување на цените под притисок на побарувачката и како резултат на мерките за заштита на пазарот на соседните земји, веднаш решивме да ја донесеме оваа одлука. Сакам да ги уверам граѓаните во консултација со најголемите супермаркети и дистрибутери на храна и основни производи дека дека имаме доволно резерви, но решивме да реагираме превентивно за да не дојде до поголеми ценовни шокови“, истакна министерот Бектеши на промовирањето на економските мерки за справување со коронавирусот денеска во Владата.

Министерот потенцира дека во насока на заштита на граѓаните од зголемување на цените на храната, Министерството за економија предложи забрана за извоз на брашно од пченица кон сите земји на неограничено време.

„Во моментот заедно со Министерството со земјоделство и Царинската управа ги преземаме сите неопходни мерки и активности сè со цел да ја спроведеме оваа мерка. Северна Македонија е увозно зависна земја, особено во делот на брашното и пченицата. Оваа мерка ја донесовме со цел да ги заштитиме домашните производители на брашно, но и да не дојде до покачување на цената на лебот доколку оваа ситуација со коронавирусот се пролонгира. Во исто време сакам да информирам дека Царинската управа заедно со Министерството за земјоделство го следи и трендот на извоз на рафинирано сончогледово масло за јадење, ориз, кондиторски и пекарски производи (тестенини, бисквити и слично), а како Влада донесовме и препорака за мелничко-пекарската индустрија да ја има предвид и бесцаринската квота за увоз на пченица од земјите членки на СТО во количина од 80.000 тони“, потенцира министерот.

Министерот рече дека Министерството за економија ќе достави до Владата и предлог за 100-процентно ослободување од царинските давачки за производите од брашно, сончогледово масло, бел шеќер, сапуни, детергенти, облека и прибор за облека, пелени за деца и возрасни и марамчиња, рачни капи во ролни, пластични маски со текстилен филтер, текстилни прекривки за хируршка употреба, хируршки костими од хартија, хартиени маски, заштитен гумен костим, гумени ракавици, хируршки и други средства за дезинфекција, медицински алкохол, заштитни очила.

„На најголем удар е туристичкиот сектор поради откажани аранжмани и тури од страна на граѓаните поради затворање на границите, но и поради откажување на летовите од страна на авиокомпаниите. Како резултат на барањата на туристичките комори предвидовме и мерки за поддршка на туристичкиот сектор. Во овој сектор има околу 70 илјади вработени, кои се на удар од последиците на коронавирусот“, рече Бектеши и додаде дека Министерството за економија предлага сите средства предвидени за развој, промоција и поддршка на туризмот да се пренаменат во фонд за туризам со цел да се обесштети туристичкото стопанство да ја преброди кризата во согласност со бројот на вработени.

„Овој фонд за туризам во моментот проценува околу 74 милиони денари, од кои 44 милиони денари се во рамките на програмите на Министерството за економија, кои нема да бидат искористени, а 30 милииони денари се од Агенцијата за промоција и поддршка на туризамот. Исто така, како мерка предлагаме и ќе побараме од ЗАМП – Здружение за заштита на авторските и музичките права, да ги стави своите побарувања од хотелите и рестораните во мирување во период од шест месеци. Сите угостителски објекти се задолжени да платат паушал во зависност од капацитетот на угостителскиот објект, а имајќи предвид дека Владата забрани работа на ресторани, кафулиња и други услужни објекти, сметаме дека побарувањата од ЗАМП треба да се стават во мирување“, рече министерот.

Овие мерки се само почеток. Сакам да потенцирам дека Министерството за економија секој ден претпазливо ја следи состојбата на терен и штом има потреба, ќе бидат донесени дополнителни мерки, со кои ќе се заштити економијата, а со тоа и граѓаните, додаде тој.

Економија

Со четвртиот пакет економски мерки помош за најпогодените сектори и категории на граѓани

Објавено пред

Економско-социјалниот совет денеска ја одржа својата втора седница предводена од министерката за труд и социјална политика, Јагода Шахпаска како претседателка, заменик-претседателот на Владата на Република Северна Македонија задолжен за економски прашања, координација на економските ресори и инвестиции, Фатмир Битиќи, министерот за финансии, Фатмир Бесими и останатите членови на ЕСС.

На денешната седница на ЕСС, од страна на потпретседателот на Владата, Фатмир Битиќи беа презентирани мерките од четвртиот пакет мерки за поддршка на компаниите и граѓаните креирани со цел ублажување на последиците од пандемијата со Ковид-19.

Потпретседателот Битиќи посочи дека четвртиот пакет економски мерки тежок 350 милиони евра е продолжение на претходните три пакети и е сублимирање на анализите направени преку консултациите со сите засегнати чинители во општеството, со цел опфатот во овој пакет да биде насочен кон поддршка и помош на најпогодените сектори и категории на граѓани.

Четвртиот пакет економски мерки опфаќа поддршка за исплата на плати за последниот квартал на годината, платежни картички за одредени категории на граѓани на кои помошта им е најпотребна, грантови за најпогодените сектори, намалување или укинување на парафискални давачки, зголемување на грејс периодот кај бескаматните кредити од Ковид 1 и дополнително одложување на отплата на кредитите од компаниите.

Од страна на членовите на Економско-социјалниот совет беше констатирано дека четвртиот пакет економски мерки е доста обемен, со оглед на тоа дека се опфатени и компаниите со цел поддршка за нивни опстанок во време на корона пандемијата, задржување на работните места и поддршка на граѓаните.

Прикажи повеќе...

Економија

Бесими – Сахакјан: Подобар систем јавни финансии, помалку сива економија и фискална децентрализација

Објавено пред

Фокусот на соработката на Министерството за финансии со Развојната програма на Обединетите Нации (УНДП) во следниот период, ќе биде подобрување на управувањето со јавните финансии во разни области, со посебен осврт на борбата против неформалната економија, како и поддршка на општините во процесот на фискална децентрализација и зајакување на капацитетите на локално ниво. За ова стана збор на средбата помеѓу министерот за финансии Фатмир Бесими и постојаната претставничка на УНДП во нашата земја Нарине Сахакјан и нејзиниот тим. За надминување на последиците од Ковид-кризата потребно е холистички пристап при креирање мерки и политики за дејствување, како и мерење на перформансот на истите – беше посочено на состанокот.

Министерот за финансии посочи дека крајна цел се повисоки стапки на економски раст кои ќе бидат одржливи, а воедно и дека растот ќе биде инклузивен. Кон подобрување на економскиот перформанс, а притоа и подигнување на животниот стандард, ќе се дејствува преку политики кои ќе промовираат подобра и попредвидлива бизнис клима, борба со сивата економија, владеење на правото, инвестиции во човечкиот капитал, зелена економија и низа други структурни реформи, коишто се на агендата за члeнството во ЕУ и воедно се компатибилни со Агендата 2030 на Обединетите нации за одржлив развој. Тука е и инклузијата и ориентацијата кон технологиите, кои го добија својот примат со развојот на ковид-кризата.

Бесими посочи дека иако се соочуваме со најголемата економска криза, покрај краткорочните мерки, треба да се дејствува и долгорочно, односно да се постави систем во јавните финансии кој во иднина ќе генерира подобри резултати. Новиот концепт во јавните финансии – СМАРТ, или „паметни финансии“ е стратешко, одржливо, одговорно, реформско и транспарентно дејствување, кое ќе ги имплементира и СМАРТ индикаторите за реализација (SMART Key Performace Indicators). Овие индикатори ќе се користат не само за следење на буџетските трошоци, туку и ефектите кои политиките и мерките кои се финансирани со јавните средства ќе ги имаат.

Од страна на УНДП информираа дека Агенциите на Обединетите нации во земјава изготвуваат петгодишна програма, која ќе ги вклучи приоритетите на Министерството за финансии и Владата на Република Северна Македонија. Во првата година од реализација, најголем дел од активностите ќе бидат во насока на одговор на Ковид-кризата. Оттаму информираа и дека се подготвени да помогнат со технички анализи за проценка на ефектите и влијанието на кризата врз економијата.
Во однос на мерките и политиките кои ќе се преземаат за сузбивање на ефектите од кризата, од УНДП поттикнуваат холистички пристап, кој ќе ги вклучи ранливите категории зафатени од кризата, односно таргетирање на целни категории како жени, повозрасни граѓани и микро и мали претпријатија, соопшти Министерството за финансии.

Прикажи повеќе...

Економија

Четвртиот пакет мерки е во вредност од 350 милиони евра

Објавено пред

Вкупната вредност на четвртиот пакет изнесува околу 350 милиони евра од кои 264 милиони се од Буџетот на државата и околу 85 милиони како исклучително поволни дополнителни кредитни линии.

Ова го истакна премиерот Зоран Заев кој заедно со заменик на претседателот на Владата задолжен за економски прашања, координација на економските ресори и инвестиции, Фатмир Битиќи, министерот за финансии Фатмир Бесими и министерот за економија Крешник Бектеши ги презентираа главните контури на четвртиот пакет мерки за поддршка на компаниите и граѓаните за ублажување на последиците од пандемијата со Ковид-19 пред претставниците на стопанските комори во земјата.

На презентацијата на мерките беше нагласено дека четвртиот пакет е континуитет на претходните и дека Владата ќе ја следи ситуацијата и ќе се прилагодува на развојот на последиците од кризата за да постигне максимална ефикасност во поддршката на компаниите и граѓаните од најпогодените категории.

Пакетот 4, кој треба да биде усвоен од Владата на седницата в недела, на 27 септември, опфаќа поддршка за исплата на плати за последниот квартал од годината, платежни картички за неколку категории граѓани, грантови за најпогодените сектори, широк спектар за ослободување или олеснување за повеќе давачки за компаниите, намалување на ДДВ во повеќе услужни и други дејности, како и други мерки.

Претставниците на стопанските комори во земјата на средбата изразија задоволство што и овој пат беа вклучени во креирањето на мерките и што голем број од нивните сугестии и предлози се опфатени во овој четврт пакет за поддршка на компаниите и граѓаните за ублажување на последиците од пандемијата со Ковид-19.

Прикажи повеќе...

Најново

Европа1 час

(Видео) Лондон: Илјадници луѓе протестираа против рестриктивните мерки, полицијата принудена да интервенира

Британската полиција денеска ги растури демонстрациите во центарот на Лондон против рестрикциите наметнати поради коронавирусот. Полицијата интервенираше откако насобраните ги...

Македонија3 часа

141 новозаразени од Ковид-19, почина пациент од Скопје

Министерството за здравство информира дека во последните 24 часа се направени 1.559 тестирања, а регистрирани се 141 нови случаи на...

Македонија4 часа

(Видео) Протест против полициската бруталност во Битола: „Сакаме правда, и Ромите се граѓани“

Со извикување на паролите „И Ромите се граѓани“, „Нема правда, нема мир“, „Правда за Ромите“, „Роми полицајци“ денеска во Битола...

Свет5 часа

Астронаутка ќе гласа од вселената на изборите во САД

Астронаутката на НАСА, Кејт Рубинс, рече дека ќе гласа од вселената, на повеќе од 300 километри над Земјата, на претстојните...

Македонија5 часа

(Видео) Пендаровски и Пахор во Кампот за обука на вода во Охрид

Претседателот и врховен командант на вооружените сили, Стево Пендаровски и претседателот на Република Словенија, Борут Пахор денеска во Охрид го...

Свет6 часа

Украинскиот претседател бара објективна истрага за падот на авионот

Украинскиот претседател Володомир Зеленски изјави дека ќе се испитаат брзо и непристрасно причините за падот на воениот авион во кој...

Топ7 часа

Приведени 10 лица поради нападот на полицајци во Прилеп

ОВР Прилеп до Основното јавно обвинителство Прилеп поднесе кривична пријава против 10 лица, и тоа: Е.Е.(28), Е.И.(30), Ф.Ќ.(37), С.А.(40), Ф.Ќ.(43),...

Топ7 часа

Приведени двајца скопјани – удриле во полицаец додека мерел со радар

Двајца скопјани се приведени откако удриле во сообраќаен полицаец во Скопје. Како што информира МВР, приведени се А.Д.(19) и К.М.(21)...

Македонија9 часа

МОН: Националната платформа достапна за учениците и родителите

Веб-страницата на Единствената национална платформа за онлајн учење од полноќ е веќе достапна за корисниците преку адресата www.schools.mk. Со цел...

Свет9 часа

По терористичкиот напад во Париз – уапсен главниот осомничен, приведени уште 6 лица

Седум лица се приведени за нападот пред поранешните канцеларии на сатиричниот неделник „Шарли Ебдо“, соопштија официјалните лица. Маж вооружен со...

Свет10 часа

(Видео) Се урна воен авион во Украина – загинаа 25 лица

Воен авион АН-26 се урна во близина на градот Чугуев во регионот Харков, јавува агенцијата Депо Харков, повикувајќи се на...

Македонија11 час

Протест против полициската бруталност во Битола

Повеќе граѓански организации за денеска во Битола најавија протест против полициската бруталност, за кој повод е завчерашниот инцидент во кој...

Европа11 час

Франција бара Брисел да ја принуди секоја членка на ЕУ да прими мигранти

Франција побара секоја земја членка на ЕУ да биде принудена да преземе дел од илегалните мигранти што пристигнуваат на европска...

Свет12 часа

Институт „Гамалеја“: Некои вакцинирани лица развиваат заштитни антитела по првата доза

Александар Гинтсбург, директор на рускиот институт „Гамалеја“, кој ја разви првата регистрирана вакцина против Ковид-19, изјави за „Спутник“ дека вакцинираните...

Топ21 час

Тројца осомничени за производство и продажба на марихуана, едниот фатен додека ги кастрел стеблата во Визбегово

Скопското Обвинителство донесе наредба за спроведување истражна постапка против тројца 38-годишници за неовластено производство и продажба на марихуана. За таа...

Економија21 час

Четвртиот пакет мерки е во вредност од 350 милиони евра

Вкупната вредност на четвртиот пакет изнесува околу 350 милиони евра од кои 264 милиони се од Буџетот на државата и...

Европа23 часа

СЗО: Во Европа се зголемува заразата со коронавирусот

Брзината на пренесување на Ковид-19 и хоспитализацијата растат во Европа, предупреди директорот на Светската здравствена организација за вонредни ситуации, Мајкл...

Македонија24 часа

Пахор со поддршка за членството во ЕУ: „Не смее да има одложување на меѓувладината конференција“

Словенија ќе продолжи да ја поддржува Северна Македонија на патот кон полноправно членство во Европската Унија, истакна претседателот на Словенија,...

Македонија1 ден

Починаа 9 лица, регистрирани 143 новозаразени

Во последните 24 часа се направени 1.504 тестирања, а регистрирани се 143 нови случаи на Ковид-19, и тоа во: Скопје...

Македонија1 ден

(Видео) Кривична пријава и суспензија за полицаецот кој претепа Ром во Битола

Одделот за внатрешна контрола, криминалистички стандарди и професионални истраги во МВР поднесе кривична пријава до Основното јавно обвинителство за гонење...

Досие