Триглав Осигурување Живот ад Скопје, воведе нов производ – Ризико СМАРТ, кој носи инклузивност со покривање на повеќе ризици а наменет е за сите оние кои сакаат целосно да го заштитат своето семејство при настанување на штетен настан по животот на корисникот на полисата.

Овој производ, наменет за лица од 18 до 65 години, го карактеризира флексибилност во поглед на траењето и начините на плаќање, а се согласно потребите на осигуреникот.

Корисници на кредит или лица кои сакаат да уживаат во сигурна иднина на своето семејство или друг корисник на осигурувањето, е вистинската таргет група за која е наменет овој вид на осигурување.

Производот Ризико СМАРТ како и останатите производи од палетата на Триглав Осигурување Живот е со целосно осигурително покритие во случај на смрт од Ковид-19.

За повеќе информации зинтересираните може да се обратат на телефонскиот број 02 5102-201 или на електронската пошта [email protected]

(ПР текст)

Економијата во фокусот на средбите на премиерот Зоран Заев, кој заедно со вицепремиерот за економски прашања, Фатмир Битиќи, одржаа работен состанок со менаџментот на берзата на Атина, „Атхекс груп“, која го поддржува работењето на грчкиот пазар на капитал, информираат владините служби.

На средбата се дискутираше за предизвиците и можностите за развој на заеднички проекти од регионално значење. Премиерот Заев нагласи дека заеднички вложувања и инвестиции се од особена важност за економскиот просперитет.

На средбата беше истакнато дека пазарот на капитал е важен дел од економското функционирање на земјите и улогата и функцијата што ги имаат за раст и развој на економијата и компаниите се исклучително важни.

Премиерот Заев и вицепремиерот Битиќи истакнаа дека државата гарантира и обезбедува пазарни, слободни и транспарентни услови и односи во економијата со еднакви можности, пазарни услови и правила за компаниите.

На средбата беше истакнато дека влезот во НАТО дополнително ја подобрува сигурноста и предвидливоста за нови инвестициски вложувања.

Атинската берза има традиција на постоење од 1876 година, тргуваат големи и средни компании кои имаат потенцијал за раст.

Владата предводена од СДСМ продолжува со помош и поддршка за домашната економија, истакна портпаролката на СДСМ Богданка Кузеска.

Таа потсети дека се објавени седум јавни повици за финансиска поддршка за угостителскиот и туристичкиот сектор, како дел од Шестиот пакет економски мерки.

Јавните повици, потенцира Кузеска, се однесуваат на туристичките агенции, туристичките водичи, естрадните уметници, компаниите организатори на настани, игротеките, приватните детски одморалишта, кабареа, ноќните и диско клубови и рестораните за свадби.

Дообјасни дека со првите два повици се опфаќаат естрадни уметници и туристички водичи, кои во текот на 2020 година имале просечен месечен нето приход понизок од 15.000 денари, а финансиската поддршка ќе биде во нето износ од 30.750 денари по лице.

„Понатаму, за компании – оператори од индустријата за организација на настани, агенции кои организираат настани, за регистрирани игротеки и приватни детски одморалишта, за лиценцирани вршители на угостителска дејност кабаре, ноќен бар, дискоклуб и дискоклуб на отворен простор, за регистрирани и категоризирани ресторани за свадби и за лиценцирани туристички агенции, основа за пресметка на поддршката ќе се земаат просечните месечни приходи остварени во 2019 година, а висината на поддршката ќе изнесува 30% од просечниот месечен приход. Дополнително, секој регистриран активен субјект ќе добие финансиска поддршка во износ од 15.200 денари по вработен, според бројот на ефективни работни часови, со пресек на 31.12.2020 година“, истакна портпаролката на СДСМ.

Според неа, шестиот пакет на мерки е во вредност од 17,8 милиони евра а со него ќе се поддржат 10.000 компании и над 60.000 граѓани.