Контакт

Економија

Битиќи и генералниот директор на ТАВ Македонија ја доделија последната група договори за општински проекти

Објавено пред

Заменик-претседателот на Владата задолжен за економски прашања, координација на економските ресори и инвестиции, Фатмир Битиќи и генералниот директор на ТАВ Македонија, Метин Батак, на свечен настан кој се одржа во Клубот на органите на државната управа, ги доделија договорите од третата група на проекти за реализација на инфраструктурни проекти во општините и на двата аеродрома во Скопје и Охрид. На настанот присуствуваше и првиот заменик на претседателот на Владата и министер за политички систем и односи помеѓу заедниците, Артан Груби, и директорот на акционеското друштво за изградба и стопанисување со станбен простор и со деловен простор од значење за Републиката, Кристијан Трајковски.

Вицепремиерот Битиќи, зборувајќи на настанот, рече дека во третата и последна група на договори се содржани 35 инфраструктурни проекти во 32 општини, како и проект за подобрување на условите на терминалите на двата аеродроми со кои оперира ТАВ, во вкупна вредност од 22,3 милиони евра. Тој потсети дека преку трипартитната соработка помеѓу Владата, ТАВ и општините, во рамките на оваа програма, ќе се рализираат вкупно 94 инфраструктурни проекти, во вкупна вредност од 49,7 милиони евра, кои во наредниот период ќе се реализираат во целата земја.

„Како никогаш досега, во исто време, во целата земја, во сите плански региони, во речиси сите општини, ќе започнат да се реализираат 94 проекти кои се директно насочени кон потребите на граѓаните. Тоа се реални проекти, за секојдневни, реални потреби за граѓаните. Во целата земја ќе се спроведуваат инфраструктурни проекти, за нашите населени места да  бидат подобро поврзани, за секој еден да има квалитетно и континуирано водоснабдување, ќе го зголемиме квалитетот на комуналните услуги и ќе обезбедиме повисоко ниво на заштита на животната средина, ќе се работи и на училишни згради, болници, домови на култура, младински центри, домови за стари лица, спортски сали и игралишта, партерно уредување на градските и општинските средини, уредување на речни корита, со една реченица: граѓаните ќе добијат поквалитетен живот во местата во кои живеат“, нагласи Битиќи.

Осврнувајќи се на третата група на договори, кои беа доделени на настанот, вицепремиерот посочи дека дека најбројни се проектите од комуналната инфраструктура, вкупно 14, по што следуваат 10 проекти за улици и патишта, 7 проекти се однесуваат за водоснабдување, два проекта за реновирање на домови и еден основен проект за изградба на мост.

„Граѓаните имаат потреба од квалитетна комунална инфраструктура, тоа е предизвик кој го прифативме и кој како Влада, со сериозен пристап и ангажираност, се нафативме да го надминеме. Во таа насока во оваа трета група ќе се реализира основен проект за линиска инфраструктурна градба за изградба на канализациски линии во Вевчани. Ќе започне изградба на примарна и секундарна канализација во селото Орман во Ѓорче Петров, ќе се гради фекална канализација во село Лешани со пречистителна станица во с. Грко Поле во општина Дебрца, нова фекална канализациона мрежа ќе добијат граѓаните во населбата Јака во Илинден, а ќе се гради колектор за селата Жилче и Шемшово во Јегуновце. Ќе се реализира и проект за фекална канализација за дел од селото Конче во истоимената општина, нова канализациска мрежа со пречистителна станица ќе добијат жителите на село Обршани во Кривогаштани, во село Пеширово во општина Свети Николе ќе се гради фекална канализација, како и во село Уларци во општината Чешиново Облешево, додека во општините Брвеница, Врапчиште, Студеничани, Центар Жупа и Чучер Сандево ќе се работи на комуналната инфраструктура“, ги претстави проектите од комуналната инфраструктура вицепремиерот.

Тој презентираше дека во однос на проектите кои се однесуваат на изградба и рехабилитација на локални патишта и улици, граѓаните на с. Кочилари во општина Градско ќе добијат нова улица и ќе се реконструира локалниот пат во с. Отишан во близина на Дебар. Нова улица ќе има и во село Сопотница во општина Демир Хисар, а во општина Долнени ќе се работи на градба на локалниот пат Костинци-Долгаец-Маргари. Во општина Кавадарци ќе се реконструира локалниот пат до село Дреново, а реконструкција ќе се прави и на локалниот пат во село Конопница, во Крива Паланка. Во општина Пласница ќе се реализираат три патни инфраструктурни проекти: реконструкција на улица и краци во Лисичани, изградба и реконструкција на улицата Јурија и нејзините краци и изградба и реконструкција на 9 други улици во општината. И во Радовиш ќе се работи на патната инфраструктура, конкретно на локалниот пат Радовиш – пристап до градскиот водовод.

Битиќи се осврна и за останатите проекти кои се однесуваат на водоснабдување, реконструкција на домови, основен проект за нов мост во Битола и за проектите за подобрување на условите на аеродромите во Скопје и Охрид.

„Во оваа група има и седум проекти за водоснабдување, и тоа во Василево, каде што ќе се гради систем за водоснабдување за селата Дукатино и Трибичино, во Кочани ќе се врши изградба на дел од потисен цевковод до пумпна станица Грдовски орман.Во општина Лозово ќе се работи на примарната водоводна мрежа во селото Каратманово, во општина Маврово-Ростуше за водоснабдување на селото Скудриње, а во Македонски Брод за водоснабдување на викенд-населбата Здуње. Основен проект за водоснабдување на манастирскиот комплекс Трескавец во Прилеп и водоснабдување на селото Дренак во општина Пробиштип се уште два проекта од овој вид. Имаме и проекти со кои ќе се влијае на подобрување на социјалното поврзување и грижата за постарите генераци. Во општина Гевгелија ќе се работи на реконструкција на домот во селото Прдејци, а во општина Ранковце со проектот е предвидена реадаптација на два објекти во клубови за пензионери. Во општина Битола започнуваме со основен проект за изградба на мост на реката Драгор, а секако треба да споменеме дека и ТАВ Македонија ќе реализира проекти со кои ќе ги подобри условите на терминалите на аеродромите во Скопје и Охрид“, соопшти вицепремиерот.

Завршувајќи го своето излагање, Битиќи потенцираше дека ваков обем на проекти, кои се за вистински потреби на граѓаните и кои се изведуваат во ист момент, досега не се случиле.

Економија

(Видео) Битиќи во посета на Крушево: Инвестираме во авантуристички туризам

Објавено пред

Вицепремиерот задолжен за економски прашања, Фатмир Битиќи, заедно со градоначалникот на Крушево, Томе Христоски, извршија увид на завршните активности поврзани со потпроектот „Кругот на адреналинот – развој на авантуристичкиот туризам во Крушево“, кој се имплементира во рамките на Проектот за локална и регионална конкурентност, кој е ко-финансиран од Европската Унија и Владата, со техничка помош од канцеларијата на Светска Банка во нашата земја.

За време на посетата на Крушево, вицепремиерот и градоначалникот Христоски реализираа обиколка на реновираната спортска сала, вештачкиот карпест ѕид за искачување и на дел од обележените велосипедски патеки.

Христоски и директорката на Проектот за локална и регионална конкурентност, Антонија Шишак информираа и за останатите активности извршени во рамките на потпроектот како што се новите сувенирници на локацијата Гумење и за опремувањето и спроведената обука на спасувачката служба.

Вицепремиерот Битиќи истакна дека оние посетители кои сакаат подобро да се запознаат со природата на Крушево, сега ќе можат да го истражуваат овој крај многу полесно, со новите обележани велосипедски и пешачки патеки, каде се поставени и информативни табли и знаци кои ќе им помогнат на посетителите полесно да се ориентираат во околината.

„Имаме навистина голем туристички потенцијал кој треба само да се поддржи. Крушево со својата историја и уникатност е навистина интересна дестинација, која сега благодарение на овој проект добива нови интересни содржини. Вкупниот буџет за потпроектот изнесува 45.939.080,00 денари, од кои 39.737.304,00 денари се обезбедени од Европската Унија и Владата, а 6.201.776,00 денари беа инвестирани од страна на Општина Крушево. Ова е еден од 57-те проекти низ целата држава, кои имаат за цел да го зголемат учеството на туризмот во локалниот економски развој”, изјави Битиќи.

За време на обиколката, во разговор со вицепремиерот, градоначалникот на Крушево укажа на тоа дека љубителите на адреналинот веќе го препознаваат Крушево како врвна дестинација за туризам, поради погодната клима и атрактивните предели кои отвораат многу можности за уникатни приказни и авантури.

Со новата инвестиција од Проектот за локална и регионална конкурентност, опциите за адреналински туризам дополнително се зголемуваат, а од Општината сметаат дека тоа ќе придонесе и кон привлекување на повеќе туристи во овој регион.

„Овој проект, кој општината го реализираше во соработка со Владата, преку проектната единица на Проектот за локална и регионална конкурентност, а со поддршка од Европската Унија, овозможи Крушево да добие мултифункционална спортска сала, која беше оставена на забот на времето, која ќе може да се користи за повеќе спортови и за повеќе намени, со комплетен систем на греење и ладење и други пропратни содржини. Во рамките на проектот поставени се и сувенирници на локацијата Гумење, каде општината изгради и пешачки патеки. Обележени се и велосипедски патеки со вкупна должина од 42 километри, кои ќе придонесат за дополнително привлекување на спортски екипи кои се занимаваат со планински велосипедизам“, подвлече градоначалникот Христоски.

Прикажи повеќе...

Економија

(Видео) Ковачевски: Го оживеавме проектот Топлификација на Битола, изградбата почнува во октомври

Објавено пред

После 40 години постоење на РЕК Битола и децениско размислување за реализирање топлификација, ние, од проект оставен во фиока и тргнат на страна, за само две години стигнавме до потпишување договор и подготовка за изградба на топловодот од РЕК Битола до градот Битола, изјави Васко Ковачевски, генерален директор на АД ЕСМ.

Како што нагласи тој, топлификацијата се гради со кредит од германската KFW банка во вредност од околу 40 милиони евра, а компанија дополнително ќе инвестира 7 милиони евра сопствени средства.

„За разлика од сите претходни најави за изградба на топлификацијата од РЕК до Битола, овојпат има неколку суштински причини заради кои ја уверувам јавноста дека овој проект ќе се реализира.

Јавниот повик за претквалификација беше распишан во октомври 2019 година, јавниот повик за комплетни понуди за првата фаза беше распишан годинава, а договорот со избраниот изведувач беше потпишан пред 10 дена. KFW Банката, консултантот IC consulenten и нашиот тим од Секторот развој и инвестиции вложија максимални напори во 20 месеци да спроведат успешна постапка и да имаме договорен орган. Тоа е конзорциумот RBA Termo JV, составен од три реномирани фирми: АД Гранит, Рапид билд и бугарската фирма Атом енерго ремонт, коj ги исполни сите критериуми на KFW банката како кредитор и на нашата компанија како инвеститор, односно нарачател.

Изведувачот има рок од две години за изведување на првата фаза од проектот за која е потпишан договорот, а тоа е ископ за трасирање на топловодот и поставување на топловодните цевки од РЕК Битола до градот Битола, како и секундарна мрежа во градот. Веќе следниот месец, започнуваат активностите на терен, по што ќе биде поставена потстаница која ќе го поврзе РЕК Битола со цевките, а потоа и потстаница на влезот на Битола која ќе го поврзува топловодот со разгранетата мрежа низ градот.

Планот е на топлификацијата, на почетокот да се приклучат 35 општински и државни институции во Битола кои ќе искористат една третина од капацитетот на системот. Со другите две третини ќе се задоволат потребите на големите станбени и деловни згради и на индивидуалните куќи во Битола, Новаци и Могила.

Топловодот дополнително ќе даде можност и за загревање на земјоделски оранжерии, со што ќе обезбеди поддршка на развојот на земјоделството во пелагонискиот регион.

Сакам да потенцирам дека овој проект за Топлификација што го реализираме, АД ЕСМ го направи економски исплатлив, што не беше случај претходно. Имено, со предвидената изградба на когенеративна гасна електрана во РЕК Битола за производство на електрична и топлинска енергија, инвестицијата во топловодната мрежа станува економски оправдана во иднина. Претходно беше нејасно што ќе биде со топловодната мрежа кога РЕК Битола ќе го замени јагленот со еколошки прифатливи ресурси за производство на струја.

Кога сме кај екологијата, еколошките придобивки од Топлификацијата се исклучително значајни, односно со воведување на ваков вид на греење во голема мера ќе се исфрли од употреба загревањето на горива кои загадуваат, како во институциите така и во домовите. На тој начин, создаваме долгорочно и одржливо решение за намалување на загадувањето во Битола и околината”, истакна Ковачевски во своето обраќање.

Прикажи повеќе...

Економија

Бесими: Реформските мерки ќе бидат насочени кон зелена и дигитална транзиција, подобрување на деловното опкружување и намалување на неформалната економија

Објавено пред

Министерот за финансии, Фатмир Бесими, заедно со вицепремиерот за економски прашања, Фатмир Битиќи, министерката за образование и наука, Мила Царовска, министерот за транспорт и врски, Благој Бочварски, министерката за труд и социјална политика, Јагода Шахпаска, министерот за животна средина и просторно планирање, Насер Нуредини, заменик-министерот за земјоделство, шумарство и водостопанство, Трајан Димковски, и членовите на меѓуресорската работна група за подготовка на програмата на економски реформи 2022 – 2024, го одржаа вториот состанок во рамките на процесот на подготовка на програмата.

На состанокот имаше дискусија за предлог-реформските мерки што ќе бидат вклучени во програмата за 2022 – 2024, а ќе бидат насочени кон зелена транзиција, дигитална трансформација, подобрување на деловното опкружување и намалување на неформалната економија, како и унапредување на човечкиот капитал.

Предложените мерки, кои ќе бидат дел од ПЕР 2022 – 2024 година, произлегуваат од препораките што се дел од усвоените заклучоци на годинашниот дијалог за економски политики одржан во јули 2021 година со претставниците на земјите членки на ЕУ, Западен Балкан и Турција, како и оценката на ЕК за програмата на економски реформи 2021 – 2023.

Се дадоа препораки за подобрување на првиот нацрт-текст на предлог реформските мерки. Тие во наредниот период ќе бидат разгледувани во рамките на советодавната мисија на ЕК и дадени на консултации со јавноста.

Ова е континуиран процес што се спроведува заедно со ЕУ и претставува подготовка за учество во процесот на економски и фискален надзор на државите членки на ЕУ со цел спроведување на клучните реформски процеси во земјата, кои ќе го интензивираат дијалогот со ЕУ.

Програмата на економски реформи ја прикажува усогласеноста на среднорочната макроекономска и фискална рамка со секторските структурни реформи за промовирање на конкурентноста и растот. Целокупниот процес на подготовка на документот го координира Министерството за финансии со учество на релевантните државни институции. Програмата треба да биде доставена до ЕК најдоцна до 31 јануари 2022 година.

Прикажи повеќе...

Најново

Македонија8 часа

41 починато лице, регистрирани 539 нови случаи на Ковид-19

Министерството за здравство информира, дека во последните 24 часа се направени 5.589 тестирање, а регистрирани се 539 нови случаи на...

Топ10 часа

Осумдневен притвор за пет лица од вчерашните протести во Тетово

Судијата на претходна постапка при Основниот суд Тетово им определил осумдневен притвор на петмината приведени по вчерашните протести во Тетово....

Свет10 часа

Експертите во САД против трета доза на вакцина за севкупната популација

Советодавниот одбор на Американската администрација за храна и лекови (ФДА) денеска го отфрли планот да понуди дополнителна, трета доза на...

Македонија11 час

Османи формира работна група за укинување на визите со САД

Министерот за надворешни работи Бујар Османи, на неговиот Фејсбук профил информира дека формирал работна група во рамки на Министерството за...

Македонија11 час

Шилегов: Се урива првата од трите галии во Вардар

Градоначалникот на Скопје Петре Шилегов денес на својот Фејсбук профил објави фотографии од демонтирањето на галијата која е поставена во...

Свет15 часа

Американски милијардер случајно признал убиство, му се заканува доживотен затвор

Американскиот милијардер Роберт Дурст вчера беше прогласен за виновен пред судот во Лос Анџелес за убиство на неговата најдобра пријателка...

Топ17 часа

Жител на Сарај уапсен поради кражба на графички картички и струја за „копање“ на биткоини

Во скопското село Љубин, вчера околу 19.30 часот, единицата за интервентна полиција при СВР Скопје го уапсила 39-годишниот Е.А. Како...

Свет19 часа

Американската војска призна: Во нашиот напад со дрон во Кабул загинаа 10 цивили

Американската војска во петокот потврди дека нејзиниот последен напад во Кабул кон крајот на август, во кој загинаа десет цивили,...

Македонија1 ден

Заев: Со Бугарија ќе бараме европско решение за двојна победа

Актуелниот момент поврзан со членството на Северна Македонија во ЕУ и состојбите во регионот беа главна тема на средбата на...

Македонија1 ден

Почина двегодишно дете со Ковид-19 кое имало претходни здравствени проблеми

Од Министерството за здравство информираат дека во денешната статистика за Ковид-19 на Институтот за јавно здравје ќе биде заведено и...

Македонија2 дена

Од следниот месец сертификатот за вакцинација ќе важи само со две дози

Од следниот месец сертификатот за вакцинација ќе важи само со две дози, најави министерот за здравство, Венко Филипче. Тоа значи...

Македонија2 дена

„Избери живот, гласај зелено!“ – ДУИ го откри слоганот за локалните избори

„Избери живот, гласај зелено!“ е слоганот со кој Демократската унија за интеграција ќе настапи на претстојните локални избори, кои ќе...

Македонија2 дена

Русковска барала вештачење на телефонот со кој бил фотографиран Рашковски

Шефицата на обвинителството за организиран криминал и корупција, Вилма Русковска, стапила во контакт со сопственикот на порталот каде што беше...

Македонија2 дена

Обвинителството почна да ја разгледува документацијата за модуларната болница во Тетово

Основното јавно обвинителство за гонење организиран криминал и корупција пред два дена ја добило документацијата за модуларната болница во Тетово...

Македонија2 дена

Маричиќ: Власта не се меша во истрагата за пожарот во Тетово

Власта воопшто не се меша во истрагата за пожарот во модуларната болница во Тетово. Да сакаше да се меша, немаше...

Македонија2 дена

(Видео) Мисајловски: Одбивањето оставки од Владата за трагичниот случај во Тетово значи дека немаат морал

Потпретседателот на ВМРО-ДПМНЕ, Владо Мисајловски, на денешната прес-конференција во врска со трагедијата во Тетово и прашањето за оставки во Владата...

Македонија2 дена

Бугарија ѝ донира на Македонија 50.000 вакцини од „Фајзер“

Синоќа, во 21 часот пристигнаа вкупно 51.480 „Фајзер-Бионтек“ вакцини како донација од Бугарија. „Вчера, Северна Македонија доби донација од повеќе...

Регион2 дена

Словенија воведе задолжителна вакцинација за вработените во јавната администрација

Сите вработени во јавната администрација во Словенија, кои не прележале коронавирус и кои не се вакцинирани, задолжително ќе мора да...

Свет2 дена

И Холандија воведе сертификат за вакцинација за влез во ресторани, кафулиња, музеи…

Во Холандија од 25 септември за влез во кафулињата, рестораните, музеите, театрите и на културни настани ќе биде потребен сертификат...

Македонија3 дена

Косовскиот премиер не одговори дали ќе ги екстрадираат осудените во случајот „Монструм“

Министрите за правда на Македонија и Косово се во директен редовен контакт и тие соработуваат во однос на прашањето за...

Досие