Контакт

Економија

(Видео) Сугарески: Не е точно дека Владата намерно го поништи тендерот за евтини летови

Објавено пред

Во Македонија има закони и процедури кои мора да се почитуваат до последната точка без исклучок, реагираше министерот за транспорт и врски, Горан Сугаревски, по низата обвинувања од ВМРО-ДПМНЕ.

dobivaj vesti na viber

„Јавниот повик со точно утврдени критериуми и услови беше објавен на 28 јуни, со рок на достава на барањето до 27 јули годинава. До крајниот рок истиот ден беше доставено само едно барање за финансиска поддршка, комисијата формирана од Министерството за транспорт и врски, веднаш пристапиле кон разгледување на барањето, а во самата постапка, комисијата утврдила дека доставено барање не е доставено согласно со точка 2 точка 1 од документацијата за барање, односно на трите запечатени внатрешни пликоа не е наведен полниот назив и адреса на авиопревозникот, што е еден од условите пропишани во документацијата за барање“, вели Сугаревски.

Тој на денешната прес-конференција додаде дека како резултат на извештајот од комисијата, министерството донело одлука да го поништи јавниот повик. Сугаревски посочува дека не е точно дека Владата намерно го поништила јавниот повик за доделувањето финансиска поддршка за евтини летови. Министерот додаде дека комисијата постапила согласно со сите законски прописи.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

Владата: Раст на плати и пензии, поддршка за најранливите, унапредени здравствени услуги

Објавено пред

Во рамки на конференцијата организирана од страна на Владата „Година на нови можности“ беше и панел сесијата „Социјални и здравствени политики во време на криза“ на која се дебатираше за ефектите од антикризните мерки, воведувањето на новите методологии за раст на минимална и просечна плата, новата методологија за раст на пензиите, како и за здравствените политики во изминатава и следнава година.

dobivaj vesti na viber

Министерот за здравство, Беким Сали зборуваше за дигитализацијата и колку таа може да придонесе за унапредување на здравствениот систем, со посебен фокус и на реформите во примарната здравствена заштита, кои се меѓу врвните приоритети на Министерството за здравство изминатиот период, а воедно се инкорпорирани во Стратегијата на министерството за периодот 2021-2030 година.

„Во завршна фаза на пуштање во употреба е мобилната апликација и порталот за пациенти „Мое здравје“. Преку порталот и мобилната апликација секој граѓанин ќе има можност за увид во своите податоци од националниот систем „Мој термин“. Пристапот ќе биде единствениот профил од порталот за Е-услуги. Меѓу позначајните инвестиции реализирани минатата година, сакам да го истакнам и зајакнувањето со нова апаратура за дијагностика, како што е набавката на најсовремени апарати за дијагностика за 14 јавни здравствени установи, за кои инсталацијата е во тек, обезбедени се во соработка со Светска банка, вкупната вредност на оваа инвестиција изнесува 13.6 милиони евра. Со поддршка на СЗО, почна и амбициозен процес за реформа на системот за примарна здравствена заштита, со цел да се модернизира и да се внесе во дигиталната ера, да се интегрираат услугите со други области на здравствениот систем и да го преориентира пристапот да се фокусира на опслужување на заедниците и пациентите место на лекување на болести“, истакна Сали.

Министерката за труд и социјална политика, Јованка Тренчевска се осврна на антикризните мерки наменети за најранливите категории на граѓани, новата методологија за раст на минималната плата и пензиите, како и за социјалните услуги и сервиси кои се во насока на подобрување на квалитетот на живот на граѓаните.

„Го донесовме Законот за минимална плата. Со дефинирањето на минималната плата на висина од 18.000 денари, имаме двојно зголемување од 2016 година. Со новото усогласување во месец март, очекувањата се дека таа ќе биде повисока за околу 2.000 денари и ќе продолжи да расте. Во месец март очекуваме и ново зголемување на пензиите. За една календарска година, растот на пензиите ќе биде околу 16%. Ja зголемивме висината на посебниот додаток за 15% за сите три подвидови на корисници, а со усогласувањето на правата од социјална и детска заштита со трошоците за живот, корисниците на правата со исплата за месец јануари ќе добијат за 14.2 % повисоки права. Социјалните услуги ги спуштивме на локално ниво. Преку Проектот за подобрување на социјалните услуги подржан од Светска банка, досега се доделени грантови за 34 проекти кои се спроведуваат во 41 општина. Обезбедивме и нивна одржливост со склучување на управни договори и финансирање од министерството. Отворени се центри за згрижување на жртви од семејно насилство во сите плански региони“, истакна Тренчевска.

Масимилијано Паолучи, директорот на Светка банка во Република Северна Македонија, зборуваше за постигнатите резултати во проектите поддржани од Светска банка во социјалната, детска и здравствена заштита.

Постојаната координаторка на ОН во Република Северна Македонија, Росана Дуџиак, зборуваше за важноста на инклузијата во општеството и развивање на деинституционализацијата како процес, како и воспоставувањето на Меѓународната класификација на функционалноста.

Советничката на претседателот на Владата на Република Северна Македонија за здравство, Ана Данева Маркова, зборуваше за механизмите на Владата за да го забрза пристапот до нови лекови и за мајчиното и здравјето на новороденчињата и здравствена заштита во Северна Македонија.

„Во последните неколку години Министерството за здравство направи голем напредок со цел да овозможи пристап до нови лекови за сите пациенти на кои им е потребна. За одредени видови болести како што се ретките болести, МЗ има развиено годишни програми каде врз основа на податоците за бројот на пациенти и потребите за лекување, буџетот се издвојува специјално за лекување. Многу е научено за предизвиците за подобрување на здравјето на мајките и новороденчињата во Северна Македонија со објавувањето на Мастер планот за пренатална нега за 2020-2030 година за подобрување на здравјето на мајката и новороденчето. Обезбедувањето подобро собирање и анализа на податоци ќе ја стави Северна Македонија во подобра позиција да ги открие празнините и тесните грла во обезбедената здравствена заштита и да ги реши за да го забрза националниот напредок во подобрувањето на здравјето на жените и децата“, потенцираше Данева Маркова.

Претседателката на Сојузот на здруженија на пензионери, Станка Трајкова се осврна на новата методологија со која пензиите ќе се усогласуваат два пати во годината, вклученоста на пензионерите со пензии до 14.000 денари во антикризните мерки, како и помошта од 3.000 денари, која измината 2022 година ја добија сите 330.000 пензионери.

„Сојузот на здруженија на пензионери продолжува да се залага за своите членови, но и сите пензионери. Носење на нова позитивна листа на лекови, функционирање на теренски лекар, подвижна аптека, покачување на границата до која пензионерите ќе бидат ослободени од партиципација за болничко лекување, се прашањата на кои заедно со релевантните институции ќе работиме во периодот кој доаѓа. Сојузот беше вклучен во носењето на новата методологија што е потврда дека Владата има слух за потребите на пензионерите“ , рече Трајкова.

Прикажи повеќе...

Економија

Бочварски: Вложуваме во инфраструктурата за европска перспектива и за подобра иднина на државата

Објавено пред

Секој вложен денар во инфраструктурата е влог за подобра иднина на државата и подобри услови за живот на граѓаните, истакна министерот за транспорт и врски, Благој Бочварски, на панел дискусијата посветена на капиталните проекти како и развој на културата и образованието во услови на криза, во рамки на годишната конференција на Владата „Година на нови можности“.

dobivaj vesti na viber

Во своето обраќање Бочварски се осврна на рекордната реализација на капитални инвестиции во 2022 година со посебен фокус на патната и железничката инфраструктура.

“Преку 1 милијарда евра инвестираме за инфраструктурата. Го започнавме најголемиот проект за изградба на железничкиот коридор 8 кон Бугарија вреден преку половина милијарда евра. Во само една година завршивме со изградба на два експресни патишта од Штип до Кочани и од Штип до Радовиш, инвестиција од преку 100 милиони евра. Дополнително реконструиравме преку триесетина регионални патни правци. Даваме максимална поддршка на општините преку реконструкција на локалните патишта, околу 130 улици и патишта опфативме со рехабилитација само минатата година. Помагаме и во делот на изградба на водоводи и канализации. Ја продолживме мерката за воведување на нови авиолинии. Северна Македонија е веќе на главните европски рути“ рече Бочварски.

Тој потенцираше дека оваа година Министерството за транспорт и врски има огромен предизвик во отпочнување на изградбата на преку 140 километри автопати на Коридорите 8 и 10-Д.

„Очекуваме оваа година да започнеме со изградба на автопатските делници Требениште – Струга – Ќафаса, Букојчани – Гостивар, Тетово – Гостивар на Коридор 8, како и Прилеп – Битола на Коридорот 10-Д. Ова бара сериозна посветеност и максимално ќе се заложиме во реализација на овој проект. Исто така оваа година очекувам да го завршиме и автопатот Кичево – Охрид, како и автопатот Скопје – Блаце, прва фаза, а да го распишеме и јавниот повик за изградба и на втората фаза кон Блаце. Во делот на железницата, силно продолжуваме со изградба на првата и втората фаза од пругата кон Бугарија, а планираме да го распишеме и јавниот повик за финалната трета фаза. Многу брзо очекуваме да избереме авиокомпании кои ќе понудат нови дестинации за нашите граѓани“, истакна тој.

На панел дискусијата покрај Бочварски свои обраќања имаа и министерот за животна средина и просторно планирање, Насер Нуредини, министерот за образование Јетон Шаќири, министерката за култура Бисера Костадиновска- Стојчевска, директорот на ЈП за државни патишта Ејуп Рустеми и деканот на Градежниот факултет, професор д-р Горан Марковски.

Прикажи повеќе...

Економија

Ковачевски: Стратешки го зголемуваме домашното производство на храна и струја

Објавено пред

„За прв пат од независноста на државата, донесовме низа на системски и стратегиски одлуки и решенија, со коишто, конкретно се насочивме кон стратешко и одржливо домашно производство на храна и стратешко домашно производство на енергија, тргнувајќи од природните потенцијали на нашата земја: плодна земја, сонце, ветар и вода.

dobivaj vesti na viber

Со овие стратешки политики, овозможуваме, на долг рок, предвидливост во развојот на економијата и независност на државата кога станува збор за достапноста до храна и енергија“ порача премиерот Ковачевски, во обраќањето на годишната конференција „Година на нови можности“.

Регулаторната комисија за енергетика, минатата година издаде 267 дозволи за производство на зелена електрична енергија.

Овие инвестиции имаат значителен придонес во енергетската трансформација и независност“, рече Ковачевски.

Посочи и на системскиот пристап што го постави Владата во обезведувањето храна.

„За прв пат од независноста на државата, оваа Влада се посвети и на приоритетите во земјоделството, за да осигуриме домашно производство на храна. За таа цел донесовме Национален план за производство на храна, со којшто ги поттикнуваме земјоделците да ја употребуваат секоја педа обработливо земјиште. Ова се покажа како вистинска одлука, затоа што веќе имаме зголемени површини за производство на пченица од 15.000 хектари.

Заедно со земјоделците креиравме и нов модел за субвенционирање, со којшто, меѓу другото, ги насочуваме земјоделците кои култури да ги произведуваат, според потребите во државата.

А во 2022 година, успеавме комплетно да ги расчистиме сите заостанати обврски кон земјоделците, со што, за прв пат, оваа 2023 година државата ја започнува без заостанати обврски кон земјоделците“, соопшти Ковачевски.

Тој укажа дека паралелно со стратешкиот пристап во земјоделството и во енергетиката, Владата презема и конкретни краткорочни мерки, за да ги заштити граѓаните и компаниите од енормните поскапувања на храна и на струја, предизвикани од светската економско-енергетска криза.

„Во рамки на заложбите за заштита на животниот стандард на граѓаните, Владата донесе и одлука за ограничување на маржата на основните прехранбени производи, за да се ограничи растот на цените на храната.

Како поддршка во енергетската криза, од април ја субвенционираме пазарната цена на струјата и тоа со 80 проценти од реалната цена, за сите домаќинства. Да не беше ова субвенционирање, граѓаните би плаќале пет пати повисоки сметки за струја.

Мерката се однесува и за 72.000 микро, мали и средни компании кои вработуваат 98% од работниците во државата и кои се наоѓаат на регулираниот пазар, каде работат најголемиот дел од вработените во државата.

Донесовме и одлука според којашто и основните и средни јавни училишта, компаниите од прехранбената индустрија и јавните претпријатија од областа на водостопанството можат да склучат договор со ЕСМ- Продажба и да имаат поевтина струја.

За прв пат во 70 години ги активиравме сите расположливи национални енергетски капацитети за домашно производство на струја. Дополнително, граѓаните и стопанството можат по поволни услови и многу брзо и ефикасно да постават фотоволтаици.

Никој не очекуваше дека во најкритичниот месец јануари наместо да увезуваме, ќе извезуваме електрична енергија“, порача Ковачевски.

Прикажи повеќе...

Најново

Европа1 час

Кина со порака до Вашингтон: Уште една посета може скапо да ве чини

Кина одговори на извештаите за планот на претседателот на Претставничкиот дом на САД, Кевин Мекарти, да го посети Тајван оваа...

Топ2 часа

Британци преку компјутерска измама оштетиле фирма за над 425 илјади евра

Полицијата поднесе кривична пријава против Ј.Т.С.(21) од Велика Британија, правно лице од Велика Британија и A.A.A.(44) од Велика Британија, поради...

Македонија5 часа

Арсовска сменета од претседателската функција во ЗЕЛС, на нејзино место назначен Орце Ѓорѓиевски

Скопската градоначалничка Данела Арсовска е разрешена од претседателската функција во Заедницата на единиците на локалната самоуправа (ЗЕЛС). Одлуката е донесена...

Македонија5 часа

(Видео) Зеќири не беше донесен на судење; Судијката: Повикана е брзата помош, а во зависност од проблемите, ќе биде однесен во болница

Полицијата не можела да го спроведе Мухамед Зеќири од куќен притвор бидејќи кога службениците дошле да го земат, тој ги...

Македонија6 часа

(Видео) Владата: ЕУ е стратешки приоритет, реформските процеси ќе се интензивираат

Европската Унија е стратешки приоритет на Владата. Владеењето на правото ќе остане во фокусот на институциите за брз напредок во...

Македонија6 часа

(Видео) Ковачевски: Отворени се нови можности за економијата и за членството во ЕУ, повикувам на обединување и паметни одлуки

Претседателот на Владата на Република Северна Македонија, Димитар Ковачевски, се обрати на годишната конференција „Година на нови можности“, што се...

Регион7 часа

Милановиќ: Ја провоцираат Русија од 2014 да почне војна, па ние и Србите не се мразевме толку

Хрватскиот претседател Зоран Милановиќ денеска ја коментира ситуацијата во Украина нагласувајќи дека Русија со години била провоцирана. Тој рече дека...

Македонија7 часа

(Видео) Јаневска: Доцни исплатата на стипендиите, а на студентите не им се исплатени ни парите за студентски оброк

„Учениците и студентите останаа без поддршка од државата. Доцни исплатата на ученичките и студентските стипендии. Наместо државата да ги мотивира,...

Регион9 часа

„Демостат“: Србија во ЕУ до 2030 година ако го прифати европскиот план за косовското прашање

Јасната перспектива за членство на Србија во Европската Унија, инвестициите во енергетскиот сектор и ослободувањето од зависноста од Русија во...

Европа9 часа

Ги чувале децата во вински подрум во Австрија, соседите се посомневале, реагира полицијата

Шест британски деца се спасени во Австрија кога беа откриени дека живеат во напуштен вински подрум со своите родители. Полицијата...

Македонија10 часа

Бугарскиот министер за внатрешни работи доаѓа во Скопје на средба со министерот Спасовски

Вицепремиерот за јавен ред и безбедност и министер за внатрешни работи на Бугарија, Иван Демерџиев, со придружна делегација, денеска, ќе...

Европа10 часа

Путин на Џонсон му се заканил со ракетен напад: Ќе трае само една минута

Борис Џонсон, поранешниот премиер на Велика Британија, откри дека Владимир Путин, претседателот на Русија, му се заканувал со ракетен напад...

Македонија10 часа

Османи во Брисел на средби во НАТО и ЕУ

Претседавачот со ОБСЕ, министерот Османи, денес и утре е во работна посета на Брисел, каде што ќе оствари средби со...

Македонија21 час

Милков: Најважен чекор за заштита на правата на Бугарите во Македонија е вклучувањето во Уставот

„Сакаме во Северна Македонија да бидат заштитени правата на Бугарите. Ние се стремиме кон таква деескалација, која ќе доведе до...

Спорт1 ден

(Видео) Ѓоковиќ во солзи ја прослави победата, плачеа и фановите

Новак Ѓоковиќ е шампион на Австралија Опен и повторно прв на АТП листата. Српскиот тенисер ја освои Австралија една година...

Македонија1 ден

(Видео) ВМРО-ДПМНЕ бара од власта да ги преиспита тврдењата дека странски држави се вмешани во провокациите кон Македонија

Државата сериозно да ги преиспита наводите кои и самиот Пендаровски ги кажа дека здруженија, фондации, поединци и агентурни мрежи од...

Македонија1 ден

Полицијата упадна во над 200 локали и казина, приведени се лица за дрога и оружје

Синоќа по полноќ до 4 часот утринава, полицицијата спроведе акциска контрола во угостителски објекти на 272 локации. Во контролата беа...

Свет1 ден

По терористичките напади Израел размислува да им дозволи на цивилите да носат оружје

Кабинетот за безбедност на Израел одобри мерки со кои на Израелците ќе им се овозможи носењето оружје по двата одделни...

Свет1 ден

(Видео) Дронови нападнаа воена база во Иран

Со беспилотни летала извршен е напад врз воена фабрика во градот Исфахан во Иран, соопшти официјален Техеран. „Експлозијата се случи...

Македонија1 ден

Ќучук: Надворешни фактори не сакаат да бидеме во добри односи со Северна Македонија

Има надворешни фактори кои не сакаат Бугарија и Северна Македонија да бидат во добри односи. Тоа се сите оние луѓе...