Контакт

Економија

(Видео) Трипуновски: Неодговорната власт чекаше една недела од влезот на заразеното месо во државата за да земе мостри од истото

Објавено пред

Неодговорното однесување на власта го доведува во прашање здравјето на граѓаните и безбедноста на сточниот фонд во Република Македонија, обвини Цветан Трипуновски, член на ИК на ВМРО-ДПМНЕ. Според него, две недели поминаа откако во државата е утврдено присуство на болеста Африканска свинска чума во увезено свинско месо, а граѓаните, како што рече, сè уште не знаат дали е преземено сè што е потребно за да се превенира ширење на ова заразно заболување.

„Неодговорната власт предводена од СДСМ, и АХВ раководена од Зоран Атанасов, кадар на Зоран Заев, нестручно и крајно несериозно чекале една недела од влезот на заразеното месо во државата за да земат мостри од истото.

Дали заразеното месо дошло во контакт со други пратки кои биле во складиштето!? Колку уште случаи на африканска свинска чума ќе излезат во јавност како последица на неодговорноста на власта!?

Зоран Заев и Зоран Атанасов мора да дадат одговори до каде е истрагата за потеклото на увезеното месо и дали се преземени сите неопходни мерки за да се спречи ширењето на вирусот на африканска чума кај свињите во Македонија?

Власта мора да одговори дали за да овозможи нечии милионски бизниси го доведува здравјето на граѓаните и безбедноста на сточниот фонд во опасност!?

Неодговорниот однос при пристапот со африканската свинска чума во период кога истата беснее на секаде во регионот и е потенцијална опасност за влез и ширење на болеста во Република Македонија, со што директно се загрозува свињарството и производството на домашно свинско месо е недопустлив.

Зоран Заев и Зоран Атанасов се на чекор да направат 100 милиони евра штета врз домашното стопанство. Апелирам во овие неколку месеци кои им остануваат како власт да не прават непромислени чекори. Земјоделството не може да издржи уште една катастрофа“, истакна Трипуновски.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

Пендаровски со стопанските комори на Северна Македонија и Србија

Објавено пред

Претседателот Стево Пендаровски, кој е во официјална посета на Србија, денеска во Белград присуствуваше на средбата на стопанските комори од двете земји. На средбата се разговараше за продлабочување на надворешнотрговската размена, при што беше оценето дека постои голем потенцијал за интензивирање на соработката за полесен пристап до трети пазари.

Пендаровски истакна дека од големо значење е зајакнувањето на регионалната соработка за зголемување на економскиот развој, намалување на невработеноста, подобрување на социјалната благосостојба на граѓаните, како и зголемувањето на трговската размена и инвестициите. Воспоставувањето заедничко гранично управување на Табановце/Прешево, како што рече претседателот Пендаровски, е одличен прв чекор за олеснување на протокот на стоки за компаниите, а со унапредување на неговото работење ќе се забрза протокот на стоки.

Во однос на новата иницијатива за идно слободно движење на стоки и услуги, но и работна сила, како и меѓусебно признавање на професионалните квалификации, претседателот истакна дека основна цел на оваа иницијатива треба да биде зголемување на регионалната соработка и понатамошна интеграција на државите во Европската Унија преку имплементација на европските правила и стандарди на регионално ниво. Тој изрази надеж дека сите западнобалкански држави ќе ѝ се приклучат на оваа иницијатива.

На средбата меѓу коморите се разговараше и за мерките што може да се преземат за понатамошно олеснување на условите за бизнисот во смисла на укинувањето на тарифните бариери, сведување на царинските мерки на минимум во регионот, елиминирање на сите барања на податоци што не се во согласност со меѓународните препораки и договори, како и на намалување на трошоците за нивно обезбедување и усогласување на работното време на органите во двете земји кои се надлежни за спроведување на увозно-извозните постапки.

Во таа насока, на средбата помеѓу стопанските комори на Северна Македонија и Србија беше констатирано дека има простор за интензивирање на соработката меѓу стопанските комори од двете земји со цел да се придонесе кон остварување на овие цели.

Претходно, претседателот на Стопанската комора на Македонија, Бранко Азески, беше дел од делегацијата што го придружуваше претседателот Пендаровски на средбата со српската премиерка Брнабиќ.

Прикажи повеќе...

Економија

ЕСМ: Нема зголемување на цената на струјата која ќе му ја продаваме на универзалниот снабдувач

Објавено пред

АД Електрани на Северна Македонија е избрана за најдобар понудувач на електрична енергија од страна на универзалниот снабдувач ЕВН Хоум.

По одржаната аукција избрана е понудата на АД ЕСМ за 1.408.525 мегават часови електрична енергија по цена од 34.5 евра за мегават час, за периодот од 01.01.2020 до 30.06.2020 и 60 мегавати базна моќност по цена од 34.5 евра за мегават час, за периодот од 01.01.2020 до 30.06.2020.

АД ЕСМ ја задржа истата цена како и во изминатиот период.

„Понудената цена беше утврдена од страна на Управниот одбор на АД ЕСМ, за што беше известена Владата како сопственик, која го задолжи ЕСМ на аукцијата да ја понуди утврдената цена. Сакаме уште еднаш да нагласиме дека за нашата електрична енергија понудивме цена којашто ќе овозможи цената која граѓаните ја плаќаат на крајот да биде прифатлива и непроменета за нив, а без финансиски последици за АД ЕСМ. Компанијата и оваа година, како и претходната, остварува значајна добивка“, соопштија од ЕСМ.

Прикажи повеќе...

Економија

(Видео) Додаток на платата од 3.000 денари за младите до 23 години

Објавено пред

„Младинскиот додаток во висина од 3.000 денари месечно ќе им се исплаќа на млади вработени лица до 23 години со завршено најмалку средно образование во дејностите на производството за да го зајакнеме нивниот стандард и да ја стимулираме атрактивноста на стручните занимања за кои на пазарот на трудот во нашата земја постои нагласен интерес“, истакна претседателот на Владата, Зоран Заев, кој со министерката за труд и социјална политика, Мила Царовска, и со директорката на Агенцијата за вработување на Северна Македонија, Билјана Јовановска, во компанијата „Римес“ ја промовираа оваа мерка.

До придобивките од оваа значајна мерка за младите е усвоена на 164-та седница на Владата и до младинскиот додаток ќе имаат пристап младите кои се вработени со задолжително социјално осигурување кај работодавач или се самовработени во компании со претежна производствена дејност; младите коишто се вработени преку приватна агенција за вработување на работа кај работодавач со претежна производствена дејност, како и младите индивидуални земјоделци со задолжително социјално осигурување.

„Оваа мерка за поддршка на стандардот на младите, вклучително со поддршката за субвенционирање на придонесите во компаниите што ќе им зголемат платите на младите до 23 години до 6.000 денари, значително го јакне стандардот на нашите млади граѓани. Сите овие мерки, вклучувајќи ги и мерките за стимулирање на интересот за дуално, односно стручно образование, зголемениот фонд на Оперативните мерки за вработување кои вклучуваат тренинзи и оспособување на младите за профили кои се барани на пазарот, во огромна мерка им отвора шанси за вработување на нашите млади сограѓани“, нагласи премиерот Заев во изјавата за медиумите на промоцијата и додаде дека освен како придонес за повисок животен стандард на младите, со оваа мерка им се излегува во пресрет и на потребите на работодавачите со соодветно квалификувана работна сила, која тие ја бараат меѓу стручно образованите млади луѓе.

Со воведувањето на младинскиот додаток Владата продолжува посветено да работи на подобрување на условите за живот на сите лица во Северна Македонија, вклучувајќи ги и младите лица, рече министерката за труд и социјална политика, Мила Царовска.

„Ако младинскиот додаток даде позитивни резултати, во иднина ќе работиме на развој и на други вакви креативни мерки со коишто ќе го стимулираме вработувањето на младите лица. Од разговорот со домаќините во оваа производствена компанија 10% од вкупниот број вработени се млади луѓе и тоа е добро”, рече Царовска.

Директорката на Агенцијата за вработување, Билјана Јовановска, соопшти дека младинскиот додаток ќе се доделува преку Агенцијата за вработување со едноставна постапка за апликација за мерката.

„Ги повикувам младите вработени до 23 години во производство во Агенцијата да поднесат барање и трансакциска сметка за да може да го остварат ова право. Ова важи и за новите вработувања во производствената дејност. Во целиот овој процес АВРМ ќе соработува директно со младите вработени и нема да има посредување со компаниите”, рече Јовановска.

Прикажи повеќе...

Најново

Интервју/Дебата1 час

(Видео) Дескоскa: Не само имот, ќе се испитуваат и влијанија врз судиите од адвокати и лоби-групи

Министерката за правда во интервју за „Макфакс“ рече дека со идејата за проверката во правосудството нема да биде опфатено само...

Македонија2 часа

Триесет дена притвор за дадилката што тепаше дете во игротека

Основниот кривичен суд Скопје донесе решение со кое се прифаќа барањето на Јавното обвинителство за мерка притвор од 30 дена...

Регион3 часа

Вучиќ: Му реков на Заев дека нема да има преговори

Српскиот претседател, Александар Вучиќ, на прес-конференцијата со македонскиот претседател Стево Пендаровски, кој денеска беше во прва официјална посета на Белград,...

Македонија3 часа

Во Германија уапсен Јетон Љужа, третообвинетиот за убиството на Саздо

Во Хамбург вчера германската полиција го уапсила Јетон Љужа, третообвинет за убиството на 20-годишниот Никола Саздовски – Саздо во Автокоманда...

Македонија5 часа

(Видео) Бучковски: Ги победивме Михајло, Филимена, судиите и обвинителите кои решија на наш грб да прават кариера

Во завршниот збор на експремиерот Владо Бучковски за предметот „Тенковски делови”, рече дека воделе 4:0 и победата била на дофат,...

Македонија5 часа

Пендаровски од Белград: Иницијативата мал шенген не е алтернатива за ЕУ

Освен независноста на Косово, Македонија и Србија немаат други отворени билатерални прашања, рече денес српскиот претседател Александар Вучиќ по пленарната...

Регион6 часа

Брегу: Повеќе од пет милиони граѓани од Западен Балкан заминаа во ЕУ во последните седум години

Генералниот секретар на Советот за регионална соработка, Мајлинда Брегу, изјави дека повеќе од пет милиони граѓани од Западен Балкан емигрирале...

Македонија7 часа

Пендаровски: Односите меѓу Северна Македонија и Србија се одлични и без спорни точки

Односите меѓу Северна Македонија и Србија се одлични и без спорни точки, изјави претседателот Стево Пендаровски, по средбата со неговиот...

Регион9 часа

Откриен идентитетот на Србинот во шпионската афера

На видеото со рускиот воен разузнавач е потполковникот во српската војска З.К., а безбедносните служби проверуваат дали тој за пари...

Регион9 часа

Во БиХ годишно умираат 5.000 луѓе поради загадување на воздухот

Во Босна и Херцеговина, особено во Сараево, Тузла, Зеница и Бања Лука, годишно умираат 5.000 луѓе поради загадување на воздухот,...

Свет11 час

Милијардерот Блумберг влегува во трка за претседател на САД

Милијардерот Мајкл Блумберг, кој е поранeшен градоначалник на Њујорк, направи уште едeн чекор кон официјалната кандидатура за претседател на САД....

Свет11 час

Нетанјаху: Обвинението за корупција и земање мито е обид за пуч

Израелскиот премиер Бенјамин Нетанјаху го отфрли обвинението за корупција и го нарече обид за пуч против него. Нетанјаху во јавно...

Македонија12 часа

Почнува бесплатната вакцинација против сезонскиот грип

Бесплатната вакцинација против сезонскиот грип почнува од денеска. Од Министерството за здравство вчера информираа дека оваа сезона се набавени вкупно...

Македонија13 часа

Пендаровски во официјална посета на Србија

Претседателот на Република Северна Македонија, Стево Пендаровски, денеска и утре ќе престојува во официјална посета на Република Србија. Денеска во...

Македонија23 часа

(Видео) Приведена негувателката којашто тепаше дете во игротека во Скопје

Жената којашто претепа дете во игротека, а беше пријавена од сопстеникот на кафулето „Дежаву“, е приведена од страна на полицијата....

Македонија1 ден

МЖСПП: Малите и евтини сензори не даваат сигурни резултати за квалитетот на воздухот

Во врска со сè позачестената појава на набавка и мерења на квалитетот на воздухот со мали и евтини сензори, кои...

Македонија1 ден

Зоран Заев е добитник на меѓународната награда „Иса-бег Исаковиќ“ за 2019 година

Премиерот Зоран Заев е добитник на годинашната меѓународна награда „Иса-бег Исаковиќ“, која ќе му биде врачена на традиционалната церемонија во...

Македонија1 ден

(Видео) Дескоска: Јанева ја носеа на маички, а ја урниса довербата на граѓаните

Министерката за правда, Рената Дескоска, во интервју, кое утре ќе биде објавено на „Макфакс“, рече дека е многу разочарана од...

Македонија1 ден

Државата ќе им плати речиси 10 илјади евра на адвокатите на Груевски во „Траекторија“

Државата ќе исплати судски трошоци 589.680 денари или 9,5 илјади евра за бранителите на експремиерот Никола Груевски на кого му...

Македонија1 ден

(Видео) Мицкоски со нејасен одговор дали го поддржува договорот со Бугарија

Лидерот на ВМРО-ДПМНЕ, Христијан Мицкоски, не даде јасен одговор на новинарско прашање дали го поддржува договорот со Бугарија, по објавеното...

Досие