Контакт

Економија

(Видео) Филиповска-Грашкоска: Kапацитетите на сите инспекторати се подигнати на највисоко ниво, ова е заедничка битка

Објавено пред

Претседателката на Инспекцискиот совет, Магдалена Филиповска-Грашкоска, на денешната редовна прес-конференција информираше за инспекциските надзори направени од страна на шест инспекторати во периодот од 5 до 11 октомври.

Како што објасни таа, надзорите биле во насока на почитувањето на владините уредби и протоколи за превенција од коронавирусот, но и во однос на почитување на материјалните закони.

„Би сакала да потенцирам дека капацитетите на сите инспекторати се подигнати на највисоко ниво, инспекторите на терен вршат засилени контроли, навремено и неселективно се постапува во случај доколку се забележи одредено прекршување на законите и на протоколите“, истакна таа.

Во посочениот период инспекторите од Државниот пазарен инспекторат извршиле 2.881 контрола и 290 надзори.

При тоа поднесени се 23 прекршочни пријави, 19 кривични пријави за непочитување на ковид-протоколите (свадби, дозволен број на маси, дозволено растојание) и изречени се 5 решенија за други прекршоци.

Со оглед на изминатиот „викенд без ДДВ“, претседателката ги презентираше и податоците за контролите на Државниот пазарен инспекторат, кои се однесуваат конкретно на изминатите три дена додека траеше викендот без ДДВ.

„Инспекторите од пазарниот инспекторат вршеа интензивни контроли поради викендот без ДДВ, а во насока на контрола на тоа дали цените на производите воведени во трговските книги на трговците соодветствуваат со истакнатите цени на производите, со цел да се спречат можни манипулации со цените на производите. Тука ќе споменам дека за време на викендот без ДДВ инспекторите имаат констатирано 15 прекршоци на Законите за трговија и за заштита на потрошувачите“, посочи Филиповска-Грашкоска.

Претседателката на Инспекцискиот совет нагласи и дека Државниот здравствен и санитарен инспекторат изминатата недела извршил 126 надзори по однос на здравствените протоколи и по претставки.

„Во периодот од 5 октомври заклучно со 11 октомври овој инспекторат издаде 3.929 решенија за изолација и домашно лекување на лица позитивни на Ковид-19 и лица кои биле во контакт со заболени“, рече таа.

Државниот инспекторат за труд за седум дена спровел 409 надзори во правни субјекти на територијата на целата држава, со фокус на почитување на протоколите во насока на заштита на здравјето на вработените.

„При овие надзори, од страна на трудовите инспектори донесени се 17 решенија што се однесуваат на утврдени неправилности од областа на работните односи“, кажа Филиповска-Грашкоска.

Инспекторат за транспорт извршил 48 надзори, при што изречени се 2 кривични пријави за непочитување на здравствениот протокол за меѓународен превоз на патници на граничниот премин Деве Баир, како и 4 прекршочни пријави, 5 решенија и 9 платни налози по основ на прекршување на материјалните закони (Закон за превоз во патен сообраќај, Закон за време на мобилните работници и Законот за превоз на опасни материјали).

Во истиот период Агенцијата за лекови и медицински средства (МАЛМЕД) има спроведено 60 надзори во аптеки по основ почитување на мерките на Владата на РСМ и издавањето на антибиотици, при што не се констатирани прекршувања на законските одредби и отстапувања од протоколите.

Агенцијата за храна и ветеринарство извршила 287 надзори во периодот од 5 до 11 октомври.

При тоа издадени биле 5 решенија, 2 платни налога и 40 едукации за неизвршени здравствени прегледи, неводење записи за хигиена, неспроведување на општи хигиенски мерки.

„Со цел поголемо почитување на здравствените протоколи и спречување на ширењето на коронавирусот, неодамна Владата ги усвои измените на Законот за заштита на население од заразни болести, кои беа на наше барање. Со овие измени сите инспекциски служби добиваат нови, поголеми овластувања за справување со прекршителите на ковид-протоколите. Досега само Државниот здравствен и санитарен инспекторат имаше овластувања да изрекува мерки, а другите инспекциски служби само поднесуваа кривични пријави за непочитување на протоколите согласно Кривичниот законик. Со новите законски измени вакво овластување за изрекување забрана за работа и прекршочен платен налог добиваат и Државниот пазарен инспекторат, Државниот инспекторат за труд, Државниот инспекторат за транспорт и за другите инспекторати на централно и локално ниво“, објасни Филиповска-Грашкоска и додаде дека законските измени се веќе пратени во Собрание, а штом бидат изгласани и објавени во „Службен весник“, инспекторите веднаш ќе почнат да постапуваат според новите овластувања.

Економија

Заев: Комитетот за земјоделство се фокусира на системски мерки за продуктивно и одржливо земјоделско производство

Објавено пред

Денеска се одржа конститутивна седница на Комитетот за земјоделство, безбедност на храна, ветеринарство и фитосанитарна политика, со кој претседава претседателот на Владата на Република Северна Македонија, Зоран Заев.

Премиерот Заев посочи дека ова владино тело е во целосна функција за креирање системски решенија за примена на позитивни европски практики, кои ќе придонесат за предвидлив и поволен деловен амбиент за одржливо и продуктивно земјоделство.

На седницата на Комитетот се отворија повеќе теми од секторот земјоделство за кои беа презентирани идни мерки и активности. Во фокус на дискусијата беше начинот и постапките за продажба на земјоделско земјиште во државна сопственост, што е од исклучителна важност за земјоделците. Купувањето на земјиштето значи можност за нови инвестиции и производство, што ќе влијае на развојот на земјоделството и вкупната економија.

На оваа седница една од точките беше и воспоставување на концептот за развој на земјоделски осигурителен пул, кој согласно со европските практики ќе придонесе за зголемување на процентот на земјоделското осигурување, што е од големо значење во услови кога има штети.

Дополнително, се дискутира за редизајнирање на интегрираниот административен контролен систем (ИАКС) во функција на спроведување ефикасни политики за имплементирање и мониторинг на мерките за директни плаќања и рурален развој.

Од страна на Агенцијата за храна и ветеринарство беше презентирана информација за превенција од евентуални опасности од африканската свинска чума и болеста син јазик, која влијае врз намалување на добиточниот фонд.

На седницата на Комитетот учествуваа и вицепремиерот задолжен за економски прашања, координација на економските ресори и инвестиции, министрите за земјоделство, шумарство и водостопанство, за здравство, за животна средина и просторно планирање, за финансии, за труд и социјална политика, заменик-министерот и државниот секретар во Министерството за земјоделство, шумарство и водостопанство, како и директорите на Агенцијата за финансиска поддршка во земјоделството и руралниот развој, на Агенцијата за храна и ветеринарство, на Агенција за поттикнување на развојот на земјоделството, Државниот инспекторат за земјоделство, Фитосанитарната управа, ЈП „Македонски шуми“, ЈП за стопанисување со пасиштата и на АД „Водостопанство“.

Беше заклучено дека во континуитет ќе се следат светските трендови во земјоделството и во согласност си тоа ќе се креираат соодветни мерки за унапредување на домашното земјоделство.

Прикажи повеќе...

Економија

Намалено производството на вино во светот поради пандемијата

Објавено пред

Глобалното производство на вино ќе остане под петгодишниот просек оваа година поради нискиот обем на производство во Јужна Америка и ограничувањата во Европската Унија поради пандемијата на коронавирусот, објави Меѓународната асоцијација на производителите.

Оттаму, прелиминарно проценуваат дека оваа година во светот треба да се произведуваат помеѓу 253,9 и 262,2 милиона хектолитри (мхл) вино или во просек 258 милиони хектолитри.

Тоа би значело дека производството ќе остане под просекот втора година по ред откако во 2018 година се приближи на рекордно високо ниво, соопшти организацијата со седиште во Париз.

„Ова не е нужно лоша вест за винскиот сектор со оглед на сегашниот контекст, во кој геополитичките тензии, климатските промени и пандемијата на Ковид-19 генерираат висок степен на нестабилност и неизвесност на глобалниот пазар на вино“, соопшти ОИВ.

Во Европската Унија лозовите насади имаат корист од добрите временски услови, но производството останува под просекот бидејќи производителите и владите го ограничуваат производството за да му се спротивстават на негативното влијание на пандемијата.

Така, производителите на шампањ во Франција оваа година се согласија да претворат околу 20 проценти помалку грозје како дел од напорите да закрепнат од колапсот на продажбата предизвикана од корона-кризата.

Прикажи повеќе...

Економија

Менаџерски промени во „Триглав осигурување – живот“ АД Скопје – Вилма Учета-Дузлевска нов генерален директор

Објавено пред

Компанијата „Триглав осигурување – живот“ овие денови доби нов генерален директор и извршен член на одбор на директори. Вилма Учета-Дузлевска ја презеде челната позиција во компанијата по поминати неколку мандати на извршни позиции во областа на осигурувањето.

Учета-Дузлевска е добитник на годинешната награда Business Elite’s 40 under 40 како една од најуспешните млади бизнис-лидери во Југоисточна Европа.

Компанијата „Триглав осигурување – живот“ АД Скопје како дел од Групацијата Триглав, која е воедно најголемата осигурително-финансиска групација во регионот – „Адрија“, на македонскиот осигурителен пазар постои од 2017 година.

(ПР-текст)

Прикажи повеќе...

Најново

Македонија4 часа

Маските стануваат задолжителни на отворено, Собранието ги изгласа законските измени

Собранието вечерва со 53 гласови за, 26 воздржани и ниту еден глас против ги изгласа измените во Законот за заштита...

Македонија4 часа

Славјанка Петровска позитивна на коронавирус, качила температура додека била на седница во Собранието

Актуелната пратеничка во Собранието од СДСМ и поранешна дополнителна заменичка на министерот за внатрешни работи во техничката влада Славјанка Петровска...

Македонија4 часа

Во Скопје рекорден број новозаразени, Аеродром надмина 700 активни случаи

Во Скопје во изминатите 24 часа се регистрирани рекордни 422 нови случаи на Ковид-19, а во тој период починале тројца...

Македонија6 часа

Рекордни 870 нови случаи на коронавирус во Македонија, починаа 14 лица

Во последните 24 часа во Македонија 14 лица починаа од коронавирус, а потврдени се 870 нови случаи од  2.647 тестирања,...

Свет7 часа

Германија воведе строги мерки: рестораните, кината и баровите ќе бидат затворени 4 недели

Германската канцеларка Ангела Меркел изјави денеска дека германските власти се согласиле на четиринеделен делумен карантин. Во овој временски период затворени...

Македонија9 часа

ВМРО-ДПМНЕ утре на протести поради загадениот воздух

ВМРО-ДПМНЕ повика утре на протести поради загадениот воздух. Протестите ќе се одржат во Скопје, Битола, Струмица, Тетово и Куманово. Протестот во...

Македонија10 часа

МОН го повлече учебникот по македонски јазик за петто одделение

Министерството за образование и наука го повлече учебникот по македонски јазик за петто одделение поради несоодветна и дискриминирачка содржина. „Во...

Македонија11 час

Пауновски: Нови вработувања ќе има в година, дотогаш ќе се снаоѓаме

Државниот пазарен инспекторат добил од Владата ветување дека в година ќе им бидат одобрени бараните 20 нови вработувања. Директорот на...

Македонија11 час

Поради контакт со Спасовски, само едно лице е во изолација

Државниот санитарен и здравствен инспекторат издал само едно решение за изолација на лице што било во контакт со министерот за...

Македонија11 час

Пожарникарите протестираа пред канцеларијата на Шилегов

Пожарникарите на мирниот протест пред канцеларијата на градоначалникот на Скопје, Петре Шилегов, порачаа дека не се откажуваат од своето барање...

Македонија12 часа

Поранешениот шеф на кабинетот на Мијалков, Тони Јакимовски, осуден на шест години затвор

Поранешениот шеф на кабинетот на ексдиректорот во УБК, Сашо Мијалков, Тони Јакимовски, е осуден на шестгодишна затворска казна во случајот...

Македонија12 часа

„Изброј до 15 пред да ја заколеш жена ти“ – совет во учебник по македонски за шесто одделение

„Изброј до 15 пред да ја заколеш жена ти“ – ова е совет во учебник по македонски за шесто одделение....

Македонија13 часа

Советот за безбедност ќе одржи седница за состојбата со коронавирусот

Во Кабинетот на претседателот Стево Пендаровски во „Вила Водно“, утре, 29 октомври, со почеток во 11 часот, ќе се одржи...

Свет13 часа

Куба ја регистрира својата втора вакцина против коронавирусот

Куба официјално регистрира втора вакцина против Ковид-19, а испитувањата се очекува да почнат набргу, објави „Агенсија Кубана де нотисијас“ (АКН)....

Македонија15 часа

Мицкоски: Бремените жени да се ослободат од работа поради загадувањето и пандемијата

Поради високата загаденост на воздухот, паралелно со пандемијата на Ковид-19, апелирам бремените жени да се ослободат од работа, и во...

Свет15 часа

(Видео) Меланија Трамп: Медиумите од мојот сопруг направија личност што не је препознавам

Првата дама на САД, Меланија Трамп, вчера одржа говор на предизборен митинг во Пенсилванија – тоа беше нејзино прво соло...

Македонија17 часа

Митко Јанчев повикува на протест за смена на Мицкоски

Митко Јанчев повикува на протест за смена на лидерот на ВМРО-ДПМНЕ, Христијан Мицкоски.   Поранешниот потпретседател на ВМРО-ДПМНЕ и актуелен...

Свет17 часа

Блумберг донира уште 15 милиони долари за кампања на Бајден

Американскиот милијардер Мајкл Блумберг донира дополнителни 15 милиони долари за претседателската кампања на демократскиот претседателски кандидат Џо Бајден во Охајо...

Свет17 часа

Од коронавирус во светот заразени повеќе од 44.155.000 лица

Повеќе од 44.155.000 лица се заразени од коронавирус во светот, според најновите статистички податоци што ги одржува специјализираната страница worldometers.info....

Свет17 часа

Русија ја поднесе својата вакцина во СЗО за забрзана регистрација

Русија поднесе барање до Светската здравствена организација (СЗО) за забрзана за регистрација и претквалификација на својата прва вакцина против новиот...

Досие