Економија
(Видео) Царовска во Конче: Многу места во земјата имаат туристички потенцијал, затоа инвестираме во локален развој

Увид во градежните работи на потпроектот за подобрување на пристапноста и атрактивноста на сончевата езерска населба Мантово и околината, денеска направија вицепремиерката за економски прашања Мила Царовска, министерот за локална самоуправа, Горан Милевски, и заменик-министерот за локална самоуправа, Дејан Павлески, кои во придружба на градоначалникот Благој Илиев ја посетија општината Конче.
Сончевата езерска населба Мантово е потпроект, кој е во завршна фаза и е во вредност од 295 илјади евра, а е дел од Проектот за локална и регионална конкурентност. Тој се спроведува со финансиски средства на Владата и Европската Унија и во соработка со канцеларијата на Светската банка.
По извршениот увид во градежните работи, вицепремиерката за економски прашања посочи дека се реализираат инвестиции со кои се поттикнува локалниот економски развој и со кои се овозможува развој на сите региони и општини во земјата. Таа додаде дека природните убавини се вистински предизвик за туристите, при што нагласи дека земјава има голем број мали места со голем туристички потенцијал, кои треба да се промовираат и да им се понудат и на домашните и на странските гости.
„Во оваа ситуација во која се наоѓаме како држава, а во која се наоѓа и целиот свет, кога сме насочени да работиме во посебни услови поради здравствената криза, ќе можеме годинава да се свртиме кон домашните атрактивни туристички места и на тој начин да им дадеме значење. Сметам дека патот што е направен и уредувањето на просторот преку финаниската поддршка обезбедена со проектот даваат поинаква и поубава слика за оваа туристичка локација и ќе придонесе кон привлекување поголем број домашни и странски туристи“, потенцира Царовска.
Министерот за локална самоуправа, Горан Милевски, нагласи дека овој проект е продолжение на активностите што беа почнати од Министерството за локална самоуправа, а кои се дел од прекугранична соработка, преку ИПА-програмата со Бугарија и Грција.
Заменик-министерот за локална самоуправа, Дејан Павлески, напомена дека во изминатите три години преку државниот буџет и со финансиски средства од странските донатори за локален и регионален развој се инвестирани над 100 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Mint Visa не е само картичка, тоа е „да“ кога другите ти велат „подоцна“

Во свет каде што сè е итно, а парите секогаш „на пат“, Mint Visa е тука – веднаш.
Со неа не чекаш зелено светло. Го стартуваш сам.
🔓 Од 3.000 до 300.000 денари – достапни кога ќе ти затребаат.
📲 Цел процес дигитален, преку One ID. Без шалтери. Без нервоза.
🧾 Без непотребни документи. Со јасни услови.
Со Mint Visa, не прашуваш дали можеш – знаеш дека можеш.
• Купуваш онлајн без нервоза.
• Резервираш патување без дилема.
• Плаќаш било каде – без објаснувања.
Во Mint Credit не глумиме магија.
Ние сме тука да направиме парите да работат за тебе – не обратно.
Mint Visa е нашиот најнов начин да ти кажеме:
Животот не треба да се одложува. Ни твоите планови.
Аплицирај денес. Јави се на 📞 15 107, или директно преку платформата на Mint Credit.
ПР
Економија
Исплатени 177.533.000 денари кон 1.636 лица за предадени јагне и јаре

Денеска се исплатија 177.533.000 денари кон 1.636 лица, соопшти Министерството за земјоделство, шумарство и водостопанство за развојот на сточарството во Македонија.
Реализирана е исплата на дополнителни директни плаќања од подмерки 2.8 и 2.10 за предадено јагне и/или јаре од Програмата за финансиска поддршка во земјоделството за 2024 година.
Корисници на оваа подмерка се земјоделски стопанства одгледувачи на овци и кози и се корисници од подмерка 2.8 и 2.10 кои имаат предадено јагне и/или јаре во регистриран кланичен капацитет во период од 26 декември 2023 година до 25 декември 2024 година.
Економија
Николоски потпиша договор за грант-средства со Европската банка за обнова во висина од 350 илјaди евра

Вицепремиерот и министер за транспорт, Александар Николоски го потпиша Договорот за грант средства со Европската банка за обнова и развој во висина од 350 илјaди евра наменети за техничка помош за изработка на Национална стратегија за полнење електрични возила и инфраструктура, извести Министерството за транспорт.
„Националната стратегија за полнење на електрични возила и инфраструктура, прва од овој вид во Македонија, ќе овозможи стратешки пристап кон развојот на патната инфраструктура за поддршка на воведувањето на електрични возила во патната мрежа.
Во овој момент во тек е постапката за избор на Консултант (се очекува крај на јули, почеток на август да се избере) кој ќе има задача во две фази да креира:
Подготовка на Стратегија за електрични возила; Акциски план со приоритетни активности и рокови кои треба да бидат одобрени од Владата, преку Министерството за транспорт и Европската банка за обнова и развој.
Покрај Консултанот, во изработката на Статегијата и Акцискиот план ќе бидат вклучени домашни и меѓународни експерти од области на експертиза за електрични возила, енергетската ефикасност, транспортот и екологијата“, се додава во соопштението.