Економија
Дали знаете како да се справите со загадениот воздух и вирусите во вашиот дом?

Загадувањето на воздухот е несомнено еден од најголемите проблеми со кои сите се соочуваме, особено во зимските денови кога нивото на ПМ 2,5 и ПМ 10-честичките е на екстремно високо ниво.
Единствениот начин да се заштитиме себеси и нашето здравје е да обезбедиме поквалитетен воздух за нас и нашите најблиски, со тоа што ќе најдеме начин како да го прочистиме воздухот во домот.
Прочистувачите на воздух на Daikin се дизајнирани да се грижат за вас и да обезбедат чист воздух и здрава средина во вашиот дом. Нивната задача е ефикасно да ги отстранат и уништат хемиските загадувачи и штетните честички кои кружат во воздухот, а можат да го загрозат вашето здравје.
Во деновите кога загадувањето со ПM честички во воздухот е на загрижувачко високо ниво, ние ви ги претставуваме прочистувачите на воздух од програмата на Daikin.
Станува збор за уреди во кој е вградена Flash Streamer технологијата, која ефикасно ги уништува вируси, полен, фунги и останати алергени.
Станува збор за уреди во кој е вградена Flash Streamer технологијата, која ефикасно ги уништува вируси како SARS-CoV-2, полен, фунги и останати алергени.
Истражување што го спроведе Daikin Industries во соработка со професорот Шигеру Киува од катедрата за биомедицински науки на Универзитетот во Токио и група истражувачи предводени од проф. Шигеру Морикава од одделот за микробиологија на Универзитетот за науки во Окајама, покажува дека Flash Streamer технологијата на Daikin го уништува и SARS-CoV-2 вирусот до 99.97% по 3 часа озрачување на вирусот.
Flash Streamer технологијата е она што ги прави прочистувачите на воздух на Daikin толку ефикасни. Во споредба со стандардното плазма-празнење, опсегот на Flash Streamer на Daikin е поголем, што им олеснува на електроните да се судираат со кислородот и азотот од воздухот, а сето тоа е значително брзо и совршено безбедно за вас и вашето семејство.
Прочистувачите за воздух на Daikin имаат моќ ефикасно да ги елиминираат честичките од прав, чад, првутот, ситните влакна од миленици и спорите од мувла. Шест слојниот моќен систем за разградување го редуцира чадот од цигари, непријатните мирси и органски хемикалии, кои се штетни за вашиот дом и животната средина и можат да го иритираат вашиот респираторен систем.
Електростатскиот HEPA филтер ги отстранува респираторните надразнувачи и загадувачи, бактерии и вируси, кои се причина за појава на голем број заболувања. Предноста на овој филтер е тоа што се менува еднаш на 10 години, за разлика од HEPA филтрите со активен јаглен кои се препорачува да се заменат по една година користење.
Прочистувачите за воздух на Daikin се одличен избор за луѓе кои страдаат од астма и алергии, а докажано можат да ги ублажат симптомите на отежнато дишење и хроничен бронхитис, правејќи го воздухот чист, свеж и здрав.
Дополнително, четири литарскиот резервоар во моделот Ururu со функција за навлажнување е направена со цел да ви овозможи целосна контрола врз одржување на оптимално ниво на влажност на воздухот во вашиот дом, спречувајќи ги негативните ефекти кои настануваат како последица од сувиот воздух во текот на зимските денови, како што се сувост на кожата, грлото и ноздрите.
Прочистувачите за воздух на Daikin се совршено компакти, лесни за одржување, ефективни и неверојатно тивки при работа, идеални за поставување во ноќен режим.
Daikin преставува синоним за иновативност, квалитет и професионалност. Нашите решенија за прочистување на воздухот се направени со цел да овозможат чист воздух за дишење и да ги оптимизираат нивоата на удобност со цел да ги намалите ризиците по здравјето.
Дознајте повеќе за карактеристиките и спецификациите на прочистувачите на линкот: daikin.mk/procistuvaci.
(ПР текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
НБРМ: Регулаторите ја следат состојбата со финансискиот систем

Финансискиот систем успешно им одговори на минатогодишните предизвици од корона-кризата, регулаторите постојано ги следат состојбите информираат од Народна bанка.
„Финансискиот систем успешно им одговори на минатогодишните предизвици од корона-кризата. Високите регулаторни барања во периодот пред појавата на корона-вирусот и минатогодишните регулаторни мерки придонесоа за натамошното одржување на неговата стабилност, како и за негова подготвеност за натамошни предизвици. Имајќи предвид дека здравствената криза сè уште трае, регулаторите и натаму со особена внимателност ќе ги следат состојбите, приспособувајќи ги своите мерки и пристап заради превентивно делување за натамошно јакнење на финансиската стабилност, а со тоа и на отпорноста на системот на шокови“, додаваат од оваа финансиска институција.
На денешната седница на Комитетот за финансиска стабилност беа презентирани првичните видувања и податоци за остварувањата во минатата година и тековната состојба во одделните сегменти од финансискиот систем во земјата, во условите на корона-кризата. Со седницата претседаваше гувернерката на Народната банка, Анита Ангеловска-Бежоска, а учествуваа и министерот за финансии, Фатмир Бесими, претседателката на Комисијата за хартии од вредност, Нора Алити, претседателот на Советот на експерти на Агенцијата за супервизија на капитално финансирано пензиско осигурување, Максуд Али и претседателот на Советот на експерти на Агенцијата за супервизија на осигурување, Крсте Шајноски.
Осврнувајќи се на движењата во банкарскиот систем во 2020 година, гувернерката Анита Ангеловска-Бежоска уште еднаш посочи дека тој успешно им одговори на минатогодишните предизвици од здравствената криза.
„Банкарскиот систем, во услови на исклучително непредвидлив амбиент, успеа да го одржи кредитниот циклус остварувајќи кредитен раст од 4,7%, којшто беше финансиран од солидниот депозитен раст од близу 6%. Овие остварувања се поддржани од солидната капитална и ликвидносна позиција на системот. Истовремено, квалитетот на кредитното портфолио се подобри, при што учеството на нефункционалните во вкупните кредити на банкарскиот систем е намалено на историски најниското ниво од 3,4%. Сепак, со оглед на тоа дека сѐ уште постои неизвесност од здравствената криза и нејзиното влијание врз реалниот сектор, неопходно е претпазливо однесување и постојано следење на можните неповолни преносни ефекти од реалниот врз банкарскиот сектор преку каналот на кредитен ризик“, истакна гувернерката Ангеловска-Бежоска.
На седницата беше посочена и превентивната мерка за привремено ограничување на распределбата и исплатата на дивидендата на акционерите на банките и штедилниците. Притоа, уште еднаш беше нагласено дека со мерката се делува превентивно за натамошно јакнење на отпорноста на банкарскиот систем и обезбедување солидна кредитна поддршка на граѓаните и компаниите.
Министерот за финансии, Фатмир Бесими, рече дека Министерството за финансии во соработка со Народната банка е на чекор до донесување нов Закон за финансиска стабилност и нов Закон за платежни услуги и платни системи, со којшто ќе се следат најдобрите практики на Европската Унија и којшто e веќе поставен на ЕНЕР. Бесими посочи дека и покрај кризата предизвикана од пандемијата, во 2020 година финансиските друштва и давателите на финансиски лизинг ја зголемија вредноста на финансиските пласмани и добивката.
Економија
Кина ја делат 30 години од статусот индустриска велесила, смета владин советник

Уште најмалку 30 години ја делат Кина од статусот на индустриска суперсила, смета владин советник, предупредувајќи на зависноста на индустријата од странска технологија.
Многу набљудувачи веќе ја перцепираат Кина како светска сила бидејќи го произведува секој трет автомобил и телефон во светот, забележува Би-би-си.
Кинеските лидери, пак, се загрижени за нивната голема зависност од американските технолошки производи, како што се полупроводниците.
„Основните капацитети се сè уште слаби. Клучните технологии се во рацете на другите, а тоа може сериозно да ја погоди Кина“, предупредува Мијао Веј, кој десет години беше министер за индустрија и информатичка технологија, а сега е член на владиниот совет.
Иако Кина произведува значителна количина потрошувачки и индустриски производи, учеството на индустријата во економијата минатата година паднало за близу 25 проценти, што е најниско ниво од 2012 година.
„Уделот на индустријата во БДП падна предвреме и премногу нагло“, рече Мијао во говорот пред членовите на советничкиот комитет.
„Кинеската преработувачка индустрија направи големи работи во последниве години, но сепак е во основа голема, но не и силна, обемна, но не и добра“, додаде тој.
Во петгодишниот план, објавен кон крајот на минатата недела, Кина го зацрта развојот на софистицирани технологии, од чипови до вештачка интелигенција. Целите се надоврзуваат на повеќекратните напори на кабинетот на поранешниот американски претседател Доналд Трамп да го блокира пристапот на Кина до технологијата.
Кинеските компании, како што е „Хуавеј“, не можат да набават клучни електронски делови од САД, потсетува Би-би-си.
Затоа, кинеските лидери го утврдија создавањето на домашни производители како клучен приоритет.
Економија
(Видео) Тасевска: Остануваме посветени на стабилна и силна економија

Остануваме посветени на силна и стабилна економија велат од владејачкиот СДСМ.
Пратеничката Лидија Тасевска потсети дека тече реализацијата на бескаматната кредитна линија со грант компонента ,,Ковид 3”, која се реализира со финансиска поддршка од Европската Унија.
„Според јавно објавените податоци од развојната банка, досега одобрени се вкупно 2.122 кредитни барања во вкупен износ од 24,3 милиони евра. Во овие микро и мали трговски друштва, трговци-поединци и занаетчии вработени се вкупно 16.009 вработени. Според структурата, 1.172 кредитни барања се од мали компании, додека 792 барања се од микро компании. 116 кредитни барања се од трговци-поединци, додека 42 кредитни барања се од занаетчии“, информира Тасевска.
Таа напомена дека ова е конкретна помош за малите и микро компании, за трговците поединци, за занаетчиите кои преку ваквиот механизам добиваат поддршка во зајкнување на ликвидноста и зголемување на својата конкурентност во време на санирање на последиците од коронакризата.
„Бескматаната линија ‘Ковид 3’ продолжува се до исцрпување на расположливиот буџет на мерката кој изнесува 31 милиони евра“, додаде Тасевска.
- Книги3 месеци
Македонски лекар ја објави последната исповед на Јосип Броз Тито
- Македонија3 месеци
(Видео) Отстранети два нелегално изградени објекта во општина Центар
- Македонија3 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Европа2 недели
Планот за отклучување на Германија протече во медиумите, Меркел: Имаме трет бран
- Свет1 месец
Поради примање мито во Кина погубен поранешен државен функционер
- Економија4 недели
Сите брендови на Индитекс доаѓаат во „Ист гејт мол“