Контакт

Економија

Димитар Георгиевски : “Business Elite 30 under 30“ награда за успешен бизнис изграден врз основ на квалитетен и оригинален производ

Објавено пред

„Со гордост можам да кажам дека ‘Доминос пица’ е успешна приказна. Успеавме да постигнеме и да поставиме високи стандарди за квалитетна храна, преку испорачување  пица чијшто квалитет не осцилира низ годините и секогаш е испорачана на највисоко ниво. Покрај стандардизираниот квалитет на храната, ние понудивме и услуга која секогаш е брза и навремена, без притоа да го доведеме во прашање квалитетот на пицата, а и на останатите понудени продукти. Успеавме да отвориме четири локали/ресторани, да вработиме повеќе од 70 лица и сме една од ретките франшизи за ресторани за брза храна во Македонија.“

dobivaj vesti na viber

Пополека изминува 10-та година откако во Скопје почна да работи првиот локал со франшиза на американскиот бренд „Доминос пица“ (Domino’s Pizza).
Во моментов во главниот град има четири ресторани на Доминос, а директорот на компанијата што ја донесе франшизата, Димитар Георгиевски, вели дека во земјава има уште простор за експанзија, особено во туристичките места.

Но, во меѓувреме, Георгиевски има амбиција да освојува доста поголем пазар од македонскиот, оној на соседна Србија, каде што е планирана изградба на првиот објект во 2023 година.

Со него разговаравме околу тоа што значи да се застапува и менаџира франшиза на толку голем меѓународен бренд, кои се најголемите предизвици и какви се плановите за понатамошен раст и развој на бизнисот.

Г. Георгиевски, после деценија работа на „Доминос пица“ во Македонија, што може да кажете како еден сублимат на сè што сте поминале до сега? Кои беа најголемите предизвици сиве овие 10 години?

„Доминос пица“ е еден од најпрепознатливите светски брендови за пица и светски лидер во достава на пици. Се работи за американски синџир на ресторани основан уште во 1960 година, а во моментов брои повеќе од 17.000 ресторани и е распространет низ повеќе од 90 земји во светот.

Во изминативе 10 години во Македонија имавме и успешни и помалку успешни години на работење, предизвици имаше многу, а би ги издвоил целосната затвореност и изолираност поради коронавирусот со сите пропратни проблеми во бизнис-работењето, како и ценовните шокови и поскапувања, особено последниве години. Сепак, и покрај сè, со нашата целосна посветеност кон работата, вложениот труд, иновативноста во преземените чекори за надминување на предизвиците, како и истрајноста низ сите овие години, успеавме да ги надминеме и да имаме стабилен и профитабилен бизнис особено во изминативе три години.

Денес со гордост можам да кажам дека „Доминос пица“ е успешна приказна. Успеавме да постигнеме и да поставиме високи стандарди за квалитетна храна, преку испорачување  пица чијшто квалитет не осцилира низ годините и секогаш е испорачана на највисоко ниво. Покрај стандардизираниот квалитет на храната, ние понудивме и услуга која секогаш е брза и навремена, без притоа да го доведеме во прашање квалитетот на пицата, а и на останатите понудени продукти. Успеавме да отвориме четири локали/ресторани, да вработиме повеќе од 70 лица и сме една од ретките франшизи за ресторани за брза храна во Македонија.

Дополнително, ние сме лесно препознатлив и посакуван бренд кога ќе се спомене пица во нашата земја, а благодарение на нашиот тим „Доминос пица“ – Македонија во 2018 година успева да го освои второто место за квалитет на производ за регионот Европа, Среден Исток и Африка од страна на Доминос групацијата.

Покрај пицата којашто е заштитен знак за „Доминос пица“, ние успеавме да понудиме и мени со широка лепеза на одлични и вкусни продукти како печени пилешки нагети, пилешки крилца, топли сендвичи, салати и голем избор на уникатни десерти.

Годинава ја освоивте наградата Business Elite 30 under 30, што значи оваа награда за вас лично, но и за компанијата што ја водите?

На мое големо изненадување, а воедно и на мое големо задоволство, оваа година ја добив престижната награда „Business Elite 30 under 30“ од меѓународната агенција Bussines Elite Awards. Навистина ми е драго што препознале во мене еден успешен млад претприемач и ми оддале признание при навистина голема конкуренција на млади претприемачи и директори во Југоисточна Европа.

За мене ова претставува големо признание, пред сè за трудот кој го вложив изминативе години, за мојата целосна посветеност на „Доминос пица“ како бизнис-модел, а воедно и признание за постигнатите резултати во сегментот на рестораните за брза храна. Оваа награда претставува и признание дека сум успеал да изградам тим, кој несомнено е еднакво заслужен за постигнатите резултати на „Доминос пица“. Успехот не се постигнува самостојно, успехот може да се постигне само со помош и поддршка од тимот. Затоа би сакал да им се заблагодарам и да им оддадам почит на сите оние кои ми помогнаа да стигнам таму каде што сум денес.

Како млад претприемач пред кој иднината во бизнис-светот претстои, целото ова признание за мене претставува и обврска да продолжам да работам со целосна посветеност како и до сега, а воедно ќе биде и силен мотив за постигнување на уште поголеми успеси.

Оваа награда за мене е само еден почеток на уште многу цели што ги имам поставено.

Ние како држава нудиме навистина квалитетна традиционална домашна храна и пијалаци, како „Доминос пица“ како странски бренд, успева да се носи со конкуренцијата на македонскиот пазар која нуди квалитетна храна по конкурентни цени?

Целосно се согласувам и несомнено е дека Македонија има исклучителна традиција за вкусна и квалитетна домашна храна, како и за одлични пијалаци особено во сегментот на вината.

Но, тука би додал и дека нашиот народ е одличен познавач на тоа што е квалитетна храна и пијалак, без разлика од каде таа потекнува.

Е токму тука, според мене лежи тајната на долгорочниот успех. Да му понудите на нашиот народ квалитетна храна долгорочно и конзистентно во тоа што го нудите како финален продукт. Видете, во овој бизнис сум повеќе од 10 години и можам да забележам дека постојано се појавуваат нови објекти за храна кои во првата година од своето постоење обично нудат исклучително добра храна, но, за жал, тој квалитет се губи со текот на времето низ годините, а со тоа и сопствениците ги губат своите муштерии.

За разлика од таквиот начин на работење „Доминос пица“ години наназад работи по стандардите кои ги наложува поседувањето на нивната франшизата, а тоа пак е гаранција дека нашите клиенти ќе добијат финален продукт секогаш со ист квалитет.

Како е да се работи со меѓународна франшиза, всушност? Што бара брендот од вас конкретно, колку се строги пропозициите, како ја прави контролата на квалитетот?

Франшизата наложува високи стандарди во работењето, тргнувајќи од локациите коишто треба да бидат во согласност со стандардите, нивно уредување, основните средства за работа т.е. машините и опремата коишто треба да ги обезбедите, начинот на изработка на самата пица, креирање и прилагодување на рецептурата, набавката на квалитетни суровини, како и обука на вработените според стандардите на франшизата на „Доминос пица“. Но сето ова, можам да кажам дека ви гарантира исклучителен квалитет на финално понудената храна, а тоа можат да го потврдат и нашите потрошувачи.

Воедно, би сакал да истакнам дека работењето со меѓународна франшиза обезбедува високо ниво на заштита на здравјето на потрошувачите во однос на храната, т.е. франшизата гарантира безбедна храна.

Да поседувате франшиза од „Доминос пица“ во Македонија е навистина голем предизвик, од причина што навистина е тешко кај нас да обезбедите, на пример, висококвалитетни суровини во согласност со стандардите на франшизата, воедно тој квалитет да е континуиран, а и да обезбедите поголема количина,  со цел да не се наруши продажбата на пица од друга страна.

Контролата на квалитетот на нашите продукти се врши интерно од страна на стручни лица, дополнително имаме и редовна надворешна контрола од страна на Domino’s Pizza international која прави проверка на квалитетот еднаш квартално. Имаме и ненајавени контроли, со што сметам дека со сето претходно наведено го доведуваме стандардот за квалитетна пица на највисоко ниво.

Во колкава мера договорот за франшиза ви дозволува да соработувате со локални снабдувачи? Што набавувате во моментов од Македонија, а што мора ексклузивно да купувате од странство?

Договорот за франшиза не ве ограничува со кого ќе соработувате, односно од кого ќе ги набавувате суровините за изработка на пицата, но она што е најважно при соработката со снабдувачите е да ги исполнуваат критериумите кои ги наложува поседувањето на оваа франшиза.

За жал, во Македонија е многу тешко да најдете производител/снабдувач кој ќе успее да ги исполни критериумите кои ги налага франшизата, па поради тоа сме принудени да вршиме набавки од странство.

Поточно, повеќе од 90% од суровините за изработка на пицата во „Доминос пица“ ги увезуваме. На мое големо жалење, колку и да имам желба да ги вклучам домашните производители на моцарела, доматен сос, сувомесни продукти и останати суровини потребни за реализација на мојот бизнис-модел, не би можел да го направам истото од причина што не ги исполнуваат стандардите за квалитет согласно франшизата.

Сепак, тука би ги истакнал производителите на зеленчук кои досега навистина одговараат на нашите потреби придржувајќи се до стандардите и „Доминос пица“ до сега остварува одлична соработка со нив.

Со оглед дека пандемијата го засили онлајн купувањето, дали останаа навиките на потрошувачите и ден денес? Чувствувате ли поголем притисок врз службите за испорака, како се справувате со тие предизвици?

Несомнено е дека пандемијата со корона вирусот го промени светот на многу полиња, особено во начинот на кој живееме, како и во нашите секојдневни навики. Во таа насока е и онлајн купувањето, навиките се останати и ден денес, а ние како бизнис-филозофија целосно бевме подготвени за ваков тип на работа уште пред самата пандемија.

Самиот начин на работење на „Доминос пица“ ја гарантира својата брза подготовка и достава на пици за помалку од 30 минути. Уште пред корона пандемијата, ние работевме со прилично голем обем на онлајн нарачки, речиси секогаш динамично и со притисоци во однос на роковите за достава и сметам дека секогаш бевме на висина на задачата, со самото тоа ние веќе бевме спремни и да се соочиме со ситуации кои ги наложи оваа пандемија. Воедно, тука би сакал да додадам дека бевме први во Македонија кои воведовме бесконтактна достава на нашите продукти, со што покажавме иновативност и подготвеност да одговориме на новонастанатите предизвици.

Какви се плановите за понатамошно ширење на мрежата во земјава, дали можеби разгледувате опција за Доминос во Охрид, Битола и сл.?

Во Скопје веќе имаме четири ресторани на „Доминос пица“, а секако во план ни е и проширување. Ги разгледуваме сите локации каде сметаме дека има потенцијал и се атрактивни за отворање на ресторани од овој тип, а тоа не ги исклучува и гореспоменатите Охрид и Битола. Тоа се наши одлични туристички дестинации, каде покрај нашите сограѓани има и голем број на странци во текот на годината, па ресторан од овој тип би бил добредојден.

Ни откривте и дека во процес сте на ширење на брендот во Србија… Каде ќе биде првиот ресторан, како течат подготовките? Интересно е што досега вообичаено светските брендови во Македонија знаеле да доаѓаат преку Србија, Бугарија и сл., а сега имаме обратен правец. На што се должи ова, како успеавте во тој бизнис-план?

Кога имате успешен бизнис-модел во Македонија, воедно имате јасна визија, сакате да направите нешто поголемо, кога имате направено добро истражување на пазарот и cost-benefit анализа, размислувате и за експанзија на вашиот бизнис надвор од границите на државата. Во мојот случај, барем јас така размислував и ете се случи да почнам процес на проширување на брендот „Доминос пица“ и во Србија.

Подготовките течат со забрзано темпо,  изминативе две години практично сум повеќе во Србија, отколку во Македонија, целосно ангажиран во реализација на овој план. Целосно ни се завршени истражувањето на пазарот и cost-benefit анализата, имаме одобрено сертифицирани добавувачи во согласност со стандардите на франшизата, а во последна фаза сме и со интеграција на софтверот и фискализацијата.

Србија е далеку поголем пазар од Македонија, но исто така мора да се има на ум дека и конкуренцијата е далеку поостра, па ќе биде потребно посебен пристап со цел освојување на тој пазар. Во таа насока, веќе имаме интензивна соработка со консултанти за маркетинг во насока на креирање на маркетинг стратегијата, како и со експерти за човечки ресурси со цел екипирање на тимот. Во 2023 година планираме да започнеме и со изградба на првиот објект „Доминос пица“ кој ќе биде лоциран во главниот град Белград, а во план на целиот проект е отворање на повеќе од 20 локали ширум Србија.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

Rebecca одбележа 4 години во Македонија со промоција на 4 нови колекции накит

Објавено пред

Низ поинакво модно дружење, во друштво на истакнати имиња од модната индустрија, но и бројни претставнички и претставници на бизнис-секторот, Rebecca Macedonia пригодно одбележа 4 години постоење на македонскиот пазар, преку презентација на 4 нови колекции накит од богатото производно портфолио на италијанскиот бренд.

dobivaj vesti na viber

Stockholm Oceana, Tulip Luxury, Brame, и Jolie Fashion се стилски приказни на одржлива мода, луксуз и безвременски гламур.

Новите парчиња на Rebecca накитот, кои наскоро ќе бидат достапни во продажните салони на брендот во Рамстор и Ист Гејт, за целите на промоцијата беа искомбинирани со моќните креации на истакнатите македонски дизајнери: Јована Филиповиќ, Тамара Стерјова, Тања Кокев, Игор Марков и ZERO Brand.

Совршените креации на нашите дизајнери беа комплетирани со беспрекорен мејкап и фризури од страна на познатиот артист за коса и шминка, Даниел Николовски. Ова автентично модно шоу, беше збогатено и со присуството на претставници на компанијата „Индустри Тести“ со седиште во Фиренца, Италија – производител на брендот за накит, Rebecca.

Rebecca накитот на македонскиот пазар е присутен од 2018 година.

 

Каролина и Кики – бренд амбасадори на Rebecca Macedonia од првиот ден

Модел: Кики Мукаетова
Фотографија: Ани и Дими


Модел: Каролина Гочева
Фотографија: Дарко Мораитов

ИНФОРМАЦИИ ЗА НОВИТЕ КОЛЕКЦИИ

Brame – Колекција наменета за вистинските вљубенички во природата, кои се доволно авангардни за храбра помпа!

Средновековeн римски раскош преточен во впечатливи парчиња накит инспирирани од времето на италијанскиот триумф на уметноста, барокот. Во согласност со провокативното безредие на новото време, скапоцените камења ја предаваат палката на новиот рециклиран полимер, кој никогаш претходно не се употребувал во индустријата за моден накит. Имено, пластиката која секојдневно се собира од морињата и океаните, преку иновативен процес на рециклирање се претвора во колоритна смеса чија боја зависи од селекцијата на материјали (се бираат по случајност) и динамиката на изработка. Еднаш добиениот колорит на полимерот можно е да не се повтори. Ваков полимер Rebecca за прв пат го користи во индустријата за моден накит.

BRAME Колекцијата е достапна само во ексклузивните салони на накитот REBECCA!

Stockholm Oceana – моќен и впечатлив накит за нагласена експресија на стилот

Бронза и 24-каратна позлата со кристали и одржлив полимер е можеби вистинската ДНК на брендот Ребека: Моќен, одржлив а сепак впечатлив.
Stockholm Oceana Колекцијата е наменета за дами кои се своевидни стилски икони, со уникатен вкус во модата, нагласена самодоверба, индивидуалност и посебна експресија на стилот!

Tulip Luxury – суптилна емоција врамена во ведри парчиња накит

Лалињата, како симбол на будењето на природата пренесуваат позитивна енергија и најубави вибрации. Tulip Luxury e изработена од разиграни фини синџири од бронза со додаден колорит кој може да го прилагодите на расположението: светкави елементи кои даваат доза на гламур и луксуз и парчиња со природни камења од жад во нови есенски нијанси.

Jolie Fashion – композиција на висока мода и безвременска класика

Колекцијата Jolie е проект кој отвора ново поглавје во историјата на брендот Rebecca. Jolie означува грацилност, софистициранот и безвременскa убавина.

Колекцијата е специјално дизајнирана за дами кои сакаат парче ексклузивен накит, минималистички, ненаметлив, скапоцен но сепак достапен. Парчињата од оваа колекција се изработени од чисто сребро и дијамантски прав достапен во неколку бои.

(ПР)

Прикажи повеќе...

Економија

Ковачевски: Повисоки пензии, повеќе пари за општините и здравството во буџетот за следната година

Објавено пред

Премиерот Димитар Ковачевски и министерот за финансии Фатмир Бесими денеска, на заедничка прес-конференција, го претставија Предлог-буџетот за 2023 година, оценувајќи го како буџет за сигурност, стабилност, кој ќе одговори на кризата и постави основи за понатамошен економски раст.

dobivaj vesti na viber

„Предлог-буџетот за 2023 година е основата за нашата визија за стабилна, економски просперитетна и напредна Република Северна Македонија, идна земја членка на ЕУ. Изминативе 10 месеци вложивме огромни напори и успеавме да ја заштитиме македонската економија и животниот стандард, но сега е време да мислиме за тоа како да одиме напред и како да направиме подобро“, рече премиерот Ковачевски.

Тој додаде дека неговите заложби како премиер и на Владата е да обезбедат сигурност, подобра иднина и просперитет за сите граѓани во ова држава, да се стремат кон европските услови и начин на живот затоа што граѓаните заслужуваат да го имаат она што го имаат и граѓаните на ЕУ.

Премиерот Ковачевски посочи дека со буџетот во 2023 година се обезбедуваат 250 милиони евра средства за антикризни мерки, 120 милиони евра повеќе за пензионерите, 57,5 милиони евра повеќе за општините, 63 милиони евра повеќе за здравствени услуги, а она што е главна карактеристика дека се проектирани 800 милиони евра за капитални расходи, за коишто истакна дека ќе се заложи да имаат висока реализација.

Министерот за финансии потенцира дека ова е првиот буџет подготвен согласно новиот Закон за буџети, како и дека се менува неговата структура со поголемо учество на капиталните инвестиции во буџетот.

„Ова е развоен буџет, со оглед на тоа дека капиталните инвестиции се повисоки од буџетскиот дефицит“, посочи министерот Бесими и истакна дека средствата од буџетот се насочуваат онаму каде даваат најголем ефект за остварување на економски цели за забрзан раст и развој. „Тоа ќе се контролира со воведените индикатори и политики за мерење на резултатите од нивната примена“, рече министерот за финансии.

Министерот посочи и дека во предлогот се намалуваат непродуктивните трошења, како за дневници за службени патувања, за возила и слично, согласно Планот за фискална одржливост, а во насока на фискалната консолидација.

„Се намалуваат непродуктивните трошења, како ставките за дневници за службени патувања, за возила и други непродуктивни трошоци. Предвиден е раст од 5 % за плати каде е вклучен ефектот од зголемувањето на минималната плата, а кај стоките и услугите е предвиден раст од 2 % за зголемените трошоци за електрична енергија и енергенси зарад порастот на цената“, рече Бесими.

Ова е прва прес-конференција од низата планирани со поединечните министерствата во правец на транспарентно претставување на буџетите. Тие имаат за цел подетално во јавноста да информираат за одделните ставки и проекти во буџетот согласно заложбите за фискална транспарентност и отчетност на Владата.

Прикажи повеќе...

Економија

ЕСМ: Го зголемивме производството за 26 проценти во споредба со лани

Објавено пред

Го зголемивме производството на електрична енергија за 26 проценти за единаесетте месеци годинава во споредба со истиот период лани, велат од ЕСМ.

dobivaj vesti na viber

Од јануари до ноември годинава АД ЕСМ со термоелектраните РЕК Битола, РЕК Осломеј, ТЕЦ Неготино, гасната електрана Енергетика, хидроелктраните и системи Маврово, Тиквеш, Црн Дрим и Треска, и Ветерниот парк Богданци произвела 3.673.994 MWh електрична енергија што претставува зголемување за 26 проценти споредено со истиот период минатата година, кога беа произведени 2.922.342 MWh.

„Термоелектраните имаат натфрлање на производството од 29%, додека кај хидроелектраните е успеано да се одржи помало производство од планираното, се со цел водата во акумулациите да се заштеди за следниот период, и електричната енергија да се обезбеди преку другите капацитети. АД ЕСМ има законска обврска во 2022г да го снабдува регулираниот пазар со 60%, но, по задолжение од Владата, го снабдува во 100% и по значително пониска цена, се со цел да не дојде дo драстично зголемување на крајната цена која ја плаќаат граѓаните. АД ЕСМ со своето производство целосно ги задоволува потребите на регулираниот пазар, односно домаќинствата и малите потрошувачи“, велат од ЕСМ.

Се додава дека набавките на електрична енергија коишто ги прави ЕСМ Продажба, се наменети за дополнителните снабдувања кои се вршат по задолженија добиени од Владата, според кои со дел од преостанатата произведена електрична енергија, а дел набавена, се снабдуваат по пониска цена количините за техничките загуби на енергија во мрежата на Електродистрибуција и во мрежата на МЕПСО, за да не дојде до покачување на крајната цена на струјата за граѓаните.

По одлука на Владата, со субвенционирана енергија, односно со значително пониски цени, се снабдуваат прехранбената индустрија, училиштата и водостопанствата. По препораки од Владата, ЕСМ Продажба по берзански цени, но со пониска маржа снабдува и одреден број витални објекти, како болници, клиники, детски градинки, министерства и други субјекти од значење за државата.

Прикажи повеќе...

Најново

Економија9 часа

Ковачевски: Повисоки пензии, повеќе пари за општините и здравството во буџетот за следната година

Премиерот Димитар Ковачевски и министерот за финансии Фатмир Бесими денеска, на заедничка прес-конференција, го претставија Предлог-буџетот за 2023 година, оценувајќи...

Македонија11 часа

МВР: Немало закани кон полицајци во Арачиново, случајот е целосно расчистен

МВР тврди дека никој не им се заканувал на полициски службеници во Арачиново, а случајот е целосно расчистен. „По извршени...

Македонија11 часа

Украдено возило на Итната помош во Кочани, полицијата го пронашла по пет часа

Доцна синоќа околу 03.40 часот од Општа болница Кочани било украдено службено обележано специјално возило „тојота“, сопственост на Итната медицинска...

Свет13 часа

(Видео) САД го претставија новиот стелт бомбардер, може да носи и нуклеарни бомби

САД синоќа го претставија својот нов стратешки стелт бомбардер Б-21 Рајдер, авион што може да лета без екипаж и да...

Македонија14 часа

Рашковски: Сингапур има биометрија, Србија сообраќаен софтвер, а Македонија ги има Трајчева и Русковска

Став на обвинетиот за предметот „Софтвери“ – поранешниот генерален секретар на Владата, Драги Рашкoвски: „Жителите на Сингапур од 2022 година...

Забава15 часа

Патниците наскоро ќе можат да ги користат сите опции на своите телефони во авионите

Патниците во авионите во ЕУ наскоро ќе можат да користат мобилни телефони за време на летот без да го вклучат...

Спорт15 часа

Џака: Дресот на Јашари беше за мојот млад соиграч од Македонија

Капитенот на Швајцарија, Гранит Џака, објасни зошто по победата над Србија носеше дрес со презимето Јашари. Играчот од средниот ред...

Македонија15 часа

Османи одржа предавање на колеџ во Варшава: „Нема место за агресија во Европа во 21. век“

Министерот за надворешни работи, Бујар Османи одржа предавање на Колеџот на Европа во кампусот Натолин во Варшава, следствено по учеството...

Свет16 часа

Белата куќа ја објасни изјавата на Бајден: Засега не планира да се среќава во Путин

Белата куќа ја појасни изјавата што американскиот претседател Џо Бајден ја даде претходно, истакнувајќи дека американскиот претседател во моментов не...

Свет16 часа

Британскиот министер: Путин би можел да ги искористи мировните преговори за обнова на армијата

Рускиот претседател, Владимир Путин, би можел да ги искористи мировните преговори за обнова на војската пред да почне со нова...

Свет16 часа

Зеленски тврди дека од руско заробеништво се ослободени повеќе од 1.000 украински војници

Повеќе од илјада Украинци беа ослободени од руско заробеништво за време на војната, рече Володимир Зеленски. Украинскиот претседател изјави дека...

Економија1 ден

ЕУ постигна договор за руската нафта

Членките на Европската унија се согласија да ја ограничат цената на руската нафта на 60 долари за барел, во согласност...

Свет1 ден

(Видео) Еруптираше најголемиот активен вулкан во светот, лавата се поблиску до градот

Лава тече од вулканот Мауна Лоа на Хаваите, кој е најголемиот активен вулкан во светот и чија ерупција започна на...

Свет1 ден

Сноуден се заколна на верност на Русија и доби руски пасош

Едвард Сноуден доби руски пасош откако се заколна на верност на земјата која го штити од американските власти од 2013...

Свет1 ден

Британија стравува од бактерија што се шири во училиштата, за помалку од месец починаа четири деца

Велика Британија стравува од епидемија на стрептокока А откако за помалку од еден месец од вообичаено безопасната бактериска инфекција починаа...

Македонија1 ден

Мицкоски: За само 3 дена од 5 до 7 декември ЕСМ ќе увезе струја за околу 4.200.000 евра

Продолжуваат во владата „хероите” со „херојските дела“ во енергетиката. Нов увоз на струја и ново авансно „херојско” плаќање. За само...

Македонија1 ден

Триесет години „Макфакс“, десет години „А1он“ – медиумите на „Клип медија груп“ прославија јубилејни родендени

Првата независна новинска агенција „Макфакс“ прослави 30 години постоење, сега како дел од групацијата „Клип медија груп“, а јубилеи прославија...

Македонија2 дена

Лажни дојави за бомби во три основни училишта во Скопје

Министерството за внатрешни работи ја известува јавноста дека се направени сите потребни проверки во врска со денешните пријави од училиштата...

Свет2 дена

Орбан: Проширувањето на санкциите на ЕУ за рускиот гас би имало трагични последици

Унгарскиот премиер Виктор Орбан денеска изјави дека продолжувањето на санкциите на ЕУ за рускиот гас и енергија од нуклеарните централи...

Свет2 дена

Сана Марин: Војната во Украина покажа дека Европа не е доволно силна

Финската премиерка Сана Марин изјави во Сиднеј дека Европа „не е доволно силна“ сама да се спротивстави на Москва. Премиерката...