Контакт

Економија

ДУИ: Инвестицискиот циклус од 3,1 милијарди евра во следните 5 години ќе овозможи подобар живот за сите граѓани

Објавено пред

Демократската унија за интеграција (ДУИ) го поздравува усвојувањето на предлог-буџетот од страна на Владата, имајќи предвид дека овој буџет вклучува неколку столбови кои се од суштинско значење за справувањето на земјата со влијанието на глобалната пандемија, но и закрепнувањето на домашната економија, велат од партијата.

„Ова го велиме со оглед на тоа што клучните аспекти на овој буџет се темелат на здравствена заштита, како и економското закрепнување и нејзиниот раст. Нагласуваме дека ова е првпат во историјата на земјата за еден буџет да не биде за 12 месеци, туку да биде 5-годишна проекција.

Со оваа стратегија на буџетот се предвидува во следните 5 години да почне циклус на инвестиции од 3,1 милијарди евра, исто така, за проекти во патна и железничка инфраструктура, енергетска и општинска инфраструктура, како и капитални инвестиции, што неопходно ќе ги подобри условите во здравството, образованието, земјоделството, заштитата на животната средина, итн.
Го потенцираме ова со оглед на тоа што со овој буџет е планирано само во 2021 година, преку буџетот да се инвестираат 374 милиони евра за капитални расходи или 20% повисоки во споредба со 2020 година.

Во областа на патната инфраструктура, во наредниот период се планираат инвестиции во проекти како што се: Изградба на автопатот Скопје – Блаце, изградба на автопатот Кичево – Гостивар, подобрување на патната инфраструктура на општините во Република Северна Македонија, преку Проектот за локални патишта, финансирање на Коридорот VIII преку делницата Куманово – Ранковце, Ранковце – Крива Паланка, Крива Паланка до границата со Бугарија, финансирање на делницата Кичево – Охрид, проширување на автопатот Тетово – Гостивар, како и на проектот за брз автобуски превоз на територијата на Градот Скопје.

Во областа на железничката инфраструктура се планира да почне проектот за изградба на железничката пруга Кичево – границата со Албанија, како и финансирање на трите фази на изградба и рехабилитација на источниот дел на железничката пруга – Коридор VIII, делот кон Бугарија.

Во областа на гасификација, изградбата на главните гасоводи, делница Скопје – Тетово, Гостивар – Кичево, изградбата на поврзувачки гасовод меѓу Република Северна Македонија и Република Косово, како и изградбата на поврзувачки гасовод меѓу Република Северна Македонија и Република Грција.

Во областа на креирањето на инфраструктура за собирање и третман на отпадните води и создавање на интегриран и финансиски одржлив систем за управување со отпад, кој ги исполнува барањата на ЕУ како важни капитални проекти што ќе се финансираат преку ИПА 2-програмата, во периодот 2020-2025 година се: Рехабилитација и проширување на канализационата мрежа во Град Скопје, проект за изградба на пречистителна станица за отпадни води и санација и проширување на канализациската мрежа во општина Тетово, санација и проширување на канализациската мрежа во општина Кичево, подготовка на проектна документација за подобрување на инфраструктурата за собирање и третман на отпадни води и водоводна мрежа во општина Арачиново.

Сите овие проекти ќе придонесат за побрз и постабилен економски раст по надминување на кризата со Ковид-19, која за 2021 година е предвидена да расте за 4,1%, по што, во 2022 година, се очекува раст од 4,6%, во 2023 година од 5,2%, во 2024 година од 5,6%, и во 2025 година од 5,9%. Проекцијата за 2025-2030 година е просечен економски раст од 5,75%“ додаваат од ДУИ.

Економија

ЕВН Македонија ја изгради првата фотонапонска централа од двострани панели во Македонија

Објавено пред

Првата фотонапонска централа во земјата која истовремено произведува електрична енергија од сонцето и од одблесокот на светлината се инсталираше во Неготино од страна на ЕВН Македонија.

Оваа централа е дел од најсовремените светски технологии, направена од т.н. бифацијални панели кои во горниот дел ја акумулираат директната сончева светлина, додека во долниот дел го акумулираат одблесокот на светлината од рефлектирачкиот материјал дополнително поставен под панелите. Од ЕВН велат дека централата е изградена во рекорден период од помалку од четири месеци.

„Оваа фотонапонска централа е резултат на плодната соработка меѓу државниот и приватиот сектор. Горди сме што нашата компанија вложува во проекти кои се наменети за заштита на животната средина и особено за намалување на загадувањето. За рекордни неполни четири месеци успеавме да направиме позитивна промена во насока на подобра енергетска иднина на земјата и за здравјето на нашите граѓани“, изјави претседателот на Управниот одбор на ЕВН Македонија, Штефан Петер.

Министерот за економија, Крешник Бектеши, зборуваше за важноста на инвестициите во делот на обновливите извори на енергијата и поддршката која константно се добива од ЕВН за постигнување на овие цели.

„Министерството за економија како надлежно министерство за политиките во делот на енергетиката, и во иднина ќе продолжи да поддржува активности за промоција на обновливите извори на енергија и поттикнување на енергетската ефикасност, со цел реализација на зацртаните цели за учеството на обновливите извори на енергија утврдени во стратешките документи во насока на постигнување на национална цел за заштеда на енергија“, рече Бектеши.

Овој проект се реализираше во рамки на стратегијата за производство на „Зелена енергија“ од страна на Владата.

Премиерот Зоран Заев ги истакна стратегиите на Владата за контуиниран развој на секторот за енергетика, а особено делот за обновливи извори на електрична енергија.

„Ми претставува чест и задоволство што денес сме тука на промоцијата на првата фотонапонска централа на ЕВН Македонија. Честитки за оваа инвестиција, за овој успешно реализиран проект во рамки на јавниот повик на Министерството за економија. Сончевата енергија ја имаме во изобилство, ние сме земја со 280 сончеви денови годишно и најквалитетен ‘пик на сончева енергија’“, рече Заев.

Бифацијалната фотонапонска централа на ЕВН Македонија во Неготино е составена од 4.416 панели со моќност од 335 W, односно инсталирана моќност од 1479 кW и има капацитет од 2,1 GWh за годишно производство на електрична енергија од обновливи извори на електрична енергија.

Прикажи повеќе...

Економија

Бабовски: Исплатени 225 милиони денари за субвенции за трета фаза произведено и предадено млеко

Објавено пред

Директорот на Агенцијата за финансиска поддршка во земјоделството и руралниот развој, Николче Бабовски, заедно со заменик-министерот за земјоделство, шумарство и водостопанство, Трајан Димковски, денеска во Штип оддржаа состанок со сточарите.

На состанокот се разговараше за проблемите со кои се соочуваат дел од сточарите, за откупната цена на јагнето и за тоа како стоката да презими.

Директорот на АФПЗРР ги информира сточарите дека денеска на сметките на сточарите се легнати и парите за трета фаза произведено и предадено млеко, средства кои ќе им помогнат да ги набават храна за презимување на стоката.

„Денеска на сметките на 7.183 лица исплативме 225 милиони денари за произведено и предадено млеко, трета фаза. Ова се средства кои се од исклучително значење за сточарите, затоа што ќе помогне да набават сè што им е потребно за презимување на стоката. Во рок од неполн месец исплативме вкупно 377 милиони денари за втора и трета фаза предадено млеко. Со ова практично, целосно ја затворивме исплатата за произведено и предадено млеко за 2019 година. Исто така од денеска е отворен е – системот за поднесување на барања за органско производство. Аплицирањето трае до 25 декември“, истакна Бабовски.

Директорот посочи дека Агенцијата ќе продолжи со навремена и неселективна исплата на субвенции за сите кои правно – законски ги исполнуваат условите за добивање финансиска поддршка во земјоделството.

Заменик-министерот за земјоделство, шумарство и водостопанство, Трајан Димковски, истакна дека во изминатиот период министерството креираше сет на мерки кои помагаа во сточарството.

„Имаме дефицит за месо, мерките кои ги воведовме се во насока на намалување на потребата од увоз на месо и задоволување на потребите од домашни производство. Преку огласите за набавка на педигрирани грла, веќе создаваме домашни матични стада кои имаат добар генетски потенцијал, а со тоа директно влијаевме и на квалитетот. Во нареден период ќе биде објавен и оглсот за субвенционирање на плати за сточарите, кои исто така се намалување на трошоците кои ги имаат. Веќе се креираат и нови мерки кои ќе помогнат во подобрување на квалитетот и на месото и на млекото“, истакна Димковски

Заменик-министерот Димковски посочи дека земјоделството е наша шанса за успех. Им порача на фармерите сите заедно да работат на производи со додадена вредност што позитивно ќе се одрази и врз фармерите и врз земјоделците, но и врз бруто-домашниот производ и економскиот раст на државава.

Прикажи повеќе...

Економија

(Видео) Колева: Буџетот за 2021 е фокусиран на капитални инвестиции и справување со здравствените и економски последици

Објавено пред

Предлог-буџетот за 2021 година доставен од Владата предводена од СДСМ и премиерот Зоран Заев е во насока на постигнување напредок во исклучително тешки моменти за глобална економија, со фокус на здравствениот систем, капиталните инвестиции, како и системска функционалност и поддршка на веќе започнатите реформи, изјави Даниела Колева, пратеничка на СДСМ.

Доказ за тоа, додаде таа, е расходната страна од буџетот која обезбедува поддршка на здравствениот сектор, односно заштита на здравјето на граѓаните, економско заздравување и овозможување на следен економски раст, поддршка на самата економија и зачувување на работните места, како и непречено финансирање на основните функции на државата.

„Со буџетот за 2021 година, предвидуваме за 20 отсто повеќе средства за капитални инвестиции, за да придонесеме за поголем економски раст. Инвестициите во јавното здравство, во човечкиот капитал продолжуваат. Следната година предвидено е зголемување на платите за 10 отсто за сите здравствени работници“, рече Колева.

Пратеничката кажа дека за два и пол пати се зголемени капиталните инвестиции во образованието и дека со буџетот за 2021 година се стимулираат нови инвестиции, поддршка на веќепосточеки компании, како и помош за отворање нови работни места со што ја поттикнуваме конкурентноста и влијаеме на намалување на стапката на невработеност.

„Буџетот за 2021 година е во насока да одговори и на здравствените и на економските предизвици од корона-кризата, но истовремено нуди можности за брз рестарт на македонската економија. Со него се обезбедува стабилизација на домашната економија и отвора перспективи за брзо враќање на претходните стапки на раст на БДП. Затоа е важно сите пратеници да го поддржат донесувањето на буџетот за 2021 година за што побрзо да се надминат негативните последици од коронавирусот“, рече Колева.

Прикажи повеќе...

Најново

Македонија3 часа

Заев: Да профитираме од извоз на сушен цвет од канабис, а дома да ја легализираме марихуаната

Ако успее парламентот до крајот на годината да го донесе законот за измени и дополнување на Законот за опојнит дроги...

Македонија3 часа

1.342 новозаразени од Ковид-19, починаа 22 лица

Министерството за здравство информира дека во последните 24 часа се направени 3.399 тестирања, а регистрирани се 1.342 нови случаја на...

Македонија4 часа

МАНУ, УКИМ и МПЦ-ОА бараат во преговорите со Бугарија да не се погази достоинството на македонскиот народ

Македонската академија на науките и уметностите (МАНУ), Македонската православна црква (МПЦ-ОА) и Универзитетот „Свети Кирил и Методиј“ (УКИМ) истапија со...

Македонија7 часа

Се спушта возрасната граница за лична асистенција од 18 на шест години за деца со попреченост

На барање на семејствата на децата со попреченост ја намалуваме возраста кога личната асистенција станува законско право – од сегашните...

Домашен7 часа

Град Скопје го награди младиот боксер Ардијан Аземи со 100.000 денари

Град Скопје го награди со 100.000 денари младиот Ардијан Аземи, освојувач на бронзен медал на Европското првенство во бокс за...

Топ7 часа

Сандаци со куршуми од Втората светска војна пронајдени кај Машката плажа во Струга

Четири лимени сандаци со куршуми биле пронајдени при ископ во близина на Машката плажа во Струга. СВР Охрид соопшти дека...

Свет8 часа

Обама, Буш и Клинтон пред камера ќе се вакцинираат против коронавирус

Поранешните претседатели на САД, Барак Обама, Џорџ В. Буш и Бил Клинтон, ќе примат вакцина против коронавирус пред камера за...

Свет9 часа

Чешка го укина полицискиот час, се отвораат сите продавници и ресторани

По повеќе од еден месец строги мерки поради пандемијата на коронавирус, Чешка го укина полицискиот час. Од денеска се отворени...

Македонија9 часа

„Политико“: Вархеји и ЕПП не се доволно остри кон Борисов и Софија за блокадата за Македонија

Еврокомесарот за добрососедство и проширување Оливер Вархеји беше премногу мек кон Софија, а Европската народна партија (ЕПП) не беше доволно...

Свет9 часа

Генералниот директор на „Бајонтек“: Веруваме дека ова е почеток на крајот на пандемијата

Угур Сахин, генералниот директор на компанијата „Бајонтек“, која заедно со „Фајзер“ ја разви единствената вакцина што е пуштена на пазарот,...

Регион10 часа

Руската вакцина „Спутник 5“ на проверка во Србија

Русија денеска ќе достави 20 дози од својата вакцина против коронавирус „Спутник 5“ до Српската агенција за лекови и медицински...

Топ10 часа

Притвор за скопјанец кој крадел oд викендички во Гази Баба

Триесет и седумгодишен скопјанец со иницијали А.Ф., за кого е распишана потерница од Одделението за криминалистички работи Гази Баба, е...

Европа11 час

Германски експерти: Вакцинацијата може да потрае некое време

Експертите од германскиот државен епидемиолошки институт „Роберт Кох“ предупредија на прекумерна еуфорија поради вакцината за коронавирус, наведувајќи дека поради различни...

Свет12 часа

Пандемијата ќе има негативно влијание на фертилитетот во Европа, предупредуваат експертите

„Време е да станете мајка“, гласи пораката што стотици Португалки ја добија на своите мобилни телефони минатиот месец. Пораката испратена...

Свет12 часа

Франција ќе проверува џамии поради екстремизам

Француската влада во борбата против верскиот екстремизам ќе преземе низа акции, масовни и без преседан, меѓу кои и проверка на...

Регион12 часа

Силен земјотрес ја погоди Турција

Силен земјотрес со јачина од 5 степени по Рихтер утрово го погоди југоистокот на Турција. Управата за катастрофи и вонредни...

Европа23 часа

Белгија планира да почне со вакцинација од 5 јануари

Белгија планира да почне со вакцинација на 5 јануари доколку се одобри вакцина развиена против коронавирусот. Премиерот Александер де Кро...

Свет24 часа

Убиецот на словачкиот новинар осуден на 25 години затвор

Словачкиот Врховен суд го осуди убиецот на истражувачкиот новинар Јан Куцијак на 25 години затвор. Оваа пресуда на апелацискиот суд...

Спорт1 ден

Синот на Марадона бара Меси да се откаже од „десетката“ во чест на татко му

Диего Синагра, попознат како Диего Јуниор, синот на Диего Марадона, вели дека бил потресен од гестот на Лионел Меси со...

Македонија1 ден

946 нови случаи на Ковид-19 во земјата, починаа 33 лица

Министерството за здравство информира дека во последните 24 часа се направени 2.564 тестирања, а регистрирани се 946 нови случаи на...

Досие