Економија
(Интервју) Кадиевска-Војновиќ до Бектеши: Како што го реши Арачиново, плати им ги сметките и на сиромашните

Како економија државата е во состојба на стагфлација, оценува поранешната вицегувернерка на НБРМ, Маја Кадиевска-Војновиќ, во интервју за „Макфакс“.
Тоа, како што појасни, е период на висока инфлација, а од друга страна, имаме низок економски раст.
Според неа, државата веќе во неколку квартали има низок економски раст.
„Милуваат од Владата да кажат дека сите сме во криза, но ако ги споредиме податоците со другите држави од нашата околина, ние имаме најнизок раст“, вели Кадиевска-Војновиќ.
Упати критики до власта бидејќи, според неа, нè очекува тежок период, а Владата, како што рече, нема никаков правец во решавањето на енергетската криза во државата.
„Немаат никаков правец за енергетската криза, сметам дека не се обезбедени доволни количини јаглен и мазут за претстојната зима. Многу е дволично за една Влада за која во една скопска општина не се плаќа струја, ние да плаќаме за неа. Арачиново е на дното по плаќањето данок на имот. Со магично стапче министерот за економија го реши проблемот, нека им го реши и на многу сиромашни семејства што не може да си ја платат сметката за струја. Го повикувам, нека им ги плати сметките за струја како што го реши проблемот во Арачиново. Многу е дволично да имате толкава сива економија во атмосфера на тотален хаос, а со полна уста за ЕУ. Во ЕУ ова не постои“, потенцира Кадиевска-Војновиќ.
Предупреди дека рецесијата ни чука на врата.
„За второто полугодие од оваа година веќе е извесно, голема е веројатноста да влеземе во рецесија. Рецесијата ни чука на врата. Ќе имаме намалени активности во сите сегменти. Не сакам да звучам апокалипточно, но на среден рок ќе имаме негативни остварувања во економијата, и тоа не само ние, туку и во ЕУ“, тврди поранешната вицегувернерка.
Дали денарот е стабилен, дали ќе бидат неопходни нови задолжувања и како ќе го сервисираме јавниот долг, за фискалните недостатоци и за најавите за даночните реформи, во интервјуто за „Макфакс“ со поранешната вицегувернерка Маја Кадиевска-Војновиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Мицкоски: Имаме раст на извозот, градежништвото и туризмот гарантираат раст на БДП и подобар стандард на граѓаните

Во одговор на новинарско прашање, претседателот на ВМРО-ДПМНЕ, Христијан Мицкоски, истакна дека увозот е многу помал за околу 8% во евра, или за 12-13% во долари, додека пак извозот е во пораст во евра 23%, додека пак во долари е 28%.
„Ако ги споредите првите два месеци април и мај од оваа година, со првите два месеци април и мај од 2024 година, длабоки анализи правиме, ќе видите дека за 80 милиони долари е намален трговскиот дефицит, а тоа е цели 13% и тоа ќе учествува во БДП. Ако на тоа се додаде растот на индустриското производство коешто е во просек за април и мај, првите два месеци од вториот квартал 5,5%, а само во мај 9,4%’’, истакна Мицкоски.
Мицкоски додаде дека растот на туризмот и градежништвото, ќе доведат до зголемување на животниот стандард на граѓаните, но и зголемување на бруто домашниот производ.
„Растот на туризмот повеќе од 20%, инвестициската активност повеќе од 15%, растот и бумот во градежниот сектор, сето тоа нас ни гарантира еден успешен резултат за БДП во вториот квартал којшто очекувам да продолжи и во третиот и четвртиот квартал’’, заклучи Мицкоски.
Економија
Македонската „Green Machines“ ја зацврстува дистрибутивната мрежа во САД

Green Machines на БРАКО, познат по своите иновативни еколошки возила за чистење на јавни површини, бележи сериозен раст на американскиот пазар со мрежа на реномирани дистрибутери низ повеќе од 30 американски сојузни држави.
Најнов партнер е компанијата Mar-co Equipment од регионот на Лос Анџелес, која стана ексклузивен дистрибутер за Јужна Калифорнија.
Моментално, Green Machines има дистрибутери во следниве американски држави:
Owen Equipment – Вашингтон, Орегон, Северна Калифорнија, Невада, Ајдахо, Монтана, Јута, Колорадо, Ново Мексико
Industrial Disposal Supply – Тексас
Mar-co Equipment – Јужна Калифорнија
United Rentals – достапен низ сите држави и територии на САД
Grainger – достапен низ целата територија на САД
Equipment Depot – Луизијана, Мисисипи, Кентаки, Индијана, Охајо, Пенсилванија, Масачусетс, Конектикат, Њу Џерси, Мејн, Вирџинија, Милвоки, Висконсин, Флорида, Орегон, Вашингтон
Van Keppel – Канзас, Арканзас, Илиноис, Висконсин, Ајова
Овој успех претставува уште еден доказ за конкурентноста на македонскиот индустриски производ и неговата технолошка супериорност. Со новите дистрибутерски партнери, Green Machines продолжува да ја шири својата глобална визија за почисти, поеколошки и поефикасни урбани средини.
ПР текст
Економија
Муцунски: Владините политики за извоз даваат резултати – раст од 23,44 отсто во мај

Министерот за надворешни работи и надворешна трговија, Тимчо Муцунски, утрово на социјалните мрежи сподели податоци за кои рече дека го потврдуваат ефектот од економските политики на Владата, при чија реализација значајна улога има и Министерството што го предводи. Статистиката покажува стабилни и позитивни трендови во извозот, дури и во услови на стагнација на европскиот пазар.
Според објавените податоци, македонскиот извоз во мај 2025 бележи раст од 23,44 проценти, додека за првите пет месеци од годината порастот изнесува 3,15 отсто. Во истиот период, увозот е зголемен за само 1 отсто, што упатува на стабилен трговски биланс и позитивно салдо.
„Податоците укажуваат на значително поголем извоз од увоз – што значи повеќе свеж капитал во државата, зајакната девизна позиција и дополнителен поттик за економски раст. Зголемениот извоз отвора нови работни места, го зајакнува домашното производство и ја зголемува конкурентноста на македонските производи“, напиша министерот Муцунски.