Контакт

Економија

Компанијата „Мебел-Ви“ успешно освојува нови пазари

Објавено пред

„Мебел-Ви“ како компанија постои од 1997 година и веќе 22 година ужива најголема доверба кај потрошувачите во Македонија.

„Нашето семејство на задоволни купувачи и партнери, во земјата и странство, постојано се зголемува и расте благодарејќи на исполнувањето на поставената мисија да понудиме препознатлив квалитет со многу предности пред останатата понуда, функционалност кај нашите производи и исклучително купувачко искуство во своите големи продажни центри“, истакнуваат од оваа компанија за производство на мебел.

Освен на македонскиот пазар, Мебел-Ви во последните години значително го зголемува настапот и на странските пазари и бележ огромен раст на извозот на неколку нови пазари.

„Бројките од првите 5 месеци годинава покажуваат двојно зголемен извоз во однос на истиот период од ланската 2018 година. Анализата на извозните бројки покажува генерален раст на извозот во сите под-категории и од сите видови производи. Она што особено не охрабрува е зголемувањето на нашата партнерска мрежа низ Европа каде се достапни нашите производи. Според анализата, големиот раст на извозот на Мебел-Ви освен што се должи на освојувањето на нови пазари, се должи и на зголемувањето на обемот на работа во постојните земји каде извезуваме веќе подолг период“, информираат од компанијата.

Од таму нагласуваат дека гарнитурите и производите на брендот Мебел-Ви и премиум сегментот Mondivi, веќе се присутни и препознатливи на пазарите во соседните балкански земји како и во Австрија, Хрватска, Словенија и Романија, а во најава се и неколку нови договори за настап во уште неколку земји од Европската Унија.

„Една од новините со кои сме посебно горди е дека од 2018 година за прв пат сме директно присутни со наша понуда во Швајцарија каде на пазарот заеднички настапуваме со партнерска компанија со заеднички магацини, а веќе се планира како следен чекор и отворање на изложбен салон. Новина е и настапот во Унгарија каде сме присутни во неколку големопродажни ланци и првичниот фидбек кој го добиваме од нашите купувачи и партнери таму е охрабрувачки. До крајот на годината очекуваме влез и во неколку други меѓународни продажни ланци кои се присутни на унгарскиот пазар“, велат од Мебел-Ви.

Во претходните години компанијата работи напорно на зголемување на производниот капацитет, инвестира многу во софистицирана технологија за секој дел од процесот на производство на мебел и обезбедува пристап до најдобрите добавувачи на суровини кај нас и во светот.

„Сето ова ни овозможи да се фокусираме на создавање на исклучителна понуда со строго контролиран квалитет со која, освен на нашиот пазар, станавме конкурентни и на Европскиот пазар на мебел. Постојаното усовршување и едуцирање на тимот кој брои повеќе од 180 висококвалификувани вработени ни дава уште една сериозна предност и не прави посебно горди на ова наше Мебел-Ви семејство“, истакнуваат од компанијата.

(ПР-текст)

Економија

ЕУ со нови прописи за ИТ компаниите

Објавено пред

Европската Унија (ЕУ) може да воведе правила за да ги спречи компаниите да ги злоупотребат податоците коишто ги собираат, потврди Европскиот комесар за заштита на конкуренцијата, Маргрет Вестагер.
        
„Ако сакаме да го дефинираме пазарот, да утврдиме што е прифатливо, а што не, тогаш она што ни треба не е поголемо спроведување на законот за конкуренција. Ни треба регулатива“, рече Вестагер.Таа додава дека може да им се потребни и посеопфатни правила за да бидат сигурни дека начинот на кој компаниите ги собираат и користат податоците не им штети на основните вредности на општеството.
        
Нејзините коментари сугерираат дека ЕУ може да воведе нови правила што специфично ги опфаќаат технолошките компании и нивната употреба на податоци.За време на нејзиниот мандат, американските компании Гугл и Калком беа казнети со вкупно околу десет милијарди евра, откако судот откри дека тие ги блокирале конкурентите.

Прикажи повеќе...

Економија

Објавен повик за обуки за ИТ вештини: Со 35,1 милион денари ќе се преквалификуваат 1.253 невработени млади лица

Објавено пред

Министерката за труд и социјална политика Мила Царовска, министерот за информатичко општество и администрација, Дамјан Манчевски и директорката на Агенција за вработување, Билјана Јовановска денеска ги презентираа трите јавни огласи за обуки за ИТ вештини кои се дел од Оперативниот план за вработување за 2019 година.

„Наша цел е да ги надградиме вештините на невработените млади лица до 34 години и тоа во област за која има реална потреба на пазарот на труд. Оваа година за првпат мерките за вработување ги правевме заедно со сите засегнати страни за тие да бидат ефикасни и да дадат видливи резултати. За обуки за ИТ вештини имаме предвидено 35.1 милиони денари, ова е неколкукратно зголемување во однос на лани, кога беа издвоени 8.5 милиони денари. Ги охрабрувам сите заинтересирани млади да се пријават и да ги усовршат своите знаења и вештини. Посебно ги охрабрувам младите жени да ја искористат оваа можност и да се стекнат со нови знаења со кои ќе обезбедат сигурни вработувања со високи примања во софтерските компании каде што досега поголемиот дел од вработените се мажи“, истакна Царовска. 
Планираниот опфат на лица за 2019 година е 1.253 невработени млади лица до 34 години. Јавниот повик за учество во Програмата Обуки за развој на дигиталните вештини се објавува денеска и трае до исполнување на опфатот.

Министерот за информатичко општество и администрација Дамјан Манчевски, истакна дека Северна Македонија станува атрактивна ИКТ дестинација.,,Бројот на трговски друштва од ИКТ сектор изнесува околу 2021, од кои 145 се основани во текот на првата половина на 2019 година.
Бројот на вработени изнесува околу 18.000 лица.  Растот на пазарот во ИКТ индустријата во изминатите 5 години е 47%, а вредноста на пазарот на ИКТ е 862 милиони евра. Владата дополнително ги стимулира ИТ компаниите со други мерки, а како една од идните мерки ќе биде намалување на 3% на данокот на добивка”, информираше Манчевски.

Станува збор за неколку различни видови на обуки.Обуки за напредни ИТ вештини: Целта на мерката е преку обука да се задоволат потребите од напредни ИТ вештини, обуки за напредни ИТ вештини (со кофинансирање). Целта на мерката е преку обука да се задоволат потребите од напредни ИТ вештини и воведни Обуки за ИТ вештини (on line).Целта на мерката е преку обука да се задоволат потребите од основни ИТ вештини.

Директорката на Агенцијата за вработување Билјана Јовановска рече дека годинава очекува успешна реализација на обуките и очекува што повеќе апликации во агенцијата. 
„Обуките за напредни ИТ вештини ќе се спроведуваат од страна на тренинг провајдери низ целата територија на државата, зависно од пројавениот интерес кај невработените лица. На лицата кои ќе бидат вклучени во обуките ќе им бидат издадени ваучери за посетување на обука и за полагање на испит. Притоа, кандидатите треба да се пријават за полагање на испитот во рок од 3 месеци од завршувањето на обуката. На лицата кои редовно ќе посетуваат обука ќе им биде издадено Уверение за посетувана обука, а на лицата кои успешно и ќе го положат испитот ќе им биде издаден официјален акредитиран сертификат“, истакна Јовановска. 

Со обуките се нудат нови мрежни технологии и администрање на компјутерски системи, основите за дизајнирање и имплементација на ИТ инфраструктура на најкористената AWS Cloud платформа, практиките на објектно-ориентираното програмирање кое подоцна ќе биде основа за пишување на скриптите во процесот на автоматско тестирање, креирање стратегија на производ базирана на корисничко искуство, да дефинираат функционалности и интеракција во кориснички интерфејс, да изработат прототип на веб проект и да ја тестираат идејата.
Изминатите неколку години оваа мерка од оперативниот план дала одлични резултати и 50 % од обучените невработени лица во моментот се вработени. Од вкупно 202 лица коишто биле обучени во 2016 година во моментот работат 112, а од поминатата обука на 100 лица лани, сега во работен однос се 50.

Прикажи повеќе...

Економија

Анѓушев во посета на компании во индустриската зона во Кочани

Објавено пред

Заменик претседателот на Владата задолжен за економски прашања, Кочо Анѓушев, во рамките на активностите за презентација на измените и дополните на Законот за финансиска поддршка на инвестициите и предлог – законот за субвенционирање на придонесите од задолжително социјално осигурување по основ на зголемување на плата, ги посети компаниите Руен Инокс Аутомобиле и Пејпер Мил во Кочани, кои последните години бележат раст на приходите и на бројот на вработени.

Двете компании се лоцирани во индустриската зона во Кочани, преземени од сегашните сопственици во незавидна состојба, а во последните години реализираат нови инвестиции со кои се унапредува технолошкиот развој и се зголемува нивната продуктивност.

По разговорите со сопственикот на компанијата Руен Инокс Аутомобиле, Славе Јорданов и посетата на производствените капацитети, вицепремиерот Анѓушев изрази задоволство што само за неколку години од руинирана фабрика, оваа фабрика станала респективен и конкурентен производствен капацитет.

„Оваа компанија секоја година ги зголемува производствените капацитети. Станува збор за една домаќинска организација и поставување на производствен процес. Има простор за дополнително подобрување, особено во осовременување на технологијата и машинскиот парк, но мора да се признае дека многу е направено за кус период. Преку мерките од Законот за финансиска поддршка на инвестициите, кои Руен Инокс Аутомобиле веќе ги користи и има потпишано договор во 2018 година, се дава можност токму за поврат на инвестиции кои се направени за модернизирање и осовременување на производствениот процес. Владата ќе продолжи да ги спроведува мерките за поддршка на компаниите, за нивниот раст и развој, понатамошно зголемување на обемот на производство, затоа што само со развој на компаниите и реалниот сектор можен е побрз и одржлив раст на економијата во државата“, посочи Анѓушев.

Сопственикот на Руен Инокс Аутомобиле, Славе Јорданов, изрази големо задоволство од мерките во Законот за финансиска поддршка на инвестициите и посочи дека поддршката добиена за реализирани инвестиции во 2017 година, е единствена позначајна поддршка која компанијата ја добила од страна на државата досега, како и дека е задоволен од економските политики кои ги спроведува Владата во насока на унапредување на конкурентноста на македонските компании.

Вицепремиерот Анѓушев се сретна и со менаџментот на компанијата Пејпер Мил, на кои им ги претстави мерките од Законот за финансиска поддршка на инвестициите, а особено се задржа на мерките за субвенционирање на повисоки плати.

„Инвестираме во човечкиот капитал, сметаме дека нема економија без квалитетен и мпотивиран кадар. Токму затоа со новите мерки ќе обезбедиме субвенционирање на сите оние компании кои ќе се охрабрат и ќе ги покачат платите на своите вработени. За покачување на платите од 600 до 6000 денари, компаниите ќе треба да го платат само данокот за личен доход, додека останатите давачки за задолжително социјално и здравствено осигурување ќе бидат покриени од страна на Владата. За тоа не треба посебни апликации, сето тоа ќе се прави со едноставни операции за време на уплата на примања на работниците преку клиентскиот софтвер МПИН на Управата за јавни приходи“, нагласи Анѓушев.

Компанијата Руен Инокс Аутомобиле се занимава со производство на делови за автомобили и нуди широк спектар на производи за европската камионска флота, а во моментот во компанијата работат над 200 лица. Пејпер Мил е дел од Unitrade Cluster, водечка компанија во регионот за рециклирање на хартија. Со своите активности во Северна Македонија започнаа во 2016 година, а во моментот имаат околу 100 вработени.

Прикажи повеќе...

Најново

Култура2 часа

Отворено јубилејното 40. издание на „Браќа Манаки“

Вечерва во Битола почна 40. издание на Интернационалниот фестивал на филмска камера „Браќа Манаки“. Фестивалот го отвори претседателот на држвата,...

Македонија4 часа

Целосно завршен процесот за разрешување на Катица Јанева

Советот на јавни обвинители на вечерашната вонредна седница едногласно ја разреши специјалната јавна обвинителка, Катица Јанева, која е третоосомничена за...

Спорт6 часа

Победнички старт за Вардар во Лигата на шампионите

Европскиот првак Вардар со победа ја започна одбраната на титулата во Лигата на шампионите. Во Монпелје, дуелот на победниците во...

Европа6 часа

Околу 25.000 луѓе протестираа за еколошки транспорт на Саемот за автомобили во Франкфурт

Илјадници демонстранти се собраа денес, поради Саемот за автомобили во Франкфурт (IAA), истакнувајќи ги своите барања за зголемување на еколошкиот...

Топ9 часа

Во „порше“ кај Куманово пронајдени 16 мигранти

Шеснаесет мигранти од кои две деца биле пронајдени при полициска контрола на автопатот Куманово – премин Табановце, во раните утрински...

Македонија10 часа

(Видео) Собранието ја разреши Катица Јанева

Со 102 гласа ,,за”, и ниту еден глас ,,воздржан” и ,,против” пратениците денеска донесоа одлука за разрешување на специјалната јавна...

Македонија11 час

Стотина пожарникари и волонтери ги гаснеа пожарите во Прилепско, зафатени се 400 хектари шума

Пожарите кои вчера избувнаа на територијата на општина Прилеп се ставени под контрола. Во нивното гаснење учествуваа Територијалната противпожарна единица...

Свет13 часа

(Видео) Дронови нападнале нафтени постројки во Саудиска Арабија, предизвикувајќи пожари

Саудиска Арабија соопшти дека две големи нафтени постројки во земјата биле нападнати од дронови, што предизвикале пожари. Пожарите избувнаа во...

Спорт13 часа

УЕФА: Во преодниот рок се потрошени четири милијарди евра

Европските клубови во летниот преоден рок на трансфери потрошиле 3,98 милијарди евра, објави Европската фудбалска унија (УЕФА). УЕФА наведува дека...

Свет14 часа

(Видео) Сноуден проговори за неговиот живот во Русија: Тајно се оженив и не стравувам дека можат да ме убијат на улица

Поранешниот американски разузнавач и свиркач Едвард Сноуден, кој избега во Русија, вели дека благодарение на неговите откритија, тој сега живее...

Свет15 часа

Иранка се запали со бензин откако била фатена дека се облекува како маж за да гледа фудбал

Иранка се запали со бензин откако била приведена поради тоа што се облекувала како маж за да може да влезе...

Свет15 часа

Финска: ЕУ да престане да увезува говедско месо и соја од Бразил

Европската унија (ЕУ) треба да го блокира увозот на говедско месо од Бразил и да размисли за суспендирање на увозот...

Македонија16 часа

Локализиран пожарот кај Плетвар, по седум часа пуштен во сообраќај патот Прилеп – Росоман

Сообраќајот на патниот правец Прилеп – Росоман е нормализиран околу 23 часот, информира АМСМ. Тој беше во прекин поради шумски...

Македонија16 часа

Собранието ќе одржи седница за разрешување на Катица Јанева

Претседателот на Собранието, Талат Џафери, за денеска во 13 часот ја закажа седницата за разрешување на специјалната јавна обвинителка, Катица...

Спорт1 ден

Де Хеа стана најплатениот фудбалер на Манчестер јунајтед

Давид де Хеа потпишал нов договор со Манчестер јунајтед по преговори кои траеја (пре)долго, откако клубот „потклекнал“ и се согласил...

Регион1 ден

Во Мостар отворен првиот ресторан во кој работат само лица со посебни потреби

Во Мостар е отворен ресторанот „Лонато“ како дел од Центарот за деца и млади Los Rosales, во кој ќе работат...

Спорт1 ден

Ѓоковиќ: Има поважни работи во животот од тениските рекорди

Новак Ѓоковиќ го очекува неизвесен крај на сезоната кога поради повредата на рамото (која придонесе да се повлече од САД...

Македонија1 ден

(Видео) Ивановска: Го викнавме Кочо Анѓушев на отчет за „Тополки“

За неколку актуелни случаи на сомнежи за корупција пријавени во Државната комисија за спречување на корупцијата, многу набргу ќе има...

Македонија1 ден

Продолжен притворот на Боки 13 и Кичеец

Судот им го продолжи притворот за уште 30 дена на Бојан Јовановски – Боки 13 и Зоран Милески – Кичеец,...

Македонија2 дена

Љупчо Палевски приведен во Белград, сакал да замине во Русија

Во Белград е уапсен бизнисменот Љупчо Палевски – Палчо. Според тековните информации, апсењето се случило вчера кога Палевски сакал да...

Досие