Економија
Министерот Бектеши и директорот на ДПИ Трајковски: Ќе за забранат акциски продажби и ќе се замрзнат цените на храната

Министерството за економија достави до Владата предлог- одлука за забрана за акциска продажба и промотивна продажба од страна на сите трговски ланци во нашата држава која ќе важи до 30 ноември. А, на следната седница на Владата ќе предложиме и одлука за замрзнување на цените на сите прехранбени производи, кажа министерот за економија Крешник Бектеши на прес-конференција по денешната работна средба со директорот на Државниот пазарен инспекторат Горан Трајковски и Раководителите на подрачните оделенија на ДПИ.
Замрзнувањето на цените, како што најави министерот Бектеши ќе биде со најмалку 10% намалување на цените на сите прехранбени производи.
„Министерството за економија од денеска почна да носи мерки, предлог -одлуки во делот на зачувување на стандардот на граѓаните. Анализите на Министерството за економија, Народната банка и на Министерството за финансии во делот на движењето на цените на основните прехранбени производи покажуваат дека нема основ за зголемување на цените на прехранбени производи и од страна на трговците и од страна на производителите. Податоците покажуваат намалување на цените на основните прехранбени производи во светски рамки, кои имаат голема разлика со цените кои се во нашата држава, вклучувајќи и увозни цени на производи, но и на суровини за прооизводство на основни прехранбени пшроизводи. Затоа сметаме дека има простор да се наламат цените на основните прехранбени производи кај нас“, кажа министерот Бектеши.
Министерот додаде дека сите завршни сметки, посебно на големите ланци на супермаркети покажуваат дека немаат намалување на нивните приходи, напротив имаат зголемување на приходите минатата година, која беше најтешка година во делот на цените.
„Одредени ланци на супермаркети прават измама со можностите за продажба на производи на акција и намалување или кампањи. За да биде јасно и за потрошувачите, која е вистинската цена, маркетите оваа можност до 30 ноември нема да ја имаат и ќе се знае точно која е цената на одреден производ со цел да не се воведуваат во заблуда граѓаните. Со предлог одлуката ќе се знаат вистинските цени и колкаво ќе биде намалувањето“ кажа министерот и додаде дека во наредниот период дополнително ќе следат измени и дополнување на Законот за државен пазарен инспекторат и ќе биде подготвен новиот Закон за нефер трговски практики каде освен глоби за супермаркетите за трговците да има можност и затварање и забрана за вршење на дејност. Имаме ваква можност во нашиот Закон за заштита на потрошувачи и во Законот за трговија“, потенцираше Бектеши.
Директорот на Државниот пазарен инспекторат Горан Трајковски кажа дека ќе инспекторите и во наредниот период ќе продолжат да постапуваат кај сите субјекти без селекциjaи без компромиси како и досега.
„Пазарниот инспекторат и понатаму останува да работи со засилени контроли на терен, се со цел да се заштити стандардот на граѓаните. Ги охрабрувам сите граѓани кои ќе забележат неправилности, веднаш да пријават во пазарниот инспекторат.Напоменувам дека од моето поставување на директор на оваа институција, во периодот од први јануари, заклучно со 31 јуни оваа година, направени се 16.400 надзори и издадени се над 3.700 налози во вредност од 140 милиони денари“, кажа директорот Трајковски.
На работната средба се разговараше за моменталната ситуација во пазарниот инспекторат, стартегијата за подобрување на работата на инспекторатот и следни активности што ќе се воведуваат во институцијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
„Хјундаи“ инвестира повеќе од 12 милијарди долари во САД

Јужнокорејскиот производител на автомобили Hyundai Motor Group објави дека ќе инвестира 12,6 милијарди долари во изградба на погони за електрични возила и батерии во САД. Компанијата ќе потроши 7,6 милијарди долари на фабрика во округот Брајан, Џорџија, која ќе вработи повеќе од 8.500 работници. Во соработка со SK Ona, компанијата ќе инвестира и пет милијарди долари во фабрика за батерии во округот Бартоу, која ќе вработи околу 3.500 работници.
Техничкиот државен универзитет „Џорџија“ и неговиот Технолошки институт потпишаа меморандум за разбирање со Hyundai Motor Group, во кој се наведени соработката за истражување и примена на нови технологии вклучувајќи ја економијата на водород и развојот на работната сила.
Hyundai истакна дека во наредните години ќе создаде економска вредност во Грузија, која ќе се мери во десетици милијарди долари и ќе помогне да се отворат околу 40.000 работни места.
Економија
Бочварски и Закоњшек во Дојран ја промовираа Европската недела на мобилноста

Зелената агенда е висок приоритет на Министерството за транспорт и врски, со што преземаме низа мерки и активности за нејзина промоција како политика на Владата за заштита на животната средина и намалување на аерозагадувањето, истакна министерот за транспорт и врски, Благој Бочварски, при денешната посета на општина Дојран.
Тој заедно со директорот на Постојаниот секретаријат на транспортната заедница, Матеј Закоњшек, и градоначалникот на општина Дојран, Анго Ангов, ја одбележаа Европската недела на мобилноста, каде што се вклучија во промоција на велосипедот како алтернативно средство за превоз сè со цел да се подигне свеста кај граѓаните за заштита на животната средина.
„Доколку сакаме поздрава животна средина, подобра иднина за нас и нашите деца, мораме да ги смениме нашите секојдневни навики и затоа сметам дека реформата во транспортните системи е неопходна. Ова е еден од алтернативните видови на превоз преку кој, почнувајќи од најмладите и вклучувајќи ги сите граѓани, сакаме да ја подигнеме свеста за користење на алтернативните видови на превоз, кои не само што го намалуваат аерозагадувањето туку заштедуваат и енергија. Ова е особено изразито во користење на автомобилите. Министерството за транспорт и врски е особено посветено на реализација на агендата за зелен транспорт, каде што се обидуваме преку транспортниот сектор да наметнеме нови мерки во намалување на загадувањето на животната средина“, изјави министерот Бочварски.
„Активно сме посветени на тоа како можеме да се движиме во нашите градови, нашите населени места на поинаков начин, на зелен и одржлив начин, на поздрав начин. Ова не е само во Европската Унија, туку во цела Европа и навистина се радувам што денеска со министерот Бочварски и овие ученици сме во Дојран, каде што го промовираме токму велосипедизмот. Со ова даваме одличен пример како преку поздрав алтернативен превоз можеме да влијаеме на подобрување на квалитетот на животната средина“, изјави директорот на Транспортната заедница, Матеј Закоњшек.
Оваа година општина Дојран е дел од глобалната недела на урбана мобилност, во која учествуваат 2.695 града од 43 земји во Европа и светот.
„Како локална самоуправа се стремиме кон заштитата на животната средина и за таа цел презедовме низа активности за заштита на Дојранското Езеро како врвен приоритет. Во наредниот период е санација на колекторскиот систем и изградба на пречистителна станица како децениски проблем кој заедно го решаваме со Владата и со поддршка на словенечката амбасада. Како активност што ја преземаме во глобалната недела на мобилноста, Општина Дојран набави и 20 електрични велосипеди како придонес за заштита на животната средина, кои ќе им ги понудиме на туристите и сите заинтересирани граѓани“, изјави градоначалникот на општина Дојран, Анго Ангов.
Економија
НБРМ: Во август годишен раст од 10,1 отсто на вкупните депозити и од 6,4 отсто на вкупната кредитна поддршка

Анализирано на годишно ниво, вкупните депозити се зголемени 10,1 % како резултат на зголемувањето на депозитите на двата сектора, со малку поизразен придонес на корпоративниот сектор, велат од НБРМ.
Според надлежните, годишниот пораст на кредитите од 6,4 % е резултат на растот на кредитирањето кај двата сектора, со поголем придонес на секторот домаќинства.
Паричната маса (монетарниот агрегат М31,2) во август 2023 година се намали 0,2 % на месечна основа главно поради падот на депозитните пари и готовите пари во оптек, а во помал дел и од долгорочните депозити до две години, во услови на раст на краткорочните депозити. Анализирано на годишна основа, паричната маса бележи раст од 7,4 %, што во најголем дел се должи на повисоките депозитни пари, како и на краткорочните депозити при позитивно влијание и на другите компоненти.
„Во август вкупните депозити остварија месечно зголемување од 0,2 % и во целост се објаснува со растот на депозитите на корпоративниот сектор при пад на депозитите на домаќинствата. Годишниот раст изнесува 10,1 %, како резултат на зголемувањето на депозитите на двата сектора, со малку поизразен придонес на корпоративниот сектор“.
Вкупните кредити во август се повисоки 0,3 % во споредба на месечно ниво во целост поради зголеменото кредитирање на секторот домаќинства. Годишниот раст од 6,4 % е резултат на растот на кредитирањето кај двата сектора, со поголем придонес на секторот домаќинства, информираат од НБРМ.