Контакт

Економија

Народна банка: Каматните стапки се непроменети

Објавено пред

На 17 април 2025 година се одржа редовна седница на Извршниот одбор за поставеноста на монетарната политика на Народната банка. На седницата беа разгледани најновите податоци и информации за светската и за домашната економија и најновите случувања на меѓународните и на домашните финансиски пазари во контекст на поставеноста на монетарната политика.

dobivaj vesti na viber

„На седницата беше оценето дека тековната поставеност на монетарната политика е соодветна на условите во економијата, при поизразени неповолни ризици, особено од надворешното окружување. Оттука, на седницата беше одлучено каматната стапка на благајничките записи да остане на нивото од 5,35%, а каматните стапки на депозитите преку ноќ и на 7 дена на нивоата од 3,95% и 4%, соодветно. Понудата на благајничките записи на редовната аукција ќе биде исто така непроменета, односно ќе изнесува 10 милијарди денари. Со ваквата одлука се задржува внимателниот карактер на монетарната политика. Со целокупниот сет мерки, односно со сегашното ниво на каматните стапки, досегашните промени кај задолжителната резерва и преземените макропрудентни мерки, ќе се придонесе за ценовна стабилност на среден рок и за одржување на стабилноста на девизниот курс на денарот во однос на еврото. Во однос на политиката на Европската централна банка (ЕЦБ), на последната седница во април беше донесена одлука за намалување на каматните стапки за по 0,25 п.п.“, соопштија од Народната банка.

Во соопштението се наведува дека остварувањата кај инфлацијата и натаму се еден од клучните сегменти коишто наметнуваат потреба од внимателност, во услови кога ризиците, поврзани пред сѐ со надворешното окружување стануваат понагласени и исклучително непредвидливи. Имено, во услови кога геополитичките услови сѐ уште се нестабилни, промените во царинските политики на светско ниво дополнително ги влошуваат изгледите за трговската и економската активност и ја зголемуваат променливоста, како на светските пазари на примарни производи, така и на пазарите на капитал. Покрај ова, беа земени предвид и ризиците поврзани со домашните фактори што влијаат на агрегатната побарувачка.

Народна банка соопшти дека годишната стапка на инфлација во март 2025 година значително забави и се сведе на 2,7%, што е пониско ниво од очекуваното, коешто во еден дел е под влијание на тековните краткорочни мерки за ограничување на растот на цените.

„Инфлацијата, во просек, за првиот квартал е малку повисока од очекувањата според октомвриската проекција. Забавувањето на годишната стапка на инфлација во март во најголем дел се должи на послабиот раст на цените на храната, поради исцрпување на ефектот од пониската споредбена основа и дополнителниот надолен ефект од тековните краткорочни мерки за ограничување на растот на цените (коишто истекуваат на крајот на април). Во однос на останатите компоненти, забавува растот и на базичната компонента на инфлацијата, а падот на цените на енергентите забрзува. Во однос на инфлациските очекувања, во мартовските анкети на Европската комисија преовладуваат очекувања на потрошувачите за поумерено намалување на цените во следниот период. Најновите проекции за берзанските цени на примарните производи за следниот период се променети претежно во нагорна насока, што заедно со зголемената неизвесност и променливост на пазарите, упатува на зголемени ризици и потреба од внимателност“, се наведува во соопштението.

Состојбата на девизниот пазар е стабилна. „Нивото на девизните резерви на крајот на март изнесува 4.788,1 милион евра, што е соодветно за одржување на стабилноста на курсот на домашната валута. Остварувањата кај девизните резерви се близу до очекувањата за првиот квартал на 2025 година, а интервенциите на девизниот пазар се умерено позитивни од почетокот на годината. Во однос на последните расположливи податоци од надворешниот сектор, остварувањата на менувачкиот пазар заклучно со март упатуваат на поумерени нето-приливи од приватните трансфери во споредба со проекциите за првиот квартал, додека трговскиот дефицит остварен во првите два месеци од годината засега е умерено повисок од очекувањата за првиот квартал“, пишува во соопштението.

Од народна банка соопштија дека економскиот раст во последниот квартал на 2024 година благо забрза и достигна 3,2%, речиси на ниво на проекциите на Народната банка (3,1%). Расположливите високофреквентни податоци за првиот квартал од 2025 година упатуваат на натамошен, но поумерен раст, при засега послаби движења кај трговијата, градежништвото и туризмот, а посилни во угостителството и индустријата. Ризиците за растот во следниот период од надворешното окружување се претежно надолни, а од домашното окружување и натаму се поврзани со брзината и обемот на остварување на домашните инфраструктурни проекти.

Остварувањата во монетарниот сектор, велат од Народна банка, се подобри од очекувањата, што упатува на натамошна посилна кредитна поддршка на економијата. Имено, во согласност со податоците за март, депозитите и кредитите бележат солидни стапки на раст, коишто се повисоки од очекувањата за првиот квартал од годината.

„Општо земено, последните остварувања кај клучните макроекономски показатели се главно поволни, но согледувањата за ризиците во однос на нивната идна патека наметнуваат натамошно внимателно водење на монетарната политика. Имено, ризиците поврзани со надворешното окружување се поизразени, а внимателно се следат и домашните фактори коишто можат да влијаат врз побарувачката и ценовната динамика во наредниот период. Народната банка и натаму е подготвена да ги употреби сите неопходни инструменти и да презема соодветни мерки со коишто ќе се придонесе за задржување на стабилноста на девизниот курс на денарот во однос на еврото и ценовната стабилност на среден рок“, се наведува во соопштението.

Економија

Мицкоски: Британците доаѓаат со 6 милијарди евра инвестиции во здравството и во инфраструктурата

Објавено пред

Со потпишување на стратешки договор за партнерство со Обединетото Кралство, Македонија го отвора патот за инвестиции вредни шест милијарди евра, најави денеска премиерот Христијан Мицкоски на заедничка прес-конференција со британскиот амбасадор Метју Лосон.

dobivaj vesti na viber

„Овој договор претставува втор столб на нашата меѓународна позиционираност по стратешкото партнерство со САД. Тоа е потврда дека нашата држава оди напред – кон стабилност, безбедност, развој и европска иднина“, изјави Мицкоски.

Според премиерот, британските инвестиции ќе опфатат изградба на брза патничка и модерна карго железница од Табановце до Гевгелија, нови болници во Штип и Кичево, реконструкција на Клиничката болница во Тетово, студентски дом со 900 легла и нов Медицински факултет.

Деталите за финансиските услови на договорот сè уште се финализираат, но Мицкоски увери дека се „најдобрите што може да се добијат на пазарот“. Како што додаде, наскоро ќе бидат јавно објавени и конкретните параметри на договорот, кој вклучува грејс период, долг рок на отплата и поволен каматен индекс базиран на Еурориборт.

Амбасадорот Лосон го оцени договорот како врв во билатералните односи меѓу двете земји.

„Ние сме веќе големи инвеститори и сега тоа го надградуваме преку договор кој се фокусира на трговија и инвестиции. Сакаме да создадеме економски раст од кој ќе имаат корист и британските и македонските граѓани“, рече Лосон.

Договорот, кој е резултат на повеќемесечни интензивни преговори, се очекува да отвори нови перспективи за соработка во клучни области како безбедноста, дигиталната трансформација, образованието и климатските политики. Освен економската и инфраструктурната компонента, тој предвидува и засилен политички дијалог и координација во рамките на НАТО и други меѓународни организации.

Прикажи повеќе...

Економија

Мицкоски најави инвестиции од 6 милијарди евра од Велика Британија

Објавено пред

Од

Премиерот, Христијан Мицкоски, најави инвестициски циклус во вредност од 5 милијарди фунти, 6 милијарда евра, во делот на инфраструктурата, железницата, здравството…

dobivaj vesti na viber

Тој најави дека во текот на следните денови ќе бидат објавени сите детали.

„За нас е историски овој настан како држава затоа што, само што ја завршивме средбата со премиерот на Обединетото Кралство. Македонската јавност ќе биде сведок на договор за стратешко партнерство, договор кој што ќе овозможи инвестициски циклус во вредност од 5 милијарди фунти, 6 милијарда евра, во делот на инфраструктурата, железницата, здравството и така натаму.
Деновите кои што следат ќе бидат објавени сите детали“, рече Мицкоски.

Премиерот денеска најави дека е постигната согласност за договор за стратешко партнерство со Обединетото Кралство. Тој појасни дека ова преставува стратешки договор кој ја позиционира државата во редот на интересите и делувањето на една од највлијателните политички и економски сили во светот како што е Обединетото Кралство.

Прикажи повеќе...

Економија

BALFIN AUSTRIA: 100 милиони евра инвестиции

Објавено пред

Албан Цасли, директор на Balfin Austria, споделува детали за бројните инвестиции што компанијата ги реализира во развојот на недвижности во Австрија, потенцирајќи ја важноста на овие проекти за раст и диверзификација на портфолиото на овој пазар.

dobivaj vesti na viber

Balfin Austria, една од најуспешните компании на BALFIN Групацијата, континуирано ги зацврстува своите позиции на австрискиот пазар на недвижности, инвестирајќи во некои од најпознатите и туристички атрактивни региони на Австрија. Инвестициите на BALFIN во Австрија во областа на развојот на недвижности надминуваат 100 милиони евра. Овие инвестиции се одговор на зголемената побарувачка за сместување и угостителски капацитети, нудејќи висок животен стандард и услови за одмор.

Во неодамнешно интервју, директорот на Balfin Austria, Албан Цасли, сподели детали за веќе реализираните проекти, нивните карактеристики, како и за идните инвестиции. Тој ги објасни и актуелните пазарни услови на недвижностите во Австрија, истакнувајќи дека визијата на Balfin Austria е проширување на активностите и надвор од границите на Австрија, истовремено истражувајќи нови пазари и сектори.

****
Со последните инвестиции, портфолиото на Balfin Austria достигна вредност од 100 милиони евра. Каков е проектираниот раст до крајот на годината и на среден рок?

До крајот на годината, BALFIN Групацијата има за цел да го зголеми присуството на австрискиот пазар, со таргет за проширување на портфолиото на вредност од 150 до 200 милиони евра. Ова ќе се реализира преку внимателно избрани инвестиции во поголеми градови како Виена, Линц, Грац и Салцбург, како и во туристички области облагородени со природни убавини и атрактивни карактеристики. Среднорочната цел е понатамошно зголемување на портфолиото преку инвестиции во нови комерцијални недвижности или проекти со мешана намена. Ова ќе биде дел од поширока стратегија за диверзификација на инвестициите со фокус на пазари со одржлив раст и висок развоен потенцијал. Ќе се внимава и на новите трендови во секторот, како еко-градба и интелигентен урбан развој.

Завршени проекти на Balfin Austria – колку се и по што се разликуваат?

Balfin Austria успешно има завршено два значајни проекти и моментално развива четири нови. Секој проект е уникатен според намената, типологијата, архитектурата, локацијата и квалитетот на градбата – одразувајќи ја силната позиција на компанијата на австрискиот пазар.

Завршени проекти:

Luv und Lee

Првиот реализиран проект, лоциран во една од најатрактивните туристички области во Австрија – езерото Траунзе, Гмунден. Со инвестиција од 6,8 милиони евра, Balfin започнува серија успешни луксузни инвестиции во регионот.

Green Hill Suites

Сместен во престижниот регион 1180/1190 Виена, проектот се простира на 1.352 м². Со инвестиција од 11,4 милиони евра, проектот се издвојува по модерна архитектура, загарантирана приватност и панорамски погледи кон градот.

Balfin Austria ја проширува својата активност на пазарот на недвижности во Австрија, главно во урбани и туристички региони, во близина на езера и реки, со мешавина од резиденцијални проекти. Зошто токму овие области беа избрани?

Нашиот фокус е развој на резиденцијални проекти и во урбани и во туристички подрачја крај езерата, со цел да создадеме диверзифицирано и стабилно портфолио. Оваа стратегија одговара на различните побарувања на пазарот и нуди потенцијал за сигурни и долгорочни инвестиции. Во градови како Виена, Balfin Austria се фокусира на ексклузивни населби со потенцијал за одржлив раст, каде побарувачката за домување останува висока благодарение на развиената инфраструктура, лесниот пристап до услуги, близината до деловни центри и можноста за модерен и приватен животен стил. Преку своите проекти, компанијата внимателно ги избира зоните што нудат комфор и висок животен стандард – што понатаму се одразува и во квалитетот на градбата.
Во туристичките области крај езера, фокусот е на ексклузивни проекти кои се наменети за купувачи со високи приходи и инвеститори што бараат втора куќа или викенд-имот. Овие имоти се карактеризираат со сликовити локации, приватност, брз пристап до големи градови и совршен спој меѓу природата и современиот луксуз. Со следење на јасна стратегија меѓу урбани и туристички зони, Balfin Austria не само што одговара на различни пазарни потреби, туку истовремено ја намалува изложеноста на ризик и обезбедува стабилност на портфолиото на среден и долг рок.

Можете ли да споделите некои од проектите на Balfin Austria што се очекува да се финализираат наскоро?

Секако. Во моментов, Balfin Austria има четири проекти во развој:

Bright Side – ексклузивен проект во живописниот и историски град Гмунден, со поглед кон езерото Траунзе. Нуди луксузни апартмани за одмор со врвни архитектонски стандарди, современа технологија и премиум материјали. Инвестицискиот волумен е 12,5 милиони евра и е насочен кон стратешки купувачи и инвеститори кои бараат мир, природа, луксуз и елеганција.

ANDEA – Parkside Residences – станбена зграда во срцето на Виена, помеѓу историскиот центар и една од главните транспортни јазли. Комбинира елегантни станови и канцеларии од класа А и претставува визија на Balfin Austria за трансформација на постоечки објекти во проекти со нов идентитет. Вредноста на проектот изнесува 27,7 милиони евра.

Riverside Forest Residences – уникатен проект крај река, во шума во Гмунден. Нуди еколошки одржливи домови, погодни и за постојано живеење и за одмор. Вредноста на инвестицијата е 13,1 милион евра. Насочен е кон оние кои бараат спој на мирна природа и урбана поврзаност.


Effinger – најнов проект во Виена, замислен како резиденцијален комплекс од средна класа. Целта е да се понудат модерни, функционални и достапни станови за семејства и купувачи што бараат прифатливо домување во мирна семејна зона со добра транспортна поврзаност. Вредноста на проектот е околу 27,5 милиони евра.

Портфолиото на Balfin Austria значително се зголеми и во секторот за управување со недвижности. Како влезе компанијата во овој сегмент?

Овој развој е дел од долгорочната стратегија и визија на Balfin Austria за оптимизирање на управувањето со постоечките недвижности. Тој ја одразува проактивната пристапност на BALFIN Групацијата кон сè поголемата побарувачка за управување со имоти – не само за зачувување на нивната вредност, туку и за нивен одржлив раст. Со стекнатото искуство од развојот и инвестициите, Balfin Austria природно преминува во фазата на активно управување со имоти, што овозможува поефикасно следење и максимизирање на пазарниот потенцијал на секоја сопственост.

Австрија сè повеќе привлекува млади кои сакаат да студираат во Виена. Дали Balfin Austria ја разгледува оваа појава како можност за проширување?

Виена станува еден од најатрактивните градови за млади и меѓународни студенти, со зголемена побарувачка за станбен простор. Balfin Austria го гледа овој тренд како стратешка можност за проширување на своето присуство во резиденцијалниот и угостителскиот сектор. Разгледуваме проекти за студентско сместување – модерни, добро организирани објекти, изградени според меѓународни стандарди, со прифатливи цени и одржлив дизајн. Ваквите инвестиции ќе го зацврстат нашето позиционирање на пазарот и ќе придонесат за понатамошна диверзификација на портфолиото.

Кои се моменталните услови на пазарот на недвижности во Австрија, според вашите проценки?

Пазарот е под влијание на локални и глобални фактори. Континуираниот раст на населението и позицијата на Виена како економски, културен и деловен центар во Европа создадоа висока побарувачка за резиденцијални и комерцијални недвижности. Комбинацијата од ограничена понуда и реномето на градот како еден од најживеаните во светот резултира со постојан раст на цените, особено во централните зони. Паралелно, расте интересот за имоти во мали градови со пристап до природа и вода, кои се сè попривлечни за купувачи што бараат поквалитетен животен стил, втор дом за одмор или туристичко-деловна намена. Зголемената побарувачка за вили, апартмани за одмор и одржливи резиденции ги прави овие области стратешки точки за инвестиции во недвижности.

Дали Balfin Austria истражува нови сектори во Австрија?

Да. Компанијата активно истражува можности во секторот на угостителство. Виена, како стратешка точка за туризам и бизнис во Европа, има висока побарувачка за нови хотелски капацитети, краткорочно сместување (serviced apartments) и студентски домови. Со долгогодишната експертиза на BALFIN во овој сектор, се разгледуваат инвестиции во хотелиерство, не само во Виена, туку и во сезонски туристички дестинации. Понатаму, се разгледуваат и можности во секторот за забава, инспирирани од успехот на семејниот забавен центар HyperActive во Косово. Како Balfin Austria, постојано сме во потрага по интересни и одржливи проекти каде можеме да донесеме нова експертиза и да придонесеме за локалниот економски развој.

Дали компанијата истражува нови пазари или сектори во други држави?

Balfin Austria неодамна започна да ги разгледува можностите за проширување во Германија и Швајцарија. Се истражуваат проекти за реконструкција на постоечки објекти за станбена или деловна намена, како и нови градби на празни парцели. Особено внимание се посветува на јужниот регион на Германија, главно Баварија – еден од економски најразвиените региони со висок потенцијал за одржливи инвестиции во недвижности. Оваа стратегија ја рефлектира намерата на Balfin Austria да влезе на германскиот пазар со цврста перспектива за раст.

(ПР)

Прикажи повеќе...

Најново

Економија11 минути

Мицкоски: Британците доаѓаат со 6 милијарди евра инвестиции во здравството и во инфраструктурата

Со потпишување на стратешки договор за партнерство со Обединетото Кралство, Македонија го отвора патот за инвестиции вредни шест милијарди евра,...

Македонија24 минути

Ахмети му порача на Мицкоски дека Албанците не се гости во оваа држава

На завршниот мобилизациски собир на ДУИ во Арачиново, лидерот Али Ахмети испрати остри политички пораки до премиерот Христијан Мицкоски, обвинувајќи...

Свет2 часа

На заробените Украинци им вадат и бушат нокти, им сечат прсти, им вадат очи со лажица…

Војната во Украина, која започна во февруари 2022 година со руската инвазија, трае повеќе од три години и има сериозни...

Македонија3 часа

Денес облаци и дожд, утре стабилизација и температури до 26 степени

Во текот на денешниот ден времето во Македонија ќе биде променливо облачно, со повремен локален дожд во западните делови од...

Економија14 часа

Мицкоски најави инвестиции од 6 милијарди евра од Велика Британија

Премиерот, Христијан Мицкоски, најави инвестициски циклус во вредност од 5 милијарди фунти, 6 милијарда евра, во делот на инфраструктурата, железницата, здравството…...

Свет15 часа

Главниот преговарач на Москва се огласи и испрати порака: Русите секогаш го добиваат своето

Војната и преговорите во историјата отсекогаш се воделе истовремено, изјави шефот на руската делегација за преговори со Украина и помошник...

Македонија20 часа

(Видео) Бело платно со имињата на жртвите од пожарот во Кочани пред Обвинителството

Иницијативата „Кој е следен“ со герила акција побара правда за жртвите од катастрофалниот пожар кој се случи на 16 март...

Македонија20 часа

Обвинителите објавија нова видеоснимка на која Манев се враќа по лопата: „Однапред се подготвувале за убиството на Вања“

На денешното рочиште за убиствата на Панче Жежовски и Вања Ѓорчевска беше прикажана необјавена снимка од 24 ноември 2023 година,...

Македонија21 час

Четворица повредени од пожарот во Кочани се враќаат во земјата, во странство остануваат уште 11 лица

Министерството за здравство информира дека уште четворица пациенти, кои беа повредени во пожарот во Кочани, се враќаат од странство и...

Македонија22 часа

Ексдиректорите осудени на една година и шест месеци затвор за пожарот во модуларната болница во Тетово

Ексдиректорите на Клиничката болница во Тетово, Флорин Бесими и Артан Етеми, се осудени на 1 година и 6 месеци затвор за...

Македонија23 часа

Добив втора шанса за живот: се огласи повредениот гитарист на ДНК

По два месеца лекување во Солун од трагедијата во дискотеката „Пулс“ во Кочани, се огласи познатиот музичар и член на...

Македонија1 ден

Меџити ќе чека на „Вреди“ да се приклучат членови од опозициските албански партии, а потоа ќе предложи нов министер за здравство

Вицепремиерот и министер за животна средина Изет Меџити како еден од лидерите на „Вреди“ денес рече дека предлогот за нов...

Европа1 ден

(Видео) Почна состанокот меѓу САД, Украина и Турција во Истанбул

Трилатерален состанок на високо ниво меѓу делегациите од Турција, САД и Украина почна во петокот во Истанбул под водство на...

Македонија1 ден

Ја удирал со боксови и тупаници, па ја силувал во автомобил на паркинг во Сопиште: поднесено обвинение против 37-годишен скопјанец

Основното јавно обвинителство Скопје спроведе истражна постапка и поднесе Обвинителен акт против 37-годишен скопјанец за кривично дело – Полов напад...

Македонија1 ден

До ОЈО Куманово доставен обдукцискиот наод за починатиот Ведат Адеми

Институтот за судска медицина до Основното јавно обвинителство Куманово го достави обдукцискиот наод за починатиот пациент Ведат Адеми. Наодот се...

Македонија1 ден

Мицкоски за „Евроњуз“: Граѓаните живеат тешко, но се враќа надежта, постигнавме да сме први во Европа по странски инвестиции и ја намаливме инфлацијата

Премиерот Мицкоски во неговото интервју за „Еуроњуз“ се осврна и на економската состојба во Македонија и животниот стандард на македонските...

Македонија1 ден

Сиљановска-Давкова на средбата со Кошта: Не смееме да бидеме колатерална штета на ветото и на билатерализацијата на процесот на евроинтегрaцијата

Претседателката Гордана Сиљановска-Давкова оствари средба со претседателот на Европскиот совет, Антонио Кошта, на која нагласи дека во процесот на европската...

Македонија1 ден

„Оваа недела во Државниот архив на Северна Македонија ангажирани 14 нови вработени, сите Македонци и ниеден Албанец“, велат од ДУИ

„Оваа недела во Државниот архив на Северна Македонија се ангажирани 14 нови вработени – сите Македонци – и ниту еден...

Европа1 ден

Нема директни преговори меѓу Украина и Русија: трилатерални средби во Истанбул денес

Трилатерални средби најверојатно ќе се одржат во Истанбул денеска наместо мировни преговори што требаше да започнат меѓу делегациите на Русија...

Свет1 ден

Рубио: Сите членки на НАТО ќе издвојуваат 5 проценти од БДП за одбрана

Американскиот државен секретар Марко Рубио изјави дека на претстојниот самит на НАТО во јуни, сите негови членки ќе се согласат...