Контакт

Економија

Одржана редовна седница на Извршниот одбор за монетарната политика: основната каматна стапка се задржува на нивото од 6,30 проценти

Објавено пред

На 11 јуни 2024 година се одржа редовна седница на ИО за поставеноста на монетарната политика на Народната банка, на која беа разгледани најновите податоци и информации за глобалната и за домашната економија и најновите случувања на меѓународните и на домашните финансиски пазари во контекст на поставеноста на монетарната политика.

dobivaj vesti na viber

На седницата беше оценето дека тековната поставеност на монетарната политика е соодветна на условите во економијата. Со тоа, каматната стапка на благајничките записи останува на нивото од 6,30%, а каматните стапки на депозитите преку ноќ и на 7 дена на нивоата од 4,20% и 4,25%, соодветно. Понудата на благајнички записи на редовната аукција е исто така непроменета и изнесува 10 милијарди денари. И натаму се очекува дека тековното ниво на каматните стапки, заедно со досегашните промени кај задолжителната резерва и преземените макропрудентни мерки ќе придонесат за натамошно забавување на инфлацијата и за задржување на стабилноста на девизниот курс. Притоа, последните промени кај инструментот задолжителна резерва, чија примена започнува од јуни, обезбедуваат дополнителна поддршка за прудентноста на монетарната политика.

Главниот акцент при носењето на одлуката за задржување на тековната поставеност на монетарната политика беше ставен на потребата од стабилизирање на инфлацијата и инфлациските очекувања на потрајна основа. Инфлацијата во мај 2024 година умерено забрза и изнесува 4,5% на годишно ниво, при позитивен придонес за растот како од базичната инфлација, така и од останатите компоненти. Сепак, динамиката на инфлацијата во мај не отстапува од патеката на движење предвидена во рамките на пролетните проекции на Народната банка. Според овие проекции, за целата 2024 година се очекува просечна инфлација од 3,5%. Во однос на цените на примарните производи на берзите, најновите прогнози се ревидирани умерено нагоре, односно се очекува нивен помал пад оваа година, а нестабилниот геополитички контекст и натаму создава неизвесност и нагорни ризици за следниот период. Оттука, беше оценето дека е потребна натамошна претпазливост при водењето на монетарната политика. Во однос на политиката на Европската централна банка (ЕЦБ), на последната седница во јуни беше донесена одлука за намалување на основните каматни стапки за 0,25 п.п., во согласност со очекувањата на пазарите. Притоа, ЕЦБ нагласи дека и покрај намалувањето, со новото ниво на каматните стапки сè уште се задржува затегнатоста и претпазливоста на монетарната политика.

Состојбата на девизниот пазар е стабилна и движењата се поволни. Нивото на девизните резерви на крајот на мај изнесува 4.293,6 милиони евра, што е соодветно за задржување на стабилноста на курсот на домашната валута. Движењата на девизниот пазар и натаму се поволни и придонесуваат за интервенции со нето-откуп на девизи од страна на Народната банка од почетокот на годината, при солиден прилив на девизи и на менувачкиот пазар. Во однос на последните расположливи податоци од надворешниот сектор, трговскиот дефицит во април 2024 година е во согласност со очекувањата од априлскиот циклус проекции. Остварувањата на менувачкиот пазар во вториот квартал, заклучно со втората декада од мај засега се близу до проектираните нето-приливи од приватните трансфери.

Економскиот раст во првиот квартал на 2024 година малку забрза, во согласност со проекциите на Народната банка, но поумерено од очекувањата. Реалниот раст на домашната економија изнесува 1,2% на годишна основа, при натамошен раст и на квартална основа. Високофреквентните податоци за вториот квартал од 2024 година со кои се располага упатуваат на висок реален годишен раст на прометот во вкупната трговија, а индустриското производство бележи мал пад. Сепак, расположливоста на податоците е ограничена и не е доволна за попрецизна оцена. Во однос на ризиците за растот во следниот период, тие и натаму постојат и се поврзани пред сѐ со случувањата во надворешното окружување, но и со интензитетот на остварувањето на домашните инфраструктурни проекти.

Во монетарниот сектор, според првичните податоци за мај 2024 година, депозитниот потенцијал на банките и натаму расте, слично на очекувањата, при малку посилен кредитен раст од проектираниот.

Општо земено, најновите остварувања кај макроекономските показатели засега се близу до очекувањата од последните проекции, но условите за водење на монетарната политика и натаму се неизвесни. Потребно е натамошно внимателно следење на динамиката и факторите кај инфлацијата, како и претпазливост во однос на водењето на макроекономските политики коишто влијаат врз побарувачката во економијата, вклучително и на пазарот на трудот. Народната банка и натаму е подготвена да ги употреби сите неопходни инструменти и да презема соодветни мерки со коишто ќе се придонесе за задржување на стабилноста на девизниот курс, стабилизирање на инфлациските очекувања и за ценовна стабилност на среден рок, информираат од НБРМ.

Економија

Се отвора најголемиот и најексклузивен продажен салон за ИТ, гејминг и аудиоопрема во Македонија!

Објавено пред

Анхоч го најавува отворањето на најновиот продажен салон со многу подароци и изненадувања.

dobivaj vesti na viber

На 20 Jули, Анхоч ќе го отвори најновиот, најголем, најексклузивен продажен салон за ИТ, гејминг и аудио опрема во Македонија – Анхоч Дискавери (Аnhoch Discovery).

Точно на пладне во Рамстор Mол во Скопје со многу изненадувања и подароци ќе биде отворен овој најнов продажен салон на Анхоч.

Компанијата најавува дека ќе има голем број подароци и максимално намалени цени, откриваме дел од изненадувањата:

За првите 100 купувачи, со секоја сметка поголема од 3.000 денари следуваат гратис гејмерски слушалки + вредносен ваучер.

Со секој купен смартфон – подарок бадс

Со секоја купена гејминг тастатура следува подарок гејминг маус, со секој купен лаптоп, следува ранец…

Само на 20 јули најпопуларната гејминг столица Genesis Nitro 550ка, ќе се продава по ексклузивна цена од 7.480мкд.

Погледнете дел од понудата ТУКА.

И не пропуштајте го отворањето на 20.07ми точно во 12:00ч, во Рамстор Мол на 1ви Кат, следуваат уште многу вртоглаво намалени цени и изненадувања.

ПР

Прикажи повеќе...

Економија

Николоски: Имаме добра соработка со Светската банка, нудиме многу проекти за граѓаните и модернизација на инфраструктурата

Објавено пред

Урбан развој на општините и подобрување на локалната економија е еден од приоритетите на Владата, истакна заменик на претседателот на Владата и министер за транспорт Александар Николоски на средбата со Шаошинг Ју, директорка на Светска банка за Западен Блакан и Масимилијано Паолучи, директор на канцеларијата на Светска Банка за Македонија и Косово.

dobivaj vesti na viber

Министерот Николоски потенцираше дека Владата преку Министерството за транспорт го започнува најголемиот инвестициски циклус во развој и модернизација на целокупната инфраструктурата.

Според министерот, инвестициите во капитални добра носат дополнителен бенефит за граѓаните и ја стимулираат економијата на државата. 
На средбата со претставниците од Светска Банка се разговараше и за реализација на инфраструктурните проекти што се реализираат токму со финансиска поддршка од Банката.

Министерот го потенцираше проектот “Олеснување на транспортот и трговијата за Западен Балкан” преку кој во скоро време ќе започне реконструкција на граничните премини Ќафасан и Деве Баир. 

Исто така во рамки на соработката со Светска банка се посочи и проектот за воведување на едношалтерски систем преку кој ќе се зголеми ефикасноста во работењето на сите гранични премини.

Министерот изрази благодарност за досегашната соработка посебно во делот на изградба и реконструкција на локалните улици и патишта како клучен проект за урбан развој на општините и подобрување на безбедноста во сообраќајот.

„Светска банка е долгогодишен партнер на Македонија. Имаме одлична соработка особено за проекти во ресорот со кој раководам. Во следниот период ќе реализираме сериозни инфраструктурни проекти предвидени во владината програма за работа и таму кај што ќе имаме обостран интерес би можеле да ја зголемиме соработката со Банката. Нашата цел е на граѓаните да им овозможиме квалитетна и безбедна инфраструктура бидејќи парите што тие ги даваат во буџетот мора разумно да ги инвестираме во издржани проекти”, истакна министерот Николоски по средбата.

Прикажи повеќе...

Економија

Дали ќе се зголеми минималната плата зависи од вонредни ревизии кои сите јавни институции треба да ги завршат за еден месец

Објавено пред

На барањето на Сојузот на синдикати на Македонија (ССМ) Владата во првите сто дена да ги прими на разговор и да ја зголеми минималната плата на 450 евра, министерката за финансии Гордана Димитриевска-Кочоска одговори со барање за дополнителни анализи. Токму поради ова барање на синдикатите вели дека ги задолжила сите јавни институции да направат вонредни ревизии од ќе зависи што ќе се прави со минималната плата.

dobivaj vesti na viber

„Затоа побараме функционална анализа во делот на јавната администрација. Ги задолживме институциите секој да достави функционална анализа, прво да видиме што се случува таму, паралелно со тоа ќе се види што ќе се прави со минималната плата. Требаше да има корекција на платата на администрацијата и таа е предвидена во буџетот. Знаете дека законски имаат право на корекција и таа корекција во законот вели ако е над 3 % инфлацијата разликата меѓу она што било реална инфлација и тие над три проценти им се додава, чинам беше некаде 0,7 % зголемување на платите согласно законот за јавниот сектор“, рече министерката Димитриевска-Кочоска денес, образложувајќи го ребалансот на буџетот.

Со заклучок на Влада, сите јавни институции се задолжени да преземат итни активности во рамки на своите институции, единки и корисници во насока на спроведување на вонредни ревизии за утврдување на наменското трошење на финансиските средства на Буџетот,ж и најдоцна во рок од 30 дена до Владата да достават повратна информација. Освен тоа јавните институции се задолжени при склучување на колективните договори да ги имаат предвид одобрените буџетски средства и да не преземаат обврски за кои немаат обезбедено средства во буџетот за тековната година и утврдените максимални износи на расходи на среден рок.

За разлика од министерката за финансии која ќе чека анализи за да разговара за зголемување на минималната плата, министерот за економија, Бесар Дурмиши, пред две недели рече дека за барањето на синдикалците минималната плата да биде 450 евра ќе се разговара на првата седница на економско-социјалниот совет, но не кажа за кога е планирана.

Синдикалците на првомајскиот протест годинава побараа минимална плата од 450 евра и враќање на трошоците за храна и превоз во првите сто дена на новата влада или протести.

Прикажи повеќе...

Најново

Топ23 минути

МВР со детали за пукањето во Чаир: повреден е 31-годишник од Скопје

Вчера во 21.50 часот во СВР Скопје е пријавено дека во Градската општа болница „Св. Наум Охридски“ бил донесен 31-годишниот...

Македонија3 часа

Ново пукање во Чаир, улиците станаа небезбедени за граѓаните со ВМРО-ДПМНЕ, велат од СДСМ

„Постајно се случуваат пукања и криминални пресметки и безбедносната состојба станува алармантно лоша. Сигурноста на граѓаните е во постојан ризик....

Македонија4 часа

ЦУК: Oд рани зори се гасат пожари по земја и со воздухопловна поддршка од сите летала што се на располагање

Центарот за управување со кризи (ЦУК) информира дека во последното деноноќие имаше вкупно 24 пожари на отворено. Утрово активни се...

Култура5 часа

Европски филмови на плажа и на брод во Охрид секоја вечер до недела – „Живи и здрави“ го отвори 7. издание на „Бич филм фестивал“

Под отворено небо, филмот „Живи и Здрави“ на црногорскиот режисер, Иван Мариновиќ, синоќа го отвори седмото издание на фестивалот „Бич...

Свет5 часа

(Видео) Шеснаесет лица загинаа во пожар во трговски центар во Кина

Шеснаесет лица загинаа во пожар во стоковна куќа во југозападната кинеска провинција Сечуан, објавија државните медиуми. Синоќа кинеската државна телевизија...

Европа5 часа

(Фото) Сателитите открија „Панцир“ системи и мистериозни објекти кај резиденцијата на Путин

Сателитските снимки открија дека нов систем за противвоздушна одбрана со краток дострел штити една од резиденциите на рускиот претседател Владимир...

Регион6 часа

Мажи од такси-возило пукале кон полицајци во Србија, еден убиен: напаѓачот се бара и со хеликоптер

Синоќа имало пукање во Лозница, град на западот на Србија. Се се случило при рутинска контрола на такси возила од...

Свет7 часа

Бајден има коронавирус

Американскиот претседател Џо Бајден е позитивен на тестот на Ковид-19, потврди Белата куќа, откако тој присуствуваше на настан во Лас...

Економија17 часа

ЈПДП, ЈСП, Железници и ЕСМ Димитриевска-Кочоска вели дека направиле грабеж на државата: Обезбедени се 5,1 милијарда денари за кредити кои ги зеле, но не можат да ги вратат

Со ребалансот на буџетот новата Влада обезбеди 5,1 милијарда денари за сервисирање на кредитни обврски кон меѓународни финансиски институции во...

Македонија21 час

Петровска: Мицкоски реши своето синче да го почасти со патување во Вашингтон, ДПМНЕ го штити со лаги

„Последното соопштение на ДПМНЕ е резултат на нивниот очаен бес како да го заштитат лидерот Мицковски од службената злоупотреба што...

Македонија21 час

(Видео) Пожарникарите и цивилите заробени на Огражден се евакуираат со словенечки хеликоптер

Градоначалникот на Ново Село, Ѓорѓе Божинов, преку „Фејсбук“ извести дека заедно со пожарникарите и цивилите се заробени на Огражден. „Во...

Македонија21 час

Повторно отворен граничниот премин Богородица

Министерството за внатрешни работи ги известува граѓаните дека повторно е отворен граничниот премин Богородица. Граничниот премин денеска беше привремено затворен...

Економија22 часа

Економијата е во клиничка смрт, но има 5 милијарди денари за пензии и ќе се зголемат платите на администрацијата, уверува министерката за финансии

Лошата состојба во буџетот ги надминала очекувањата на новата Влада, но министерката за финансии, Гордана Димитриевска-Кочоска, уверува дека со ребалансот...

Македонија1 ден

Романскиот авион „спартан“ со водни бомби ќе го гасне пожарот на Солунска Глава

Пристигнаа романските авиони „спартан“ и „херкул“, кои ќе помогнат во гаснењето на пожарите. Директорот на Центарот за управување со кризи...

Македонија1 ден

Oбјавени имињата на предлозите за заменик-министри

Владата до Собранието ги предложи следните имиња за заменик-министри, при што целосно се комплетира владиниот тим. За заменик-министер во Министерството...

Македонија1 ден

Владата именува директори на повеќе институции

Владата, вчера, на шестата седница донесе повеќе одлуки за разрешување на досегашните и именување нови кадровски решенија, и тоа: Фејсаљ...

Свет1 ден

Бајден го откри условот за повлекување од претседателската трка

Претседателските избори во САД ќе се одржат на 5 ноември. Американскиот лидер Џозеф Бајден во интервју изјави дека ќе се...

Свет1 ден

Лавров: САД е во голема заблуда ако мисли дека нема да страдаат од нова светска војна

Администрацијата на американскиот претседател Џозеф Бајден е во голема заблуда ако мисли дека САД нема да страдаат од нова светска...

Македонија1 ден

Расчистен обидот за убиство врз градоначалникот на Арачиново, поднесена кривична пријава

Полицијата го расчисти случајот со пукањето кон градоначалникот на општина Арачиново и други лица вработени во општината, додека вршеа увид...

Култура1 ден

„Бизнисот на задоволството“ со награда во Уругвај за сценографија

„Бизнисот на задоволството“ на Гоце Цветановски се закити со десетто признание на меѓународните филмски фестивали во светот. Овој пат наградата...