Платите во Велика Британија во мај беа повисоки за од 3,6 проценти во споредба со истиот период минатата година, што претставува најголем пораст од 2008 година, објави британската канцеларија за статистика ОНС во вторникот.

Ова, исто така, значи дека платите во Велика Британија растат побрзо од инфлацијата во март минатата година, според податоците од ОНС објавени од „Би-би-си“.

До крајот на мај бројот на вработени во Велика Британија достигна рекордни 32,75 милиони, додека без работа се 1,29 милиони граѓани, што е најмалку барем од 1992 година.

Управата за јавни приходи информира дека од 1 јули 2019 година, кога почна реализацијата на мерката поврат на 15 % од пресметаниот ДДВ, апликацијата МојДДВ преку „Гугл плеј стор“ и „Ејпл стор“ ја презеле над 140 000 граѓани.

Заклучно со 15 јули 2019 година, скенирани се вкупно 2.993.788 фискални сметки, остварен е промет од 1.572.173.704 денари, а повратот од 15 % од пресметаниот ДДВ изнесува 25.368.380 денари.

Управата за јавни приходи ја известува јавноста дека граѓаните кои не се во можност да ја користат апликацијата МојДДВ на своите телефони може да ги користат услугите што ги нуди УЈП во сите свои oрганизациски единици каде што фискалните сметки може да се скенираат на киоск-апарати, баркод-читачи, како и паметни телефони на кои е инсталирана апликацијата МојДДВ.

УЈП изразува задоволство од досегашната реализација на мерката, како и од ефектите што се во насока на намалување на сивата економија.

Во Управата за јавни приходи граѓаните пријавуваат нерегуларности и сè почесто инсистираат да им бидат издадени фискални сметки.

„Нестле“ најде начин да направи чоколада без додавање шеќер, што претставува еден вид револуција во прехранбената индустрија.

Компанијата за храна користи патентирана технологија за претворање на белата пулпа што ги обвива зрната на какаото во прав кој природно содржи шеќер. Оваа есен во Јапонија, „Нестле“ ќе почне да продава „кит-кет“ со 70 проценти темна чоколада според новиот рецепт кој не вклучува дополнителен шеќер.

Досега пулпата никогаш не била користена како засладувач на чоколада и обично се фрла. „Нестле“ може да го користи истиот процес за производство на млеко или бело чоколадо во иднина.