Контакт

Економија

Поставен камен-темелник на Штип Сити Мол – Поблиску до Вас!

Објавено пред

Денеска во Штип беше поставен камен-темелник со кој се означи почетокот на реализацијата на проектот Штип Сити Мол- Поблиску до Вас! чиј носител е компанијата Дик Фагус.

Инвестицискиот проект Штип Сити Мол – Поблиску до Вас! тежи 10 милиони евра и подразбира изградба на модерен бизнис комплекс и хотелски објект кои во наредниот период ќе имаат важна улога за заедницата преку поттикнување на економскиот развој во источниот регион и отворање на повеќе од 250 нови работни места.

„Ова е важен проект за мене лично, за моето семејство, кое е дел од оваа заедница, и за мојата компанија која децении наназад се развива и успешно работи овде. Идејата е да изградиме место кое ќе претставува двигател на економскиот развој во градот Штип и поширокиот регион, да ги донесеме поблиску до граѓаните на источниот регион големите брендови и на едно место да понудиме содржини карактеристични за модерното урбано живеење. Штип Сити Мол- Поблиску до Вас! е проект кој има потенцијал да отвори многу работни места и да стимулира напредок на целиот регион“, истакна на денешниот настан Горан Јордев, извршен директор на Дик Фагус.

На настанот присуствуваа и министерот за транспорт и врски Благој Бочварски и градоначалникот на Штип, Сашко Николов кои ја потенцираа важноста на ваквите инвестиции за опоравување на македонската економија во време на светска економска криза предизвикана од ковид-19 пандемијата како и за економски развој на источниот регион и задржување на младите во Штип.

„Во ова тешко време на ковид криза, ова е убава можност да одбележиме почеток на еден многу значаен проект за Штип и регионот. Убеден сум дека овој проект е пресвртница за градот кој ќе отвори преку 250 нови работни места и нови можности за економски развој. Владата ќе продолжи да работи со своите политики на поттикнување на македонските компании да инвестираат во државата, конкретно ресорот што го водам ќе настојува да пружа помош и поддршка во доменот на изградба на инфраструктура со цел компанитите да имаат добри услови за градба и инвестирање“,  рече министерот за транспорт и врски Благој Бочварски.

„Ми претставува особена чест и задоволство, на овој убав ден Св. Никола, патронен празник на нашиот град, да присуствувам на почетокот на изградбата на еден прекрасен објект со кој Штип ќе се гордее. Штип Сити Мол ќе биде место на сретнување и собирање за сите туристи, сите граѓани на градот и пошироко од регионот, ќе доаѓаат овде ќе уживаат во Штип Сити Мол, во гостопримството на Штипјани и во нашата штипска пастрмајлија. Како градоначалник на Штип, благодарен сум на компанијата Дик Фагус што инвестираат за доброто на сите граѓани и ќе настојувам да помагам на сите кои сакаат да отовраат можности за унапредување на градот“, рече новоизбраниот градоначалник на Штип, Сашко Николов.

Дик Фагус е компанија-лидер во дрвната индустрија која помеѓу првите македонски компании се ориентираше дизајнерски, продавајќи под своето име, македонски производ. Од 2005 е во сопственост на Пеком Инженеринг, компанија која постои и се развива од 1990 година. Дик Фагус денеска брои 500 вработени и извезува на пазарите во Велика Британија, Западна Европа, Блискиот Исток, Израел, Америка и Канада, Австралија и Скандинавски земји. Штип Сити Мол – Поблиску до Вас! е проект кој се очекува да биде завршен во 2022 година.

Економија

Apple ДЕНОВИ во Нептун! Големи попусти и до 24 рати без камата до 31 јануари  

Објавено пред

На задоволство на голем број вљубеници во врвниот квалитет, модерниот дизајн и ненадминливите перформанси на Apple производите, Нептун Македонија  подготви извонредна Apple понуда  – Apple ДЕНОВИ ! Не само што ќе можете да ги најдете вашите омилени Аpple прои зводи со неодоливи попусти, туку ќе можете да ги платите на 24 рати БЕЗ камата!

Купувајте овие Apple ДЕНОВИ во Нептун и искористете ги извонредните попусти и понуди само до 31 јануари. Одберете MacBook Pro, iPhone12 Pro, iPhone12 Pro Max, iMac, iPhone 12, MacBook Air, iPhone 12 mini, iPhone 11, iPad Air, iPhone SE, AirPods Pro, Apple smart keyboard, AirPods2 и други одлични модели на попусти и до 24 рати без камата со happy кредит, кредитни картички и синдикална продажба.

Понудата на Нептун за попусти и до 24 рати без камата важи само за оние кои ќе купат производ од Apple понудата најдоцна до 31 јануари 2021г. Затоа побрзајте и имајте го вашиот нов Apple уред! Целата понуда може да ја погледнете на следниот линк:  https://bit.ly/39c7hrp

(ПР текст)

Прикажи повеќе...

Економија

Владата ја усвои Програмата за економски реформи 2021-2023

Објавено пред

Владата ја усвои тригодишната стратегија за структурни реформи – Програма на економски реформи (ПЕР) 2021-2023. Овoj стратешки документ e исклучително важен дел од пристапниот процес кон Европската Унија. Програмата, чија подготовка ја координира Министерството за финансии, ја содржи среднорочната макроекономска и фискална рамка, како и структурните реформи кои треба да се спроведат, а кои се утврдени преку заеднички дијалог со Европската комисија.

Во Програмата за економски реформи 2021-2023 се опфатени 20 приоритетни мерки (реформски области), кои треба да се спроведат во наредните три години во насока на реформа на пазарот на енергија и транспорт, развој на земјоделскиот сектор, подобрување на деловното окружување и намалување на сивата економија, поддршка на истражување, развој и дигитална трансформација, регионално економско поврзување, образование и вештини, социјална заштита и инклузија, како и здравствена заштита.

Од аспект на реформата на пазарот на енергија и транспортот предвидени се мерки за зголемување на конкуренцијата на пазарот на електрична енергија, промоција на обновливи извори на енергија, подобрување на енергетската ефикасност и имплементација на интелигентен транспортен систем по должина на  паневропскиот Коридор 10.
Во насока на развојот на земјоделскиот сектор предвидени се мерки за подобрување на системите за наводнување, консолидација и дефрагментација на земјоделско земјиште, формирање на земјоделски задруги и подобрување на пристапот до обработливите земјоделски површини.

Програмата предвидува и мерки насочени кон подобрување на деловното окружување и намалување на неформалната економија. Од аспект на подобрувањето на деловното окружување се предвидува рационализирање на парафискалните давачки и формирање на единствен регистар за истите, понатаму формирање на електронски пазар за набавки од мала вредност и поддршка на новоосновани мали и средни претпријатија во помалку развиените региони. Во насока на намалување на неформалната економија ќе се преземат механизми за поттикнување на регистрираните економски активности и трансакции и со фокус на секторите, каде што има најголема веројатност за непријавена работа.
Мерките со кои ќе се поддржи истражувањето, развојот и дигиталната трансформација опфаќаат проширување на опсегот на услуги на националната платформа Е-услуги, како и подобрување на соработката меѓу академската заедница и индустријата.

Во делот на регионалната економската интеграција се опфатени мерки насочени кон поедноставување на прекуграничните инспекциски и царински процедури и зајакнување на внатрешниот пазар во земјата.Понатаму, ПЕР предвидува активности за подобрување на резултатите од образовниот процес и намалување на неусогласеноста на вештините и квалификациите со потребите на пазарот на работна сила. Истовремено, ќе се работи и на спроведување на новиот Закон за социјална заштита, особено во поглед на најранливите категории граѓани, како и поголема активност на работоспособното население. Во оваа Програма за првпат се вклучува здравствениот сектор, каде се предвидени активности за подобрување на здравствената заштита на населението.

ПЕР 2021 – 2023 ќе се достави до Европската комисија до крајот на јануари 2021 година. По доставувањето, истата ќе биде оценета од страна на ЕК. На крајот, ќе се спроведе дијалог во рамките на Советот на ЕУ со министрите за финансии и гувернерите на централните банки од земјите кандидати за членство од Западен Балкан и Турција. Резултат на дијалогот е донесување заеднички заклучоци врз основа на оценката на ПЕР, со што се даваат препораки за подобрување во економските политики, со цел забрзување на економската конвергенција, зголемување на конкурентноста на деловниот сектор и отворање на нови работни места.

Прикажи повеќе...

Економија

Акација на „Спорт лајф“ за најголем број погодени натпревари!

Објавено пред

Во Sport Life стартуваше акцијата „До 50 шанси за 100 000 денари“ во која ќе се натпреваруваат играчите членови на СЛ клубот. Акцијата ќе трае од 22.01. до 22.3.2021 година, во 4 етапи од по 15 дена. Во тој период, во секоја одделна етапа, Sport Life ќе доделува вредни подароци за оние кои ќе погодат најголем број на натпревари на еден тикет, независно дали е тој добитен или недобитен.

Играчите со најмногу погодени натпревари на тикет ќе освојат 100.000 денари, за второпласираните следува вредносен ваучер од 25.000 денaри за производи од „Анхоч“ или „Техномаркет“, а, пак, третопласираните добиваат подарок месечно обложување, со вредносни ваучери од 200 денари секој ден.

Минималната уплата на тикет е 20 денари, додека на еден тикет може да се одиграат и до 50 натпревари, со минимален коефициент од 1,30. Акциската понуда важи само за несистемските тикети, односно за тикетите со една комбинација уплатени со приложување на СЛ клуб-картичката, а ги опфаќа и тикетите од понудата за обложување во живо, микс тикетите и тикетите со натпревари од Супер тип понудата.

Сите информации во врска со овој натпревар, како и тековната ранг-листа можете да ги дознаете ТУКА.

Со зачленувањето во СЛ клубот играчите na Sport Life се здобиваат со екслузивно право да учестуваат во оваа и голем број други акции и натпревари како што се Типстер на месецот, Втора кеш шанса, како и да освојуваат поени за вредни подароци од СЛ маркетот.

Прикажи повеќе...

Најново

Македонија10 минути

Земјотрес во Маврово со јачина од 3,6 степени

Земјотрес со јачина од 3,6 степени според Рихтеровата скала е почувствуван изутринава во 7.44 часот во подрачјето на Гостивар. Според...

Свет11 час

Прв телефонски разговор меѓу Путин и Бајден

Новиот американски претседател, Џо Бајден, денеска го одржал првиот телефонски разговор со својот руски колега, пренесе Белата куќа, додавајќи дека...

Македонија15 часа

21 починат и 444 новозаразени од Ковид-19

Министерството за здравство информира дека во последните 24 часа се направени 2.518 тестирања, а регистрирани се 444 нови случаи на...

Топ16 часа

Поранешниот прилепски градоначалник осомничен за криминал со државно земјиште

Против поранешниот градоначалник на Прилеп, Маријан Ристески, и уште осум лица, како и против две правни лица, поднесена е кривична...

Европа16 часа

Меркел бара затворање на границите и забрана за патување, пишуваат германските медиуми

Германската канцеларка, Ангела Меркел, за време на состанок на раководството на Христијанско-демократската унија (ЦДУ) се заложила за можност за целосна...

Македонија19 часа

ИЈЗ: Намалување на бројот на нови случаи и на починати

Според неделниот извештај на Институтот за јавно здравје во периодот од 18 до 24 јануари 2021, тестирани се вкупно 11.036...

Свет19 часа

СЗО: Нови совети во врска со лекувањето на Ковид-19, тимот во Вухан започнува со работа

Светската здравствена организација (СЗО) денес ги издаде најновите совет до клиничарите за лекување  пациенти со Ковид-19, вклучувајќи ги и оние...

Европа19 часа

(Видео) Германија: Маж со нож бодел луѓе на улица, има ранети

Германската полиција соопшти дека еден човек со нож нападнал и ранил неколку лица во градот Франкфурт пред властите да го...

Европа20 часа

Бразилскиот вид на Ковид-19 пристигна во Италија, вирусолозите предупредуваат дека вакцината не е ефикасна против него

Болница во градот Варезе, во регионот на Ломбардија, лекува лице на кое му е дијагностициран првиот случај во Италија на...

Македонија21 час

Семејство завеано во викендичка на Попова Шапка, без струја и без храна

Четиричлено семејство од Скопје останало заглавено во викендичка на Попова Шапка, бидејќи поради големите снежни навеви пристапот бил отсечен. За...

Македонија21 час

Филипче: Ја разгледуваме можноста за набавка на вакцини од Кина

Владата ја разгледува можноста за набавка на вакцини од Кина. Како што соопшти министерот за здравство, Венко Филипче, во моментот...

Европа22 часа

Меркел: Ситуацијата со коронавирусот ни избега од контрола

Германската канцеларка Ангела Меркел призна дека ситуацијата во земјата, во борбата против коронавирусот, им избегала од контрола на властите. Според...

Европа22 часа

Италијанскиот премиер Конте поднесе оставка

Италијанскиот премиер Џузепе Конте поднесе оставка, пишуваат италијанските медиуми. Агенцијата „Анса“ пишува дека премиерот ја објавил својата одлука пред членовите...

Македонија23 часа

Брзи антиген тестови на скопскиот аеродром

Со цел да одговори на најновите рестрикции за патување воведени поради Ковид-19 од страна на земјите од ЕУ/Шенген зоната, ТАВ...

Македонија23 часа

Португалското претседателство ќе настојува да почнат преговорите на Македонија со Европската Унија

За португалското претседателство процесот на проширување е важно прашање, истакна министерот за надворешни работи на Португалија, Аугусто Сантош Силва. Како претставник...

Македонија23 часа

СДСМ: Штетни се обидите за наметнување дебата колку проценти е која било етничка заедница

Штетни се обидите за наметнување дебата колку проценти на која било етничка заедница, велат од владејачкиот Социјалдемократски сојуз на Македонија,...

Европа24 часа

(Видео) Нови насилни протести во Холандија поради полицискиот час

Холандската полиција уапси 70 лица откако избувнаа нови немири трета ноќ по ред за време на протестите за одлуката на...

Свет1 ден

Поднесено обвинение против Трамп во Сенатот

Претставничкиот дом на американскиот конгрес поднесе обвинение до Сенатот за отповикување на поранешниот американски претседател Доналд Трамп, бидејќи неговиот говор...

Свет1 ден

Пирати киднапираa 15 морнари од турски брод, еден убиен

Во насилeн напад во близина на брегот на Нигерија пирати киднапирале 15 морнари од турскиот брод „Моцарт“, а еден член...

Свет2 дена

„Модерна“ тврди дека нејзината вакцина е ефикасна и против новите видови коронавирус

Вакцината на „Модерна“ дејствува и против новите видови коронавирус пронајдени во Велика Британија и Јужна Африка, тврдат научници од оваа...

Досие