Контакт

Економија

Проблемот е решен – македонските вина ќе може да се промовираат во Хрватска

Објавено пред

Македонските вина ќе може да се промовираат во Хрватска со нивните географски називи. Проблемот со пласманот кој неодамна се појави поради спорните одредби од новиот закон за вино на Хрватска, кои имаа рестриктивен карактер кон вината по потекло од Северна Македонија, преку комуникација со хрватските власти успешно е надминат, соопшти Министерството за земјоделство, шумарство и водостопанство.

Од таму појаснуваат дека одредбите не биле во согласност со Регулативата 1308/2013, која е облигаторна за Хрватска како земја членка на ЕУ, ниту со дополнителниот протокол за вино помеѓу РСМ и ЕУ како основен документ што целосно ги регулира односите меѓу РСМ и ЕУ од аспект на виното. Во решавањето и надминувањето на проблемот учествувале и претставници на Европската комисија.

„Најзасегнати од овој проблем беа винарските визби кои извезуваат вино во Република Хрватска. Имено, ним им беше забрането во која било форма да го рекламираат и промовираат виното од РС Македонија сo неговите географски називи. Ваквите рестрикции ќе предизвикаа намалување на продажбата во маркетите, кои постоеше реална опасност да престанат да го набавуваат македонското вино“, соопшти МЗШВ.

Сега вината по потекло од Северна Македонија ќе може да се рекламираат и промовираат во Хрватска. Ова е од големо значeње за винарските визби бидејќи Хрватска е втора извозна дестинација за вино во шише од Македонија.

„Со брзо надминување на проблемот винарските визби повторно го нормализираа своето работење, односно продажбата на вина на пазарот во Хрватска пред почетокот на летната туристичка сезона кога има и најголема побарувачка за вино“, велат од Министерството за земјоделство, шумарство и водостопанство.

Економија

Во Љуботен запленети над 12 тони тутун, нелегално се увезувал од сите соседни земји

Објавено пред

Над 12 тони тутун е одземен од жителите на Љуботен по спроведената акција во селото. Нема уапсени, бидејќи истрагата не е против физички лица, туку таргет се четири правни лица кои нелегално го увезувале тутунот.

Директорот на Финансиската полиција, Арафат Муареми, вели дека за две години, буџетот на државата е оштетен за над 7,5 милиони евра бидејќи не бил плаќан данок за стоката. Муареми рече дека од Љуботен биле одземени и машини со кои тутунот се преработувал.

„Во текот на 2018 и 2019 година дејствувале повеќе правни субјекти кои вршеле увоз на тутун од соседните земји Албанија, Србија, Грција и Бугарија, а потоа истиот, на црно се дистрибуирал и продавал на повеќе физички лица. Од наша страна постоеше сомневање дека физичките лица нелегално поседуваат машини со кои тутунот го преработувале, а потоа тој се продавал без акцизна бандерола на црниот пазар. Продажбата не се евидентирала никаде, а производителите и продавачите не плаќале данок. Тутунот бил наменет за пушење. Во 2018 година, буџетот бил оштетен за 5,5 милиони евра, а во 2019 година за над 1,8 милиони евра“, рече директорот на Финансиската полиција.

Директорот на Царинската управа, Ѓоко Танасоски, вели дека институциите работат за да се сузбие нелегалната продажба на режаниот тутун кој се продава на пазарите. Според него, при производство на ваков тутун се користат пестициди кои штетат на здравјето, а поради несоодвтениот начин на чување има и мувла, која што понатаму доведува до појава на рак.

„Нелегалната продажба на режан тутун штети на здравјето на граѓаните. Продажбата на ваков тутун има штетни последици. Овој вид на тутун нема никакви документи за начинот на производство, а не е контролиран ниту квалитетот. Во почетокот на годината Царинската управа формираше посебно работно тело за следење на оваа појава. Во координација со другите институции работиме за да ја сузбиеме нелегалната продажба на режаниот тутун кој се продава на пазарите. Пративме и мустри за анализи кои беа земени на различни места во државата, а дел од нив покажаа дека при одгледувањето се користат пестициди. Нережаниот тутун има и катран во недозволени количини. Поради несоодветниот начин на чување има и мувла, која преизвикува токсини, што доведува до појава на рак“, вели Танасоски.

Прикажи повеќе...

Економија

Анѓушев до стечајците од „Охис“: Треба да се пријави ако има сомнежи за злоупотреби на имотот на фабриката

Објавено пред

Средба со поранешни вработени од фабриката „Охис“ кои штрајкуваа пред Владата незадоволни од спроведената стечајна постапка оствари денеска вицепремиерот задолжен за економски прашањa, Кочо Анѓушев.

Како што информираат од владината прес-служба, на средбата било констатирано дека стечајната постапка на „Охис“ е завршена и спроведена од судските и стечајните органи, во процес во којшто Владата немала ингеренции и не се мешала.

Од страна на Анѓшев на поранешните вработени им било објаснето дека Владата ги разгледува можностите во рамките на сопствените ингеренции и законските можности за изнаоѓање на решение во врска со нивните барања.

„Владата не се меша, ниту ќе се меша во судски одлуки, а по обвинувањата од вработените дека постојат сомнежи дека во минатото се правеле злоупотреби на службената должност и се оштетувал имотот на ‘Охис’, а со тоа и имотот на државата, сите евентуални злоупотреби и сомнежи треба да се пријават и споделат со државните органи кои спроведуваат истражни постапки“, истакнал вицепремиерот.

Од Владата исто така потсетуваат за донесениот Закон за материјално обезбедување на невработени лица поради приватизација на претпријатија со доминантна сопственост на државата, преку кој се обезбедуваат околу 7800 денари или 34% од просечната плата на месечно ниво за лица кои имаат остварено преку 15 години стаж во некоја компанија која била во државна сопственост.

Во овој момент ваквото право го користат околу 8.000 лица, меѓу нив и поранешни вработени во „Охис“.

Прикажи повеќе...

Економија

СДСМ: Со повратот на 15 отсто од ДДВ државата првпат враќа пари директно кај граѓаните

Објавено пред

Со повратот на 15 отсто од ДДВ државата првпат враќа пари директно кај граѓаните, велат од Социјалдемократскиот сојуз на Македонија преку соопштение.

Со мерката „Мој ДДВ“, нагласува СДСМ, првпат државата им враќа пари на граѓаните, односно за секој денар платен ДДВ, на крајот на годината на граѓанинот му се враќа 15 отсто директно на неговата сметка.

На крајот од секоја година кај граѓаните ќе се вратат околу 50 милиони евра, велат од владејачката партија.

„Сите досегашни мерки, вклучително и повратот на ДДВ од 15 отсто, имаат една заедничка цел, подобар животен стандард, подобар живот на граѓаните, раст и развој“, додава СДСМ во соопштението.

Прикажи повеќе...

Најново

Македонија25 минути

Владата ќе испитува дали има основа да се раскине концесијата за Иловица

Владата на денешната 141 седница донесе одлука да го задолжи Министерството за економија да ја испита правната исполнетост на барањето...

Свет54 минути

ОН: Богатите ќе купуваат спас од жештините и гладот, на повидок е климатски апартхејд

Светот е на пат кон климатски апартхејд, во кој богатите ќе купуваат излез од најлошите ефекти од климатските промени, додека...

Економија3 часа

Во Љуботен запленети над 12 тони тутун, нелегално се увезувал од сите соседни земји

Над 12 тони тутун е одземен од жителите на Љуботен по спроведената акција во селото. Нема уапсени, бидејќи истрагата не...

Македонија3 часа

Дураки поднесе оставка: Моето раководење ќе остави траен белег во заштитата на животната средина

Садула Дураки поднесе оставка на функцијата министер за животна средина и просторно планирање од причина што е предложен за министер...

Регион5 часа

Ердоган: Ако е потребно, ќе направиме ревизија на владата, но без надворешни притисоци

Не можеме да ги предвидиме пораките на народот и да се оглушиме на нив, истакна денеска турскиот претседател, Реџеп Таип...

Македонија6 часа

Здравствениот инспекторат побара проверка на стручноста на лекарите за смртта на родилката

Државниот санитарен и здравствен инспекторат (ДСЗИ) вчера извршил вонреден инспекциски надзори во сите здравствени установи каде што била лекувана родилката од...

Македонија6 часа

(Видео) Арсовски: Советник од ДУИ незаконски гради бетонска база во Охрид

Безвластието и самоволието на локалните шерифи во Охрид е само слика и прилика од владеењето на Зоран Заев и СДСМ,...

Македонија8 часа

Кавадарчани фалсификувале американски долари, обвинение против 12 лица, меѓу кои и вработени во банка

Основното јавно обвинителство Велес поднесе обвинителен акт за фалсификување американски долари. Од Обинителството информираат дека обвинението се однесува на 12...

Македонија8 часа

Поднесено е обвинение против Ел Чека

Основното јавно обвинителство Кичево поднесе обвинение против Ел Чека за, како што се наведува, продолжено кривично дело – неовластено прислушување...

Македонија9 часа

Финансиската полиција спроведе акција во скопско Љуботен, жителите вознемирени

Финансиската полиција од утрово спроведува акција во скопското село Љуботен, каде што со помош на припадници на МВР се врши...

Свет11 час

Иран: САД го затвори патот на дипломатијата засекогаш

Техеран порача дека со воведувањето на нови американски санкции кон ирански претставници значи постојано затворање на патот на дипломатијата меѓу...

Свет11 час

Русија се враќа во Советот на Европа

Русија доби поддршка од Парламентарното Собрание на Советот на Европа, по неколку години да се врати во тоа тело, пренесе...

Македонија1 ден

Герила акција: Скопските дрвја во синџири

О2 иницијативата во соработка со Институтот за комуникациски студии спроведе герила акција со цел да укаже дека е неопходна слобода на...

Топ1 ден

Две лица се обиделе да запалат кафуле во Лисиче

Синоќа во 22 часот во СВР Скопје било пријавено дека пред кафе бар на улицата „Горно Лисиче“ во Скопје две...

Македонија1 ден

Тројца стружани со државни пари точеле гориво во своите приватни возила

Полицијата поднесе кривична пријава против три лица од струшко кои се сомничат за злоупотреба на службена положба и овластување. Од МВР...

Македонија1 ден

ВМРО-ДПМНЕ: Атанасов направи храбар чекор и ѝ кажа „не“ на неработливата и криминална Влада

ВМРО-ДПМНЕ ја поздрави одлуката на Петар Атанасов да се повлече од функцијата заменик-министер за образование. „ВМРО-ДПМНЕ ја поздравува одлуката на...

Македонија1 ден

Јанкулоска не оди во затвор, Врховен ѝ го прифати барањето за одлагање

Врховниот суд ѝ го прифати барањето на поранешната министерка за внатрешни работи, Гордана Јанкулоска, за одлагање на извршувањето на казната...

Македонија1 ден

Атанасов до Заев: Поднесувам оставка

Заменик-министерот за образование, Петар Атанасов, на „Фејсбук“ му се обрати на премиерот Заев порачувајќи му дека поднесува оставка од функцијата...

Топ1 ден

Камион поклопи маж при истовар на стока

Педесет и седумгодишен маж од село Скудриње вчера почина кога бил поклопен од неговиот камион ТАМ. Несреќата се случила кога...

Регион1 ден

Напнато на Медитеранот, грчките воени сили во состојба на готовност

Грчките вооружени сили се во состојба на готовност поради продолжување на можниот турски провокативен настап на истокот од Медитеранот, пишува...

Досие