Речиси од почетокот на годинава светот го зафати една од најголемите здравствени и економски кризи на нашата генерација, па затоа веруваме дека е убаво да се слушнат и некои позитивни вести. Така доаѓаме до една навидум мала маркетинг-агенција, која работи со големи клиенти и буџети – Lean SEM е македонска маркетинг-агенција, која менаџира гугл и фејсбук- кампањи за над 50 клиенти од Силиконската долина. Меѓу нивните клиенти се компании како: MasterClass, Udаcity и Dialpad.

Основа за напредокот на компанијата се членoвите на тимот – вработените. Тие се фокусираат на резултатите од кампањите како тоа е да е „спорт“. Постојаното барање на раст на „бројките“ на клиентите, како и решавање на секој нивен проблем се главна одлика на сите во Lean SEM. Со оглед на растот на компанијата, тие се во константна потрага по нови членови на тимот. Експертите кои веќе работат таму се подготвени да им дадат поддршка на сите нови членови, но нивно е да ја одберат работата во Lean SEM како стил на живот и кариера, а не само работа.

„Јас сум дел од Lean SEM тимот повеќе од 4 години, но мојата кариера не започна таму. Претходно работев во еден од телекомуникациските оператори – во маркетинг-тимот. Таму стекнав супер искуство! Сепак, по одредено време сфатив дека моите можности за раст се ограничени, а и можностите за платата кон која целам исто така. Она што го барав од мојата идна работа е можност да станам експерт, да вложам многу труд, но и сето тоа да ми биде наградено. Така дојдов во Lean SEM. Искрено, од самиот почеток сфатив со какви клиенти си имам работа, тоа се клиенти кои навистина бараат резултати“, изјави Габриела Лазова од Lean SEM во интервју за Канал 5.

Паралелно со успешноста на вработените во носењето резултати, тие растат во компанијата. Важно е да се посветите на работата, но можностите за ваш професионален раст зависат само од вас, нема горна граница.

„Имав огромна поддршка од тимот и менторот кои увидоа дека носам резултати. Работејќи посветено за само 6 месеци, успеав да станам Senior Manager, а во рок од 1 година, успеав за 5 пати да си ја зголемам платата“, додава Габи.

И во Македонија можете да работите за клиенти од Силиконската долина, но и да се развивате еднакво брзо како да работите таму. Најважно е да сакате резултати и да сте „зависни“ од анализирање и констатно подобрување како што тоа го прават овие компании.

Според Лазова, ова не е уште една работа од 9 до 5, туку можност да изградите кариера и да бидете соодветно наградени.

Доколку се пронајдовте во оваа статија и сакате да се информирате подетално на темата, погледнете ги вредностите кои секој член на LeanSEM тимот треба да ги има и аплицирајте за некоја од отворените позиции.

LeanSEM е вистински пример за македонска маркетинг-приказна, која е успешна во светски рамки, а најзиниот тим и „играчите“ во него се причината за тоа.

(ПР текст)

Гувернерката на Народната банка, Анита Ангеловска Бежоска учествуваше на 43. средба на Клубот на гувернерите на централните банки од Централна Азија, Црноморскиот Регион и Балканот, која заради околностите коишто ги наметнува пандемијата на Ковид-19 се одржа телеконференциски.

На средбата учествувале гувернери и други претставници на централни банки од околу дваесет земји.

На настанот особено биле посочени активностите за обезбедување поповолни услови за отплата на банкарски кредити од страна на кредитокорисниците погодени од кризата и стимулирање натамошно поповолно кредитирање, особено на погодените сектори.

„Сите овие мерки се дел и од веќе преземените мерки на нашата централна банка. Тоа уште еднаш потврдува дека и во текот на актуелната корона-криза, Народната банка, во рамки на своите надлежности остварува максимален придонес за македонската економија“, се наведува во соопштението за настанот.

Во текот на дискусијата било укажано и на потребата централните банки да имаат постепен пристап при преземањето на мерките и да остават дополнителен простор, со оглед на присутната неизвесност во однос на времетраењето на кризата.

Гувернерите ја потврдиле заложбата за водење политики кои ги поддржуваат ценовната и финансиската стабилност, а дополнително, во рамки на просторот за делување на централните банки, и поддршка на економското заздравување во времетраење колку што е потребно за да се надмине кризата предизвикана од пандемијата.

Учеството на Ангеловска-Бежоска на средбата на Клубот на гувернерите е уште една потврда на определбата на Народната банка да биде активен учесник во активностите на централнобанкарската заедница и во период на корона-кризата.

Нискобуџетната авиокомпанија „Визер“ денеска најави дека како резултат на продолжените рестрикции за патување наменети за сите странски летови од и до Република Северна Македонија, авиокомпанијата ја продолжува суспензијата на сите летови до земјата до 14 јуни.

„Патниците со резервирани билети погодени од овие суспендирани летови кои ги направиле резервациите директно на wizzair.com или на мобилната апликација на авиокомпанијата, ќе бидат автоматски известени преку електронска порака. 120% од целата сума ќе им бидe автоматски префрлена на Wizz сметката на корисникот и истите ќе можат да ги искористат во текот на наредните 24 месеци за купување на сите производи и услуги на Wizz Air. Патниците исто така можат да одберат опција за враќање на парите – за која треба подолго време да се реализира – и ќе бидат информирани за сите потребни чекори за трансфер на парите преку банка или преку картичка во посебна електронска порака. Во овој случај, патниците ќе можат да изберат 100% поврат на сумата. Патниците кои направиле резервација преку туристички агенции – вклучувајќи ги и онлајн туристичките агенции – треба да ја контактираат компанијата преку која ги купиле своите билети“, соопштија од компанијата.