Контакт

Економија

Туристичкиот сектор: Бектеши мора да преговара со Грција, парите ни се заглавени во нереализирани патувања

Објавено пред

Туристичкиот сектор е крајно револтиран по изјавата на министерот за економија, Крешник Бектеши, кој денеска рече дека македонската влада нема да преговара билатерално со грчката влада, по примерот на српската, бидејќи Македонија не сака да ги загуби домашните туристи за летната сезона.

„Дали министерот има некакво решение за ваучерите кои не се реализираа поради Ковид-19? Туристичките агенции сите ваучери ги доставија до Министерство за економија. Најголемиот дел од тие ваучери се за нереализирани аранжмани за лето 2020 во Грција. Сакале или не парите на агенциите и граѓаните се во Грција, па токму поради тоа државните институции, а посебно Министерство за економија треба да помогне за истите да се реализираат, а не категорично да одбиваат преговори и соработка со Грција за решавање на ова витално прашање за опстанок на туристичките агенции“, реагира туристичкиот сектор.

Од таму велат дека Министерство за економија располага со информацијата која е вкупната сума што е потребна да се обештетат граѓаните за нереализираните патувања за Грција, па доколку не се во можност да ги реализираат истите ова лето агенциите очекуваат да го реши овој проблем.

„Нормално дека е важно да има туристи и во Македонија, но нашите капацитети не се толку големи, а исто така треба да се работи и на привлекување странски туристи, со што ќе се компензира бројот на наши граѓани што би патувале во странство. Со ова ќе се помогне и на агенциите што работат рециптивен и емитивен туризам. Ситуацијата е многу загрижувачка, со немање стратегија за масовна вакцинација во државата, тоа се одразува најмногу на здравјето на граѓаните, а потоа на економијата, особено на нашиот сектор. Навистина се прашуваме како државата планира да има развој на домашен туризам, кога никој во државава не е вакциниран?! Па така може веднаш да заклучиме дека со ваквата ситуација нема да имаме ни странски туристи, а и нашите домашни туристи ќе бидат во дилема дали воопшто да пропатуваат па макар и по нашата држава! Бараме под итно стратегија која ќе го реши проблемот со неискористените ваучери, ќе преговара со сите релевантни фактори во странските држави, особено со Грција, за која дестинација најповеќе се заглавени нашите средства, за можност за патување со негативен ПЦР-тест, тест за антитела, антигени,  кој било начин, но да се има избор. Граѓаните да имаат избор, а не да бидат оставени да чекаат до 31.12 што ќе се случува со ваучерите“, додаваат од туристичкиот сектор.

Друга дополнителна трагедија за секторот, како што се жалат, е доцнењето на донесување на одлуката за помош со плати, која е најпотребна во периодов.

„Втората плата требаше да се исплати, а сèуште не е добиена за февруари, а и март помина. Овој сектор е сè уште со пад на промет над 90%, се размислува ли за помош и решавање на овој проблем или само ќе се одолговлекуваат проблемите?!

Доколку не се решат овие проблеми во најбрз рок, туристичките работници се заканија дека повторно ќе излезат на протести.

Економија

Ивент индустријата ќе добие финансиска помош за смислување настани за Денот на независноста

Објавено пред

Следната недела ќе биде објавен јавниот повик за финансиска поддршка од 1 милион евра за компаниите да можат да реализираат настани од јавен интерес со домашни изведувачи, најави вицепремиерот задолжен за економски прашања, Фатмир Битиќи, на средбата со претставници на Асоцијацијата на ивент индустријата (ИВАП).

Преку јавниот повик ќе бидат ангажирани исклучиво домашни организатори, изведувачи и подизведувачи за реализација на настани осмислени од апликантите за одбележување 30 години независност на Македонија, во периодот јуни – септември 2021.

Владините претставници информираа дека повикот за финансиска поддршка ќе биде објавен во најбрз можен рок, во текот на наредната недела, за вкупен износ од 61 милион и 500 илјади денари, а на него ќе може да аплицираат и да бидат поддржани сите компании кои организираат настани и кои ќе исполнат јасни и прецизни критериуми.

Настаните кои ќе бидат поддржани не се дел од официјалните државни настани кои Владата преку засебна програма ќе ги организира за официјално одбележување на 8 септември, Денот на независноста.

Владата информираше дека ќе ја оценува секоја апликација поединечно и ќе бодува според поставените критериуми и согласно тоа бројот на апликанти нема да влијае врз оценките за секоја индивидуална апликација. Тоа значи дека одлуката зависи од оценката на апликацијата за тој проект, а не од тоа колку апликации стигнале на повикот – има доволно буџет за сите кои ќе ги исполнат условите.

Прикажи повеќе...

Економија

Битиќи по средбата со Лукаревска: УЈП е еден од најважните столбови на економијата

Објавено пред

Вицепремиерот за економски прашања, Фатмир Битиќи, и директорката на Управата за јавни приходи, Сања Лукаревска, денеска остварија работна средба на која разговараа за даночните активности и предизвиците на Управата.

Тие во рамки на заедничките активности, прво ја посетија Дирекцијата за големи даночни обврзници на УЈП.

„Оваа дирекција администрира 366 најголеми плаќачи на данок во државата и истата наплатува 44.63% од вкупната наплата на даноци“, информираше Лукаревска за време на посетата.

Лукаревска го запозна Битиќи со тековните активности и предизвиците со кои се соочува дирекцијата, во спроведување на даночните активности, како и за успешните резултати остварени од наплата на даноците и партнерскиот однос кој оваа дирекција го негува со даночните обврзници.

Работната средба продолжи и во генералната дирекција, каде вицепремиерот Битиќи, директорката Лукаревска и раководството на УЈП разговараа за досегашната успешна реализација на антикризните мерки. Дополнително тие го запознаа вицепремиерот со тековните проекти кои ги спроведува УЈП, како што се: е-даноци, е-МПИН, автоматски поврат и пребивање, матична евиденција и даночно книговодство. Сите овие проекти се имплементираат со цел подобрување на деловните практики и внесување промени во согласност со севкупната дигитална трансформација, а во насока на подобро администрирање на даночни приходи и придонеси и давање квалитетни услуги на обврзниците, информираат од овие институции.

Вицепремиерот Битиќи истакна дека ова е една од најзначајните институции и еден од столбовите на економијата.

,,Коронавирусот ни покажа дека дигитализацијата е неопходна секаде, а вие како институција во време на пандемија целосно одговоривте на предизвикот“, нагласи Битиќи и ја истакна големата улога која УЈП ја има при имплементацијата на економските мерки за поддршка на граѓаните и стопанството за време на кризата.

За време на ативностите беше потенцирано дека во март 2021 година, Управата за јавни приходи реализирала наплата на даноците во износ од 7.720.610.346,00 денари, што во споредба со истиот месец во 2020 година претставува повисока наплата кај даноците од страна на компаниите, што е добар знак дека економијата постепено закрепнува. Поединечно, кај данокот на додадена вредност се бележи поголема наплата за 29,49 %, наплатата кај данокот на личен доход е повисока за 12,55%, додека пониска наплата за 1,32 %, се регистрира само кај данокот на добивка, информираат од УЈП.

Прикажи повеќе...

Економија

Поврзување на студентите и академскиот кадар од УКЛО со бизнис-заедницата

Објавено пред

Во рамките на проектот „Мојата успешна приказна“, што го реализира Универзитетот „Св. Климент Охридски“ – Битола и универзитетскиот Центар за кариера, алумни и доживотно учење за студентите и академската заедница на УКЛО, се одржа онлајн-средба со Виктор Мизо, генерален менаџер на KOSTAL Охрид.

Проектот „Мојата успешна приказна“ на УКЛО,`според проректорот Марјан Ѓуровски, е во функција на промоција на студиските програми и воспоставување поинтензивна соработка со бизнис-заедницата.

Овие настани треба да им помогнат на студентите да го запознаат деловниот свет, да стекнат искуство уште за време на студирањето и да развиваат знаења и вештини за развој на кариерата по дипломирањето. Проректорот Ѓуровски нагласи дека УКЛО создава услови за реализација на индивидуалните можности за усовршување на своите студенти, кои своето идно вработување може да го побараат во компаниите во земјата.

Освен за кариерниот и професионален развој, Виктор Мизо ја претстави компанијата што ја раководи и го потенцира значењето на студентската пракса како нужно дополнување на теоретските знаења и можност, тоа искуство да се имплементира во компаниите.

Во рамките на презентацијата беа предочени можностите студенти од УКЛО да се вклучат и да ги користат бенифитите од програмите, како што се „Инженери на тренинг“ и „Летна студиска програма“, кои нудат знаење и отвораат преспективи за вработување.

Виктор Мизо како директор на една од најуспешните странски инвестиции кај нас, која е дел од германскиот гигант и произведува автомобилска и индустриска електроника за најпознатите автомобилски брендови, оценува дека поврзувањето со студентите и акдемскиот кадар од УКЛО претставува продолжување и продлабочување на воспоставената соработка.

Прикажи повеќе...

Најново

Свет2 часа

ФСБ спречи атентат на Лукашенко

Руската Федерална служба за безбедност (ФСБ) уапси две лица кои планирале да извршат воен удар во Белорусија на 9 мај...

Македонија4 часа

Нови 824 заболени и 31 починат од Ковид-19

Во последните 24 часа се направени 3.988 тестирања, а регистрирани се 824 нови случаи на КОВИД-19 во: Скопје – 313,...

Свет5 часа

Познати личности од целиот свет му напишаа писмо на Путин

Повеќе од 70 познати личности од целиот свет му напишаа отворено писмо на рускиот претседател Владимир Путин. Во писмото бараат...

Свет6 часа

(Видео) Погреб на принцот Филип – Цела нација со една минута молк

Принцот Филип, војводата од Единбург и сопруг на кралицата Елизабета Втора, кој почина минатата недела на 99-годишна возраст, ќе биде...

Економија8 часа

Ивент индустријата ќе добие финансиска помош за смислување настани за Денот на независноста

Следната недела ќе биде објавен јавниот повик за финансиска поддршка од 1 милион евра за компаниите да можат да реализираат...

Македонија10 часа

Османи ги претстави првите економски советници кои ќе бидат испратени во Варшава, Минхен, Анкара и Абу Даби

Министерот за надворешни работи, Бујар Османи, ги престави првите четири избрани економски советници, кои ќе бидат упатени во рамките на...

Македонија10 часа

МЗ: Голема благодарност до семејството на починатата девојка, нејзините органи ќе бидат донирани на десетина пациенти

Пациентот кој го прими срцето од починат донор во втората трансплатанција на срце во државава е на возраст од 22...

Македонија12 часа

Одбраната на Камчев поднесе кривични пријави за судиите кои му одредија притвор

Одбраната на Орце Камчев поднесе кривични пријави против судиите кои му го продолжија притворот за уште 30 дена за предметот...

Регион12 часа

Рама тврди дека го видел документот со промена на границите на Западен Балкан

Албанскиот премиер, Еди Рама, го потврди постоењето на мапа во врска со промената на границите на Западен Балкан, пренесува Газета Експрес....

Свет12 часа

Русија им забрани влез на високи претставници на администрацијата на Бајден

Русија воведе забрана за влез на високи претставници на САД. Меѓу нив се и јавниот обвинител Мерик Гарланд и министерот...

Македонија13 часа

Извршена втора трансплантација на срце во Македонија кај 22-годишно момче

Ноќеска во Македонија беше извршена втората трансплантација на срце на Клиниката за кардиохирургија. Станува збор за 22-годишно момче кое доби...

Регион1 ден

Јанша го негира нон-пејперот: Тој документ не постои

Нема документ, па дури и нон-пејпер, со кој Словенија би се залагала за промена на границите на Балканот, е пораката...

Македонија1 ден

Судот одреди домашен притвор за Драги Рашковски

Ексгенералниот секретар на Владата, Драги Рашковски, доби домашен притвор, кој му е изречен од Кривичниот суд. Судијата кој одлучуваше, го...

Македонија1 ден

Заев за Рашковски: Нема недопирливи, но никој не е виновен додека за него не се докаже вина

Во однос на истрагата за поранешниот генерален секретар на Владата, Драги Рашковски, премиерот Заев вели дека нема недопирливи, но пресумцијата...

Македонија1 ден

Богдановиќ укажува дека ако се суспендира планот за зградите кај „Холидеј ин“, штетата ќе ја платат граѓаните

Во стариот Закон за урбанистичкото планирање општините немаа никакво ограничување за тоа колку да трае суспензијата или неспроведувањето на плановите...

Македонија1 ден

Филипче: Ќе преговараме Институтот „Торлак“ да ни стане стратешки партнер за набавка на вакцини

Министерството за здравство следната недела ќе преговара со српскиот Институт за вирусологија, вакцини и серуми „Торлак“ да стане наш стртепки...

Свет1 ден

СЗО: Стапката на новозаразени се ближи до нов рекорд

Бројот на нови случаи на коронавирус во светот на неделно ниво е речиси двојно зголемен во последните два месеца и...

Европа1 ден

Првите „ковид-фри“ возови од денес превезуваат патници од Рим до Милано

Денес, тргнуваат специјални „ковид-фри“ возови, во кои патниците ќе може да се качуваат само со негативен тест на коронавирус, што...

Регион2 дена

„Фајзер“, „спутник В“ или „Синофарм“ – истражување во Србија покажа која вакцина штити најбргу

Граѓаните на Србија развија имунитет најбргу со вакцината на „Фајзер“ и тоа две недели по првата доза, што е за...

Македонија2 дена

Во болниците во земјата се лекуваат 1.708 ковид-пациенти

Во изминатите 24 часа во ковид-центрите во болниците во земјата е пријавено дека се лекуваат вкупно 1.708 пациенти со коронавирус...

Досие