Контакт

Економија

Четири компании со иновации изјавиле дека се поврзани со функционери

Објавено пред

Четири од вкупно 77 компании добитници на грантови за иновации изјавиле дека во сопственичката структура имаат лице носител на јавна функција или член на неговото потесно семејство. Две од изјавите се однесуваат на поврзаност со лица од претходната влада, една е поврзана со сегашниот министер за култура и една со советничката на премиерот, Цветанка Ласкова.

„’Микросам Прилеп“ АД е поврзана со Веле Самак, акционер, министер без ресор, задолжен за странски инвестиции во владата на Република Македонија, функцијата ја извршувал заклучно со 30.5.2017 година. ‘Контура’ ДОО Скопје со Елена Донева, сопственик, член на потесно семејство на Јован Донев, поранешен амбасадор во МНР на Република Македонија, функцијата ја извршувал заклучно со 28.2.2017 година. ‘Т-сенс консалтинг“ ДОО Скопје со Мерита Адеми, малцински содружник, член на потесното семејство на Асаф Адеми, министер за култура во Владата на Република Македонија од 1.6.2018 година. Од страна на компанијата до Фондот е доставено и известување за извршена промена на сопственичката структура, односно бришење на лицето Мерита Адеми од таму. Како дополнение на изјавата, во посебен документ, лицето Христина Керкез, еден од сопствениците на ‘Декодикс“ ДОО експорт-импорт Скопје, декларира поврзаност како член на потесното семејство на Цветанка Ласкова, посебен советник во канцеларијата на претседател на Владата на Република Македонија, иако посочената советничка не е носител на јавна функција“, извести Фондот за иновации и технолошки развој.

Две од команиите добитници на грантови, „ДОО Гинис 3Д Прилеп“ и „Каст инвест“ ДОО Скопје се откажаа и ги повлекоа своите инвестициски проекти. Во сопственичката структура на „Гинис“ се јавува пратеникот од СДСМ, Хари Локвенец, а во сопственичката структура на „Каст иневст“ се јавува вицепремерот за економски прашања, Кочо Анѓушев.

Инвестициските проекти на четирите компании кои изјавиле дека се поврзани со функционери ќе бидат повторно доставени на разгледување до Комитетот за одобрување инвестиции според критериумите за селекција и во согласност со правилниците на повикот.

Со компаниите што немаат носител на јавна функција, директорот на Фондот, Јован Деспотовски, за „Макфакс“ изјави дека очекува договорите да бидат подготвени и потпишани до крајот на август.

Исплатата на првата рата ќе биде веднаш по потпишувањето и кога ќе се достави доказ дека компаниите ги уплатиле своите средства за инвестицијата. Следните исплати од Фондот ќе се реализираат квартално, односно кога ќе се изврши контрола и ќе се утврди дека средствата се искористени наменски и во согласност со инвестицискиот план.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

МЗШВ: Се унапредува процесот на заштита на производите и употребата на пестициди

Објавено пред

На вчерашната седница на Владата на Република Македонија се усвои новиот Закон за фитофармација, предложен од Министерството за земјоделство, шумарство и водостопанство.

Од таму велат дека со новиот закон значително се унапредува процесот на заштита на земјоделските производи, дополнително се регулира користењето пестициди, а истовремено се поттикнува употребата на беспестицидни мерки.

„За првпат се дозволува законска употреба на живи организми во борба со болести и штетници, како што се инсекти и други животни кои се хранат со штетниците на растенијата, а при тоа не ја загрозуваат животната средина. Се регулира и се дава можност за употреба на овие живи организми на т.н. минорни култури, како магдонос, аспарагус, морков, лук. За овие култури досега не постоеше соодветна заштита од болести и штетници, поради што земјоделските производители трпеа огромни штети“, велат од МЗШВ.

Исто така, велат од таму, дополнително се регулира работењето на земјоделските аптеки и се воспоставува законски основ за континуирано следење на безбедноста на храната и храната за животни во целосен синџир во растителното производство. За првпат се спроведува сертификација, обука и полагање на државен испит на советниците и лицата вработени во земјоделските аптеки, со што се гарантира стручноста на кадарот.

Дополнително, се забранува продавање на многу опасни хемикалии кои се користат како фитофармацевтски производи во земјоделските аптеки. На овој начин, велат од Министерството, се става ред во слободната трговија на „Ланете“ и други пестициди со кои се трујат домашните миленичиња и бездомните животни.

„Се креираат нови бази на податоци и се зголемува довербата во македонските производи, од аспект на безбедност и квалитет. За првпат се врши регистрација на фитофармацевтски производи кои се одобрени за употреба само во земјите членки на ЕУ, а се регистрираат и производите дозволени за употреба во органското производство со што се дава директен стимул на ова производство во Република Македонија. Се спроведува законско следење на пестицидите од граница до земјоделски производител преку интегриран информатички систем за купување и употреба на пестициди од сите чинители во системот“, наведуваат од МЗШВ.

Прикажи повеќе...

Економија

Неочекувано паднаа резервите на нафта во САД, што влијаеше на цената

Објавено пред

Цената на нафтата повторно ја надминаа границата од 63 долари, поддржана од неочекуваниот пад на резервите на нафта во САД, кои ги стабилизираа нафтените пазари по вчерашниот силен пад, кој беше поврзан со загриженоста за глобалната економија.

На пазарот во Лондон цената за барел порасна еден долар, односно на 63,53 долари. Вчерашното тргување изнесуваше 4,26 долари. И на американскиот пазар барел нафта се тргуваше по повисока цена за еден долар, т.е. од 54,44 долари.

Нафтените пезари беа погодени од вчерашниот стрмен пад на цената на финансиските пазари поради загриженост за светската економија.
Денеска, цените на нафтата се стабилизираа благодарение на извештајот на Американскиот институт за нафта (АПИ), кој неочекувано покажа пад на резервите на сурова нафта во САД во изминатата недела, и тоа за 1,5 милион барели.

Прикажи повеќе...

Економија

Тевдовски: Новиот закон за јавни набавки е европски закон за фер конкуренција и транспарентност

Објавено пред

Новиот закон за јавни набавки е усогласен со законодавството на Европската Унија. Тој ќе обезбеди рационално трошење на државните пари, слободна и фер конкуренција и транспарентност при јавните набавки. Ова го истакна министерот за финансии, Драган Тевдовски, на комисиската расправа за предлог-законот во Собранието.

Тевдовски рече дека постојниот закон се базирал на директивите за јавни набавки на Европската Унија од 2004 година, а во меѓувреме биле донесени многубројни измени и дополнувања, што го оддалечиле од европското законодавство. Од таа причина, како што рече министерот, потребна е темелна и сеопфатна промена во согласност со актуелните европски практики.

„Она што е најважно е што се воведува економски најповолната понуда како единствен критериум за доделување на договорите. Примената на овој критериум може да вклучува три пристапи: само цената, само трошокот или најдобриот сооднос помеѓу цената и квалитетот. Независно од тоа кој пристап се користи, при евалуација на понудите секогаш треба да се вклучи економски елемент. Со воведувањето на економски најповолната понуда како критериум за доделување на договорите, освен што се врши усогласување со директивите од 2014, се отстрануваат и повеќекратни негативни ефекти од досегашното користење на критериумот најниска цена. Сведоци сме дека послаб квалитет или трошоци за поправки ја чинат државата многу повеќе“, рече Тевдовски.

Тој посочи дека новиот закон содржи решенија што ќе ги заштитат правата на работниците што учествуваат во извршувањето на договорите за јавна набавка, како и подизведувачите. Исто така, се воведуваат одредби, кои се однесуваат на вклучување на социјални аспекти во постапките за јавни набавки, односно резервирани договори со цел поттикнување инклузивен раст и вработување социјално загрозени групи.
Со новиот закон се воведуваат и низа мерки што ги подобруваат условите за вклученост на малите и средните претпријатија во јавните набавки.

„Со новиот закон воведуваме низа мерки кои ги подобруваат условите за вклученост на малите и средните претпријатија во јавните набавки бидејќи тие се сметаат за ‘рбетот на економијата. Со поголема застапеност на малите и средните претпријатија во јавните набавки, договорните органи ја прошируваат базата на потенцијални понудувачи и се зголемува конкуренцијата“, рече Тевдовски.

Со новиот закон за јавни набавки се поедноставуваат постапките за јавни набавки со пониска вредност преку воведување постапки за набавка, како набавка од мала вредност, електронски пазар за мали јавни набавки и поедноставена отворена постапка.

Новиот закон за јавни набавки превидува и низа антикорупциски правила и правила со кои ќе се спречи судирот на интереси при вршење на јавните набавки. Министерот за финансии посочи дека со предложениот закон за јавни набавки ќе се подобри системот на јавни набавки во земјата, а нашето законодавство ќе се усогласи со законодавството на Европската Унија.

Прикажи повеќе...

Најново

Топ2 часа

В петок состанок на телото за помирување

В петок, најверојатно, ќе се одржи состанок на координативното тело за помирување и интеграција. Деталите околу новиот предлог за амнестија...

Бегството на Груевски3 часа

Рот: Правото на азил е гест на хуманост за прогонетите, но не и за пријател на премиерот

Државниот министер за Европа во германското Министерство за надворешни работи, Михаел Рот, упати критики до унгарските власти кои му доделија...

Македонија4 часа

Италијански медиуми: Папата Франциско во мај ќе ја посети Македонија

Папата Франциско во мај следната година ќе ја посети Македонија, објави римокатоличкиот интернет сервис „Религион дигитал“, повикувајќи се на извори...

Свет6 часа

Турција: Не е можно ЦИА да не знае кој дал наредба за убиството на Кашоги

Турција ги обвини САД дека се обидуваат да го игнорираат убиството на новинарот Џамал Кашоги, што се случи во саудискиот...

Бегството на Груевски7 часа

Унгарскиот министер за правда: Унгарија не може да го екстрадира Груевски, тој може да добие патнички документи

Унгарскиот министер за правда, Ласло Трочањи, за телевизијата „Еко“ изјави дека Никола Груевски може да аплицира за патнички документи како...

Македонија8 часа

Сијарто: Унгарските дипломати не го шверцуваа Груевски преку границите, тој имаше документи

Унгарскиот министер за надворешни работи, Петер Сијарто, денеска одржа прес-конференција, на која рече дека Груевски морал да премине преку три...

Македонија9 часа

(Видео) Апостолски: Недозволиво е да се одреди мерка притвор без да биде сослушан обвинетиот

Денеска, го добивме решението за мерката притвор на Сашо Мијалков. Без да се повика на сослушување, недозволиво е на обвинетиот...

Бегството на Груевски9 часа

Директорот на затворот „Скопје“: Мијалков е во ќелија со други затвореници, има право на посети и два часа прошетка

Нема наредба од судот за ексдиректорот на УБК, Сашо Мијалков, да биде спроведен на рочиштето за предметот „Таргет-Тврдина“ поврзан со...

Македонија9 часа

Хан очекува објаснување од Орбан за азилот на Груевски

Еврекомесарот за проширување, Јоханес Хан на Твитер објави дека доколку е потврдена информацијата дека Унгарија одобрила азил за Никола Груевски,...

Свет10 часа

(Видео) Американскиот Сенат преку писмо побара од Трамп втора истрага за Кашоги

ЦИА не успеа со сигурност 100 %, да утврди дали саудискиот престолонаследник го наредил убиство на новинарот Џамал Кашоги, изјави...

Македонија10 часа

МЗД: Да се разреши составот на Комисијата која утврди дискриминација кон Груевски

Со утврдувањето дискриминација кон Никола Груевски, Комисијата за заштита од дискриминација покажа селективно и непрофесионално работење, смета Мрежата за заштита...

Македонија20 часа

СЈО барало притвор за Мијалков поради оперативни информации дека ќе бега

Во решението на кривичниот суд за притворот на ексдиректорот на тајната полиција, Сашо Мијалков, пишува дека мерката му е определена...

Македонија22 часа

Адвокатот на Мијалков: Недозволиво е што тој не беше известен за притворот

Недозволиво е судија на претходна постапка или кривичен совет да не ја извести странката, во случајов Сашо Мијалков, дека за...

Македонија23 часа

(Видео) Мијалков спроведен во затворот во Шуто Оризари

Поранешниот шеф на УБК, Сашо Мијалков, вечерва е спроведен во истражниот затвор во Шуто Оризари поради опасност од бегство, велат...

Македонија1 ден

Владата го одби предлог-законот за амнестија предложен од ВМРО-ДПМНЕ

Владата на денешната владина седница донесе негативно мислење за предлог-законот за амнестија за настаните од 27 април. „Владата донесе негативно...

Uncategorized1 ден

Амнестија во текот на судскиот процес, прекин на постапката за тие што не тепале на 27 април?

Кој ќе се спаси од кривична одговорност за инцидентите од 27 април, најверојатно ќе се утврдува според обвинителниот акт, односно...

Македонија1 ден

Влада: Очекуваме Будимпешта да го предаде Груевски во Македонија

Владата соопшти дека официјално покрај протестната нота доставена вчера за улогата на амбасадите на Унгарија во бегството на Груевски од земјата,...

Бегството на Груевски1 ден

Груевски: Добив азил во Унгарија, продолжувам да ја барам правдата

Поранешниот премиер Никола Груевски, на неговиот „Фејсбук“ профил, ги потврди информациите дека добил политички азил во Унгарија. Тој себе си...

Македонија1 ден

Кривична за директор на јавно претпријатие кој незаконски си зел аванси од над 2 милиона денари

Гевгелиската полиција поднесе кривична пријава против 29-годишен директор од Дојран поради сомнение за сторено кривично дело „проневера во службата“. Како...

Бегството на Груевски1 ден

Министерството за правда го испрати барањето за екстрадиција на Никола Груевски

Министерството за правда го испрати барањето за екстрадиција на Никола Груевски до Министерството за правда на Република Унгарија. „Барањето за...

Досие