Економија
Автоматизирани сефови од Халкбанк – единствени на пазарот што нудат сигурност и 24/7 достапност до нашите вредни работи
Халкбанк, почнувајќи од денеска, единствена на пазарот, воведе 24/7 достапни, Автоматизирани граѓански сефови со кои се менува начинот на кој традиционално се пристапува и ракува со класичните граѓански сефови. Имено, самата автоматизираност и роботизираност на системот овозможува дваесет и четири часовна употреба без присуство на физичко лице од страна на Банката.
Ова, во суштина значи дека кога и да ни треба да земеме или да оставиме нешто во нашиот сеф, тоа можеме да го направиме било кој ден и во било кое време, што е огромна предост во однос на класичните банкарски сефови кои се врзани за работно време на банките.
Деловниот простор наменет за автоматизираните граѓански сефови се состои од три главни простории и тоа: кабина за опслужување на корисник (самоуслужна станица), просторија наменета за техничко безбедносна опрема и сервисна просторија каде се сместени автоматизираните граѓански сефови.
Банката за своите сегашни и идни клиенти обезбеди 134 автоматизирани сефови кои се сместени во посебна просторија во зградата на Дирекција 2 на Банката (ул. Мајка Тереза број 1).
ПР текст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Од полноќ нови цени на горивата
Регулаторната комисија за енергетика, водни услуги и услуги за управување со комунален отпад донесе oдлука со која се врши намалување на малопродажните цени на нафтените деривати во просек за 1,75 % во однос на одлуката од 11.9.2024 година.
Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 2,079%, кај дизелот за 4,246%, кај екстра лесното маслоза 4,162% и кај мазутот има намалување за 3,434%.
Од 17.9.2024 година од 00:01 часот максималните цени на нафтените деривати ќе изнесуваат:
Моторен бензин ЕВРОСУПЕР БС – 95 73,50 (денари/литар)
Моторен бензин ЕВРОСУПЕР БС – 98 75,50 (денари/литар)
Дизел-гориво ЕВРОДИЗЕЛ БС (Д-Е V) 67,00 (денари/литар)
Масло за горење екстра-лесно 1 (ЕЛ-1) 66,00 (денари/литар)
Мазут М-1 НС 41,328 (денари/килограм)
Малопродажната цена на бензинот ЕВРОСУПЕР БС-95 се намалува за 0,50 ден/лит, додека малопродажната цена на бензинот ЕВРОСУПЕР БС-98 се намалува за 1,00 ден/лит.
Малопродажните цени на ЕВРОДИЗЕЛ (Д-Е V) и на екстра-лесното масло за домаќинство на (ЕЛ-1) се намалуваат за 1,50 ден/лит.
Малопродажната цена на мазутот М-1 НС се намалува за 0,989 ден/кг и сега ќе изнесува 41,328 ден/кг.
Курсот на денарот во однос на доларот во изминатиот период по кој беа формирани цените со претходната
пресметка е понизок за 0,1676 %.
Економија
(Видео) „Алкалоид“ го комплетира првиот настан за развој на лидерството
На првиот успешно реализиран алкалоидов настан „Развој на лидерството“ менаџерските тимови од земјава и од странство имаа можност да се запознаат со најновите трендови за јакнење на клучните лидерски вештини низ развој заснован на вредности и на ефектно донесување одлуки.
По воведното обраќање на Генералниот директор/Претседател на УО на „Алкалоид“ АД, Живко Мукаетов, говорници на настанот беа еминентни светски експерти од областа: Хари Крамер, поранешен извршен директор на „Бакстер интернешанал“, автор, професор и извршен партнер во „Келог школа за менаџмент“, и Оливие Сибони, поранешен сениор партнер во „МекКинси & компани“, француски консултант, академик и автор, професор на „ХЕК Париз“.
ПР текст
Економија
Мицкоски: Очекувам уште три странски инвестиции до крајот на годината
Претседателката на Комората најави почеток на две инвестиции, на кои изминатиов период заедно присуствувавме и ги почнавме.
Очекувам во периодот што следува, покрај оние четири договорени од почетокот на функционирањето на оваа Влада, уште дополнителни три до крајот на годината, со што драматично ќе се зголеми економската активност и ќе влијаат позитивно на растот на домашниот бруто-производ за 2025 година, но и за годините што следуваат потоа“, информира премиерот Христијан Мицкоски, одговарајќи на новинарско прашање дали ќе има нови странски инвестиции во земјата.
Мицкоски посочи дека носењето нови странски инвестиции значи и отворање нови работни места и поквалитетен и подобар животен стандард за граѓаните укажувајќи дека Владата ќе продолжи да работи и во иднина за силен економски развој на државата.
„Воедно, носењето нови странски инвестиции значи и отворање нови работни места, подобар и поквалитетен животен стандард за граѓаните, на што Владата и во иднина ќе работи, со цел да се постигне силен економски развој на државата, што впрочем е и еден од најважните приоритети на Владата“, дециден е тој.