Економија
Бектеши: За субвенционирана струја се пријавиле само 233 основни и средни училишта

Од 474 јавни основни и средни училишта, за субвенционирано снабдување се пријавиле само 233 установи кои ќе плаќаат по 95 евра за мегават-час.
Педесет претпријатија за водоснабдување и прочистителни станици, а од категоријата на физички и правни лица регистрирани во прехранбениот сектор, се пријавиле 235 субјекти кои ќе купуваат цена од 80 евра за мегават час.
„Ова е повеќе од двојно помалку од цената на струјата на регулираниот пазар. Кај некои производители ќе има пониски цени, а кај некои производители на млеко и леб има пониски цени, што е за пофалба. Во следните 4 месеци додека трае кризната состојба како резултат на мерките и стабилизацијата на цените на увозните компоненти да предизвика нови намалувања на цените“ – објасни министерот за економија Крешник Бектеши.
Тој ги искара општините за нивното однесување затоа што не ги пријавиле половина од училиштата.
„Не сите училишта не се пријавени за ова, ниту не сите јавни претпријатија. Значи дека во време на криза државата треба со одлука директно да ги преземе надлежностите на општините, што е за жалење и тоа морам да го кажам. До вчера и во ЕСМ и кај нас се јавија одредени општини за да ги стават и административните згради под ова мерка, односно државата да им ги покрие трошоците преку ЕСМ Продажба. Јас сакам да ги повикам градоначалниците да ги следат сите можности на државата затоа што на крајот на денот тоа значи поголеми цени на нивните услуги од 1 јануари 2023 година“ – додаде тој.
Васко Ковачевски, директор на ЕСМ, рече дека по завршувањето на постапката има 518 нови субјекти за кои ЕСМ преку ЕСМ Продажба ќе треба да обезбеди струја со пониски цени.
„Овие претпријатија и установи од први декември ќе имаат испорака на субвенционирана електрична енергија. Не се знае колку електрична енергија ќе биде потребна за да се задоволат нивните потреби. Предвидени се набавки и во декември на електрична енергија за да се задоволат потребите на сите субјекти на регулираниот пазар“ – истакна Ковачевски и додаде дека досегашните набавки на 80.150 мегават-часови ја чинеле државата 19,6 милиони евра.
Орце Костов
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Скенирањето сметки на апликацијата „МојДДВ“ е со прекини, УЈП извести за технички проблеми

Управата за јавни приходи извести дека мобилната апликација „МојДДВ“ во моментов работи со прекини. Тимот на УЈП интензивно работи на отстранување на проблемот, со цел апликацијата да биде целосно функционална.
„Ги информираме корисниците дека, согласно член 6 од Законот за враќање на дел од износот на ДДВ на физичките лица, фискалните сметки можат да се скенираат во рок од 10 дена од датумот на нивното издавање. Тоа значи дека сите сметки, кои се во рамки на овој рок, ќе можат да бидат скенирани веднаш штом апликацијата повторно биде ставена во функција. Ги молиме сите корисници за трпеливост и разбирање. Тимот на Управата за јавни приходи е целосно ангажиран и работи на надминување на техничките пречки“, соопшти Управата за јавни приходи.
Од таму не откриваат за какви технички проблеми се работи, ниту пак кога очекуваат да бидат надминати.
Економија
Мицкоски најави нова инвестиција во Штип

Претседателот на Владата на Република Северна Македонија, Христијан Мицкоски денес одговарајќи на новинарско прашање во однос на најавата на директорот на Технолошко-индустриските развојни зони за 4 нови странски инвестиции, изјави:
„Во текот на вчерашниот ден, во разговор со директорот, имаме добра вест, нова инвестиција, потврдена во индустриската зона во Штип. Фабрика којашто ќе вработи до 150 луѓе. Фабрика којашто ќе инвестира некаде околу 35 милиони евра. Којашто во својот пик за три години од денес ќе извезува 300 милиони евра коишто ќе влезат во Бруто домашниот производ и ќе произведува батерии и тоа е добро. И тоа е добро, а за сите овие други, да имаме и потврди и полека ќе ги објавуваме. Ова е веќе договорено со инвеститорот и заради тоа го кажав, инаку фабриката е од земја од Европска Унија, да немаме дилема.“
Економија
Дизелот поевтинува за 2,5 денари

Од ноќеска на полноќ дизелот ќе поевтини за 2,5 денари, додека цените на бензините остануваат исти, соопшти Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ).
Од 28.6.2025 година од 00:01 часот максималните цени на нафтените деривати ќе изнесуваат:
– Моторен бензин – ЕУРОСУПЕР БС – 95 – 77,50 (денари/литар)
– Моторен бензин – ЕУРОСУПЕР БС – 98 – 79,50 (денари/литар)
– Дизел гориво – ЕУРОДИЗЕЛ БС (Д-Е V) – 70,50 (денари/литар)
– Масло за горење – Екстра лесно 1 (ЕЛ-1) – 72,00 (денари/литар)
– Мазут М-1 НС – 40,188 (денари/килограм)
Малопродажната цена на ЕУРОДИЗЕЛ (Д-Е V) се намалува за 2,50 ден/лит.
Малопродажната цена на Мазутот М-1 НС, се намалува за 1,499 ден/кг.
Малопродажните цени на бензините ЕУРОСУПЕР БС-95 и ЕУРОСУПЕР БС-98 и на Екстра лесното масло за домаќинство на (ЕЛ-1), не се менуваат.