Економија
Бензините поскапуваат за еден денар, цената на дизелот останува иста

Регулаторната комисија за енергетика и водни услуги донесе одлука со која се врши зголемување на малопродажните цени на нафтените деривати во просек за 0,80 % во однос на оОдлуката од 29.3.2021 година.
Малопродажните цени на бензините еуросупер БС-95 и еуросупер БС-98 се зголемуваат за 1,00 денар за литар, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 29.3.2021 година.
Малопродажната цена на еуродизел (Д-Е V) и на екстра лесното масло за домаќинство (ЕЛ-1) не се менуваат, односно остануваат на исто ниво согласно одлуката од 29.3.2021 година.
Малопродажната цена на Мазутот М-1 НС се зголемува за 0,353 ден/кг и ќе изнесува 34,779 ден/кг.
Според најновата одлука на Регулаторна комисија од ноќеска од 00:01 часот максималните цени на нафтените деривати ќе изнесуваат:
За моторен бензин еуросупер БС-95 цената ќе биде 67,00 денари за литар, моторен бензин еуросупер БС-98 ќе се продава по цена од 69,00 денари за литар.
Цената на дизел горивото еуродизел БС (Д-Е V) ќе изнесува 55,00 денари за литар. Масло за горење екстра лесно 1 (ЕЛ-1) ќе се продава по цена од 44,50 денари за литар и цената на мазутот М-1 НС ќе изнесува 34,779 денари за килограм.
Во изминатиот седумдневен период референтните цени на светските берзи во просек бележат зголемување кај бензинот за 2,193%, кај дизелот има намалување за 0,061%, кај екстра лесното масло намалувањето е во просек за 0,112% и кај мазутот има зголемување за 0,402%, информираат од Регулаторна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Исплатени 99.743.746,00 денари кон 1.865 лица за предадени јаболка

Денеска се исплатија 99.743.746,00 денари кон 1.865 лица од подмерка 1.9 за јаболка предадени кај регистрирани откупувачи или регистрирани преработувачки капацитети, од Програмата за финансиска поддршка во земјоделството за 2024 година, извести Министерството за земјоделство.
Од таму најавуваат дека продолжува поддршката кон производителите на јаболка.
Економија
УЈП со повик: Платете го веднаш достасаниот данок по ДЛД-ГДП и избегнете присилна наплата

Управата за јавни приходи ги повикува сите даночни обврзници, кои во законскиот рок не ја платиле даночната обврска по ДЛД-ГДП 2024, да го исполнат својот даночен долг.
Во согласност со евиденцијата на УЈП, 3.155 даночни обврзници ја немаат намирено разликата за доплата на данокот на личен доход утврдена во годишната даночна пријава за данокот на личен доход (ДЛД-ГДП) за 2024 година, што требаше да се исполни во законскиот рок до 30 јуни.
„Во следниот период УЈП ќе премине кон опоменување и присилна наплата на достасаните неплатени долгови по овој основ, што ќе доведе до дополнителни трошоци по основ на камата за задоцнето плаќање од 0,03 % дневно и еднократна посебна такса во постапка на присилна наплата“, информира УЈП.
Дополнителни информации се објавени на страницата на УЈП, во делот плаќање даноци на следниот линк http://www.ujp.gov.mk/mk/plakjanje.
Економија
Меџити: Поддршка со 227 милиони денари за 43 проекти во 33 општини

Министерството за животна средина и просторно планирање денеска ги потпиша договорите за реализација на 43 капитални проекти во 33 општини во државата.
За овие проекти се обезбедени над 227 милиони денари директна финансиска поддршка од Министерството, со што се овозможува имплементација на конкретни решенија во областа на канализацијата, водоснабдувањето и управувањето со водните ресурси.
„Убеден сум дека ова е најправилниот и најефикасен модел на соработка – директно партнерство меѓу Владата и општините, со цел да им донесеме на граѓаните конкретни придобивки“, изјави министерот за животна средина и просторно планирање, Изет Меџити.
Тој исто така ја потенцира важноста од навремената и квалитетна реализација повикувајќи на одговорност и посветеност од страна на сите општини.
„Немаме време за губење. Секој ден што ќе го добиеме во овој процес е еден ден повеќе во служба на граѓаните“, изјави Меџити нагласувајќи дека преку ова партнерство се поставуваат нови стандарди во справувањето со инфраструктурните и еколошките предизвици.