Економија
Битиќи: Преку „Зелениот финансиски инструмент“ 46 милиони евра се ставаат на располагање на бизнисот и граѓаните за воведување технологии од обновливи извори на енергија и енергетска ефикасност
Заменик-претседателот на Владата задолжен за економски прашања, координација со економските ресори и инвестиции, Фатмир Битиќи, се обрати на настанот за промоција на финансиски продукти од проектот „Зелен финансиски инструмент“, кој се имплементира во соработка со агенциите на Обединетите нации, УНДП, ИОМ и УНЕЦЕ и ЕБРД.
Во своето обраќање вицепремиерот Битиќи рече дека за него овој проект е исклучително значаен бидејќи е начинот на кој можеме да имаме реален импакт кон постигнување на нашите заеднички цели од Агендата 2030 за што во септември на 78. Генерално собраните на Обединетите нации се усвои политичката декларација за забрзување на имплементацијата на целите за одржлив развој од сите земји членки на Обединетите нации.
„Имајќи предвид дека сите држави се справуваат со глобални кризи, како постковид-економското закрепнување, енергетската и економска криза, сметам дека овој проект со своите продукти кои се наменети кон малите и средните претпријатија и за граѓаните од недоволно опфатени категории е одлична можност да ја изразиме својата силна посветеност на забрзување на имплементација на Агендата 2030 и остварување на целите за одржлив развој. Особено важно е дека преку имплементацијата на овој проект токму приватниот сектор и граѓаните ќе земат активно учество во борбата со загадувањето и климатските промени“, рече Битиќи.
Во својот говор вицепремиерот Битиќи рече дека „Зелениот финансиски инструмент“, кој почнува од денеска и ќе се имплементира до април 2026 година, има на располагање 46 милиони евра, кои ќе бидат пласирани преку комерцијалните банки, кои се наменети и ќе може да ги користат малите и средните претпријатија и граѓаните од ранливите категории.
„Практично, средните и малите компании и граѓаните, со фокус на недоволно опфатените категории, ќе може преку комерцијалните банки да имаат пристап до кредити со грантова компонента, со кои ќе може да инвестираат во топлински пумпи, инвертери, клима-уреди, котли, сончеви колектори за топла вода, фотоволатици, меѓу другите продукти. Покрај ова, за олеснување на процесот и осигурување на правилно искористување на средствата, ним ќе им биде на располагање и бесплатна техничка помош. Овие 46 милиони евра се финансирани од глобалниот заеднички фонд за целите за одржлив развој или Joint SDG fund, Европската банка за обнова и развој, комерцијалните банки и Владата на Република Северна Македонија“, рече Битиќи.
Вицепремиерот Битиќи објасни дека ова е финансиски механизам преку кој целиот екосистем на банки, продавачи на производи и даватели на услуги и Владата, се стимулираат да работат заедно со разни засегнати страни за да се обезбеди потребната финансиска и техничка поддршка што ќе ја забрза транзицијата кон иновативни решенија за обновливи извори на енергија и енергетска ефикасност.
„Зелениот финансиски инструмент ќе отклучи приватен тек на капитал од финансиски институции, мали и средни претпријатија, односно бизни-ссекторот, а ќе им се помогне и на домаќинствата, со фокус на ранливите категории граѓани“, рече Битиќи.
Во својот говор вицепремиерот Битиќи се осврна и на целите што треба да се достигнат преку овој проект, а се засноваат на националните стратешки документи, како стратегија за развој на енергетиката и со ревидираниот Национален придонес за климатските промени, но истовремено и со Европскиот зелен договор, а тоа особено е важно во отпочнувањето на скрининг-процесот на поглавјата во процесот на пристапувањето кон Европската Унија.
„Со оглед на тоа што енергијата и климатските промени, како и загадувањето на воздухот, се меѓусебно поврзани, и овој проект вистина го гледам како одлична можност за совладување на заедничките предизвици. Им благодарам на сите што дадоа свој придонес во овој проект и верувам дека заедно ќе постигнеме значителни успеси“, заклучи вицепремиерот Битиќи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Нова ТВ-кампања на Tigo.mk: Немаш пари? Нема проблем!
Пионерот и иноватор на термините “0% трошоци и бесплатен кредит” во финансиската терминологија, Tigo.mk, започна со нова маркетинг и ТВ кампања, каде повторно во фокусот е клиентот и решението на неговите потреби.
Мотивирана од различните животни ситуации, каде недостатокот на финансиски средства може да претставува предизвик во остварување на идеите и задоволување на потребите, кампањата на духовит и интересен начин ја пренесува понудата со која граѓаните, кои за првпат аплицираат за кредит во Tigo.mk, можат да ги ползуваат придобивките на кредит без трошоци, односно, колку клиентот зема – толку и враќа. Без никакви дополнителни трошоци, 0% камата и 0% провизии.
Се што треба граѓаните да направат е да ја посетат страницата на Tigo.mk или некоја од 29-те филијали ширум земјата и да аплицираат за кредит само со важечки документ за лична идентификација, без дополнителни процедури или жиранти. Одговор на бесплатната апликација за кредит се добива за само 30 секунди, а исплатата во готово во филијала се врши за само 15 минути. И тоа е сѐ! „Немаш пари? Нема проблем!“ Погледнете ја рекламата.
Тigo.mk, дел од Финмак ДОО, е водечки бренд во индустријата на небанкарски кредити, кој на македонските граѓани во изминатите, речиси 7 години, на одговорен и транспарентен начин, нуди пристап до финансии и обезбедува финансиска инклузија на неопслуженото население на пазарот.
До услугите на Tigo.mk клиентите можат едноставно да пристапат онлајн на www.tigo.mk или во некоја од нашите филијали ширум земјата, а аплицирањето и на обете места е подеднакво брзо и едноставно – одговор на апликацијата се добива за 30 секунди, a исплатата во кеш се врши за само 15 минути.
Повеќе информации за понудата и Tigo.mk се достапни на веб страницата www.tigo.mk, во било која Tigo.mk филијала или на телефонскиот број 13 700.
(ПР текст)
Економија
Биткоинот поскапе на 61.710 евра, инвеститорите се претежно оптимисти за понатамошниот раст
Биткоинот поскапе за 0,53 отсто на 61.710,57 евра денеска во 15:30 часот на најголемата светска берза за криптовалути Binance.
Вкупниот обем на тргување со биткоин во последните 24 часа изнесува 21,42 милијарди евра, што е значително повеќе од вчера.
Инвеститорите се претежно оптимисти за понатамошниот раст на Биткоин.
Економија
Нови цени на дизелот и бензините од полноќ
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе одлука со која се врши намалување на малопродажните цени на нафтените деривати во просек за 1,27 % во однос на одлуката од 16.5.2024 година.
Референтните цени на нафтените деривати на светскиот пазар во споредба со претходната пресметка бележат намалување во просек: кај бензините 1,601 %, кај дизелот 0,751 %, кај екстра-лесното масло 1,310 % и кај „мазутот“ намалувањето е 2,450 %.
Курсот на денарот во однос на доларот во изминатиот период по кој беа формирани цените со претходната пресметка е понизок 0,368 %.
Малопродажната цена на бензинот ЕВРОСУПЕР БС-95 се намалува 1,50 денар/л.
Малопродажните цени на бензинот ЕВРОСУПЕР БС-98, како и на ЕВРОДИЗЕЛОТ (Д-Е V) и на екстра-лесното масло за домаќинство (ЕЛ-1) се намалуваат 1,00 денар/л.
Малопродажната цена на „мазутот М-1 НС“ се намалува 0,306 денари/кг и сега ќе изнесува 42,629 денара/кг.
„Напоменуваме дека ова се максималните цени на нафтените деривати од 00.01 часот на 21.5.2024 година. Трговците на големо и трговците на мало со нафтени деривати и горива за транспорт може да ги формираат цените на одделни нафтени деривати и горива за транспорт и пониско од највисоките утврдени цени“, велат од РКЕ.