Економија
Британците потрошиле рекордна сума за божиќниот шопинг
![](https://makfax.com.mk/wp-content/uploads/2023/01/3a72a3b7-be98-4150-ae06-c2ecb51934f8.jpg)
Британските домаќинства потрошиле повеќе од 12 милијарди фунти на продукти за Божиќ, што е највисока сума од почетокот на евиденцијата, покажува истражувањето на компанијата „Кантар“. Вкупната потрошена сума е поголема, пред сè, поради повисоките цени на храната и пијалаците, а не поради поголемата потрошувачка на граѓаните, покажува месечниот монитор на „Кантар“.
Така, обемот на продажба во декември, всушност, е намален за еден процент во однос на истиот период од претходната година, што покажува дека цените на храната значително пораснале, објаснуваат од компанијата „Кантар“.
Износот во декември беше за неверојатни 1,1 милијарда фунти повисок од истиот месец претходната година првпат надминувајќи 12 милијарди фунти.
„Износот на прометот е значително зголемен, но, пред сè, поради поскапувањето на храната, а не поради зголемениот откуп“, потенцира Мекевит истакнувајќи дека многу високиот пораст на цените на основните прехранбени производи е нешто поблаг од ноември.
Зголемувањето на трошоците се одрази на трошењето на британските домаќинства за традиционалната божиќна храна минатиот месец, покажа истражувањето.
Британците во декември потрошиле речиси една петтина повеќе пари на традиционални пити со мелено месо, иако не купиле повеќе отколку во 2021 година. Тие потрошиле 16 отсто повеќе пари на божиќни пудинзи, со само шест отсто продадени слатки.
Месечниот извештај на компанијата „Кантар“ ги анализира навиките за трошење на 30.000 домаќинства во Британија и откри дека граѓаните повторно ги фаворизираат брендовите на супермаркетите. Тоа се одрази со скокот на продажбата на овие производи од 13,3 отсто во декември.
Продажбата на производи од други брендови е зголемена 4,7 отсто.
Многу трговци на мало исто така го зголемија својот асортиман на премиум-производи од сопствен бренд за Божиќ, чија продажба се зголеми 10,2 отсто и првпат надмина 700 милиони фунти вкупно, покажа истражувањето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Економија
ВМРО-ДПМНЕ: Измените на Законот за Енергетика кои ги предлагаме ќе спречат поскапување на струјата за најголем дел од домаќинствата, ќе работиме на поевтинување после јануари
![](https://makfax.com.mk/wp-content/uploads/2017/12/struja.jpg)
„На заминувањето на власта на СДСМ и ДУИ, се случува повторно ново поскапување на електричната енергија, со што директно се удира по стопанството и по буџетот на домаќинствата“ вели ВМРО-ДПМНЕ.
„ВМРО-ДПМНЕ се грижи за стандардот на граѓаните и затоа поднесе Предлог закон за дополнување на законот за енергетика по скратена постапка, со кој ќе се спречи поскапувањето на цената на електричната енергија за најголем дел од домаќинствата сега на почетокот на јули.
Со оглед на тоа што универзалниот снабдувач од порано продолжува да ја врши истата услуга и во иднина, Регулаторна со измените треба само да му ја продолжи лиценцата, без да има дополнителни бирокартски процедури кои чинат пари и време и во исто време ќе се намали маржата од 11,5% на 9,9%. Овие промени но и оптимизацијата во работата на универзалниот снабдувач би ги заштитило граѓаните од поскапувања и со тоа дополнително загрозување на стандардот на граѓаните.
Овие мерки кои сега ги предлага ВМРО-ДПМНЕ, пред формирањето на владата се во насока на заштита на интересите на граѓаните. По формирањето на владата ќе следи силна и посветена работа во областа на енергетиката, што би требало да резултира со намалување на цената на електричната енергија во следниот регулационен период од јануари 2025, како за домаќинството така и за стопанството“, соопшти ВМРО-ДПМНЕ.
Економија
Просечната плата во април изнесува 41.085 денари
![](https://makfax.com.mk/wp-content/uploads/2017/08/denari-plata-126565.jpg)
Просечната месечна исплатена нето-плата по вработен, во април 2024 година, изнесува 41.085 денари.
Според податоците на Државниот завод за статистика, индексот на просечната месечна исплатена нето-плата по работен во април 2024 година, во однос на април 2023 година, изнесува 113.7.
Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Образование (21.8%), Земјоделство, шумарство и рибарство (18.6%) и Информации и комуникации (18.0%).
Зголемување на просечната месечна исплатена нето-плата по вработен, во однос на претходниот месец, е забележано во секторите: Земјоделство, шумарство и рибарство (6.3%), Информации и комуникации (5.7%) и Транспорт и складирање (4.9 %).
Економија
Нова цена на горивата од полноќ
![](https://makfax.com.mk/wp-content/uploads/2023/02/benzin-gorivo-960x639-1-2.jpg)
РКЕ донесе нова одлука за цената на горивата од полноќ.
Цената на бензините и дизелот остануваат исти, а „мазутот“ поскапува 1,2 денар.
Моторен бензин ЕВРОСУПЕР БС-95 – 81,00 (денар/литар)
Моторен бензин ЕВРОСУПЕР БС-98 – 83,00 (денари/литар)
Дизел-гориво ЕВРОДИЗЕЛ БС (Д-Е V) – 74,00 (денари/литар)
Масло за горење екстра-лесно 1 (ЕЛ-1) – 73,00 (денари/литар)
„Мазут М-1 НС“ – 45,680 (денари/килограм)