Економија
(Видео) Битиќи: 2.480 компании аплицираа за финансиска поддршка за исплата на платите
Дванаесет илјади четиристотини и осумдесет компании аплицирале за мерката за финансиска поддршка за исплата на платите за месеците април и мај во износ најмногу до 14.500 денари месечно по работник со која се овозможува континуитетот на работните процеси, обезбедивме основа за редовна исплата на плати и придонеси, при што се создадоа и сериозни услови да се сочуваат работните места.
Ова го истакна советникот за економски прашања на претседателот на Владата, Фатмир Битиќи, на прес-конференцијата по повод сетот владини мерки за поддршка на економијата во справувањето со последиците предизвикани од пандемијата на коронавирусот Ковид-19, и додаде дека бројката на компании што аплицирале е охрабрувачка бројка ако се знае дека до крајот на рокот за аплицирање остануваат уште три дена денешниот, утрешен и целиот задутрешен ден (четврток) до 24 часот, и се очекува дека за мерката ќе аплицираат голем процент од компаниите кои ги исполнуваат условите.
„Аплицирањето за оваа мерка почна на 1 мај и до сега, иако имавме празник и викенд, во Управата за јавни приходи се пристигнати нешто повеќе од 12.480 апликации“, истакна советникот на премиерот, Битиќи.
Тој наведе дека веднаш откако беше јасно дека коронавирусот освен здравствена, ќе предизвика и економска криза во земјата, Владата многу бргу ја подготви и почна да ја реализира стратегијата за поддршка на економијата. Тој нагласи дека Владата со јасно поставена цел беше фокусирана да им се помогне на што повеќе граѓани, да зачуваат што повеќе работни места, да ги поддржи компаниите на нашите сограѓани за нивна ликвидност и да ги постави темелите за рестарт на нашата економија кога ќе заврши кризата.
Тој ги повика сите компании кои сè уште немаат аплицирано за оваа финансиска поддршка, да го направат тоа што побргу преку системот за е-даноци на УЈП.
„Апликациите за месец април, треба да се достават најдоцна до крајот на задутрешниот ден, односно до 7 мај. Кога станува збор за оваа мерка, важно е да споменеме дека Владата, кога ја донесе Уредбата за финансиска поддршка за исплата на платите, овозможи компаниите кои од 11 март до крајот на април отпуштиле одреден број работници, сега да можат да ги вратат и на тој начин да ги искористат придобивките од оваа мерка.
Ова им дава голема шанса на работниците, кои во првиот налет на кризата ги изгубија работните места повторно да се вратат на претходните работни позиции. Сакам да напоменам дека станува збор за околу 2.000 работници во март и околу 7.000 во април. Тоа е апсолутно далеку од бројката од 100.000 изгубени работни места со која ВМРО-ДПМНЕ манипулира и ја дезинформира јавноста со намера да создаде лажна слика за бројот на отпуштени работници“, информираше Битиќи.
Тој истакна дека паралелно со оваа, во тек е и спроведувањето на мерките Ковид 1 и Ковид 2 бескаматни кредити од линиите на Развојната банка на Северна Македонија, во вкупен износ од 13,7 милиони евра, коишто ги таргетираат сите микро, малите и средни претпријатија погодени од кризата.
„Од линијата кредити Ковид 1 досега се одобрени вкупно 631 кредитни апликации за исто толку компании со 5.588 вработени. По структура од вкупно одобрените кредитни апликации, микрокомпаниите до 10 вработени учествуваат со 76%, малите компании до 50 вработени учествуваат со 22%, а средните компании до 250 учествуваат со 1%.
За втората линија бескаматни кредити Ковид 2, заклучно со вчера се примени 1.260 апликации. Повикот е објавен на 29 април, а ќе трае до 13 мај 2020 година, вкупно 15 дена. Ги повикувам компаниите да аплицираат и за овие поволни кредити кои ја поддржуваат нивната ликвидност. Наскоро преку комерцијалните банки ќе биде пласирана и линија со исклучително поволни кредити во износ од 51 милион евра“, истакна Битиќи.
Битиќи посочи дека економските политики на Северна Македонија во последните три години покажаа дека мерките носеле и ќе носат резултати, а за тоа зборуваат и проекциите од Светската банка според кои се проценува дека нашата земја најдобро ќе се справи со економскиот удар од кризата од сите земји во регионот.
„Во широкиот и сеопфатен пристап на дизајнирање на мерките за ублажување на економските последици опфатени се и интервенции за одржување на ликвидноста на стопанството. Во таа насока е клучно и токму поради тоа го овозможивме брзиот поврат на ДДВ-то. Тоа е една од редовните активности кои се преземаат во таа насока и од која не отстапивме. Од почетокот на годината заклучно со април фирмите добиле поврат на ДДВ од 145 милиони евра. Тоа е за 16,7% повеќе во однос на претходната година. Само за месец април повратот на ДДВ кон компаниите е 38 милиони евра или за 23% повеќе во однос на истиот месец лани. Во однос на 2018 година повратот на ДДВ за периодот јануари-април е зголемен за 19,4%, додека во однос на 2017 година за високи 67,6% повеќе“, истакна Битиќи.
Тој нагласи дека со цел да се помогне во надминување на последиците од кризата, Владата донесе и уредба со законска сила за примена на законот за данокот на личен доход за време на вонредна состојба.
„Со оваа уредба се предвидува ослободување од плаќање на износот на аконтациите на данокот на личен доход за месеците март, април и мај 2020 година. Заедно со поволностите од уредбата која обезбедува ослободување од плаќање на износот на аконтациите на данок на добивка за месеците март, април и мај 2020 година, придобивките од овие две уредби ги искористија околу 1.200 компании“, информираше Битиќи.
Тој потенцираше дека Владата подготвено одговори на предизвикот и со сеопфатноста и целовитоста на мерките покажа дека никој не е изоставен.
„Се грижиме и за граѓаните дел од неформалната економија со релаксирање на критериумите и начинот на користење на правото за минимална помош и брз влез во системот на социјална заштита. Го продолживме времетраењето на олеснетиот услов за утврдување на материјална необезбеденост како услов за добивање гарантирана минимална помош, и го проширивме опфатот на ранливите групи граѓани кои може да добијат финансиска поддршка. Од носењето на првата уредба со законска сила за Законот за социјална заштита, односно од 3 април во центрите за социјална работа имаме околу 970 нови барања за остварување на правото на гарантирана минимална помош, и тие се решаваат тековно“, наведе Битиќи.
Тој соопшти дека во тек се преговори со Светска банка за нов проект за брзо дејствување против последиците од кризата предизвикана од Ковид-19.
„Проектот е во износ од 90 милиони евра и се состои од две компоненти – првата компонента се однесува на зајакнување на здравствените капацитети, а втората компонента е за поддршка на домаќинствата и се однесува на обезбедување поддршка за трансфери за ранливи домаќинства погодени од последиците од коронавирусот и паричен надоместок за оние кои ги изгубиле работните места како резултат на кризата. За дополнителна поддршка на ранливите семејства е и мерката со која околу 30.000 домаќинства, корисници на социјална помош, добиваат по 1.000 денари енергетски додаток, освен за месеците април и мај, сè до септември, односно и надвор од грејната сезона“, информираше советникот на премиерот.
Тој посочи дека ова е време кога солидарноста треба да се покаже на дело, а токму поради принципот на солидарност, се дава таму каде што нема, на работниците, стопанството, самостојно вработените, спортисти, уметници, а се крати онаму каде што може, односно на неприоритетни и непродуктивни трошења.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Мој ДДВ не се укинува – налозите за исплата во февруари се подготвуваат, извести УЈП
Управата за јавни приходи ги демантира написите во дел од медиумите дека се укинува мерката „МојДДВ“.
„Јасно и недвосмислено истакнуваме дека не постои одлука за укинување на „МојДДВ“ – мерката се спроведува континуирано, а сите граѓани можат да ја користат апликацијата и да ги остваруваат своите права согласно законските одредби. За спроведување на мерката „МојДДВ“ се предвидени средства во Буџетот за 2026 година, со што се обезбедува нејзино непречено и континуирано спроведување“, велат од УЈП.
Во текот на 2025 година за редовна исплата исплатени се 3.458.885.995 денари, што е 56,2 милиони евра средства вратени на сметките на граѓаните по основ на „МојДДВ“.
Гледано по квартали, повратот на средства преку „МојДДВ“ во текот на 2025 година е следен:
•За К4 2024 година (исплата во февруари 2025) исплатени се 870.329.146 денари за 496.442 корисници;
•За К1 2025 година исплатени се 784.442.146 денари за 491.770 корисници;
•За К2 2025 година исплатени се 882.137.038 денари за 503.655 корисници;
•За К3 2025 година исплатени се 921.977.665 денари за 515.182 корисници;
•За К4 2025 година налозите се во обработка и согласно законските одредби исплатата на средства е предвидена за февруари 2026 година.
Во текот на 2025 година беа извршени и дополнителни исплати (од изминатите години) кон корисниците кои немале точни податоци во периодот кога биле редовните исплати:
•За скенирани сметки во 2020 година исплатени се 2.658.049 денари;
•За скенирани сметки во 2023 година исплатени се 7.552.401 денари;
•За сметки скенирани во 2024 година исплатени се 4.076.525 денари.
На сметките на граѓаните во 2025 година по основ на редовна и дополнителна исплата на средства преку „МојДДВ“, исплатени се вкупно 3.473.172.970 денари или 56,4 милиони евра.
УЈП ги известува граѓаните дека веќе ги подготвува налозите за исплата на средства за скенирани сметки во последниот квартал од 2025 година, која треба да се реализира во февруари 2026 година.
„Апелираме граѓаните да не потпаѓаат под шпекулации и да ги следат исклучиво официјалните информации и соопштенија на Управата за јавни приходи. Истовремено, УЈП ја информира јавноста дека апликацијата „Мој ДДВ“ функционира редовно. Во рамки на тековните технички подобрувања на системот, можно е повремено забавување при најавување на апликацијата од страна на корисниците или при вчитување на фискалните сметки. Овие појави се привремени, а надлежните технички служби континуирано работат на нивно отстранување, со цел да се обезбеди подобро корисничко искуство. Со ова уште еднаш потврдуваме дека апликацијата „Мој ДДВ“ останува во функција и не се разгледува нејзино укинување“, се додава во соопштението на УЈП.
Економија
Малите и средни претпријатија се ’рбетот на економијата – претставена Националната стратегија за МСП 2025–2030
Министерството за економија и труд денес ја презентираше Националната стратегија за мали и средни претпријатија 2025–2030, стратешки документ кој ја дефинира насоката за развој, конкурентност и отпорност на малите и средни претпријатија во Република Северна Македонија во наредните години.
Малите и средни претпријатија претставуваат ’рбет на националната економија, сочинувајќи околу 99 проценти од вкупниот број претпријатија и обезбедувајќи егзистенција за речиси три четвртини од вработените. Тие имаат клучна улога во економскиот раст, иновациите и социјалната стабилност на државата.
На настанот, министерот за економија и труд Бесар Дурмиши истакна дека Стратегијата е повеќе од формален документ и дека таа претставува јасна определба за поддршка на домашните претприемачи.
„Малите и средни претпријатија не се само дел од нашата економија – тие се нашата економија. Секој нивен успех значи посигурна иднина за едно семејство и посилна држава. Со Стратегијата за МСП 2025–2030 создаваме услови тие да бидат лидери на промените, а не нивни следбеници,“ истакна министерот.
Економија
(Видео) Димитриеска-Кочоска: Ниските камати за Еврообврзницата се силен сигнал зајакната доверба на инвеститорите во економските политики на државата
Министерката за финансии Гордана Димитриеска-Кочоска денеска на прес-конференција информираше дека Министерството за финансии успешно ја реализираше аукцијата за издавање на 10-тата Еврообврзница, обезбедувајќи историски поволни каматни стапки и силна доверба од меѓународните инвеститори, во услови на зголемена глобална макроекономска и геополитичка неизвесност.
Како што објави Димитриеска-Кочоска, задолжувањето е реализирано преку две транши од по 500 милиони евра, со рок на доспевање од 4 и од 8 години, што претставува внимателно дизајнирана структура со цел оптимално управување со јавниот долг, рамномерно распределување на доспевањата и намалување на ризиците поврзани со рефинансирање во среден и долг рок.
„Одлуката за ваква структура не е случајна. Таа е резултат на детална анализа на пазарните услови и на нашата стратегија за одговорно управување со јавниот долг, со јасна цел – да се намалат ризиците и да се обезбеди поголема фискална стабилност. Особено значајно е што беше успешно пласирана осумгодишна еврообврзница, рок на доспевање кој последен пат беше постигнат пред повеќе од дваесет години. Овој резултат, како што истакна министерката, претставува силен сигнал за обновената и зајакната доверба на меѓународните инвеститори во макроекономските политики, реформската агенда и институционалната стабилност на државата“, кажа министерката.
Како што образложи министерката на прес-конференцијата, интересот од инвеститорите беше исклучително висок и повеќекратно го надмина понудениот износ. Само еден час по објавувањето на индикациите за каматните стапки, побарувачката достигна околу две милијарди евра. Пред отворањето на американскиот пазар, книгата на инвеститори надмина три милијарди евра, додека по неговото отворање, вкупната понуда достигна повеќе од четири милијарди евра. Во процесот учествуваа над 150 глобални инвеститори, меѓу кои водечки пензиски фондови, осигурителни компании и други еминентни институционални инвеститори од Германија, Соединетите Американски Држави, Велика Британија и земјите од Европската Унија.
„Како директен резултат на силната побарувачка, квалитетната инвеститорска база и внимателно одбраниот момент за излез на меѓународните пазари, кај двете транши беше постигната најтесна каматна маргина во однос на референтниот Еурибор во споредба со сите државни издавања во последните дваесет години. Каматната стапка за траншата со рок од 4 години изнесува 3,875 проценти, додека за траншата со рок од 8 години 4,75 проценти, што, имајќи го предвид актуелното високо ниво на Еурибор, претставува најконкурентна цена на задолжување што државата ја има постигнато во последните две децении. Во услови кога голем број земји, вклучително и земји членки на Европската Унија со повисок кредитен рејтинг, се задолжуваат по значително повисоки каматни стапки, постигнатите услови за нашата држава јасно ја потврдуваат довербата во нашата фискална стратегија и макроекономска стабилност“, нагласи министерката и додаде дека при издавањето на оваа Еврообврзница, трошоците за синдикатот на банки и за правните советници се пропорционално најниски во споредба со сите претходни издавања.
Дополнително, како што потенцираше министерката, со цел да се намалат фискалните оптоварувања и да се искористат поволните пазарни услови, паралелно со новата емисија се реализира и предвремен откуп на еврообврзницата што достасува во јуни 2026 година, со што ќе се остварат значајни заштеди кои во голем дел ќе ги компензираат трошоците од новото задолжување.
Министерката потенцираше дека Македонија во моментов се задолжува по услови кои се подобри од повеќето земји во Западен Балкан, со каматни стапки блиски до регионскиот минимум и со исклучително силен интерес од инвеститорите и даде споредба со земји од поширокиот регион, како и земји членки на Европската Унија со повисок кредитен рејтинг, во последниот период реализираа задолжувања по значително повисоки каматни стапки.
„Излегувањето на меѓународниот пазар на капитал во овој период има изразен стратешки карактер. Подготовките започнаа уште во последниот квартал од 2025 година и вклучуваа континуирана комуникација со инвеститорите, детална анализа на пазарните движења и директни средби со инвеститорската заедница. Во ноември беше реализирана инвеститорска презентација во Лондон пред повеќе од 40 инвеститори, додека во периодот од 11 до 12 јануари годинава беа одржани средби со повеќе од 60 глобални инвеститори, меѓу кои и најголемите пензиски фондови и осигурителни компании од САД и Европската Унија. Bank of America имаше водечка улога во координацијата на целиот процес“ кажа Димитриеска-Кочоска.
Средствата обезбедени преку оваа еврообврзница, кои се целосно планирани во Буџетот за 2026 година и во Ревидираната стратегија за управување со јавниот долг, ќе бидат наменети за навремена отплата на еврообврзницата издадена во 2020 година во износ од 700 милиони евра, како и за сервисирање на други обврски кои доспеваат во тековната година.
Потсети дека издавањето на оваа еврообврзница е целосно проектирано и планирано во Буџетот за 2026 година, како и во Ревидираната стратегија за управување со јавниот долг. Тоа значи дека иако номиналниот износ на задолжувањето изнесува една милијарда евра, во текот на 2026 година Министерството за финансии ќе изврши исплата на обврски по основ на надворешен долг во вкупен износ од околу 893 милиони евра. Со тоа, подвлече министерката, нето-ефектот врз јавниот долг е значително понизок и во целост усогласен со среднорочната фискална рамка.
Во 2026 година, вкупните обврски за отплата на домашниот и меѓународниот пазар изнесуваат околу 1,563 милијарди евра, во 2027 година 1,579 милијарди евра, во 2028 година 1,971 милијарди евра, во 2029 година 1,304 милијарди евра, а во 2030 година 1,414 милијарди евра или вкупно за пет години 8,804 милјарди евра
Токму затоа, потенцираше Димитриеска Кочоска, ова издавање има јасна улога во рамномерно распределување на доспевањата и во намалување на ризиците поврзани со концентрација на отплати во поединечни години
(Видео) Мицкоски: Техничката влада треба да замине во минатото, но ако СДСМ мислат дека е потребна за следните избори, во ред, прифаќаме
Претседателот на Владата, Христијан Мицкоски на прес-конференцијата по завршување на лидерската средба извести дека сите присутни се согласиле дека техничката...
Мој ДДВ не се укинува – налозите за исплата во февруари се подготвуваат, извести УЈП
Управата за јавни приходи ги демантира написите во дел од медиумите дека се укинува мерката „МојДДВ“. „Јасно и недвосмислено истакнуваме...
Загина маж во пожар во стан во Тетово: со изгореници се здобило уште едно лице
Вчера во 19:20 часот во СВР Тетово е пријавено дека на улицата „180“ во Тетово настанал пожар во стан, сопственост...
Oбјавена листата на најмоќните пасоши за 2026 година: Македонија бележи напредок
Азиските земји продолжуваат да доминираат на рангирањето на најмоќните пасоши во светот, според најновиот извештај на „Henley Passport Index“. Сингапур...
(Видео) Димитријевиќ: Кој оди на средба со Мицкоски легитимира криминал и изолација на земјата
Сите што денеска ќе одат на средба со Мицкоски за укинување на техничката стануваат соучесници во легитимирање на криминалот и...
За новогодишно украсување, општините дале 785 илјади евра – најмногу пари потрошила Општина Штип
За новогодишно украсување, општините потрошиле 785 илјади евра, а 78 отсто од вредноста е концентрирана кај една фирма. Ова го...
Вељаноски за техничката влада: Eксперимент кој предизвикува штета за државата
За поранешниот претседател на Собранието Трајко Вељаноски, техничката влада е експеримент кој како што оценува, предизвикува повеќе штета од корист...
Денешниот состанок во Вашингтон ја одлучува судбината на Гренланд
Денес во Белата куќа се одржува состанок кој би можел да ја одреди иднината на Арктикот, но и на самиот...
Трамп: Сакам да победам во Иран, обожавам да победувам
Претседателот на САД, Доналд Трамп, се закани дека ќе „преземе многу силни мерки“ ако иранските власти почнат да ги бесат...
Лидерска средба за техничката влада, СДСМ одби да учествува
Во Клубот на пратениците денеска треба да се одржи лидерска средба на премиерот и претседател на ВМРО-ДПМНЕ, Христијан Мицкоски, со...
(Видео) Премиерот на Гренланд: Ако треба да избереме помеѓу САД и Данска, ја бираме Данска
Премиерот на Гренланд изјави дека доколку неговиот народ мора да избере „тука и сега“, ќе ја избере Данска пред САД....
Поранешни вработени го обвинија Хулио Иглесијас за сексуална злоупотреба, откриени детали
Шпанскиот пејач Хулио Иглесијас е обвинет за сексуален напад од страна на две поранешни вработени, кои тврдат дека биле подложени...
(Фото) Тошковски на проштална средба со амбасадорката Агелер: САД остануваат клучен стратешки партнер во безбедноста
Министерот за внатрешни работи на Република Северна Македонија, Панче Тошковски, денеска оствари проштална средба со амбасадорката на Соединетите Американски Држави...
Зеленски се обиде да го назначи поранешниот премиер за министер за енергетика, парламентот го одби
Украинските пратеници го отфрлија назначувањето на министерот за одбрана во заминување Денис Шмихал за министер за енергетика, што е ретка...
Бројот на жртви варира во голема мера: „Иран Интернешнл“ тврди дека најмалку 12.000 луѓе се убиени во протестите
Се појавуваат извештаи за илјадници жртви во немирите во Иран, што би претставувало најголем број смртни случаи во протестите од...
Каја Калас: Историјата е полна со примери за паѓање на режими, но прашањето е што следува потоа
Високиот претставник на Европската Унија за надворешни работи и безбедносна политика, Каја Калас, изјави дека е неизвесно што ќе се...
Времето утре – сончево со мала до умерена облачност, максималната температура до 10 степени
Времето утре ќе биде сончево со мала до умерена облачност. Ќе дува слаб до умерен ветер од западен и северозападен...
Јордан Апостолски, Наташа Бошкова и Сашо Георгиевски кандидати за судии во Европскиот суд за човекови права
Владата на денешната 141 седница беше информирана за текот на постапката за номинирање кандидати за позицијата судија во Европскиот суд...
Утрешното судење за пожарот во „Пулс“ е одложено за 26 јануари
Судењето за пожарот во „Пулс“ што требаше да се одржи утре е одложено за 26 јануари, соопшти Кривичниот суд. Расправата...
Бугарски државјанин протеран од земјава, кај него се пронајдени боксирач и транспарент со навредлива содржина
Полицијата уапси бугарски државјанин на Граничен премин Деве Баир, кај него се пронајдени боксирач и транспарент со навредлива содржина. Според...
