Во просториите на Министерството за енергетика, рударство и минерални суровини, се одржа состанок на кој академици од Македонската академија на науките и уметностите (МАНУ) ја презентираа новата предлог Стратегија за геолошки истражувања и одржливо искористување на минералните суровини за периодот 2025-2045 која е во завршна фаза од изработка, по што ќе следи јавна расправа и нејзино усвојување од страна на Владата. Делегацијата на МАНУ беше предводена од академик Блажо Боев и научниот соработник Александар Дединец.

Стратегијата има за цел да го дефинира обемот и начинот на реализација на основните геолошки истражувања, како и одржливото искористување и потребите за експлоатација на минералните суровини кои се од клучно значење за развојот на стопанството на Република Македонија. Документот детално го разработува искористувањето и експлоатацијата на природните ресурси во следните 20 години, при максимална заштита на природните особености на животната средина и на здравјето на луѓето со користење на најсовремени паметни технологии, практики и знаења применети во најразвиените земји во светот.

Министерката Сања Божиновска ја истакна важноста на оваа стратегија за економскиот развој на земјата, нагласувајќи дека одржливото управување со минералните ресурси е од суштинско значење за енергетската независност и индустрискиот напредок. Таа изрази благодарност до МАНУ за нивниот придонес во изработката на овој стратешки документ.

Академик Боев посочи дека стратегијата е резултат на темелни истражувања и анализи, со цел да се обезбеди балансиран пристап помеѓу економскиот развој и заштитата на животната средина. Дединец додаде дека документот е усогласен со глобалните трендови и стандарди, и дека неговата имплементација ќе придонесе за подобрување на квалитетот на животот на граѓаните.

Присутните на состанокот се согласија дека успешната реализација на стратегијата ќе зависи од блиската соработка меѓу институциите, научната заедница и приватниот сектор, со цел да се обезбеди одржлив и долгорочен развој на рударскиот сектор во земјата.

Позитивно известување за сите корисници на услугите на Минт Финтек Груп.

Mint App – сега и на Apple Store!

Сите финтек услуги на Mint FinTech Group – сега достапни за корисниците на iPhone!

Брз пристап до кредити, осигурување, патувања, награди и девизен курс – сè на едно место.

Преземете ја денес: mint.com.mk/mintapp

ПР

Халкбанк АД Скопје информира дека во изминатиот период сѐ почести се обидите за неовластено прибирање лични и финансиски податоци на граѓаните.

Се испраќаат лажни СМС или електронски пораки до поширок круг граѓани од земјата, во кои се злоупотребува името на банката. Истите содржат линк до измамничка веб-страница или прикачен документ со намера за измама. Целта на овие пораки е да се прибираат податоци за платежните картички, со цел истите да бидат злоупотребени.

Банката апелира до јавноста да не се отвораат линкови добиени преку вакви пораки, да не се внесуваат лични или финансиски податоци на линкуваните веб-страници и граѓаните да бидат особено внимателни. Постои можност измамничката веб-адреса да се промени во иднина, па затоа е потребна зголемена претпазливост.

Халкбанк АД Скопје никогаш нема да побара од своите клиенти лични податоци или информации за платежните картички преку ваков тип пораки. Целосната комуникација од страна на банката се одвива исклучиво преку официјални и безбедни канали.

Банката посочува и на тоа дека пораките се упатени до широка база на контакти меѓу кои може случајно да има и клиенти на банката и затоа, доколку некој од нив има внесено податоци на измамничката веб страница, неопходно е веднаш да го контактира контакт центарот на Халкбанк АД Скопје за преземање понатамошни активности за спречување на измамите.

Телефонскиот број на контакт центарот е +389 2 3296 330 и истиот е на располагање 24 часа во денот.