Економија
(Видео) Новата Toyota Corolla Cross – создадена за новите животни авантури
· Целосно нова Corolla Cross – SUV верзија од најпродаваното возило на светот
· Ја комплетира гамата на SUV возила на Toyota, нудејќи им на клиентите најширока SUV палета на европскиот пазар
· 5-та генерација на самополнечки целосен хибрид со FWD (преден погон) или AWD-i (интелигентен погон на сите тркала)
· Нов мултимедијален инфозабавен систем со широк опсег на функции за поврзување и 12,3” дигитален информациски дисплеј за возачот
· Високо ниво на безбедност со “T-Mate”безбедосни системи: комбинација од најновата генерација на Toyota Safety Sense, вклучувајќи нов систем за итно запирање на возењето, како и дополнителни напредни системи за активно возење и помош при паркирање.
Целосно новата Toyota Corolla Cross е SUV изведба на најпродаваниот автомобил во светот- Toyota Corolla. Новата Corolla Cross е специјално дизајнирана да овозможи беспрекорна практичност и уживање за целото семејство.
Не само што новиот SUV го комплетира семејството на Corolla – покрај хечбек, караван и седан, туку ја комплетира и линијата SUV на Toyota, која сега им нуди на клиентите најширока палета на европскиот пазар.
Врз основа на TNGA филозофијата на Toyota, Corolla Cross ги користи најновите достигнувања на платформата GA-C, коишто носат придобивки во стилот, ергономијата, технологијата и динамиката на возењето на возилото.
ДИЗАЈН И ПАКУВАЊЕ
Моќниот, робустен стил на новиот SUV на Toyota е специјално прилагоден на европскиот пазар.
Corolla Cross е долга 4460 mm, широка 1825 mm, висока 1620 mm и има меѓуоскино растојание од 2640 mm. Се наоѓа помеѓу Toyota C-HR и RAV4 во срцето на висококонкурентниот европски сегмент C-SUV, нудејќи удобност, практичност и разновидност неопходни за активните семејства.
Внатрешноста нуди одлична видливост за сите патници, доволно простор за главата и нозете на предните и задните седишта, задни врати со големи отвори, како и зголемена светлина во возилото и чувство на просторност обезбедено од панорамскиот покрив. Багажниот простор е со лесен пристап и широк отвор на вратата што го прави погоден за товарење големи предмети како колички или велосипеди.
НОВ ХИБРИДЕН СИСТЕМ од 5 -та ГЕНЕРАЦИЈА
Corolla Cross е првиот модел на Toyota на глобално ниво што ја користи новата петта генерација на хибриден систем.
Петтата генерација на Toyota со самополнечки целосен хибриден систем е достапна во FWD- преден погон или AWD-i- интелигентен погон на сите тркала. За разлика од својот претходник оваа генерација сега се одликува со поголем вртежен момент, поголема моќност, поголема ефикасност, како и зголемено чувство на задоволство при возењето.
Со најновите достигнувања во Lithium-ion батериите, новиот систем е помоќен и за 40% полесен од претходно.
Моќноста на електро-моторот и моторот на внатрешно согорување се подобрени, што резултира со зголемување на вкупната моќност на системот за повеќе од 8%.
На располагање е 2.0 литарски хибриден погон кој генерира 145 kW/197 КС, со потрошувачка на гориво од 5l/100 km, како и забрзување од 0-100 km/h за 7.5 секунди.
Варијантата AWD-i располага со дополнителен, моќен електро мотор на задната оска со импресивни 30 kW.
Задниот електро мотор се вклучува автоматски за да даде поголема влечна сила, самодоверба во возењето, како и спокој во неповолни услови.
Возењето на хибридниот мотор од 5-та генерација е исто така дополнително подобрено. Системот сега е уште полинеарен, попредвидлив и поконтролиран при забрзување, со брзината на возилото што поблиску одговара на вртежите на моторот за да обезбеди поинтуитивно и природно искуство во возењето.
НАПРЕДНИ ТЕХНОЛОГИИ
Бројни напредни технологии се дел од опремата на новата Corolla Cross. Добивката е најнова мултимедијална технологија, со контролна табла специфично дизајнирана за Европа која се одликува со целосно нова, мулти-конфигурациска, дигитална инструмент табла за возачот од 12,3” и централен мултимедијален дисплеј од 10,5”.
Дигиталната инструментална табла има целосно нов хардвер и софтвер. Како најголема во сегментот, нуди максимален простор за содржина, широка флексибилност и опции за приспособување и персонализација како што се потрошувачката на гориво, работењето на хибридниот систем и навигацијата.
Со нов побрз процесор, најновиот Мултимедијален инфозабавен систем со висока резолуција и екран на допир од 10,5” добива безжична Apple CarPlay конекција и Android Auto конекција преку кабел, како и цел пакет на Toyota Smart Connect услуги.
Купувачите сега можат да ја искусат удобноста на “Cloud” навигацијатa, најновите настани на патиштата, гласовниот агент и “over the air” ажурирањата.
БЕЗБЕДНОСТ
Целосно новата Corolla Cross е опремена со “T-Mate” безбедносен систем, кој ја комбинира најновата генерација на безбедносниот пакет Toyota Safety Sense со дополнителни активни системи за помош при возење и паркирање, не само за да го направи возењето полесно и побезбедно, туку и да ги заштити сите патници во возилото, како и другите учесници во сообраќајот во различни сценарија.
Системот за помош при избегнување судир (Pre-Collision System) нуди автоматско безбедносно сопирање кога возилото ќе детектира опасност од судир како и поддршка за избегнување на судир на раскрсница.
Другите нови функции на Toyota Safety Sense вклучуваат систем за итно запирање на возењето (EDSS) со “over the air” ажурирања. Дополнително, направени се подобрувања на адаптивниот темпомат (ACC), како и на системот за предупредување при напуштање на лентата и помош за задржување на лентата (LTA) и помош за детектирање на патни знаци (RSA).
T-Mate нуди помош при возењето преку мониторот за мртов агол (BSM) и системот за безбедно излегување од возилото (SEA), автоматска помош за префрлање на долго и кратко светло (AHB), помош при паркирање со Toyota Teammate Advanced Park, како и камера со 360⁰ панорамски преглед на опкружувањето (PVM).
Додавајќи уште повисоки нивоа на пасивна безбедност новото предно централно воздушно перниче со кое е опремена новата Corolla Cross има улога да ги заштити возачот и совозачот во случај на страничен судир.
Од претставувањето на моделот во 1966 година, ширум светот се продадени повеќе од 50 милиони Corolla автомобили. Новата Corolla Cross дополнително ќе го зајакне присуството на Toyota во C SUV -сегментот и ќе ја поддржи амбицијата на компанијата од 400.000 продажби – што е еднакво на пазарен удел од 9% во најконкурентната автомобилска категорија во Европа – до 2025 година.
Со практичност на простран SUV, динамика на најнапредната хибридна технологија,како и безбедносните системи, целосно новата Corolla Cross му помага на модерното семејство да ужива во секојдневните предизвици.
Corolla Cross поседува фабричка гаранција од 10 години и на нашиот пазар ќе стартува со цена од 38.490 Евра (2.386.380,00 ден). За повеќе информации во врска со моделот посетете ја www.toyota.com.mk
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Ексклузивно лансирање на новиот Porsche 911 во Скопје
Автомобилските ентузијасти и претставниците на медиумите беа дел од извонредна вечер организирана од Porsche Center Skopje и Порше Македонија, на официјалното претставување на новиот Porsche 911. Настанот ја прослави еволуцијата на иконата, спојувајќи ги луксузот, иновациите и емоциите во ноќ за паметење.
На церемонијата на официјалното претставување беше презентирана најновата генерација на легендарниот Porsche 911, во Carrera 4 GTS изведба, отелотворувајќи совршен спој на безвременски дизајн и врвна технологија. Гостите беа почестени со ексклузивен прв поглед кон возилото со официјалното откривање, по што следуваше инспиративна презентација за компанијата и брендот од страна на генералниот директор на Порше Македонија и менаџерот на брендот Porsche.
Говорниците го истакнаа наследството на 911 како симбол за перформанси и софистицираност, притоа споделувајќи увид во неговите револуционерни карактеристики кои го креираат духот на извонредноста на Porsche.
„Porsche 911 не е само автомобил – тоа е изјава за страст, иновација и врвна изработка. Вечерва, воодушевени сме да им го претставиме најновото поглавје од ова трајно наследство на нашите лојални клиенти и ентузијасти на брендот Porsche во Македонија“, изјави г-дин Златко Муцунски – Генерален Директор на Порше Македонија.
„Новиот Porsche 911 го претставува врвот на автомобилскиот инженеринг и елеганција. Ја доловува суштината на она што значи да се вози Porsche – неспоредливи перформанси, дизајн и емоции. Возбудени сме да го споделиме ова неверојатно возило со Вас и да го доближиме искуството на Porsche до нашата заедница“ – изјави г-дин Винко Марашевиќ – Porsche Бренд Менаџер.
По свеченото претставување, атмосферата се префрли во вечер на забава, за која задолжен беше светски познатиот диџеј Махмут Орхан. Неговиот наелектризиран сет совршено ја надополни позитивната енергија на вечерта, создавајќи незаборавно искуство за сите присутни.
Настанот ја одразува посветеноста на Porsche да испорача не само исклучителни возила, туку и моменти кои остануваат во долго сеќавање.
ПР
Економија
Агенцијата за поддршка на претприемаштво го додели признанието за најдобар ментор за 2023 година
Во рамките на Европската недела на претприемаштво, Агенцијата за поддршка на претприемаштвото успешно го реализира настанот Mentor Awards 2023, кој се одржа како дел од активностите на програмата „Стандардизирани менторски услуги“.
Настанот поддржан од Јапонската агенција за меѓународна соработка – JICA имаше цел да ја истакне важноста на мисијата на менторите во унапредувањето на работењето на македонските мали и средни претпријатија.
Добитник на наградата за најуспешен ментор за 2023 година е Неби Јусуфи од Регионалниот центар во Тетово, кој се истакна со својата експертиза, посветеност и позитивно влијание врз корисниците и со својата работа постигна значајни резултати. Најдобриот ментор за минатата година го избра жири составено од ментори.
На настанот менторите од шесте регионални центри имаа можност да презентираат по еден значаен пример на спроведена менторска услуга во нивниот регион. Во рамките на Mentor Awards 2023, во согласност со методологијата за спроведување стандардизирани менторски услуги во мали и средни претпријатија за периодот 2024 – 2029, Агенцијата ѝ додели овластување за инструктор за обука во пракса на Евгенија Лисичова, а на Никола Димковски (комуникациски вештини) и Тони Цветановски (управување со човечки ресурси) им додели овластување за обучувачи за теоретска настава.
Овие овластувања претставуваат важен чекор во создавањето на генерација квалификувани обучувачи, кои ќе го пренесуваат знаењето и искуството за унапредување на претприемништвото во земјата. Настанот ја потврди важноста на менторството како клучен фактор за успехот на македонските компании. Менторите, преку спроведување на стандардизираните менторски услуги, го ставија во функција своето долгогодишно знаење, обезбедувајќи насоки за развој, раст и одржливост на корисниците на овие услуги.
Претходниот ден, тим од Агенцијата за поддршка на претприемништвото предводен од в.д директорката Даниела Димовска оствари плодна средба со претставници на невладини организации кои работат во областа на економијата, претприемништвото и иновациите. Беа разменети мислења и идеи и беа поставени основи за идна соработка и за поддршка и развој на претприемничките иницијативи.
Покрај тоа, во текот на Европската недела на претприемништвото, Агенцијата реализираше низа активности со цел да го истакне значењето на претприемништвото и да обезбеди поддршка за младите и бизнис заедницата. Беа спроведени посети во средните училишта „Орце Николов“, „Арсени Јовков“ и „Лазар Танев“, при што учениците имаа можност да се запознаат со основните принципи на претприемништвото и програмите и мерките кои ги нуди Агенцијата, а беа организирани и работилници за поддршка на младите претприемачи, каде што беа презентирани успешни претприемачки модели и стратегии.
Како дел од одбележувањето, претставници од Агенцијата ги посетија и фирмите „Винарија чифлик“ од Битола и СВАРОГ од Прилеп, компании кои се и корисници на мерката менторство што ја спроведува Агенцијата со цел да ја истакнат важноста на поддршката за мали и средни претпријатија и да ги охрабрат во нивниот понатамошен развој.
Со овие активности АППРМ потврди дека е клучен партнер во развојот на претприемаштвото во земјата обезбедувајќи платформа за инспирација, поддршка и промоција на нови иницијативи, кои ќе ја зајакнат економијата и ќе ја подготват следната генерација успешни претприемачи.
Економија
Еврото падна на најниско ниво во последните две години во однос на доларот
Еврото денеска падна на најниско ниво во последните две години во однос на доларот откако најновите податоци покажаа дека деловната активност во еврозоната нагло паднала во ноември.
Според податоците на берзата, европската заедничка валута во еден момент се тргуваше по 1,0399 долари, што е најниска вредност од декември 2022 година, пренесува CNN (CNBC).
Глобалната агенција S&P објави дека композитниот индекс во еврозоната паднал од октомвриските 50 поени на 48,1 поени.
Путин: Не постои средство за пресретнување на ракетата „Орешник“
Рускиот претседател Владимир Путин денеска изјави дека ракетниот систем „Орешник“ не е средство за масовно уништување, туку високо прецизно оружје...
Силниот ветер предизвика штети во Штип: оштетен покрив на училиште, паднати дрвја на повеќе локации
Силен ветар оштети дел од покрив на средното електро-машинско училиште во Штип, а дрво падна и во непосредна близина на...
Град Скопје: Во Шуто Оризари нема јавен превоз поради советничката група на ВМРО-ДПМНЕ
Македонија повторно станува заробена режимска држава во која граѓаните се злоупотребуваат како потрошен материјал на политичките партии за наметнување на...
Студентите и средношколците не смеат да трпат поради партиски препукувања – младите излегоа на протестот за проблемите со градскиот превоз
Студентите и средношколците не смеат да трпат поради партиски препукувања, беше една од пораките кои студентите ги упатија на денешниот...
Курто Дудуш ја обвини Арсовска за расизам и дискриминација: „Пишува ли на автобусите на ЈСП ‘забрането за Роми’“
Градоначалникот на Општина Шуто Оризари, Курто Дудуш, на денешниот протест за јавниот превоз упати повеќе барања до градоначалничката Данела Арсовска,...
За лекарски прегледи се чека и со месеци, а стотици термини останале празни оти граѓаните не дошле: „Ако не можат, нека откажат преку СМС“ – апелираат надлежните
Граѓаните што не може да го искористат закажаниот „Мој термин“ во јавното здравство, преку СМС-порака да го откажат за да...
Скопјанка на 69-годишна возраст е жената што загина по удар на автомобил во Чаир
Шеесет и деветгодишна жена, со иницијали Н.П. од Скопје е починатата по ударот на автомобил во Чаир, објави МВР. Несреќата...
Почувствуван земјотрес во Македонија
Утрово е регистриран земјотрес со јачина од 2,10 степени според Рихтер во Македонија. Според првите информации од ЕМСЦ, епицентарот е...
(Видео) ДПМНЕ предизвикувајќи тепачка избегна да одговори зошто не ја укина историската комисија, велат од Левица
„На вчерашната седница за пратенички прашања, пратеникот од Левица, Реџеп Исмаил – Хактан, постави прашања за кои јавноста чека одговор...
СДС со примитивни методи во Собранието го активира насилникот и пудлицата на Венко, Апасиев, велат од ВМРО-ДПМНЕ
„Венко Филипче и СДС тотално се изгубија на политичката мапа по катастрофалниот пораз и последните анкети каде рејтингот им е...
Унгарија го поддржа Нетанјаху: Одлуката на Меѓународниот кривичен суд е апсурдна
Министерот за надворешни работи на Унгарија ги критикуваше налозите за апсење на Меѓународниот кривичен суд за израелскиот премиер Бенјамин Нетанјаху...
Украинскиот парламент ја одложи седницата, на пратениците им е кажано да ги држат своите семејства подалеку од владиниот кварт на Киев
Украинскиот парламент ја одложи седницата што требаше да се одржи денеска поради безбедносни причини, јави јавната телевизија Суспилнe, повикувајќи се...
Ким Џонг-ун ги нападна САД: Никогаш не сме биле толку блиску до термонуклеарна војна со Јужна Кореја
Севернокорејскиот лидер Ким Џонг-Ун ги обвини САД за провокации и ескалација на тензиите, велејќи дека Корејскиот Полуостров никогаш не се...
Деветнаесетгодишна девојка го управувала автомобилот со којшто беше усмртена жената во Чаир
Деветнаесетгодишна девојка (А.Џ.) управувала со автомобилот „сеат алтеа“, со којшто попладнево беше прегазена жената во скопската населба Чаир којашто почина...
Студентите на протест поради јавниот превоз, бараат и набавка на нови автобуси и велосипедска инфраструктура
Универзитетското студентско сообрание (УСС-УКИМ) за утре, 22 ноември, најавува протест поради проблемите со јавниот превоз што ќе се случува од...
Трагедија вечерва во Чаир: Загина жена, ја прегази автомобил
Жена загина во скопската неселба Чаир, кога во неа удрил автомобил со скопски регистерски ознаки. Според информациите од СВР Скопје...
Владата ќе му позајми на градот Скопје дел од нафтените резерви на државата за ЈСП
Владата вонредно расправаше поради недостигот на енергенси за обавување на јавниот сообраќај на територијата на Град Скопје, при што беше...
(Видео) Избегната тепачка во Собранието, Гаши го повика обезбедувањето
Во македонскиот парламент денеска избегната тепачка меѓу некои од пратениците. Инцидентот се случи меѓу лидерот на Левицата, Димитар Апасиев, и...
Црната листа на САД е многу динамична и отворена за додавање нови имиња, порача Агелер
Американската амбасадорка Анџела Агелер, денеска, одговарајќи на новинарско прашање во врска со црната листа на САД, рече дека таа е...
(Видео) СДСМ со решенија за кризата во Скопје: закон за финансиска поддршка на Градот и на ЈСП, субвенциии за гориво, вели Јанчева
„Како што најавивме, денес сме тука за да ги презентираме нашите конкретни предлози за надминување на кризата во која се...
