Економија
Владата ја усвои новата Програма за спроведување на интервентен фонд во земјоделството
![](https://makfax.com.mk/wp-content/uploads/2023/05/346110319_1412324092941504_5093009153745647834_n.jpg)
На вчерашната седница на Владата на Република Северна Македонија, на предлог на Министерството за земјоделство, шумарство и водостопанство ја усвои Програмата за спроведување на интервентен фонд во земјоделството. Буџетските средства за оваа програма во висина од 317.000.000 денари се предвидени во буџетот на Агенцијата за финансиска поддршка во земјоделството и руралниот развој во Потпрограма 21 – Интервентен фонд за земјоделството.
Средствата од оваа програма се наменети за интервентни мерки за финансиска поддршка во земјоделството за ублажување на последици предизвикани од зголемувањето на производните трошоци, за производство на земјоделски култури во растителното и сточарското производство.
По теренските активности на Министерството, прва мерка која што ќе се реализира и е од витално значење за оддржување на земјоделството и намалување на загубите е мерката за трошоци за расадени површини со зимска зелка на отворено или за расадена зимска зелка на отворено и продадено до 15 април 2023 година со најмалку 5.000 килограми по хектар.
Земјоделските стопанства кои имаат производство на зимска зелка, ќе се поддржат со 61.000 денари по хектар за секој земјоделец кој ќе ги исполни условите. За таа цел, секој носител на земјоделско стопанство треба да достави барање до 31 мај, за потврдување на податоци за површина за расадена зимска зелка или откупни белешки за предадена зелка кај регистриран откупувач согласно Закон за земјоделство и рурален развој. Потоа, заклучно со 20 јуни ќе можатда аплицираат за оваа мерка во подрачните единици на министерството.
Планирана е и поддршка за производителите на оранжериско производство, која дополнително ќе се креира во следниов период..
Програмата предвидува во текот на годината да се креираат мерки за финансиска поддршка и во сточарското производство, во оној дел кадешто ќе биде потребна интервенција за да се намалат загубите од работењето на земјоделските стопанства.
Со оваа програма обезбедуваме сигурност кај земјоделците, дека во услови на било каква несакана ситуација, предизвикана од надворешни фактори и како последица на војната во Украина, во буџетот ќе има средства за поддршка и намалување на загубите на земјоделските стопанства. Ова го потврдивме минатата година кога за прв пат и единствени во регионот креиравме Интервентен фонд, со што значително го заштитивме домашното производство. Но, не само тоа, туку успеавме и да го зголемиме домашното производство на пченица, сончоглед и јачмен, што е голем успех особено ако се знае дека ваков резултат сме оствариле во услови на криза, нарушен пазар на репроматеријали, високи цени на вештачките ѓубрива и недостиг на прехранбени производи на пазарот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Економија
(Фото) Во министерството за финансии се крои ребалансот на буџетот, работата тече и викендов
![](https://makfax.com.mk/wp-content/uploads/2024/07/Screenshot-2024-07-06-193859.jpg)
Се крои ребалансот на буџетот. Во министерството за финансии се работи и викендов без прекин. Се пренаменуваат пари од нереализирани и непродуктивни трошења за она кое е попотребно и неопходно. Една од тие ставки е зголемувањето на пензиите од 2.500 денари од септември. Пари требаат и за капиталните проекти за општините. Според информациите, планирано е да бидат пренаменети 200 до 300 милиони евра.
„И овој викенд повторно работно во Министерството за финансии. Се работи на ребалансот на Буџетот. Секогаш во интерес на граѓаните на Македонија!“, напиша на Фејсбук министерката за финансии Гордана Димитреска Кочоска.
Економија
(Видео) Трипуновски: Земјоделските задруги се важни за решавање на проблемот со пласманот на производи
![](https://makfax.com.mk/wp-content/uploads/2024/07/Screenshot-2024-07-06-154913.jpg)
Министерот за земјоделство, шумарство и водостопанство Цветан Трипуновски присуствување на панел дискусија во организација на Македонската асоцијација на земјоделски задруги.
– Мораме да работиме да го развиваме задругарството, во моментов се наоѓаме во еден правен вакуум бидејќи законот за земјоделски задруги е укинат и се формираше еден посебен закон за задруги меѓутоа делот на земјоделските задруги остана недефиниран. – изјави Трипуновски.
На панел дискусијата се споделија неколку идеи за во која насока треба да се движат земјоделските задруги, а министерот Трипуновски ги презентираше мерките и проектите од владината програма за земјоделски задруги.
Преземавме обврска да веќе во наредниве месеци да го измениме законот за земјоделство и рурален развој каде што ќе ги дефинираме земјоделските задруги и нивното здружување. Ние во нашата владина програма имаме ставено фокус на задругарството преку разни мерки и проекти се со цел да овој начин на здружување биде еден од алките на решавање со пласманот на нашите земјоделски производи – заврши Трипуновски.
Економија
Димитриеска-Кочоска – Гир: Континуитет во поддршката од ЕУ, МФ ќе го искористи искуството за спроведување на реформскиот план
![](https://makfax.com.mk/wp-content/uploads/2024/07/05073.jpg)
Министерката за финансии, Гордана Димитриеска-Кочоска, денеска оствари средба со евроамбасадорот Дејвид Гир, на која соговорниците се осврнаа на реформите што ѝ претстојат на земјата во нејзиниот евроинтегративен процес.
На средбата беа разменети мислења за активностите што ги презема Министерството за финансии како институција, која е координатор во рамките на економско-финансискиот дијалог со ЕУ, како и за реформската агенда на земјата поврзана со новиот план за раст на Западен Балкан, активност што ја реализира Министерството за финансии заедно со Министерството за европски прашања.
„Министерството за финансии ги координира активностите во рамките на Економско-финансискиот дијалог веќе 10 години и во тој процес има континуитет. Тоа искуство ќе се искористи и во рамките на реформскиот процес поврзан со планот за раст на Западен Балкан“, рече министерката.
Таа изрази уверување дека реформите што се поврзани со Министерството за финансии во рамките на тој евроинтеграциски процес ќе бидат во фокусот на работата бидејќи тие значат и унапредување на процесите и приближување на земјата до ЕУ-стандардите.
Како што беше посочено, ЕУ е значаен поддржувач на земјата од нејзината независност и дека таквата поддршка ќе продолжи и во наредниот период.