Економија
ВМРО-ДПМНЕ: Регулаторната комисија за енергетика нема осет за финансиската моќ на граѓаните

„Новата измислена давачка на Марко Бислимоски е давачката за пристап на мрежа. Нов товар за граѓаните на Македонија, кои едвај врзуваат крај со крај. Денес слушнавме уште една небулоза од РКЕ на СДС: „воведувањето на пристапот на мрежа ќе значи намалување на цената за мрежарината“- според Марко Бислимоски“, велат од Комисијата за енергетика на ВМРО-ДПМНЕ.
„Дали РКЕ непромислено избрза со идејата за враќање на евтината тарифа, па сега измисли нов начин како да ги собере парите назад од граѓаните?
Најпрво се исфалија дека од 1 декември ќе се врати евтината тарифа, иако такво нешто се уште немаат повеќе од 2/3 од домаќинствата. Потоа Бислимоски излезе на прес да ги брани ЕВН дека бенефитот од евтината тарифа ќе биде од 1 јануари. Арно ама денес и тоа падна во вода. Бенефитит нема да има ни од 1 јануари, бидејќи се воведува нова давачка, т.н. „пристап на мрежа„.
Кога сето ова ќе се собере ќе излезе дека од сето ова нема никаков бенефит, туку само нов удар по џебот на граѓаните и компаниите
Со доаѓањето на оваа власт, освен покачување на цената на струјата, не добивме ништо друго. Станавме земја со уништени енергетски капацитети, која најлошо се снајде во енергетската криза, без доволно домашно производство. Енергетски компании опстануваат преку префрлање на пари од буџетот директно во нив, за да после тоа во сметките за електрична енергија добиеме информации колку Владата не „субвенционирала“! Ама за жал од нашите пари.
Иако се обидуваат покачувањето на цената да го замаскираат преку нови давачки како денешнава и воведување на блокови, секое домаќинство знае дека од 2108 година наваму цената на струјата е покачена за скоро 50 %. Од тогаш до сега видовме уништување на енергетските капацитети, погрешна стратегија во енергетиката и пораст на цените на сите производи како резултат на порастот на цената на струјата.
Затоа народот на изборите во мај 2024 година ќе може да ја казни оваа власт, која не знае ништо друго освен да приграби за себе“, соопштуваат од Комисијата за енергетика на ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Николоски – Даути: Посетата на Велика Британија е нов чекор во подобрување на соработката меѓу двете земји

Посетата на Велика Британија претставува нов чекор во подобрување на соработката меѓу Македонија и Велика Британија. Односите се на исклучително високо ниво и во следниот период ќе работиме таквите односи да бидат на уште повисоко ниво, истакна вицепремиерот Александар Николоски по средбата со Стивен Даути, министер за Европа и Северна Америка на Обединетото Кралство.
„Во ракми на дводневната посета на високо ниво на Велика Британија, денеска остварив средба со министерот за Европа и Северна Америка, Стивен Даути, на која разговаравме за односите помеѓу Македонија и Великa Британија. Заеднички констатиравме дека односите се на исклучително високо ниво и дека во следниот период тие ќе бидат на уште повисоко ниво. Заеднички разговаравме за економската и политичка соработка, при што утврдивме дека двете држави се блиски партнери во рамки на НАТО Алијансата, исто така дека Велика Британија е стратешки партнер на Македонија, а економски е партнер број два, односно имаме извоз од 2,5 милијарди евра, што е втор најголем извоз што го остварува Македонија во било која странска држава. Разговаравме и во однос на политичките односи, разговаравме и за состојбите во Европа и војната во Украина и актуелните случувања. Разговаравме за се она што е предизвик и за Македонија и за Велика Британија и Европа и утврдивме дека политичките односи меѓу двете држави треба уште повеќе да растат“, рече Николоски.
Тој оцени дека дводневната посета на Велика Британија претставува еден нов чекор во подобрување на соработката меѓу Македонија и Велика Британија.
Велика Британија е членка на Советот за безбедност на ОН, една од петте најмоќни земји во светот, втора најмоќна земја во НАТО Алијансата и вакво партнерство со Велика Британија може да значи многу и политички и економски за Македонија.
„На Македонија и се потребни вакви пријатели и ќе продолжиме да работиме со нашите западни сојузници”, изјави вицепремиерот Николоски.
Економија
„Прима“ слави јубилеј – 30 години постоење

Колкав број фирми можат да се пофалат со 30-годишен јубилеј, кој дополнително е обележан со постојан раст и развој? Кога на тој податок ќе го додадеме и оној дека станува збор за регионален „играч“ кој постојано го зголемува бројот на земји низ кои се шири, тогаш е јасно дека станува збор за сериозна фирма. Се разбира зборуваме за Прима која е водач во производството на мебел во Хрватска и со проширена мрежа на свои продажни салони во Македонија.
Во нејзиното 30-годишно постоење, Прима од мала производствена единица, со добра визија, идеја, волја и работа, прерасна во име кое во себе ги има инкорпорирано квалитетот, современиот начин на живеење, дизајнот и потребите на потрошувачите. А сето тоа значи квалитетно изработен мебел во сега веќе неколкуте фабрики лоцирани во Хрватска користејќи само внимателно одбрани материјали. Но Прима не би била тоа што е, доколку мебелот не е и внимателно издизајниран од дизајнери кои секогаш будно ги следат новите трендови во светот на дизајн на ентериер и кој во своите визии ги внесуваат најдобрите решенија.
Но во својот развој, Прима е пионер во проширувањето на дејноста во салоните каде што последниве години нуди неколку нови услуги кои им излегуваат пресрет на
потрошувачите и нивните потреби, како: дизајн на ентериер, дизајн на кујни по мерка, 3Д-планирање кои нивните дизајнери и архитекти ги решаваат заедно со клиентите нудејќи на тој начин индивидуален пристап и најсоодветни решенија.
Прима секогаш имала желба да им се приближи најмногу на своите потрошувачи со тоа што го најдува соодветниот простор за своите салони во сите поголеми градови, а во скоро време и својот web-shop кој овозможува преглед и нарачки од својот дом.
Тука се и услугите: мерење, 3Д-планирање, превоз и монтажа на нарачаниот мебел и најважното: удобноста и уживањето во кое секој оној што ги користи мебелот на Прима може со 100 % сигурност да го потврди.
Овој 30-годишен јубилеј постоење, Прима ќе го прослави нудејќи топ попусти на 30 артикли од својот богат асортиман.
Погледнете повеќе на следниот линк : https://www.prima-mebel.mk/30-artikli-po-top-ceni или посетете ги салоните на Прима.
(ПР)
Економија
Николоски во Лондон се сретна со Тим Рид: економската соработка меѓу двете земји во делот на реализацијата на капиталните инвестиции тема на разговорот

Вицепремиерот и министер за транспорт Александар Николоски, вчеравечер во Лондон оствари работна средба со Тим Рид, извршен директор на Извозно кредитната агенција на Обединетото Кралство.
Како што информира Министерството за транспорт, на средбата се разговарало за економската соработка меѓу двете земји во делот на реализација на капиталните инвестиции.
Притоа вицепремиерот Николоски ги истакна плановите на Владата за развој и модернизација на инфраструктурата со посебен акцент на патната и железничката мрежа.
Тој потенцираше дека проектите што ги опфаќа инвестицискиот план на Владата на Република Македонија, покрај развој на домашната економија имаат и регионално значење, а придобивките од нив се повеќекратни за земјите од Западен Балкан.
На средбата беа разменети информации околу потенцијалната соработка меѓу двете земји и поддршката што може да ја обезбеди оваа Агенција во рамки на нејзините државни политики.
Исто така беше истакнато дека Обединетото Кралство е стратешки партнер на Македонија во развојот на земјата и во тој конткест политиките ќе се насочат кон подршка на економскиот и општествениот развој.
Работните средби на вицепремиерот Николоски продолжуваат и денеска во Лондон каде е планирано да се реализираат одвоени средби со Стивен Даути, министер задолжен за Европа, како и со Дејм Карен Пирс, специјален претставник на Обединетото Кралство за Западен Балкан, соопшти Министерството за транспорт.