Македонија постигна договор за стратешко партнерство со Велика Британија, кој, според вицепремиерот и министер за транспорт, Александар Николоски, претставува историски исчекор за земјата и нејзино позиционирање на светската сцена.

На гостувањето во централниот Дневник на телевизија Сител, Николоски изјави дека договорот е резултат на повеќегодишен процес кој започнал уште додека биле во опозиција, потенцирајќи дека станува збор за „највисоко можно ниво“ на билатерални односи со една од највлијателните земји во светот.

„Сметам дека вчерашниот ден ќе остане запаметен како историски и ќе се бележи во историјата на Македонија. Постигнавме стратешко партнерство со втората светска сила“, истакна Николоски, додавајќи дека Велика Британија е „единствената кралска империја која преживеа, нуклеарна суперсила и земја со глобално културолошко влијание“.

Според него, овој договор ја става Македонија на радарот на британскиот премиер и значително ќе придонесе како на политички, така и на економски план.

„Да успееме да дојдеме на мапата на премиерот на Велика Британија и да се постигне ваков договор, зборува многу. Ова ќе значи многу за Македонија, особено во делот на политиката и економијата“, рече тој.

Николоски посочи дека за Македонија е особено важно да има големи сојузници, како што се Велика Британија и САД, ако сака да ги заштити своите национални интереси и човековите права на Македонците.

„Големите битки се добиваат со големи сојузници. Ние не можеме да се бориме ниту за човековите права, ниту за нашите интереси без поддршка. Овој договор покажува во каква позиција сме денес“, заклучи Николоски.

Тој соопшти дека следната недела во Лондон ќе се потпише Договорот за стратешко партнерство со Обединетото Кралство, по принцип Влада со Влада.

„Ова беше процес кој што траеше со месеци, ексклузивно ќе кажам дека уште кога бевме во опозиција оствaривме иницијални контакти на оваа тема. Остваривме стратешко партнество со втората светска сила. Договорот за стратешко партнерство е со голем сојузник“, изјави вицепремиерот Николоски.

Тој додаде дека Коридорот 8 и Коридорот 10 треба паметно да се искористат, два договори кои ги вклучува политичката соработа.

Договорот Влада со Влада каде ќе се воспостави партнерстово со Велика Британија.

„Транспорт и здравство се најважни сегменти на овој договор Влада со Влада. Имаме неограничена временска рмка за користење на овие расположливи средства. Во мометнот имаме спремни два проекти кои се околу 2,2 милијарди евра. И тоа се првите проекти со кои ќе стартуваме“, рече Николоски.

Брза железница на коридорот 10 е едниот проект и ќе се користи постојната рута. Вториот проект е изградба на Клиничка болница во Штип.

Николоски оцени дека ова партнерство значи инвестиции во транспортот, здравството, образованието, одбраната, нови работни места и силна економија и стратешка позиционираност на Македонија.

Албанската престолнина беше домаќин на еден од најпрестижните меѓународни форуми во светот — „FII PRIORITY Europe Summit“, кој за првпат се одржа во Тирана на 16–17 мај 2025 година.

Овој самит ги обединува светските лидери од владите, бизнис-секторот, науката, технологијата и филантропијата, со цел да се дискутираат глобалните приоритети што ја обликуваат иднината во клучен момент за човештвото. Главната тема на ова европско издание на „FII PRIORITY“ беше: „Приоритизирање за поодржлива, поправедна и попросперитетна иднина“.

Самир Мане, претседателот на „BALFIN Group“, беше единствениот официјален претставник од Албанија поканет да учествува на дискусионите панели заедно со некои од највлијателните личности од светот. Тој учествуваше на главниот панел со наслов „Board of Changemakers“: Може ли капиталот да го поврзе расцепканиот свет?, каде што ја делеше сцената со меѓународни лидери од политиката и финансиите.

За време на самитот, г. Мане одржа средби и размени мислења со високи личности како Матео Ренци, поранешен премиер на Италија, Бернард Менсах, претседател на „Bank of America International“, Анри Пупар-Лафарж, извршен директор на Alstom, меѓу другите.

еговото учество на самитот како глас на регионалниот бизнис го истакнува и неговото лично лидерство, и сè поголемата улога на Западен Балкан во обликувањето на идниот развој на Европа и пошироко.

„FII PRIORITY Europe Summit“ е дел од серија глобални форуми кои промовираат меѓусекторски дијалог и поттикнуваат конкретна акција за справување со најгорливите предизвици на денешницата, вклучително и климатските промени, одржливиот развој и технолошката трансформација.

Комерцијален текст

Со поставување камен темелник денеска официјално започна реализацијата на инвестицијата на турската компанија „Шахтерм“, производител на грејачи и отпорници за бела техника и електрични апарати, во Технолошко-индустриската развојна зона (ТИРЗ) – Скопје. Во првата фаза, инвестицијата ќе изнесува 25 милиони евра и ќе отвори 200 нови работни места, додека во втората фаза се планира вкупна инвестиција од 50 милиони евра и преку 500 вработени.

Премиерот Христијан Мицкоски, присутен на поставувањето на темелите, истакна дека оваа инвестиција претставува важен чекор кон економскиот развој и индустрискиот напредок на земјата.

„Инвестицијата во првата фаза ќе изнесува 25 милиони евра со 200 нови работни места, додека планот е оваа инвестиција да има и втора фаза каде што вкупната вредност ќе изнесува 50 милиони евра, а бројот на вработени се планира да биде над 500“, изјави Мицкоски.

Тој додаде дека станува збор за проект кој потврдува стабилноста и економскиот напредок на државата, нагласувајќи ги последните економски показатели како позитивни сигнали за македонската економија.

„Индустриското производство во март 2025 година е пораснато за 5,2 проценти на годишно ниво. Странските директни инвестиции за 2024 година достигнаа 1,255 милијарди евра, со што Македонија е земја со најмногу странски инвестиции по глава на жител во Европа. Инфлацијата во март е под 3 проценти – 2,7, а во април 2,6 проценти. Платите растат од 9 до 10 проценти на годишно ниво, а кредитната активност во првиот квартал е зголемена за 13 проценти – што е шест пати повеќе од просекот во Европската Унија. Македонија е на добар пат да стане една од најбрзо растечките економии во Европа“, нагласи премиерот.

Фабриката на „Шахтерм“ ќе се протега на површина од над 13.000 квадратни метри и ќе вклучува и центар за истражување и развој. Ова ќе биде прв производствен капацитет на компанијата надвор од Турција.

Турскиот амбасадор во земјава, Фатих Улусој, изрази задоволство од почетокот на инвестицијата, истакнувајќи дека „Шахтерм“ е компанија која работи со најголемите светски брендови во индустријата.

„Ги охрабруваме турските бизнисмени да инвестираат во оваа земја и ќе продолжиме да го правиме тоа. Компанијата Шахтерм ќе го заземе своето место меѓу компаниите кои гордо ја претставуваат нашата земја во Северна Македонија и ќе го зголеми придонесот за економијата на Северна Македонија“, изјави Улусој.

Тој истакна дека трговската размена меѓу двете земји се приближила до 1 милијарда долари, со заедничка цел да се зголеми на 2 милијарди долари. Очекувањата се наскоро да започнат и преговори за ажурирање на Договорот за слободна трговија од 1999 година.

„Со многуте компании и организации кои работат во земјата – во банкарство, образование, култура, здравство, индустрија, обновливи извори на енергија, туризам, градежништво, земјоделство, текстил, малопродажба – Туркије ги продолжува своите економски врски и инвестиции со Северна Македонија“, рече Улусој.

Претседателот и основач на „Шахтерм“, Фарук Шахин, ја претстави компанијата и нејзините глобални капацитети.

„Имаме повеќе од 40 години искуство во дизајн и производство на системи за греење за бела техника и апарати за домаќинство. 60 отсто од нашето производство го извезуваме. Моментално сме дел од петте водечки компании во светот во оваа дејност. Работиме со брендови како ‘Вирпул’, ‘Амика’, ‘Горење’, ‘Беко’ и ‘Кенди’,“ рече Шахин.