Економија
Групација „Балфин“: Ексклузивни проекти низ Европа
Без разлика дали станува збор за мултифункционален шопинг, забавен или проект од друг социјален карактер, луксузен станбен комплекс или елитно одморалиште, групацијата „Балфин“, една од најголемите инвестициски групации во регионот, е препознатлива по високите стандарди и иновации кои ги применува во своите проекти, низ сите европски земји каде што дејствува. Инвестициите на „Балфин“ во областа на градежништвото буквално го менуваат начинот на живеење, без разлика дали проектот се реализира во Албанија, Македонија, Холандија, Австрија… создавајќи значајно економско влијание, отворајќи нови работни места, подигнувајќи го животниот стандард. Во 2021 година „Балфин“ продолжи да расте во рамките на постојните сектори, во регионот, но и пошироко. Оваа година „Балфин“ и компаниите што се дел од групацијата ќе реализираат над 108 милиони евра инвестиции.
– Групацијата „Балфин“ се стреми да биде постојано во тек со технолошкиот развој и со иновациите. Денес, нашите проекти се премногу за да се избројат, но на пример проектите за развој на недвижности се едни од најприсутните и најуспешните – вели Ардијана Соколи, заменик-претседателка за недвижности во групацијата.
Еден од таквите проекти е „Јуниверз сити“, резиденцијална населба во близина на центарот на Тирана. Комплексот се наоѓа веднаш до шопинг-центарот „Јуниверз“ во Тирана и ќе се состои од станбени згради погодни за секого; млади семејства, млади парови, студенти или големи семејства кои бараат поголеми станови за пониски цени. Овој мини град ќе обезбеди сеопфатен опсег на услуги, доволни за автономно живеење. Предвидени се јавно училишта, многу пешачки и зелени површини и апсолутна безбедност и приватност. Најважниот елемент на проектот е најниската пазарна цена за оптимален квалитет што се нуди. „Колина Верде“ е, исто така, проект во развој, со посебна грижа за удобен животен стил, со поглед кон зеленилото на планината Лундра, свеж воздух и бајковити пејзажи. Заедно со едно од водечките имиња во хотелската индустрија, „Акор“, „Балфин“ ја објави и соработката во изградба на првиот „М галери“ хотел во Албанија. Овој ултра модерен хотел ќе донесе големо освежување на албанскиот брег.
„Грин коуст вилиџ“, пак, е уште еден амбициозен проект, чија цел е изградба на првото туристичко село со меѓународни туристички стандарди. Ќe се реализира во Паласа, во непосредна близина на „Грин коус рисорт и резиденции“. Овој величествен проект ќе се состои од резиденции, неколку хотели со 4 и 5 ѕвезди, како и од станбени комплекси. Ќе располага со изобилство рекреативни и забавни понуди, како и услуги за одмор во текот на целата година. Со оглед на досегашниот успех на „Грин коуст“, овој проект добива и продолжение кое треба да ја задоволи побарувачката за оваа елитна дестинација со квалитетна и луксузна понуда. Не помалку, „Балфин“ има удел и во заживувањето и разубавувањето на туризмот на албанската ривиера, особено преку понудата на резиденциите „Вала Мар“.
Во Австрија инвестициите продолжуваат преку сериозен станбен проект, како оној во близина на езерото Тронзи и станбениот комплекс во една од најпопуларните области во Виена, помеѓу округот 18 и 19.
Тирана и Скопје Ист гејт, се исто така два значајни проекти за „Балфин“ и претставуваат пример за општествена одговорност, поттикнувајќи го развојот на општеството преку богата забавна и социјална понуда. Едниот годинава го слави 10. роденден, а другиот многу наскоро ќе почне со работа и ќе ги прими првите посетители.
Секој од овие проекти е извонреден на свој начин, со уникатна архитектура и избор на високотехнолошки иновации. Подетално ќе ви претставиме само дел од нив.
Покрај „Езерото на среќата“
Живописен, блиску до природата и оддалечен од секојдневната градска врева, овој комплекс лоциран во местото Алтминстер во Австрија е мала оаза меѓу околните планини и езерото Тронзи, кое Римјаните го нарекле „Езеро на среќата“. Што повеќе е потребно за среќа, освен смирен, опуштен живот?
Двата станбени комплекси со трикатници во овој туристички град создаваат слика како од бајките. Најдобар начин да се почувствува тамошната околина е со возење велосипед или пеш, иако листата на активности што луѓето можат да ги прават овде е мошне долга. Областа е атрактивна во текот на целата година и нуди соодветни услови за љубителите на секој спорт – пешачење, планинарење, пливање, едрење или скијање во зима.
Совршена комбинација од неверојатна природа и највисоки градежни стандарди се применети во реализација на резиденцијалниот комплекс. Проектот ја одразува визијата на TH&B Immo, една од компаниите што работат под капата на „Балфин“ . Инвестицијата од 10 милиони евра на езерото Тронси е втора на „Балфин“ во Австрија, по првиот станбен проект во Виена. Компанијата е горда на двата проекта, бидејќи австрискиот градежен пазар е особено конкурентен и предизвикувачки.
Живот од соништата во Ролинг Хилс
Луксузните резиденции „Ролинг Хилс“, лоцирани на југоистокот од Тирана, се еден од најамбициозните проекти на групацијата „Балфин“ . Лоциран во прекрасната природа на Петреле, Тирана, Ролинг Хилс е опкружен со бујно зеленило и рекреативни зони. Ова е една од најмладите области во Тирана, која расте со супербрзо темпо. „Ролинг Хилс лејксајд“, пак, е составен од ексклузивни вили и апартмани кои новите жители ќе ги пречекаат покрај езерото Фарка. Високите стандарди на дизајнот, квалитетот и функционалноста, како и природната средина се гаранција за висок квалитет на живот. Релаксирачки поглед кон зеленило и езеро, семеен спокој и динамика во централниот дел со комерцијални услуги, кафулиња и рекреативни понуди, сè заедно на едно место, во нова урбана заедница. „Ролинг Хилс лејксајд“ е еден од најпрестижните проекти на „Емре Аролат архитекчр“, меѓународно студио, со седишта во Њујорк, Лондон и Истанбул, кое го потпишува овој комплекс.
Скопје Ист Гејт – нов центар во центарот на градот
Кога зборуваме за ексклузивни проекти, не смееме да го заборавиме и оној што наскоро ќе оживее во нашиот главен град. Скопје Ист гејт, инвестиција вредна повеќе од 350 милиони евра, ќе биде најголемиот мултифункционален комплекс, не само во нашата земја, туку и во регионот. Првата фаза е речиси завршена – претстојната есен Скопје Ист гејт ќе ги отвори вратите за првите посетители. Покрај трговскиот центар, проектот содржи и станбен комплекс, како и деловен, сите опкружени со бујно зеленило. Идејата на целиот проект е да се создаде град во градот. Идните жители на СЕГ ќе имаат сè што им е потребно на дофат, а посетителите од поширокиот регион ќе посетат туристичка атракција, каде што удобно ќе го минат денот со семејството или пријателите. На располагање ќе бидат места за забава, повеќе од 220 брендови за шопинг, амфитеатар, мултиплекс кино, фитнес-зона, богата гастрономска понуда од многуте ресторани и кафулиња на кафеавенијата, асфалтирани пешачки површини…
Проектот Скопје Ист гејт e потпишан од едно од најпознатите и најуспешните студија од Турција, „Јазган дизајн“ и светски познатиот архитект Керем Јазган, со богато меѓународно портфолио и многубројни награди.
Како што се наближува големото отворање на Скопје Ист гејт, така и нетрпението и љубопитноста кај жителите на Скопје растат. Присуството на некои од светски познатите брендови се веќе потврдени, како што се „Ризрвд“, „Мохито“, „Хаус“, „Кроп“, „Синсеј“, „Зара“,
„Зара хоум“, „Ојшо“, „Масимо Дути“, „Бершка“, „Пул енд беар“, „Страдивариус“… но се очекуваат и многу други истакнати имиња од светот на модата и технологијата во трговскиот центар кои ќе бидат објавени непосредно пред отворањето. Токму онака како што најавија инвеститорите, секој ден е сè поочигледно дека Ист гејт ќе биде нов центар во центарот на Скопје.
(ПР-текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Лоши прогнози за германската економија
Германската економија ќе падне за 0,2 проценти оваа година оставајќи ја земјата во рецесија, според новите прогнози на Германскиот економски институт (IW). Германија е силно погодена од трговскиот конфликт предизвикан од царините на американската влада, објасни IW.
Глобалната неизвесност ги обесхрабрува бизнисите да инвестираат и тоа придонесува за падот, а со тоа и големите купувања, како што се нови машини и возила. Високите оперативни трошоци во Германија дополнително ја комплицираат ситуацијата.
IW заклучува дека Германија, со домашен бруто-производ (БДП) кој се намалува за 0,2 проценти во 2024 година ќе остане во рецесија.
Најголемиот ризик за глобалната економија оваа година, според IW, е трговската политика на САД. Без царинските политики на САД, глобалното економско производство во 2025 година можеше да биде повисоко за 0,8 проценти, соопшти институтот.
Перспективите за индустрискиот и градежниот сектор остануваат мрачни. Се очекува индустриските компании да генерираат помала додадена вредност оваа година по падот од 3 проценти во 2024 година. Високите цени на енергијата, зголемувањето на платите и зголемената регулатива вршат дополнителен притисок врз бизнисите.
Градежните компании, по пад од 3,7 проценти во 2024 година, продолжија да се соочуваат со дополнителни ограничувања оваа година, при што високите трошоци за изградба предизвикани од регулативата продолжуваат да го попречуваат секторот.
IW исто така забележа дека овие трендови сега влијаат на пазарот на трудот, при што бројот на вработени се намалува од средината на 2024 година. До летото бројот на невработени би можел да достигне три милиони, бројка што не е евидентирана од 2010 година, велат економистите.
Раководителот на одделот за макроекономски истражувања на IW, Михаел Гремлинг, изјави дека новата германска влада има можност да го промени трендот посочувајќи на планираниот посебен инфраструктурен фонд што би можел да помогне во стимулирањето на економијата.
Економија
Димитриеска – Кочоска во Брисел: Реформите остануваат клучни за конкурентноста на европската економија
Целосна имплементација на новиот Закон за буџети и спроведување прудентна фискална политика преку усвојување конкретни мерки за фискална консолидација, намалување на дефицитот, зајакнување на ефикасноста на прибирање на приходите во буџетот, се дел од препораките за РС Македонија од заедничките заклучоци од овогодинешниот 11-ти по ред Економски и финансиски дијалог меѓу ЕУ и земјите кандидати за членство на кој учествуваше министерката за финансии Гордана Димитриеска-Кочоска.
„Усвоените заеднички заклучоци во рамки на дијалогот коишто се однесуваат на зајакнување на фискалното управување, имплементирање на капиталните инвестиции, зајакнување на оперативноста на даночната администрација и следење на фискалните ризици, се во линија на реформите предвидени како со реформската агенда, така и со Програмата за реформи во управувањето со јавните финансии“, рече министерката за финансии.
Таа додаде дека во услови на глобална економска нестабилност, фискалната политика е насочена да одговори на неизвесностите присутни во глобалната и домашната економија. Притоа, додаде, имајќи предвид дека фискалниот простор е ограничен како резултат на последователните кризи, фискалната политика е исправена пред предизвикот за постигнување фискална консолидација, но истовремено и финансирање иницијативи коишто го поддржуваат растот.
„Во услови на геополитички турбуленции и трговска војна, ние треба да им овозможиме на нашите компании да се развиваат преку креирање динамична деловна средина која ќе го ослободи нивниот потенцијал за раст. Значајно за приватниот сектор е подготвеноста на нашите влади да обезбедат квалитетна даночна политика, квалитетна инфраструктура, расположива и квалитетна работна сила, пристапна енергија, помал административен товар и правна рамка којашто ќе овозможи креирање на регионални ланци на снабдување. Она што ние како креатори на политики и носители на одлуки треба да размислиме и одлучиме е како да се креира динамично деловно окружување кое ќе им помогне на нашите компании брзо да се прилагодат на сегашната остра конкуренција на глобалниот пазар“, рече министерката за финансии.
Во таа насока, таа потенцира дека Владата е посветена на трансформативни реформи во земјата фокусирани на дигитална трансформација, одржлива енергетска транзиција, јакнење на човечкиот капитал, јакнење на владеењето на правото и подобро управување со јавните финансии, коишто области се во фокусот на реформската агенда на земјата.
Според учесниците, Економскиот и финансиски дијалог, и понатаму ќе игра значајна улога во постигнување на пошироките цели на добро управување и економски просперитет, и се сoгласија дека дијалогот треба да продолжи да игра централна улога во утврдување на заедничките насоки за политики за поддршка на одржлив среднорочен економски раст и постепено усогласување со економските критериуми за пристапување во ЕУ. Учесниците нагласија дека клучна улога за остварување на напредок е спроведување на заедничките заклучоци, како и програмите на економски реформи и реформските агенди .
Дискусијата на годинешниот Економски и финансиски дијалог беше фокусирана на конкурентноста на Европа во контекст на сегашните геополитички случувања и потребата за поедноставување на правната рамка со цел намалување на административниот товар врз компаниите. За да може економијата да креира раст и работни места, во услови на трговска војна, на компаниите треба да им се овозможи да ја зајакнат конкурентноста преку инвестиции и иновации.
На годинашниот Економски и финансиски дијалог во Брисел учествуваат министрите на тековното и двете последователни претседателства со Советот на ЕУ, претставници на земјите членки на ЕУ, претставници на Европската комисија, Европската централна банка, Европска инвестициска банка, како и министрите за финансии и гувернерите на централните банки од земјите на Западен Балкан, Турција, Грузија, Молдавија и Украина.
Економија
Бислимоски: Oд 1 јуни ќе бидат на располагање дополнителни 500 GWh, со кои ќе може да се тргува на слободниот пазар во Косово, одлична бизнис-можност
Од 1 јуни македонските снабдувачи и трговци со електрична енергија ќе имаат можност да снабдуваат нови 1.000 потрошувачи од косовскиот пазар, каде што почнува дополнителната фаза на либерализацијата на пазарот со електрична енергија. Ова беше повод Регулаторната комисија за енергетика, водни услуги и услуги за управување со комунален отпад (РКЕ) да иницира состанок на кој косовскиот регулатор пред македонските снабдувачи и трговци ги презентира чекорите како полесно да пристапат на пазарот кај нив.
„Откога ги презедовме сите неопходни активности како регулатори и извршивме заемно признавање на лиценците за снабдување и трговија, сега сакаме компаниите да ги мотивираме да ја искористат оваа можност. Поголем пазар носи поголема конкуренција, а бенефитот е пониски цени за електрична енергија. Сега, за помалку од еден месец, односно од 1 јуни, ќе бидат на располагање дополнителни 500 GWh, со кои ќе може да се тргува на слободниот пазар на Косово и ова е одлична бизнис-можност за наште снабдувачи и трговци“, посочи Марко Бислимоски, претседател на РКЕ.
Претседателот на косовскиот регулатор, Канцеларијата на енергетскиот регулатор од Република Косово (ЕРО), Имер Фејзулаху, им посака добредојде на македонските снабдувачи истакнувајќи дека тие имаат повеќе искуство со оглед на тоа дека македонскиот пазар е одамна либерализиран.
„Ова е само меѓучекор кон приклучување кон единствениот пазар што го бара од нас Европската Унија. Во прилог на сите ни е да има намалени административни бариери, а зголемена конкуренција“, изјави Имер Фејзулаху од ЕРО (Канцеларијата на енергетскиот регулатор од Република Косово) (Energy Regulatory Office).
Со цел да се зголеми конкурентноста на пазарите во двете држави, РКЕ и ЕРО во 2023 година потпишаа меморандум за соработка со кој заемно се признаваат лиценците за снабдување и тргување со електрична енергија.
Во оваа фарса убијците добиваат милост, 12 години за масакрот на сестра ми што преминуваше улица на пешачки премин: семејството на Фросина повика на протест
„Ги повикуваме утре на протест против гнилиот судски систем сите наши пријатели, роднини и сите родители чии деца секојдневно минат...
На Јаневска ѝ е рано да размислува за ресорот здравство: Имам толку многу да доработам во Образование во овој мандат, премиерот ќе одлучи
Премиерот и преговарачкиот тим во коалицијата ќе одлучат кој ќе биде нов министер за здравство на местото на Арбен Таравари,...
Фрчкоски реагира: Кривичната пријава е банална, срамна и полна со неправилности
Љубомир Фрчкоски, поранешниот шеф на Постојаната мисија на Македонија при ООН во Њујорк, реагира по кривичната пријава за злоупотреби во...
(Видео) Манасиевски: Таравари се интересира само за бизниси и за Груби и за Заев, досега не се разговарало за размена на ресори
Вечерва партијата ќе има редовна седница на Извршниот комитет на која што ќе се разговара за обвинувањата на Таравари за...
Во историјата на овој суд не е изречена 12 години казана затвор за вакво дело, но го задржуваме правото да бараме поголема, рече обвинителот
Обвинителот Александар Марковски го задржа правото да бара поголема затворска казна од 12 години колку што денес му пропиша Основниот...
Таткото на Фросина: Судот ги скри клучните сведоци, кои биле во возилото со Васил, едниот снимал, па ја избришал снимката
Дванаесет години казна е награда за ова најбрутално убиство во сообраќајот, изјави таткото на усмртената Фросина, Тодор Кулаков. Тој повика...
Дванаесет години затвор за Васил Јованов, кој ја усмрти Кулакова на пешачки премин
Судот изрече 12 години затворска казна за 20-годишниот Васил Јованов, кој смртно ја прегази Фросина Кулакова на пешачки премин. Во...
МВР со апел до граѓаните: Внимавајте на лажни е-пораки – фишинг-линкови, се злоупотребуваат имињата на повеќе македонски компании
Секторот за компјутерски криминал при Бирото за јавна безбедност на Министерството за внатрешни работи периодов констатира зачестена појава на таканаречени...
Со какви санкции му се заканува ЕУ на Путин?
Главните европски сојузници на Украина ја повикаа Русија на безусловно 30-дневно примирје и се заканија со нови санкции, според заедничкото...
Несреќа на патниот правец Берово – Виница, сообраќајот во прекин
АМСМ извести дека се случила сообраќајна незгода на патниот правец Берово – Виница, кај село Будинарци. Поради незгодата од 07:30...
(Видео) Трамп: ЕУ игра повалкано од Кина
Американскиот претседател Доналд Трамп вчера повторно ја нападна Европската Унија, велејќи дека е полоша од Кина во многу аспекти, само...
Кинескиот претседател по договорот со Трамп: Малтретирањето води до самоизолација
Кинескиот лидер Кси Џинпинг ги осуди малтретирањето и хегемонијата во своето прво јавно појавување откако САД и Кина постигнаа привремен...
Опожарено возило во Аеродром
Во периодот од 01:40 до 02:40 часот, пожарникарите гаснеле запалено патничко моторно возило, на површина од 2м2 на булеварот Видое...
(Видео) Трогателна средба: Еден Александар го прегрнува своето семејство откога Хамас го ослободи
Израелско-американскиот заложник Еден Александар се врати на своето семејство во Израел откога помина 19 месеци во заробеништво на Хамас во...
Ултиматумот на Европската Унија до Путин и Русија истече
Украина и европските лидери се согласија на безусловно примирје во траење од 30 дена, почнувајќи од 12 мај, со поддршка...
Одиме во опозиција, доколку има сомнежи во тие што се во Владата, нема што да бараме таму, соопшти Таравари
Минатата година со гордост ја донесовме промената во албанскиот блок после 20 години и за тоа сме многу гроди, изјави...
Зеленски: Ќе бидам во Турција, се надевам дека ќе дојдат и Путин и Трамп
Украинскиот претседател Володимир Зеленски изјави дека ќе отпатува во Истанбул на мировни преговори и дека е подготвен да се сретне...
Орбан: Никој не се осмелува да признае, но ја загубивме војната во Украина
Зapaдната стратегија насочена кон уништување на Русија не успеа, санкциите не ја постигнаа својата цел, а Русија ја спречи Украина...
Левицата предлага инспекторат кој ќе казнува за непочитување на грбот, знамето и химната: МВР реагира за сквернавење, но не влегува во канцеларии
Партијата Левица оваа недела ќе поднесе предлог-закон за формирање инспекторат за употреба на грбот, знамето и химната на државата, како...
Мицкоски: Државата беше во слободно паѓање, ни требаше стабилизација во оваа прва година
Премиерот, Христијан Мицкоски, на денешниот Самит 2025 во организација на „Македонија 2025“ истакна дека првиот ден од стапување на функцијата...
