Економија
ГСОЛ им должи три плати на вработените во „Еуроникел“, истиот газда на вработените во „Фалкондо“ им исплати 13. плата и дел од јануарската плата
ГСОЛ, швајцарскиот фонд сопственик на фарбриките „Еуроникел“ во Кавадарци и „Фалкондо“ во Доминиканстата Република, навлече дополнителен гнев кај кавадарчани откога на вработените во „Фалкондо“ им исплати 13. палата и дел од јануарската плата, над 800 вработени во „Еуроникел“ ги остави уште да ги чекаат трите неисплатени плати за лани, а до крајот на месецот ќе бидат четири неисплатени плати. Вработените се револтирани и прашуваат која е разликата меѓу Македонија и Доминиканската Република и зошто на вработените на „Еуроникел“ им се должат 3 плати заклучно со декември 2023 година, а на вработените во „Фалкондо“ им се исплати и додатна плата.
Истиот газда, ГСОЛ, на вработените во „Фалкондо“ им исплатил и додатна плата, а над 800 вработени во „Еуроникел“ имаат три неисплатени плати
„И двете фабрики не произведуваат од октомври минатата година, но, како што известуваат медиумите, во Доминиканската Република под притисок од Министерството за труд, кое на 12 јануари му дало рок од една недела на инвеститорот ГСОЛ (GSOL) да ја исплати тринаесеттата плата, па не само што на 18 јануари е исплатена предметната плата туку е исплатен и дел од јануарската плата. Ние немаме ни кому да му се обратиме. Директорот избега, Државниот инспекторат за труд дојде, направи увод, кажа дека платите треба да се исплатат и толку, си замина. Исто и УЈП, ја блокираа сметката и толку. Одговорност за неисплатените плати никој не бара“, вели вработен во „Еуроникел“ за „Макфакс“.
Според објавите на локалните медиуми, Министерството за труд во Доминиканската Република нагласува дека нивната реакција била брза оти се посветени на заштита на работничките права. Според објавите, канцеларијата за министерот на труд најавила дека ќе продолжат да го држат под око работодавецот за натамошните плаќања кон работниците. Доминиканските власти јасно укажуваат дека посветеноста не се базира само на зборови, туку дека на барање на работниците тие веднаш ја презеле улогата на нивни претставници и укажале дека неисплаќањето плата ќе резултира со кривични постапки против работодавецот.
ГСОЛ преку „Еуроникел“ им должи на вработените не една – туку три плати, а од државните институции нема најави за нови постапки против работодавецот.
„Освен стандардното решение што го издава УЈП, со кое се блокира сметката на должникот, не се преземени никакви други мерки за да се осигури исплата на вработените. Нема кривична пријава од институциите, ниту какви билодруги притисоци и дејства што ќе осигурат заштита на работничките права. Единствено, Синдикатот најави кривична пријава против газдите од ГСОЛ, а неделава најавија дека и тие ќе поднесат барање за стечај надевајќи се дека можеби на тој начин ќе успееме да добиеме барем дел од она што ни го должи работодавецот иако неизвесно е што ќе впаричи ‘Еуроникел’ оти се знае дека целиот имот го презеде Комерцијална банка, но уште понеизвесно е кога ќе ги добиеме парите – ако воопшто некогаш ги добиеме“, објаснува вработен во „Еуроникел“.
„Макфакс“ побара објаснувања од Државниот инспекторат за труд за преземените мерки за заштита на вработените, но директорката не одговара ниту на телефонот ниту на прашањата испратени преку имејл.
Комерцијална банка извести дека прашањата за состојбата со фабриката и евентуалните заинтересирани инвеститори се испратени кај соодветните организациски единици, но одговори не испратија до објава на текстот.
Додека институциите молчат, кавадарчани стравуваат дека никогаш нема да ги добијат заостанатите плати. Бидејќи нема кому институционално да му се обратат, прашањата, дилемите и забелешките си ги објавуваат на социјалните мрежи.
„Ќе имаат за земање плати вработените. Фирмата е оставена без имот, кој преку хипотека ѝ е префрлен на Комерцијална банка. И да отворат стечај, може да се намират единствено доколку има останато имот или има побарувања од должници, а нема ни имот ни должници. Значи, за жал, слободно може да се простат“, стои во коментар на една од објавите за „Еуроникел“ на „Фејсбук“.
Во друг коментар, вработен во фабриката е разочаран што Синдикатот доцна се сетил да поднесе барање за стечај.
„Прилепската фирма има побарувања од 10.000 евра, како што наведуваат медиумите. Работниците за три месеци имаат побарувања од безмалку 1,5 милион евра и сега Синдикатот се приклучува кон барањето на далеку помал играч во однос на побарувањата. И какви се тие финални преговори што ги наведува Синдикатот, кои траат веќе со месеци, и колку очекува или колку треба да траат?“, револтирано прашува вработениот во „Еуроникел“.
Синдикатот најави дека ќе поднесе барање за стечај, кое ќе биде споено со веќе поднесеното барање за стечај на „Еуроникел“ од прилепска компанија, на која фабриката ѝ должи 10.000 евра. Претседателот Миле Ѓорѓиев денес не одговори на прашањата од „Макфакс“ дали веќе го поднеле барањето и какви други мерки ќе преземат за неисплатените плати на вработените. Тој минатата недела во изјава за „Макфакс“ рече дека имаат најави за заинтересирани инвеститори за фабриката, но на секој негов обид да дознае нешто повеќе добивал одговори дека се работи за класифицирани информации.
ГСОЛ веќе неколу месеци не одговара на прашањата од „Макфакс“ за проблемите во фабриката во Кавадарци. Швајцарскиот фонд не одгвори ниту на денешните прашања за неисплатените плати за три месеци во „Еуроникел“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Ристески не очекува поскапувања од четврток: Се надевам дека трговците ја научија лекцијата
Ако цените нагло почнат да скокаат од четврток, кога истекува сегашната мерка за ограничени маржи до 10 %, мерката може да продолжи, најави денес заменик-министерот за економија и труд, Марјан Ристески. Тој смета дека со сите досегашни мерки трговците ја научиле лекцијата и нема вештачки да ги креваат инфлацијата и цените.
Првин ќе видиме какви конечни резултати даде мерката. Од она што го имавме досега од Државниот завод за статистика, резултатите беа добри, ги знаете податоците, но крајните резултати ги чекаме наредната недела.
„Ако има потреба, би продолжиле со мерката, ако нема, тогаш останува пазарната економија да ги регулира цените. Се надевам дека поучени од минатото сите оние учесници во синџирот на трговијата ја научија лекцијата дека, пред сè, треба да бидат граѓаните и заштитата на животниот стандард. Ние сите заедно треба да направиме сè за да го заштитиме стандардот на граѓаните, односно да не правиме вештачко подигнување на инфлацијата и на цените кога нема економски услови за тоа, односно да ги почитуваме законите на економијата“, рече заменик-министерот Ристески.
Според досегашните податоци од Државниот завод за статистика, досегашната мерка, според Ристески, дала добри резултати, но за одлука дали таа ќе продолжи, ќе ги почекаат конечните резултати. Тие ќе бидат готови следната недела.
Во февруари годинава, Владата, за да го заузда покачувањето на цените, донесе одлука за ограничување на профитните бруто- маржи на над 1.000 прехранбени производи и средства за хигиена со важност до крајот на април.
Економија
Божиновска од Атина: Балканот мора да гради заедничка енергетска иднина
Министерката за енергетика, рударство и минерални суровини, Сања Божиновска, денес учествуваше на 9. Балкански Енергетски Самит што се одржува во Атина, под покровителство на Министерството за животна средина и енергија на Грција, Министерството за енергетика на Унгарија и Регулаторната комисија за енергетика на Северна Македонија.
Божиновска беше дел од отворањето на самитот и министерскиот панел посветен на зајакнување на стратешката енергетска соработка на Балканот, заедно со министри и регулатори од целиот регион. Во фокусот на дискусијата беа регионалната енергетска безбедност, забрзаната транзиција кон чисти извори на енергија и заедничкиот одговор на глобалните предизвици.
„Регионалната соработка за нас не е избор, туку стратешка нужност. Денес, повеќе од кога било, Балканот треба да биде обединет во обезбедувањето сигурна, одржлива и зелена енергетска иднина“, порача министерката Божиновска.
Таа нагласи дека Северна Македонија, иако мала по големина, е посветен и активен играч на регионалната енергетска сцена, преземајќи конкретни чекори кон либерализација на пазарот на електрична енергија, масовни инвестиции во обновливи извори и модернизација на енергетската инфраструктура.
„Веќе инвестираме во нови фотоволтаични електрани, го прошируваме ветерниот парк Богданци и ја градиме енергетската мрежа на иднината – со паметни технологии, подобрена ефикасност и поврзување со соседните земји. Само така можеме да создадеме вистински функционален регионален пазар“, истакна Божиновска.
Министерката посочи дека клучот за енергетска безбедност е комбинација од државни инвестиции во базични капацитети и активно вклучување на приватниот сектор. Според неа, Северна Македонија веќе бележи голем интерес од приватни инвеститори за изградба на ветерни и соларни капацитети, со вкупно поднесени барања за приклучување од 9.500 MW.
„Нашата стратегија е јасна: државата обезбедува сигурност, приватниот сектор носи иновации и дополнителна сила за зелената транзиција“, додаде Божиновска.
Во своето обраќање, министерката го најави и новиот Закон за енергетика, кој е во парламентарна процедура, а кој треба да создаде уште посилна основа за инвестиции во обновливи извори и модернизација на енергетскиот сектор.
Божиновска упати јасна порака дека енергијата денес е многу повеќе од ресурс – таа е темел за економски раст, енергетска независност и отпорност на глобалните предизвици.
„Енергијата е основата на иднината што сакаме да ја изградиме. Отворени сме за нови партнерства, за споделување знаење и заедничко креирање на регион кој ќе биде пример за Европа“, заклучи министерката Божиновска.
Балканскиот Енергетски Самит годинава обединува над 40 говорници, меѓу кои министри, регулатори и водечки енергетски компании, и се наметнува како клучна платформа за отворање на нови стратешки партнерства и инвестиции во енергетскиот сектор на Балканот.
Економија
Ангеловска-Бежоска – Ханиг: Народната банка презема мерки за поттикнување на зелените финансии
Гувернерката на Народната банка Анита Ангеловска-Бежоска во Вашингтон оствари средба со извршниот директор на Алијансата за финансиска вклученост (АФИ), Алфред Ханиг, на којашто се разговараше за залагањата на Народната банка за олеснување на пристапот до финансиските услуги коишто ќе обезбедат премин кон еколошки одржлива економија.
На средбата акцентот беше ставен на идните развојни политики за зелена финансиска вклученост, чијашто цел е да се поттикне приватниот сектор да понуди услуги и да преземе активности коишто се насочени кон градење отпорност на потенцијалните ефекти од промените на климата.
Гувернерката во разговорот истакна дека Народната банка воспостави стратегиски пристап кон зелените финансии преку подготовка на првата Стратегија за поттикнување на зелените финансии, којашто вклучува повеќе активности за намалување на климатските ризици и поддршка на одржливиот развој. Таа посочи дека овој пристап ја потврдува определбата за систематска и долгорочна интеграција на климатските фактори во финансиската стабилност и политиките на централното банкарство.
„Промените коишто ги иницираме имаат за цел не само да ја унапредат отпорноста на банкарскиот систем, туку и да обезбедат поддршка за економијата во процесот на декарбонизација и енергетска ефикасност“, посочи Ангеловска-Бежоска. Таа наведе дека заради транспарентност, Народната банка воведе регулативни барања поврзани со објавувањето податоци за зелените кредити и за изложеноста на банките на климатски ризици, со што се поставува основа за редовно информирање на јавноста за придвижувањето на финансискиот сектор кон зелени практики.
„Како дел од нашите заложби, го објавивме и првиот преглед на зелени финансии – сеопфатен документ што ги опфаќа статистичките податоци и показателите за животната средина, енергетиката, климатските ризици и зелените финансии. Покрај ова, преку активно учество во Меѓународната мрежа за зелен финансиски систем (НГФС), експерти од Народната банка учествуваа во изработката на Водичот за обелоденување на ризиците и можностите поврзани со климатските промени за централните банки, што претставува важен чекор кон градење светска регулативна рамка во оваа сфера“, истакна Ангеловска-Бежоска.
(Видео) Запален домот на Александар Пандов: Нема да не запрат и нема да не поколебаат
Директорот на Управата за извршување на санкции, Александар Пандов на социјалните мрежи објави дека му бил запален домот. „Ова е...
Мицевски: Интерпелацијата за министерот Тошковски не доби поддршка
„Интерпелацијата за министерот Панче Тошковски не доби поддршка. Очекувано од неколку причини“, напиша Никола Мицевски, пратеник од ВМРО-ДПМНЕ. „Потребна е...
(Видео) Петровска: Тошковски ја контаминираше истрагата за Кочани
„Трагедијата во Кочани точно е дека е резултат на системски пропусти, ама системот, колеги, има име и презиме или имиња...
(Видео) Меџити: И покрај нашите понуди тие одлучија да бидат заедно со ДУИ и со Ахмети, Таравари има пофалби за владеењето на ДУИ, а избега од тоа владеење
Првиот заменик претседател на Владата и министер за животна средина и просторно планирање Изет Меџити на прес-конференција извести дека вечерва...
Родителите на загинатите му кажаа на Тошковски дека не му веруваат и прашаа зошто обвинетите кои се во домашен притвор шетаат по улици
Родителите на загинатите во Кочани успеаја да го извадат надвор министерот за внатрешни работи, Панче Тошковски откога јавно му порачаа...
Родителите на загинатите се пред МВР: И без душа и без дете, ние пеш дојдовме, сега нека излезе Тошковски место ние да влеземе
Родителите и роднините на загинатите во Кочани стигнаа пред Министерството за внатрешни работи. Решија да дојдат пред Министерството откога министерот...
Тошковски вели дека не е направен пропуст од страна на МВР во случајот со „Пулс“
Во Собранието почна расправата за интерпелација на министерот за внатрешни работи, Панче Тошковски, поднесена од пратеничката група на партијата Левица....
(Видео) Јанчев: Дискотеката без мака работела 13 години, Тошковски да сакал, ќе ја затворел
Работата на министерот за внатрешни работи, Панче Тошковски, кој на оваа функција е повеќе од една година, денес е на...
„Ги изгоревте децата со вашата алчност и негрижа“, родителите на жртвите од Кочани бараат оставки и одговорност
„Пожарот ги зеде телата, системот ги уби душите“, „Каде да фатиме врски за да ги вратиме другарите“, „Селективна одговорност е неодговорност“,...
Ристески не очекува поскапувања од четврток: Се надевам дека трговците ја научија лекцијата
Ако цените нагло почнат да скокаат од четврток, кога истекува сегашната мерка за ограничени маржи до 10 %, мерката може...
Македонија е тажна приказна, а Црна Гора е најблислку до членство во ЕУ, рече Марта Кос
Црна Гора останува најверојатната кандидатка од регионот на Западен Балкан, кој може да стане нова членка на Европската Унија за...
ОПМ: Треба алатка за споредување на цените на производите за граѓаните да знаат каде може да ги купат поевтино, објавените списоци не се доволни
По објавувањето на списоците со цени на сите производи во маркетите, неопходно е да се направи нова алатка, која на...
Зеленски: Путин сака примирје само за време на неговата парада
Украинскиот претседател Володимир Зеленски изјави дека светот не сака да чека до 8 мај за најавеното примирје на рускиот претседател...
ВМРО-ДПМНЕ до Бујар Османи: Единствениот свет во кој е ДУИ е светот на корупцијата
Дали Бујар Османи го презеде лидерското место во ДУИ, а Али Ахмети се повлече? Дали станува збор за внатрепартиски договор,...
СДСМ: Дали градоначалникот Стефковски се јавувал во МВР за ослободување на својот брат?
Додека јавноста реагира за скандалот со братот на градоначалникот Бобан Стефковски, кој дивееше на скопските улици, а беше ослободен од...
Победа на либералите во Канада
Канадската Либерална партија, предводена од премиерот Марк Карни, е на добар пат да победи на федералните избори, велат канадските медиуми,...
Шпанија и Португалија повторно имаат струја
Елекетричната енергија е обновена речиси целосно низ Шпанија и Португалија по вчерашниот масовен прекин што предизвика хаос во двете земји....
„Марш за ангелите“ – семејствата на жртвите во пожарот во Кочани на протест во Скопје
Семејствата на загинатите во трагичниот пожар во Кочани за денеска најавија протестен „Марш за ангелите“ во Скопје. „Ние заслужуваме одговори,...
Шпанија прогласи вонредна состојба по прекинот на електричната енергија
Шпанското Министерство за внатрешни работи прогласи вонредна состојба во земјата по денешниот прекин на електричната енергија. Шпанскиот оператор за електрична...
Гаши засега ќе се воздржи од коментари за претседателката на Антикорупциска
Во врска со актуелните настани поврзани со претседателката на Државната комисија за спречување на корупцијата, Татјана Димитровска, од кабинетот на...
