Економија
Димовски: Хипокризијата на владата излегува на површина со тоа што сончогледот се даночи со 10%
Сведоци сме дека ништо не е преземено и дека владата едноставно спие, не знам дали и воопшто е писмена заради тоа што ние го работевме е ставено на хартија и може во секое време да се дојде до тој документ за да може да се примени. Неговата примена значи дека сите овие проблеми кои што ги имаат земјоделците да се решат, вели Љупчо Димовски, пратеник и претседател на СПМ дел од коалицијата на ВМРО-ДПМНЕ, на дебатата насловена „Важно е македонските земјоделци да ја хранат Македонија“ во рамки на кампањата „Важно е! Од тебе зависат промените“ денеска во Крива Паланка, во однос на последиците од климатските промени во земјоделството и студијата на Светската банка за храна и Министерството за земјоделство од 2012 во која се предложени и мерки за заштита за да се превенираат проблемите во земјоделството.
„Во врска со оризо производството и околу оризот, како што бараат земјоделците да биде ставен во листата на стратешки земјоделски култури, нашата пратеничка група на коалицијата Обнова на Македонија, има предложено измени во два закони. Законот за земјоделство и рурален развој каде што покрај јачменот, пченицата и оризот е дефиниран како земјоделска култура која што треба да има посебно значење од државата и вторите измени се во Законот за работа на Агенцијата за стокови резерви во кој што се задолжува да работи со оризот, како земјоделска култура и да има третман на стратешка култура. Тие два закони не се ставени на дневен ред, тоа е односот на мнозинството, на Социјалдемократскиот сојуз, на владата, на министерот кон проблемите со кои што се соочуваат оризо производителите“, рече Димовски кој воедно е и поранешен министер за земјоделство.
Димовски се осврна и на производството на сончоглед за масло за јадење при што напомена дека пред две години со започнувањето на ковид кризата бевме соочени со фактот дека ние за 90 посто го имаме намалено производството на сончеглед како суровина за производство на масло за јадење и од таму имавме дефицит и моравме, бидејќи сме увозно зависни од тоа масло, да го увезуваме а без притоа да ги користиме нашите преработувачки капацитети.
„Се воведе една мерка со која што се стимулираа земјоделците, кои што очекуваа коректен однос од преработувачите на сончогледот, дека ќе имаат и добра откупна цена. И се започна, минатата година имавме производство на сончоглед, имаме производство на масло за јадење. И пред извесно време се случи сончогледот е ставен, наместо со повластената даночна стапка од 5% на 10%, а е стратешка култура за производство на масло за јадење со кое што, преку домашното производство сакаме да го спречиме увозот на странско масло за јадење. Тоа е нелогичноста на политиките што владата ги спроведува и во делот на производството на храна. Еве ја целата хипокризија на власта излезе на површина, со тоа што стратешката суровина за производство на домашно масло за јадење на оданочува со 10%“, истакна Димовски.
Димовски се осврна и на субвенциите за земјоделците при што напомена дека до 2014-2015 година, врз основа на вкупниот обем на извоз на земјоделски производи и храна од Република Македонија надвор на странските пазари, целиот девизен прилив кој што влезе во државата, кога ќе се собере, ги оправда вложените средства во субвенциите кои што државата во претходниот период од десетина години ги распредели кај земјоделците, ситуација што денес, за жал, ја немаме.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Анакиев: Државниот инспекторат за земјоделство на „Денови на кочанскиот ориз“
Денеска директорот на Државниот инспекторат за земјоделство Васе Анакиев, присуствуваше на манифестацијата „Денови на кочанскиот ориз“ во с. Оризари, кочанско, каде што со симболично зажнејување на оваа житна култура официјално се означи почетокот на годинешната жетва на ориз.
Манифестацијата е поддржана од Министерството за земјоделство, шумарство и водостопанство, а е во организација на Општина Кочани.
Од разговорите со земјоделците првичните информации говорат дека ќе има зголемен род, богата жетва и согласно тоа квалитетот ќе биде добар. Инспекторите од ДИЗ ќе бидат постојано на терен и ќе го следат претстојниот откуп, со што се гарантира заштита на производителите.
Во однос на загриженоста на производителите во однос на државните резерви на увозен ориз, според информации на инспекторатот, министерот за земјоделство Трипуновски информираше дека нема простор за загриженост бидејќи во Република Македонија сериозна количина на увозен ориз нема, и онаа количина што е во минимални рамки, се контролира во однос на квалитетот и безбедноста.
Во својата изјава министерот се осврна и на тоа дали домашниот ориз ќе се откупува за стокови резерви при што посочи -„Веќе со заклучок на Влада задолжена е Агенцијата за стокови резерви да ги измени сите правилници, уредби и програми и нормално да се предвидат средства за 2025-та година каде што оризот согласно Законот за стокови резерви ќе се откупува за чување за потребите на државата“.
Економија
Трипуновски од Кочани: Оваа година ќе имаме богата жетва и зголемен принос на ориз
Министерот за земјоделство, шумарство и водостопанство, Цветан Трипуновски денеска присуствуваше на манифестацијата „Денови на кочанскиот ориз“ во с. Оризари, општина Кочани.
„Денес се наоѓаме во Оризари, општина Кочани на манифестацијата „Денови на кочанскиот ориз“, со што започнува и жетвата на оваа култура. Ние како Министерство ја поддржуваме оваа манифестација се со цел да ја продолжиме традицијата и да го афирмираме постоењето на оваа битна житна култура за нас како држава“, истакна министерот Трипуновски.
„Се надевам дека ќе имаме успешна жетва и дека ќе имаме богат род и квалитетен ориз од реколта 2024 година“, посочи Трипуновски.
Во својата се изјава министерот се осврна и на тоа дали домашниот ориз ќе се откупува за стокови резерви при што посочи -„Веќе со заклучок на Влада задолжена е Агенцијата за стокови резерви да ги измени сите правилници, уредби и програми и нормално да се предвидат средства за 2025-та година каде што оризот согласно Законот за стокови резерви ќе се откупува за чување за потребите на државата“.
Тој додаде дека од разговорите со земјоделците првичните информации говорат дека ќе има зголемен род, богата жетва и согласно тоа квалитетот ќе биде добар.
„Првичните информации говорат дека и рандманот ќе е исто така висок, што значи дека ќе имаме богата жетва и ќе имаме зголемен принос на ориз. И квалитетот ќе биде многу подобар од претходните години“, истакна министерот Трипуновски.
„Согласно информациите кои што ги добив од Државниот земјоделски инспекторат во Република Македонија сериозна количина на увозен ориз нема, и онаа количина што е во минимални рамки, морам да кажам дека ја контролираме согласно квалитетот и безбедноста да биде запазена. Меѓутоа она што е наш приоритет како Влада е да работиме и работиме во интерес на земјоделците се со цел да го заштитиме домашното производство“, посочи тој.
Министерот укажа дека останатата количина на ориз од минатата реколта е во многу помала количина. И во разговор со компаниите веќе започнаа да го откупуваат и ланскиот ориз.
„Работиме земјоделците да имаат откупена количина на ориз по рентабилна цена која што ќе значи стимул за наредниот период да се произведува. Ние како Министерство и како Влада ќе го следиме процесот. Нормално ќе го следиме и во делот на откупот од страна на компаниите дали се почитуваат сите законски норми се со цел да нема злоупотреба и манипулација на трудот на земјоделците од овој регион“, нагласи Трипуновски.
Економија
(Видео) „Продолжуваме со засилено темпо на работа“ – Николоски објави снимка од реконструкцијата на автопатот Тетово-Скопје
Заменик претседателот на Владата и министер за транспорт Александар Николоски на својот фејсбук профил објави видео од реконструкција на автопатската делница Скопје-Тетово.
Тој на својот профил објави:
„Продолжуваме со засилено темпо на работа. Видео од реконструкцијата на автопатот Тетово – Скопје на делот пред Скопје, проект на Јавното претпријатие за државни патишта. Ќе ја направиме Македонија поубаво место за живеење.”- објави министерот Николоски.
Инвестицијата е вредна 9,1 милиони евра.