Економија
Од „Донирај компјутер“ повикуваат на нова акција – „3.000 донирани компјутери за Нова година“
Благодарејќи на помошта која ја добиваат од народот и поддршката на големите компании како Нептун, Шпаркасе лизинг, Еко Логистик, Кожувчанка, Европа Гуми, Дади компани, и Македонски Телеком, како дел од Групацијата Дојче Телеком, каде се победници според онлајн заедницата на WhatWeValue платформата. Борче Стаменов и волонтерите на Донирај Компјутер го зголемија рапидно бројот на донации кои се испорачуваат од работилницата во Кавадарци, но тие велат дека сега си поставиле една речиси невозможна мисија: да се заокружи бројот на донации на 3000 до крајот на декември 2022.
„Донирај компјутер“, докажани и незапирливи филантропи, повикуваат на нова акција „3000 донирани компјутери за Нова Година“. Охрабрени од претходните активности и поддршката која ја добиваат, поттикнати од сè поголемиот број деца кои имаат потреба и интерес да ги совладаат компјутерските вештини со цел да си обезбедат поквалитетно образование и успешна иднина, „Донирај компјутер“ ја започнува најновата мисија со следниве цели: повик за волонтери и донации, заради обезбедување на уште 1200 компјутери за деца во семејства од ранливи категории до крајот на 2022 година.
„Целта на филантропската акција е да се намали социјалниот и технолошкиот јаз помеѓу младите, особено во услови кога глобалната пандемија од вирусот Ковид-19 наметна многу долготрајни ограничувања. Да не дозволиме 38.000 деца да останат дигитално неписмени, а со тоа и ускратени од квалитетно образование кое е нивно основно право. Воедно, да го забрзаме остварувањето на тоа нивно право, бидејќи бројката од 40.000 деца без компјутер беше објавена во 2020 година, а веќе 2 години поминаа. Токму заради итноста на оваа состојба, и ние си поставивме сериозен предизвик: да ја заокружиме бројката на донирани компјутери на 3000. Предизвикот е сериозен, 1800 донации се испратија за вкупно 6 години досега, сега ќе се тестираме дали можеме 1200 за само 4 месеци до Нова година„, изјави Борче Стаменов, основачот на Донирај Компјутер.
„Ги повикуваме граѓаните и компаниите масовно да се вклучат во акцијата затоа што таа има длабока хумана мисија. Со донации на компјутери, финансиски средства и волонтерска помош, ќе му дадат шанса на секое дете што сака да стане успешен и независен млад човек, што сака да инвестира во своето знаење и во својата иднина. Економските кризи оставаат трајни социо-економски последици и нашата мисија е да не дозволиме тие да ја загрозат иднината на младите“, порачува Стаменов.
„Ништо од ова немаше да успееме да го направиме да не беа компании како „Бидат Информатика„ кои ни дозволија да си ја направиме базата во нивните простории, како приватната гимназија Алгоритам кои ни ја изработија веб страната и беа пионери во поддршката која потоа ги инспирираше другите компании да се приклучат, а веб страната сега се усовршува заедно со Бреинстер Академијата за веб дизајн. Без помошта на компании како Олимпија Моторс, Шпаркасе Лизинг, Пиксел, E-crowd и многу други кои ни помогнаа да собереме средства за набавка на возило, немаше да биде волкава бројката на донации: од мај од кога ја имаме Донка (автомобилот) досега се донирани 300 компјутери, порано 300 компјутери беше бројката на вкупно донации во една година, а сега
се сработи за 3 месеци. Најголемата помош и поддршка ни дојде од Нептун, добивме национална мрежа за собирање на компјутери, со скоро 30 собирни места каде што имаат продавници, и транспорт на истите до Кавадарци: ова е најбитната помош која некој можеше да ни ја овозможи. Меѓу другото, благодарност и до Кожувчанка кои ни се приклучија и ќе ни помогнат што подобро да го организираме настанот кој го подготвуваме за 3 септември.
За соработката на Нептун и Донирај Компјутер, Горан Цветинов, извршниот директор на Нептун изјави: „Ние сите, како индивидуи, денес го креираме нашето утре. За подобро утре мора сите да бидеме подобра верзија на себе, денес. Да инвестираме во себе, да инвестираме во вредности, во семејствата, во компанијата каде работиме, во тимовите од кои сме дел, во проектите. Само така ќе изградиме свои подобри верзии, а со тоа и подобро утре. Секогаш кога сум во можност поддржувам се што значи подобри можности, за младите особено.
Ние како Нептун не чекавме некој специјален повик за да помогнеме во движењето „Донирај компјутер„: сами се пријавивме и прашавме што можеме да помогнеме. Во тој момент собирните центри и транспортот беа клучен проблем, со задоволство излеговме во пресрет, ги отворивме вратите на сите наши продавници и помагаме во транспортот на компјутерите кои се собираат, што и понатаму ќе продолжиме да го правиме, бидејќи активностите кои се свртени кон децата и нивната добросостојба ни се посебно важни.„ изјави Цветинов.
„Добивме голема поддршка од Македонски Телеком како дел од Групацијата Дојче Телеком со нашата победа на #WhatWeValue, платформа за волонтеризам на генерацијата Z. Поддршката е од суштинско значење и на нашиот тим ќе му овозможи да го зголеми бројот на донации а со тоа да го прошири и процесот на дигитална инклузија . Станува збор за нефинансиска помош во износ од 35.000 евра. Тоа значи дека пари нема да влезат во Донирај компјутер, туку за сè што ни треба, добавувачите испраќаат фактури, и набавките подлежат на детални и темелни проверки. Новата работилница очекуваме да биде опремена кон крајот на септември и почетокот на октомври. Повеќе детали околу ова ќе објавиме наскоро заедно со Македонски Телеком“ изјави Стаменов.
Возилото за Донирај Компјутер се набави со кампања за собирање донации преку E-crowd.mk и Шпаркасе лизинг беа првата компанија која се одзва на повикот со поголема донација. Околу оваа активност тие изјавија:
„Ние во Шпаркасе Лизинг подолго време сме вклучени во голем број општествено
одговорни проекти, но иновативниот пристап на Донирај компјутер со нивната crowd fundingплатформа за набавка на нов автомобил навистина не стави во ситуација да се запрашаме кој да помогне во ситуацијата за набавка на автомобил ако не најголемата лизинг компанија на пазарот.
На тој начин дојде и до комуникација и до соработка со Донирај компјутер и навистина сме задоволни што целиот проект се затвори за краток период и што помогнавме Донирај Компјутер да продолжи уште поуспешно со своите активности, разговараме и за донации
на компјутерите кога ќе ги менуваме наредно, автоматски да бидат предадени во Донирај
Компјутер. “Шпаркасе лизинг“ има отворена рака кон Донирај Компјутер за сите идни проекти, како и се разбира отстапување на користената ИТ опрема во момент кога за тоа ќе се создадат услови„ – изјави Филип Костадиновски, соработник во сектор за ризици во Шпаркасе лизинг„.
За новиот проект наречен „3000 за Нова Година„ од Ecrowd.mk изјавија:
„Со Донирај компјутер ова ни е втор проект, првиот, наменет за собирање донации за возилото беше и првиот 100% успешен проект, во кој за време од 2 месеци се собраа потребните средства. Не се сомневаме дека и вториот ќе биде исто така успешен, платформата прима уплати од било каде, ќе го рашириме линкот од проектот надвор од Македонија и верувам дека ќе се соберат 1200 дискови, или во парични средства или во дискови.
Ние самите го поддржуваме нивниот проект и со промоција и финансиски, бидејќи она што тие го прават е од исклучителна општествена важност, и ние се приклучуваме со радост што ваква иницијатива постои кај нас. Им стоиме на располагање на сите вакви иницијативи како платформа која ќе им го олесни исполнувањето на зацртаните цели„, изјави Љупчо Петковски, еден од основачите на Ecrowd.mk платформата.
Организацијата „Донирај компјутер“е непрофитна организација која веќе шест години врши донации на половни компјутери низ територијата на цела Македонија и има обезбедено компјутер на над 1800 семејства. Дел од компаниите кои имаат донирано компјутери се: Комерцијална Банка АД Скопје, Еко Логистик Сервис, Клими Мк, Ендава, Allocate Software, Quipu, Fx3x, Symphony Solutions, Триглав осигурување, Publikum Invest, Канцеларија на Делегација на ЕУ, Кабинетот на Претседателот на Македонија, Европа Гуми, Олимпија Моторс, Пиксел, и уште многу други.
Во прибирирање на средства за 3000 компјутери потребни се 1.320,000.00 денари, а доколку сакате да помогнете, може да донирате на следниот линк.
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Buyback гаранција: Како P2P.mk ја претвора неизвесноста во сигурност
Кога пазарот се менува брзо, а информациите кружат уште побрзо, сигурноста станува најважниот фактор. Инвестирањето во денешниот финансиски свет може да изгледа како пловидба по немирни води, но со механизми како што е нашата “Buyback” гаранција, P2P.mk ја претвора неизвесноста во сигурност за секој инвеститор.
Ваквите заштитни механизми се причината што сe повеќе инвеститори му веруваат на P2P моделот и го гледаат како стабилен начин за создавање пасивен приход.
“Buyback” гаранција – Забрзаната еволуција на инвестициските платформи и улогата на заштитните механизми
Развојот на алтернативните платформи за инвестирање како P2P.mk ја подигна потребата за сериозна заштита на средствата на инвеститорите. Како што овој модел растеше, растеше и очекувањето дека вложените пари мора да бидат заштитени од ризици што инвеститорите не можат да ги контролираат.
“Buyback” гаранцијата е механизам дизајниран за дополнителна заштита на вашите инвестирани средства. Како што P2P.mk се позиционира не само како првата peer-to-peer платформа во Македонија туку и како сигурна и стабилна платформа за инвестирање во потрошувачки кредити, безбедноста на вашиот капитал станува наш најголем приоритет.
Со воведувањето на Buyback гаранција како заштитен механизам, ние им нудиме на нашите инвеститори нова димензија на сигурност, што директно придонесе за огромниот раст на P2P инвестирањето. Oваа гаранција е еден од најстабилните заштитни механизми за секој инвеститор што сака да ги заштити инвестираните средства.
Мисијата на P2P.mk – Buyback гаранција како основа за доверба и сигурност
P2P.mk има јасна мисија: да обезбеди сигурни и безбедни инвестиции за секој кој сака да го стави својот капитал во движење. На платформата се објавуваат кредити што веќе се пласирани од кредитни друштва, а инвеститорите можат да ги откупат и да остварат заработка до 14%.
Тоа значи дека секој инвеститор што вложува на P2P.mk има дополнителен заштитен слој. Buyback гарантира дека финансиските средства се обезбедени дури и во ситуација кога заемопримачот не ги исполнува своите обврски.
Како функционира “Buyback” гаранцијата?
• 60-дневна заштита за откуп: Ако заемот доцни со плаќање повеќе од 60 дена, кредитното друштво (кредитниот оригинатор) автоматски го откупува кредитот од вас, инвеститорот. Со оваа гаранција, вашите инвестиции се заштитени од потенцијални неплаќања на крајниот заемопримач (лицето кое го земало кредитот)
• Целосно покритие: Кредитниот оригинатор ја откупува инвестицијата за номиналната вредност на главницата и каматата што е акумулирана до датумот на откупот.
Тоа е заштитен механизам што ја гради довербата меѓу платформата, кредитните друштва и инвеститорите. Кога постои ваква заштита, инвеститорот знае дека не вложува сам и дека во позадина стои партнер кој има финансиска моќ да преземе одговорност.
Карактеристики и предности на заштитните механизми како “Buyback” гаранција
1. Сигурност и доверба
P2P.mk има мисија да обезбеди сигурни и безбедни инвестиции. Гаранцијата за откуп ги обезбедува вашите инвестиции со 60-дневна заштита, трансформирајќи ја секоја трансакција во јасно и доверливо инвестициско патување.
2. Заштита на капиталот
Најголемиот ризик во P2P инвестирањето е ризикот од неплаќање. Со “Buyback” гаранцијата, овој ризик го презема кредитното друштво, а не вие. Ако заемот доцни, давателот на кредитот ќе го откупи, покривајќи ја и главницата и пресметаната заработка од тој ден.
3. Поголема безбедност
Фактот што како заемодавачи се јавуваат кредитни друштва, а не директно со поединци, веќе нуди поголема стабилност. Дополнително, P2P.mk работи само со проверени и регулирани кредитни друштва, дополнително зајакнувајќи ја сигурноста и довербата кај нашите инвеститори. “Buyback” гаранцијата е дополнителен слој на заштита, кој ја прави платформата привлечна за поширок спектар на инвеститори.
4. Стабилен принос без главоболки
Бидејќи кредитното друштво ја гарантира откупот и заработката, вие како инвеститор можете да се фокусирате на оптимизирање на вашето портфолио и уживање во приносот до 14%, наместо да трошите време и енергија на следење на наплатата на доцнење на потрошувачки кредити. Едноставно, вашата заработка останува постојана и предвидлива.
P2P.mk – Инвестирајте со спокојство
Нашата гаранција за откуп (Buyback Гаранција) гарантира дека вашите средства се сигурни и вашето инвестициско патување е јасно и доверливо. Гаранцијата за откуп го прави P2P.mk модел кој е подготвен за иднината, нудејќи им на сите инвеститори шанса да учествуваат во профитабилни инвестиции со минимизиран ризик.
На P2P.mk оваа гаранција претставува суштински дел од заштитната мрежа што секој инвеститор ја добива уште на првиот ден. Инвестирајте денес и искористете ја моќта на нашата “Buyback” гаранција за сигурна иднина.
ПР
Економија
Рекордни приходи од концесии: За 9 месеци наплатени 931 милиони денари надоместоци за експлоатација на минерални суровини, известува Министерството за енергетика
Министерството за енергетика, рударство и минерални суровини информира дека наплатата на надоместоците за експлоатација на минерални суровини во третиот квартал од 2025 година достигна рекордни 384.166.062,00 денари. Ова претставува зголемување за повеќе од два и пол пати во однос на истиот период во 2024 година, кога беа наплатени 147.703.963,00 денари денари.
Овој успех следи по исклучителните резултати од првиот квартал од 2025 година, кога беа наплатени 260.327.223,00 денари, во споредба со 110.576.324 денари во првиот квартал од 2024 година и вториот квартал од 2025 година наплатени беа 286,355,517.00 денари, а истиот период во 2024 година, кога беа наплатени 133 576 534 денари, извести Министерството за енергетика.
Збирно, за деветте месеци од 2025 година, Министерството оствари наплата од над 931.000.000 денари, што е историски успех во управувањето со природните ресурси и претставува зголемување за два и пол пати во однос на истиот период во 2024 година
Министерството очекува оваа бројка да расте со оглед на фактот дека се испратени опомени до концесионерите што се ште не ја регулирале обврската да го сторат тоа во рокот во спротивно ризикуваат со раскин на договори за оние кои не ги почитуваат законите. Владата на предлог на Министерството за енергетика, рударство и минерални суровини во изминатиот период има донесено вкупно 46 одлуки за едностран раскин на Договорот за концесија за експлоатација на минерална суровина а дел од нив се поради неплаќање на концесискиот надоместок согласно утврдениот Тарифник.
Овие резултати се директна последица на посветените активности на Министерството за подобрување на наплатата и зајакнување на контролата врз обврските на концесионерите, вклучувајќи:
· Засилени инспекциски контроли: Редовни и вонредни теренски проверки за обезбедување усогласеност со законските обврски.
· Писмени опомени и санкции: Испратени се предупредувања до концесионерите за навремено подмирување на обврските, со едностран раскин на договори за оние кои не ги почитуваат законите.
· Нов Тарифник од 1 јануари 2025: Воведен е нов Тарифник кој ја зголеми висината на надоместоците до 100%, обезбедувајќи правична вредност за користење на природните ресурси. Овие измени не се однесуваат на енергетските минерални суровини, како јагленот, со цел да се заштитат граѓаните од дополнителен притисок врз цените на електричната енергија.
Зголемената наплата директно придонесува за зголемување на буџетите на општините каде работат концесионерите, како и на државниот буџет. Овие средства се инвестираат во:
· Поголеми буџети за општините,
· Инвестиции во комунална инфраструктура,
· Проекти за енергетска транзиција и одржлив развој.
· Проекти за заштита на животната средина.
Министерството за енергетика, рударство и минерални суровини останува посветено на воспоставување на највисоки стандарди за транспарентно и фер управување со природните ресурси. Овие резултати се доказ за нашата определба да ги зајакнеме економските придобивки од експлоатацијата на минералните суровини, истовремено обезбедувајќи одржлив развој и поддршка за локалните заедници, се додава во соопштението на Министерството за енергетика.
Економија
Славески: Народната банка ги засилува активностите за управување со климатските промени
„Климатските промени сè поинтензивно влијаат врз економиите и финансиските системи, а ризиците поврзани со климатските промени претставуваат значаен фактор кој влијае врз ценовната и финансиската стабилност. Поради тоа, централните банки веќе ги интегрираат овие ризици во аналитичките и супервизорските рамки. Пристапот на Народната банка ги следи меѓународните практики. Планираните активности од усвоениот Среднорочен план на активности за периодот 2023-2025 година се во завршна фаза, супервизорските очекувања се вградени во Насоките за управување со климатските ризици за банките, а климатските ризици се интегрирани во регулаторната рамка за кредитен ризик и регулативата за обелоденување податоци и известување. Анализите за влијанието на климатските ризици врз банкарскиот систем се составен дел од нашиот Извештај за финансиската стабилност, а тековно се работи на развивање климатски сценарија и стрес-тестови“, истакна гувернерот Трајко Славески на отворањето на Конференцијата.
Тој нагласи дека Народната банка во континуитет придонесува за подобрување на расположливоста на податоците поврзани со климатските ризици, пришто од минатата година започна со објавувањето на Преглед на „зелени“ показатели. За да ја согледа подготвеноста на корпоративниот сектор за справување со климатските ризици, Народната банка заедно со Европската инвестициска банка неодамна спроведе истражување кое покажа дека само мал дел (5%) од компаниите имаат планови за справување со климатски ризици, а управувањето со климатските ризици и зелените финансии се во рана фаза.
„Меѓународната заедница предупредува на високите трошоци од задоцнета акција. Декларацијата на меѓународната мрежа за зелени финансиски системи укажува дека тригодишно доцнење во климатската транзиција може повеќе од двојно да ги зголеми глобалните економски трошоци до 2030 година. Свесноста расте и кај регулаторите и кај банкарскиот сектор, но потребни се континуирани и координирани напори. Анализите на ММФ покажуваат дека уделот на приватниот сектор во финансирањето на економиите во развој е потребно да се зголеми од сегашните 40% на 90% до 2030 година, што ја нагласува потребата за силна соработка меѓу владите, меѓународните институции и финансискиот сектор“, додаде Славески, истакнувајќи дека Народната банка ќе продолжи да работи на зајакнување на отпорноста на финансискиот систем и поддршка на одржливиот економски развој.
Владата именува повереници за општините Маврово Ростуше, Гостивар, Центар Жупа и Врапчиште
Владата на денешната седница именува повереници за општините Маврово Ростуше, Гостивар, Центар Жупа и Врапчиште во кои што на локалните...
Украина се согласи на мировен договор со Русија, тврдат САД
Украина се согласи на договор за прекин на војната со Русија, при што остануваат само мали детали, изјави американски функционер...
Уапсени директори и заменик министер за земјоделство: излажале дека недостасуваат пченица и јачмен вредни 780.000 евра
Полицијата денеска уапси пет лица осомничени за злоупотреба на стоковите резерви, излажале дека недостасуваат пченица и јачмен вредни 780.000 евра....
Откажано утрешното рочиште за „Пулс“: Недостасуваат адреси од оштетени и нивни застапници
Утрешното судење за пожарот во дискотеката „Пулс“ во Кочани, во кој загинаа 63 лица и околу 200 се повредени, е...
Не е работа на бранителот да биде судска достава, забележаа адвокатите и побараа судот да им го достави интегрираното обвинение и на обвинетите за „Пулс“
Место воведни зборови од одбраната и изјаснување дали се чувствуваат виновни обвинетите за пожарот во кочанската дискотека “Пулс”, денешното второ...
Мицкоски: 6.045 пристигнати апликации, најголем интерес за искористување на мерката за самовработување
Како Влада, силно веруваме дека економијата расте тогаш кога граѓаните имаат поддршка да создаваат, да иновираат и да стануваат претприемачи,...
42-годишник пронајден мртов кај селото Нераште: наредена е обдукција, ќе се вештачат траги најдени на местото
Обвинителството извести дека е извршен увид на лице место, дадени се повеќе насоки и наредби со цел откривање на сторителите...
Голема полициска акција: претреси во Скопје, Куманово и на други локации
Во координација со Основното јавно обвинителство Скопје во тек е полициска акција со претреси во Скопје, Куманово и на други...
Зеленски пред тежок избор: планот на Трамп или несигурните Европејци, пишува Политико
Европските претставници вчера воздивнаа со олеснување, верувајќи дека разговорите во Женева вродиле со плод и дека Доналд Трамп ќе ги...
Поради одрон во прекин е сообраќајот на регионалниот пат Ресен- Граничен премин Стење
Денеска од 07:55 часот, поради одрон на патот помеѓу селата Царев Двор и Отешево, во прекин е сообраќајот во двата...
Би-би-си: Украинците би можеле да се согласат на изменет мировен план, Русите се друга приказна
Доналд Трамп силно сака мировен договор во Украина. Киев сака мир уште повеќе, но не по секоја цена, пишува Би-би-си...
САД преговараат со Русите и Украинците: „Мора да бидеме сигурни дека Русите се согласуваат со ова“
Секретарот на американската армија, Ден Дрискол, пристигна во Абу Даби доцна синоќа на разговори со шефот на украинската воена разузнавачка...
Венецуела до авиокомпаниите: Имате 48 часа да ги продолжите летовите или ќе ја изгубите дозволата
Венецуелскиот институт за авијација денес им соопшти на меѓународните авиокомпании дека мора да ги продолжат летовите до земјата во рок...
ОН: На секои десет минути жена е убиена од близок човек
ОН вчера соопшти дека минатата година речиси 50.000 жени и девојки биле убиени од интимен партнер, осудувајќи го недостатокот на...
(Видео) Зеленски испрати драматично предупредување: неколку часа подоцна, Русите брутално го нападнаа Киев
Русија синоќа започна жесток напад врз Киев и други украински градови, користејќи беспилотни летала „Шахед“ и балистички ракети „Кинжал“. Нападите...
Мицкоски не знаел за инцидентот со Аца Лукас, но најави строга контрола на естрадата: Јасни се законите и правилата, секој мора да ги почитува
Премиерот Христијан Мицкоски од кого викендов на социјалните мрежи се бара извинување по приведувањето на српскиот пејач Аца Лукас во...
Мораме да се срамиме и да црвениме пред Стразбур, вели Мицкоски откако судот најави отворање предмет за случајот на Јанкулоска
Мораме да се срамиме и да црвениме пред Стразбур, вели премиерот, Христијан Мицкоски, откако судот најави отворање предмет за случајот...
Уапсен 16-годишник од Охрид: силувал 12-годишно девојче, друг малолетник го снимал, а трет го уценувал девојчето
Денеска во 10:00 часот, полициски службеници од СВР Охрид лишија од слобода 16-годишник од Охрид поради сомнение дека на 12.11.2025...
Бебе почина во Општата болница во Кичево: било донесено во тешка здравствена состојба
Вчера во 22:10 часот во ОВР Кичево е пријавено дека на детското одделение при Општата болница во Кичево во тешка...
„По налог на Груевски Мицкоски ја враќа државата деценија назад“, велат од СДСМ
„Македонија повторно се наоѓа во изолација. Наместо држава што чекори напред, со јасна европска перспектива, денес гледаме изолирана земја додека...
