Економија
Државни патишта нуди до 70.000 денари плата, на оглас бара 28 работници за коридорите 8 и 10 д
![](https://makfax.com.mk/wp-content/uploads/2023/03/artan-grubi-so-koridorite.jpg)
Јавното претпријатие за државни патишта преку оглас ќе вработи 28 работници чии задолженија ќе бидат коридорите 8 и 10 д. Новите вработени во претпријатието ќе имаат основни плати од 29.866 денари до 70.052 денари, а ќе бидат вработени во јавното претпријатие до завршување на проектот, односно до 22.1.2028 година. Овие плати се за 40-часовна работна недела.
Највисока основна плата, 70.052 денара, се нуди за помошник на главниот координатор, а најниските плати од 29.866 денари се за двајца администратори и двајца возачи. На огласот се бараат и еден координатор на единицата за подготовка на проектот со плата од 60.005 денари; четворица специјалисти за експропријација со плата од 45.045 денари; еден преведувач за 45.045 денари; еден известувач за проектот, кој ќе добива 45.045 денари месечно; еден координатор на единицата за техничка изведба со плата од 65.029 денари; петмина специјалисти за инвестиции и градба на патишта, кои ќе добиваат по 55.037 денари плата; еден специјалист за урбанистичко-планска документација со основна плата од 55.037 денари; двајца специјалисти за подготовка, изработка и следење на проектна документација со плата од 55.037 денари; еден специјалист за геодетски работи, кој ќе добива 55.037 денари; двајца специјалисти за животна средина за 55.037 денари; тројца специјалисти за електроенергетски објекти, кои ќе добиваат по 55.037 денари; и еден специјалист за сообраќајна сигнализација за кој основната плата е 55.037 денари.
Заинтересираните за отворените работни места може да се пријавуваат до 25 април, до кога ќе биде отворен огласот иако компанијата „Бехтел и Енка“ најави поставување камен-темелник за 22 април.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Економија
Николоски: Трет мобилен оператор за граѓаните да добијат пониски цени
![](https://makfax.com.mk/wp-content/uploads/2024/07/Screenshot-2024-07-07-154408.jpg)
Министерот за транспорт и заменик претседател на Владата, Александар Николоски, најавува трет мобилен оператор во Македонија. Со тоа цените за мобилната, кабелската телевизија и интернет услугите ќе поевтинат.
„Би сакал да објавам дека сериозно ја разгледуваме можноста за доделување лиценца за трет мобилен оператор. Нашата анализа кажува дека цените за мобилната, како и за кабелската телевизија и интернет услугите се поскапи од најголем дел европски земји. На пазарот постои класичен дуопол. Затоа мора да бараме мерки да поевтинат услугите. Граѓаните да имаат подобри и поевтини услуги.
Затоа потенцијално решение е трет мобилен оператор. Во следниот период ќе мотивираме големи имиња од светот на телекомуникациите да се појават на македонскиот пазар. Време е државата да прави за граѓаните“, напиша министерот за транспорт, Александар Николоски.
Граѓаните задоволни.
„Браво! Дополнително треба независна контрола за квалилетот на испорачани услуги“, „Браво, некој да помисли и на народот“, „Да и тоа што побрзо бидејќи претплатите за мобилна телефонија се енормно високи. Исто така и кабелски интернет и телевизија, поевтини треба да бидат, не секогаш добиваме тоа што го рекламираат“, се само дел од коментарите под објавата на ФБ.
Економија
(Фото) Во министерството за финансии се крои ребалансот на буџетот, работата тече и викендов
![](https://makfax.com.mk/wp-content/uploads/2024/07/Screenshot-2024-07-06-193859.jpg)
Се крои ребалансот на буџетот. Во министерството за финансии се работи и викендов без прекин. Се пренаменуваат пари од нереализирани и непродуктивни трошења за она кое е попотребно и неопходно. Една од тие ставки е зголемувањето на пензиите од 2.500 денари од септември. Пари требаат и за капиталните проекти за општините. Според информациите, планирано е да бидат пренаменети 200 до 300 милиони евра.
„И овој викенд повторно работно во Министерството за финансии. Се работи на ребалансот на Буџетот. Секогаш во интерес на граѓаните на Македонија!“, напиша на Фејсбук министерката за финансии Гордана Димитреска Кочоска.
Економија
(Видео) Трипуновски: Земјоделските задруги се важни за решавање на проблемот со пласманот на производи
![](https://makfax.com.mk/wp-content/uploads/2024/07/Screenshot-2024-07-06-154913.jpg)
Министерот за земјоделство, шумарство и водостопанство Цветан Трипуновски присуствување на панел дискусија во организација на Македонската асоцијација на земјоделски задруги.
– Мораме да работиме да го развиваме задругарството, во моментов се наоѓаме во еден правен вакуум бидејќи законот за земјоделски задруги е укинат и се формираше еден посебен закон за задруги меѓутоа делот на земјоделските задруги остана недефиниран. – изјави Трипуновски.
На панел дискусијата се споделија неколку идеи за во која насока треба да се движат земјоделските задруги, а министерот Трипуновски ги презентираше мерките и проектите од владината програма за земјоделски задруги.
Преземавме обврска да веќе во наредниве месеци да го измениме законот за земјоделство и рурален развој каде што ќе ги дефинираме земјоделските задруги и нивното здружување. Ние во нашата владина програма имаме ставено фокус на задругарството преку разни мерки и проекти се со цел да овој начин на здружување биде еден од алките на решавање со пласманот на нашите земјоделски производи – заврши Трипуновски.