Економија
Првпат доделени награди за одржлив развој
Здружението „Конект“ првпат во нашата земја ги додели наградите „Предводници на Целите за одржлив развој“ на компании, поединци, млади бизнис-лидери од компании поради нивниот придонес кон Целите за одржлив развој (SDGs).
Наградите им беа врачени на:
1. Компаниите: „Пивара“ АД Скопје, „Фармахем“, Цементарница „Усје“ АД Скопје, „Алкалоид“ АД Скопје, „Адора инженеринг“ ДООЕЛ и „Макпрогрес“ ДОО;
2. Поединците: Наталија Бургиева од „Мама органа“, Мартина Блинкова-Дончевска од ИЕГЕ и Соња Бојаровска од „Тинекс“; и
3. Млади бизнис-лидери (до 35 год.): Сара Кочан од „Данцерс унитед МК“ ДОО Скопје и Ирина Тошева од „Ателје Ирина Тошева“.
Специјално признание им беше доделено на „Мастер протекшн“ – подружница „Доун фор ју“ за вработување лица со пореченост во услужна дејност.
На Церемонијата за доделување на наградите се обратија заменик на претседателот на Владата, вицепремиерот за економски прашања Кочо Анѓушев, раководителот на секторот за соработка на Делегацијата на Европската Унија, Никола Бертолини, вршител на должноста постојан координатор на ООН и претставник на УНИЦЕФ, г. Бенјамин Перкс, и извршната директорка на „Конект“, Никица Кусиникова.
„Целите за одржлив развој не може да се исполнат ако се насочиме само на едно нешто, само на образование или само кон социјалната политика, туку треба да биде сеопфатно. Затоа, централно место во сето ова имаат и компаниите затоа што се тие работодавци и тие треба да бидат општествено одговорни и да целат кон тоа заедно со заедницата да градат подобро општество“, истакна вицепремиерот Кочо Анѓушев.
Никола Бертолини, раководителот на секторот за соработка на Делегацијата на Европската Унија, посочи: „вистинско демократско општество е тоа каде што одлуките се носат преку инклузивен меѓусекторски дијалог на граѓанските организации, приватниот сектор и институциите одговарајќи на барањата на граѓаните и во насока на одржлив развој на општеството во целина“.
„Иако Обединетите нации се двигател на глобалниот договор и на Целите за одржлив развој, нивната реализација зависи од локалните компании и поединци што ги прифаќаат тие цели и ги ставаат секојдневно во употреба преку своите активности. Во име на ОН сакам да ја поттикнам јавноста да го следи примерот на наградените, да ја охрабрам Владата да ги прифати Целите со креирање законодавна и политичка рамка за поддршка на оние што активно работат на нивно постигнување“, изјави Бенјамин Перкс, вршител на должноста постојан координатор на ООН и претставник на УНИЦЕФ.
„Целите за одржлив развој даваат уникатна можност бизнисот да создава подобро општество. Квалитетното образование, здравата и продуктивна работна сила и разумното користење ресурси се предуслови за развој на бизнисот што кај нас се препознаени. Добитниците на наградите веќе прават многу и инспирираат, а „Конект“ ќе продолжи да ги поддржува сите бизниси во остварувањата на целите градејќи партнерства со граѓанскиот сектор и институциите“, изјави извршната директорка на „Конект“, Никица Кусиникова.
Целите за одржлив развој се визија за одржлива иднина на светско ниво и нудат можност за воспоставување на нова димензија на бизнис-секторот. Усвоени во 2015 година од 193 држави во Обединетите нации, меѓу кои е и нашата земја, тие може да ја обликуваат новата ера на компаниите што се посветени и отворени за нови предизвици.
Наградите за одржлив развој ги додели „Конект“ во партнерство со мрежата на глобалниот договор од оваа земја, а во рамките на проектот „Градење меѓусекторски партнерства за одржлив развој“, финансиран од Европската Унија. Наградените ќе бидат инспиративни примери на бизниси и поединци, кои во секојдневното работење докажуваат дека бизнисот може да биде двигател на oдржливиот развој. Повикот за номинирање за наградите беше објавен на почетокот од годината.
(ПР-текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Според пратениците од ВМРО-ДПМНЕ, лицемерен бил предлогот на СДСМ за намалување на ДДВ-то на храната и струјата
Лицемерни се предложените измени од пратениците од СДСМ за намалување на ДДВ-то на храната и струјата, изјави Игор Здравковски од пратеничкта група на ВМРО-ДПМНЕ откако владејачкото мнозинство не даде поддршка за овој предлог во законодавниот дом.
Од ВМРО-ДПМНЕ велат дека по седум години власт, социјалдемократите предлагаат мерка за намалување на ДДВ на храната и струјата, а претходно ги зголемија стапките на ДДВ на стотици артикли.
„Во ситуација на енергетска криза, кога цената на берзите беше над 800Е за MWh, тие беа глуви на барањата на потрошувачите, на опозицијата и на граѓаните, па не дадоа ниту време, ниту модус да застанат на страна на граѓаните. Напротив, го искористија моментот да го искрадат и уништат енергетскиот сектор преку матни тендери. Економските и енергетските генијалци, успеаја цената на производот на електрична енергија да ја качат од 45Е на 133Е за MWh. Денес цената на струјата е стабилна, а покачувањето е 1,48 отсто во последните 8 месеци“, рече Здравковски.
Како што додаде, со активните мерки со ограничување на маржите ќе има запирање на инфлацијата на храната, а со тоа и заштита на стандардот на граѓаните.
До СДСМ порача, наместо да се однесуваат лицемерно,во иднина да ги прифатат мерките на Владата и конструктивно заедно да работат за доброто на граѓаните.
Предлогот на СДСМ предвидуваше намалување на ДДВ-то за струјата, што, како што велат предлагачите, ќе значеше 13 отсто пониски сметки за над 600 илјади домаќинства. За сметка од 3.000 денари, граѓаните ќе заштедеа 400 денари месечно, а за повисоките сметки, заштедата ќе беше уште поголема. Истото тоа важи и за основните прехранбени производи. Пратеникот Фатмир Битиќи изјави дека нмалувањето на ДДВ на нула проценти ќе значеше директно поевтинување на храната, односно над 3.000 производи ќе беа поевтини, меѓу кои лебот, брашното, млекото, јајцата, маслото, шеќерот и сите други основни продукти што секојдневно ги купуваат граѓаните.
Економија
Од полноќ поевтинуваат горивата
Референтните цени на нафтените деривати на светскиот пазар во споредба со претходната пресметка бележат намалување кај бензините во просек за 1,256% или за 9,300 $/тон, кај дизелот намалувањето е во просек за 0,356% или за 2,550 $/тон, кај екстра лесното масло намалувањето е во просек за 0,325% или за 2,300 $/тон и кај мазутот зголемување во просек за околу 0,247% или за 1,200 $/тон, поради што во структурата на цените на нафтените деривати е извршено соодветно прилагодување.
Малопродажните цени на бензините ЕУРОСУПЕР БС-95 и ЕУРОСУПЕР БС-98, се намалуваат за 1,00 ден/лит, во однос на малопродажните цени утврдени со одлуката за утврдување на највисоки малопродажни цени на нафтените деривати и горива за транспорт од 20.02.2025 година и со тоа, малопродажната цена на ЕУРОСУПЕР БС-95 изнесува 79,00 ден/лит, додека малопродажната цена на ЕУРОСУПЕР БС-98 изнесува 81,00 ден/лит.
Малопродажните цени на ЕУРОДИЗЕЛ (Д-Е V) и на Екстра лесното масло за домаќинство на (ЕЛ1), се намалуваат за 0,50 ден/лит, во однос на малопродажните цени утврдени со одлуката за утврдување на највисоки малопродажни цени на нафтените деривати и горива за транспорт од 20.02.2025 година и со тоа малопродажната цена на ЕУРОДИЗЕЛ (Д-Е V) изнесува 73,50 ден/лит, додека малопродажната цена на Екстра лесното масло за домаќинство на (ЕЛ-1) изнесува 73,00 ден/лит.
Малопродажната цена на Мазутот М-1 НС, се намалува за 0,012 ден/кг, во однос на малопродажната цена утврдена со одлуката за утврдување на највисоки малопродажни цени на
нафтените деривати и горива за транспорт од 20.02.2025 година и со тоа малопродажната цена на Мазутот М-1 НС изнесува 46,178 ден/кг.
Економија
Не помина предлогот на СДСМ за намалување на ДДВ-то на струјата и храната
Наместо да донесат одлука што директно ќе го олесни товарот врз семејните буџети, пратениците од владејачката коалиција одбија да ги поддржат измените и дополнувањата на Законот за ДДВ, со кои предложивме намалување на ДДВ-то за електричната енергија од 18 на 5 отсто и укинување на ДДВ-то за основните прехранбени производи, објави пратеникот од СДСМ, Фатмир Битиќи.
Како што рече, во време кога цените на храната растат без контрола, кога електричната енергија стана најскапа во регионот, кога граѓаните се принудени да живеат во постојана неизвесност за наредниот месец, мнозинството ги отфрли конкретните мерки, што веднаш ќе значеа помали сметки за струја и поевтина храна.
Предлогот предвидуваше намалување на ДДВ-то за струјата, што, како што велат предлагачите, ќе значеше 13 отсто пониски сметки за над 600 илјади домаќинства. За сметка од 3.000 денари, граѓаните ќе заштедеа 400 денари месечно, а за повисоките сметки, заштедата ќе беше уште поголема.
Истото тоа важи и за основните прехранбени производи. Намалувањето на ДДВ на нула проценти ќе значеше директно поевтинување на храната, односно над 3.000 производи ќе беа поевтини, меѓу кои лебот, брашното, млекото, јајцата, маслото, шеќерот и сите други основни продукти што секојдневно ги купуваат граѓаните, рече Битиќи.
Најави дека СДСМ ќе продолжи политички да се бори за системски решенија за замрзнување на цените на основните производи, за фиксни маржи што ќе спречат злоупотреби, за итна примена на Законот за нефер трговските практики, за поевтин зелен картон и за зголемување на платите преку замрзнување на придонесите.
Трамп: Kонфликтот во Украина може да заврши во следните неколку недели
Конфликтот во Украина може да заврши во следните неколку недели, изјави американскиот претседател Доналд Трамп за новинарите на прес-конференција со...
Со лажни финансиски совети, измамници ги празнат кртичките на граѓаните – полицијата вели, вакви измами има сѐ повеќе
Забележан е зголемен број на пријави од граѓани за измама сторена преку социјалните мрежи и телефонски повици од лица кои...
Мицкоски ја повика ДУИ да достави докази за наводната корупција: Апсолутно имам доверба во работењето на господинот Меџити
Премиерот Христијан Мицкоски вели дека има исклучително блиска и непосредна соработка со министерот за животна средина, Изет Меџити, кого ДУИ...
Македонија е коспонзор на резолуцијата на САД за Украина
Македонија е една од земјите што се коспонзор на предлог-резолуцијата на САД за Украина, а истовремено Европската Унија, предводена од...
Не помина предлогот на СДСМ за намалување на ДДВ-то на струјата и храната
Наместо да донесат одлука што директно ќе го олесни товарот врз семејните буџети, пратениците од владејачката коалиција одбија да ги...
Ако маркетите ги објавуваат цените на сите производи на интернет, купувачите ќе бидат заштитени oд скриени трошоци, рече Стојаноски
Mаркетите да ги објвуваат сите цени на веб-страниците со цел подобра информираност на потрошувачот и олеснување на споредливоста на цените,...
Ја удирал по главата и телото со боксови и тупаници, па ја силувал: предложен притвор за 37-годишен скопјанец
Поради основано сомнение за сторено кривично дело – Полов напад и силување од член 186 став 3 во врска со...
Зеленски објави видео за годишнината од војната: „Три години апсолутно херојство“
Украинскиот претседател Володимир Зеленски ја одбележа третата годишнина од руската инвазија на Украина со објавување видео во кое се прикажани...
(Видео) Погодена рафинерија во Русија; Гувернерот: Остатоците од дрон го предизвикаа пожарот
Остатоците кои паѓаат од уништените украински беспилотни летала предизвикале пожар во индустриска фабрика во руската област Рјазан, објави гувернерот на...
(Видео) Фон дер Лајен во Киев на 3-годишнината од инвазијата: „Судбината на Европа е во прашање“
Претседателката на Европската комисија Урсула фон дер Лајен утрово со воз пристигна во Киев по повод тригодишнината од руската инвазија...
Русите на 3-годишнината од војната: „Америка сака брз прекин на огнот, но ние не“
Русија ги препознава напорите на Соединетите Држави (САД) да се придвижат кон брз прекин на огнот во Украина, но тоа...
Мерц: САД и Русија се приближуваат до грбот на Украина и Европа
Следниот германски канцелар би можел да биде Фридрих Мерц. Неговата ЦДУ е убедливо најсилната партија во Германија. Тој рече дека...
(Видео) Пратеникот на Трамп за Блискиот Исток: Војната во Украина беше испровоцирана, тоа не мора да значи дека Русите ја испровоцираа
Американскиот специјален пратеник Стив Виткоф денеска изјави дека Русија не треба нужно да се обвинува за предизвикување војна во Украина,...
Мерц: Америка веќе не се грижи за Европа
Претседателот на германската Христијанско-демократска унија (ЦДУ), Фридрих Мерц, рече дека негов главен политички приоритет е „да ја зајакне Европа што...
Мицкоски со честитка до ЦДУ: Европа бара промени
Премиерот Христијан Мицкоски ја честиташе победата на ЦДУ на изборите во Германија преку социјалните мрежи. „Овој успех е потврда за...
Зеленски: Ни требаат 20 системи „Патриот“, подготвени сме да инвестираме
На Украина и се потребни 20 системи „Патриот“ за заштита од руски воздушни закани, кои ќе чинат околу 35 милијарди...
Трамп ги коментираше изборите во Германија: Ова е одличен ден
Американскиот претседател Доналд Трамп ги коментираше резултатите од изборите во Германија. „Се чини дека конзервативната партија во Германија победи на...
Мерц: Победивме
Христијанско-демократската унија ЦДУ/ЦСУ е победник на предвремените парламентарни избори во Германија, а десничарската популистичка Алтернатива за Германија (АфД) е втора...
Почина 21-годишен осуденик: бил донесен во Клиничката болница Штип со знаци на труење
Вчера во 11.31 часот во СВР Штип, од Клиничка болница Штип било пријавено дека кај нив од Казнено – поправната...
(Видео) „На повидок е корупциски скандал во Владата, дали Меџити барал мито“, прашува Илиевски
„На повидок е голем, робусен корупциски скандал во Владата! Бараме премиерот Христијан Мицкоски да излезе и да одговори: дали е...
