Економија
Интервју со Лола Давидовиќ: Сити колеџ е заслужен за целиот процес на откривање, поставување и реализација на моите професионални цели
Интервју со Лола Давидовиќ, дипломец на Сити Колеџ
Што нуди и што е потребно да нуди високото образование, како да се избере вистинскиот универзитет и што е клучно при изборот, што да се очекува од академскиот кадар и како да се вреднуваат опциите, според Лола Давидовиќ, game developer ова се најважните прашања што секој што бара квалитетно високо образование треба да бара одговор.
– Како дојде до тоа изборот за твоето образование да биде Сити Колеџ?
Изборот беше сосема случаен, но воедно и по малку предодреден. Како средношколец со мисија да го продолжи своето образование на некој престижен универзитет и со желба да се искуси живот во некоја друга европска држава, трагав по повеќе опции коишто би ги исполниле моите тогашни критериуми. Запознавањето со Сити Колеџ се случи преку посета од страна на нивен академски кадар и презентација за тоа кои се знаењата и вештините како цел на нивните студенти, а секако и една поширока слика за целиот живот во Солун. Иако на почеток токму Сити Колеџ не беше во мојот преден план поради моето амбициозно залетување кон некои поголеми универзитети со илјадници други студенти каде што и започна мојот академски пат, сепак истите причини беа и тоа што ме натера да ја разгледам опцијата за започнување од почеток со студии на факултетот за Компјутерски науки која беше крајна, а и една од моите најдобри досегашни одлуки.
– Како ти помогна факултетот за Компјутерски науки при достигнувањето на професионалните цели?
Мислам дека е поточно да кажам дека Сити Колеџ е заслужен за целиот процес на откривање, поставување и реализација на моите професионални цели. Константната и неизмерна поддршка од страна на академскиот кадар на факултетот за Компјутерски науки во текот на тригодишните студии е тоа што го поттикна мојот интерес на определени полиња во оваа професија и ми овозможи да го стекнам моето научно знаење па и сите други вештини кои сметам дека се непроценливи, но и клучни за поставување и реализација на посакуваната кариера. Благодарение на универзитетската наставна програма имав можност да се запознаам со процесот на развивање игри и да оформам некоја база од знаење врз која подоцна ми се пружи прилика да се надоградувам и професионално.
– Каде е Лола сега, и каде сака да биде во иднина?
Лола е среќно вработена во Фјуриос Авокадо скоро три години :). Работам на тоа што си го имав и поставено како цел, а тоа е токму креирањето на видео игри. Како млад човек моменталните цели ми се стекнување на што е можно повеќе разновидно знаење токму во оваа сфера, до некаде слично и на академското искуство во однос на процесот на откривање и поставување на професионални па и животни цели.
– Колкаво е влијанието од студирањето на престижен британски универзитет во однос на професионалното напредување?
Сметам дека во денешно време, поради “бескрајниот” избор на области за работа и лесниот пристап до информации, е веројатно поедноставно да се стекне знаење за конкретна наука и надвор од образовните институции, што можеби не било појава до пред некоја година. Во секој случај, моето искуство и мислење е дека развивањето на академските вештини и севкупното знаење и начин на размислување на кои те учи токму студирањето на еден таков универзитет, се клучни за понатамошно професионално развивање и истакнување во работниот однос. Земајќи го тоа предвид, мислам дека е исправно да се изведе заклучок за значајната улога на еден престижен универзитет во оформување на академска личност како и обука за понатамошно напредување со завршување на студиите. Како позитивен исход би сакала да ја издвојам и споделам можноста за пружање на работни прилики за која во мојот случај токму факултетот имаше важна улога и сум скоро и сигурна дека не би се ни случила без моето искуство во Сити Колеџ.
– Ако можеш да издвоиш, што е највредно од твоето академско искуство на Сити Колеџ?
Мислам дека ја искористив секоја прилика да го споделам моето позитивно искуство за сѐ што нуди Сити Колеџ како образовна институција и средина која овозможува успешно развивање како академска личност. Затоа би сакала како највредно доживување да го истакнам целото стекнато знаење и сите овозможени прилики кои се должат на мојот професор Иво Нешковиќ кој со своето менторство ми побуди интерес за нови концепти од областа на компјутерските науки и е заслужен за моето академско оформување и професионално реализирање како game developer.
– Збор, два за помладите генерации што сега се запишуваат на студии.
Степенот на престиж на еден универзитет не секогаш е мерило за квалитетот на знаењето кое истиот може и да го пружи. Според моето искуство, позитивниот исход од едни студии е склоп од дејствувањето на академскиот кадар во образовната институција, начинот на кој знаењето е пренесено на студентите, пружањето прилики за истражување на сопствените професионални интереси, а секако и целокупната работна атмосфера која ја нуди самата институција. Студиите треба да се нешто коешто претставува задоволство и наговестување на потенцијалната животна професија. Сметам дека јас успешно сум ги постигнала целите на еден факултет, а затоа можам да се заблагодарам на Сити Колеџ.
(ПР)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Директна авиолинија Скопје – Прага, за Божиновска таа е реална врска меѓу двете економии
Со првиот лет на новата директна авиолинија Скопје – Прага, земјава прави значаен исчекор во унапредувањето на меѓународната поврзаност, економската соработка и мобилноста на граѓаните, истакнуваат во соопштението од Министерството за енергетика.
На настанот по повод воспоставувањето на авиолинијата се обрати министерката за енергетика, рударство и минерални суровини Сања Божиновска, заедно со чешкиот амбасадор Јарослав Лудва, генералниот директор на TAV Македонија, Неџат Курт, како и претставници на Wizz Air.
Како претседател на Мешовитата комисија за економска соработка, министерката информираше дека иницијативата за директна авионска линија била покрената на Заедничкиот македонско-чешки состанок во Прага, во март годинава, како дел од пошироката агенда за продлабочување на билатералните односи и олеснување на бизнис-комуникацијата.
Божиновска истакна дека воспоставувањето на директната линија не е случаен потег, туку резултат на јасна визија и конкретна иницијатива.
„Оваа авиолинија е реална врска меѓу две економии, два пазара и две општества. Поврзаноста е предуслов за развој, за мене, оваа линија има и силна лична димензија. На 20 август 1998 година се иселив во Прага, во време кога немаше директен лет меѓу нашите две земји. Поврзаноста беше комплицирана, скапа и временски исцрпувачка. Од 2005 до 2012 година постоеше директна линија и од лично искуство знам колку директната авионска врска значи – не само симболично, туку реално, за животот, за бизнисот и за секојдневната комуникација меѓу луѓето. Затоа, уште од првиот ден како министерка, силно се залагам за продлабочување на врските меѓу Македонија и Чешка и за создавање реални услови што ќе ја олеснат таа поврзаност“ , нагласи Божиновска.
Според надлежните, директната авиолинија Скопје – Прага ќе придонесе за зголемен туристички и деловен сообраќај, подобра мобилност на граѓаните и посилно вклучување на Македонија во европските економски текови.
Авиосообраќајот е важен сегмент од целокупната стратегија за модерна инфраструктура, економски раст и регионална интеграција, при што ваквите проекти се реализираат преку координирана соработка меѓу институциите и приватниот сектор.
Министерката Божиновска ја поздрави соработката меѓу TAV Македонија и Wizz Air, оценувајќи дека таа е пример за ефикасно партнерство кое носи конкретни резултати за граѓаните и економијата.
Економија
Од полноќ нови цени на горивата
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши намалување на малопродажните цени на нафтените деривати во просек за 2,09% во однос на одлуката од 12.12.2025 година.
Од 16.12.2025 година од 00:01 часот максималните цени на нафтените деривати ќе изнесуваат:
Моторен бензин ЕУРОСУПЕР БС – 95 73,00 (денари/литар)
Моторен бензин ЕУРОСУПЕР БС – 98 75,00 (денари/литар)
Дизел гориво ЕУРОДИЗЕЛ БС (Д-Е V) 66,50 (денари/литар)
Масло за горење Екстра лесно 1 (ЕЛ-1) 65,50 (денари/литар)
Мазут М-1 НС 32,635 (денари/килограм)
Малопродажните цени на бензините ЕУРОСУПЕР БС-95 и ЕУРОСУПЕР БС-98 како и на ЕУРОДИЗЕЛ (Д-Е V) се намалуваат за 2,00 ден/лит.
Малопродажната цена на Екстра лесното масло за домаќинство на (ЕЛ-1) се намалува за 1,00 ден/лит.
Малопродажната цена на Мазутот М-1 НС се намалува за 0,248 ден/кг и сега ќе изнесува 32,635 ден/кг.
Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 4,932%, кај дизелот за 4,357%, кај екстра лесното масло за 1,790% и кај мазутот намалувањето е за 1,013%.
Курсот на денарот во однос на доларот во изминатиот период по кој беа формирани цените со претходната пресметка е понизок за 0,1167%.
Економија
СЕТЕК РОДЕНДЕН во СИНО – блискост, радост и исполнети желби
СЕТЕК го обои овој декември во сино – симбол на блискост, доверба и на вредноста на желбите што си ги упатуваме едни на други. Декември е месец кој поттикнува поврзување и ја истакнува магијата на споделената радост. Денес, многу од тие желби се поврзани со технологијата која го прави животот поедноставен, порадосен и поубав.
Веќе 32 години, СЕТЕК ја следи мисијата – да ги поврзува луѓето и технологијата, да креира успех и да инспирира радост.
Годинава, роденденот на СЕТЕК се поврзува со кампањата Blue December, која ја слави моќта на дарувањето и можноста за блискост со техниката. Поволностите што ги нудиме – роденденски и во текот на целиот месец – не се само обични попусти. Тие се внимателно осмислени решенија за сите кои сакаат да израдуваат некој свој близок, со вистинска вредност, значење и впечаток.
“Упатуваме искрена благодарност до сите кои низ годините се дел од нашата мисија – заедно растеме, се усовршуваме и го приближуваме светот на технологијата до секој човек. Вашата поддршка и доверба ни овозможуваат да продолжиме и да го подобруваме секојдневието на луѓето” – изјавија од Сетек.
Нека овој декември биде исполнет со топли моменти, споделена радост и остварени желби – вистински празнично син. Нека секој подарок, секоја насмевка и секое внимание, поттикне искрена поврзаност што ќе нѐ потсетува колку е важно да бидеме тука едни за други.
Сетек нуди голема палета на улуги како лојална програма, кешбек, премиум достава, можности за кредитирање.
Промотивните попусти ќе бидат достапни во сите салони на Сетек низ земјата, како и онлајн преку веб-страницата www.setec.mk
Придружете ни се во прославата со специјални роденденски попусти!
ПР
Светна новогодишната елка! Отворен и Божиќниот маркет во Скопје
Во Скопје вечерва светна новогодишната елка и официјално беше отворен Божиќниот маркет, со што симболично беше означен почетокот на празничната...
Зеленски: Не е постигнат компромис за територијалното прашање за време на преговорите во Берлин
Украинскиот претседател Володимир Зеленски изјави дека позициите на САД и Украина за поделбата на териториите сè уште се разликуваат. Тој...
(Фото) Фудбалер на македонскиот клуб „Рокдејл Илинден“ меѓу жртвите во нападот на плажата Бонди во Австралија
Меѓу убиените во вчерашниот терористички напад на плажата Бонди е и фудбалер на Рокдејл Илинден – клуб на македонската дијаспора...
Од полноќ нови цени на горивата
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука...
Вечерва почнува зимска бајка на Плоштад Македонија: Елката ќе светне во 18 часот, Дедо Мраз ќе стигне на 27 декември
Елката на Плоштад Македонија вечерва во 18 часот ќе биде осветлена со свечена церемонија, најави градоначалникот на Скопје, Орце Ѓорѓиевски....
(Видео) Мицевски: Поднесовме Резолуција за осуда на манипулациите на опозицијата и за потврда на политиките против нелегалната миграција
Пратеничката група на ВМРО-ДПМНЕ, заедно со пратеници од коалицијата ВРЕДИ и ЗНАМ, ја поднесовме „Резолуцијата за осуда на манипулациите на...
(Видео) Крај на мигранти во Македонија се става само ако се потпише резолуцијата на СДСМ, рече Кузеска
„Со договорени мигранти за пари ДПМНЕ ја предаде Македонија, ја продаде за пари, за скапи кредит врз грбот на народот....
(Фото) 10-годишно девојче, двајца рабини и маж што го преживеал холокаустот: познати жртвите од Сиднеј
Во терористичкиот напад на плажата Бонди вчера беа убиени најмалку 15 цивили, од кои многумина го славеа првиот ден од...
(Видео) Татко и син убија 15 луѓе во Сиднеј: „Се заколнале на верност на ИСИС“
Таткото и синот кои убија 15 лица на еврејски фестивал на плажата Бонди во Сиднеј во неделата можеби имале врски...
(Видео) Снимено уривањето на огромен руски воен транспортен авион, се преполови во воздухот
Рускиот канал на Телеграм „Маш“ објави снимка од падот на рускиот воен транспортен авион Ан-22 во регионот Иваново. Снимката го...
Земјотрес почувствуван во Македонија
Утрово во 7.20 часот беше почувствуван земјотрес на територијата на Македонија, објави ЕМСЦ. Според ЕМСЦ земјотресот бил со јачина од...
(Видео) Нападот врз Бонди е чин на чисто зло, вели австралискиот премиер
Австралискиот премиер Ентони Албанез и началниците на полицијата одржаа прес-конференција во Сиднеј. „Она што го видовме вчера беше чин на...
(Видео) Преживеан од холокаустот загина штитејќи ја сопругата на плажата Бонди
Една од жртвите на терористичкиот напад во неделата за време на прославата на Ханука во Австралија беше Алекс Клајтман, преживеан...
(Видео) Американски режисер и неговата сопруга пронајдени мртви: полицијата се сомнева дека е убиство
Полицијата на Лос Анџелес истражува нешто што го опишува како очигледно убиство откога две тела беа пронајдени во домот на...
Неправилности и проблеми со „Безбеден град“ ќе се пријавуваат преку специјален пункт или на интернет
Министерот за внатрешни работи, Панче Тошковски, е задоволен од резултатите од тест-периодот на проектот „Безбеден град“. Тошковски вели дека граѓаните...
Мицкоски: Буџетот е ликвиден, трезорот нема да се затвори на 15 декември
Премиерот Мицкоски изјави дека Буџетот е ликвиден и сите обврски се извршуваат тековно. Како што појасни Мицкоски, 15 декември не...
(Видео) ВМРО-ДПМНЕ предлага Резолуција за осуда на дезинформациите за мигранти
ВМРО-ДПМНЕ денеска претстави „Резолуција за осуда на манипулациите на опозицијата и за потврда на политиките против нелегалната миграција“. „Во изминатите...
(Видео) Димитријевиќ: Власта носи мигранти за пари
„Во буџетот нема пари. За првпат во историјата, утре – 15 декември – се затвора Трезорот. Државата доцни со сите...
Oбвинителство: За насилство во училиште во Сарај, побарана судска постапка спрема пет деца
Основното јавно обвинителство Скопје до судијата за деца при Основниот кривичен суд Скопје поднесе Барање за поведување подготвителна постапка за...
АХВ: Спречен увоз на над 26 тони замрзнато пилешко месо од Бразил
Инспекциските служби на Агенцијата за храна и ветеринарство (АХВ) спречија увоз на над 26 тони замрзнато пилешко месо од Бразил...
