Економија
Интервју со Теодор Тодоровски: P2P инвестирање како иднина на финансиските пазари

Во светот на глобалното финтек инвестирање, платформите за P2P (peer-to-peer) стануваат сè попопуларни како начин за обичните луѓе да инвестираат директно, наместо преку традиционалните финансиски институции. Овие платформи овозможуваат директна поврзаност помеѓу примателите на средства и инвеститорите, нудејќи можност за поголема профитабилност и поголема транспарентност. P2P.mk е првата таква платформа во Македонија, иновација која создава нови можности за инвестирање во локален контекст и пошироко.
Што ве инспирираше да влезете со професионален ангажман во P2P.mk, напуштајќи го конфорниот свет на банкарството и како го гледате на пазарот денес?
Мојот пат до P2P.mk беше комбинација од љубопитност и длабока верба дека традиционалниот финансиски систем може да се подобри. Финансиските институции, иако важни, честопати ја запоставуваат динамиката и потребата за пофлексибилни и побрзи решенија. Со P2P.mk, се обидуваме да ја „демократизираме“ инвестицијата – да им дадеме можност на секого да стане инвеститор, без оглед на нивото на финансиски познавања.
Во последните неколку години, пазарот на P2P платформи доживеа огромен раст во светот, а ние со гордост можеме да кажеме дека бевме првите во Македонија кои ја донесоа оваа иновација. Денес, сè повеќе луѓе сфаќаат дека не мора да бидат пасивни набљудувачи на пазарот, туку можат активно да учествуваат и да ги зголемат своите парични средства.
Денес со 2 години постоење, бројките говорат за успешноста на платформата.
Во време на глобална инфлација, како платформата останува атрактивна за инвеститорите?
Инфлацијата е предизвик, особено во светот на финансии. Но, токму тука P2P инвестирањето се докажува како атрактивно решение. Ние нудиме продукти кои се ориентирани кон тоа да го задржат реалниот вредносен потенцијал на средствата. Кога инфлацијата го намалува вреднувањето на традиционалните инвестиции, инвеститорите во P2P кредити сè уште можат да заработат атрактивни приноси.
Нашите модели на работа дозволуваат активна контрола и диверзификација на инвестициите. Инвеститорите можат сами да изберат каде ќе го насочат својот капитал, а ние им нудиме сите алатки за информирано донесување одлуки. Освен тоа, работиме на технолошки иновации кои овозможуваат дополнителна заштита за нашите клиенти, како и постојано следење на економските текови.
Како го гледате развојот на платформата во иднина?
Нашата мисија отсекогаш била да го донесеме инвестирањето поблиску до луѓето. Во иднина, гледам огромни можности за раст на P2P.mk, не само во Македонија, туку и пошироко на регионално ниво. Нашата цел е да ја прошириме платформата со нови функции кои ќе ги задоволат потребите на новите генерации инвеститори. Размислуваме за интеграција на блокчејн технологии и вклучување на нови пазари кои досега биле недостапни.
Дополнително, размислуваме за едукативни програми преку кои би можеле да го едуцираме населението за финансиска писменост. Нашето искуство покажува дека најголемиот успех доаѓа кога луѓето знаат што прават и веруваат во своите одлуки.
Како вие лично управувате со портфолиото во P2P инвестирањето?
P2P инвестирањето нуди алатки за диверзификација и внимателно следење на кредитоспособноста на примателите на средства. Јас лично секогаш се водам од принципот на анализа и долгорочно планирање. Ние во P2P.mk користиме системи за мониторинг на пазарните услови и вршиме детални проценки на ризикот. Секоја инвестиција е осигурана со договор со кој се гарантира секој влог.
Дополнителна доверба и сигурност влева и податокот што сериозните платформи, како што е P2P.mk, давa посакувана заштита. Во случај, се јавуваат финансиски друштва кои даваат поголема безбедност кај инвеститорите предлагајќи „buyback guarantee”. Оваа гаранција ја прави македонската платформа особено сигурен и стабилен модел за инвестирање.
Вие сте познат како динамичен лидер и иноватор. Како го одржувате балансот помеѓу професионалниот живот и личните интереси?
Балансот е клучен за успех, без разлика дали е тоа во бизнисот или во животот. Се трудам да не дозволам работата да ја преземе секоја минута од мојот ден. Секојдневно барам време за себе – било да е тоа планинарење, читање или едноставно минување време со моите блиски. Сакам и партија баскет со ќерка ми. Сметам дека секоја добра идеја произлегува од време поминато надвор од канцеларијата. Тие моменти на одмор ми дозволуваат да ги согледам предизвиците од нова перспектива и да најдам креативни решенија.
Како гледате на иднината на финтек индустријата во Македонија и регионот?
Финтек индустријата во Македонија е сè уште во почетна фаза, но со огромен потенцијал за раст. Верувам дека младите луѓе и технолошките иновации ќе бидат движечката сила во следните години. Нашата цел со P2P.mk е да бидеме предводници во оваа трансформација и да го направиме финтек секторот во регионот атрактивен за инвестиции и иновации.
Каков совет би им дале на младите претприемачи кои сакаат да започнат нешто свое?
Мојот совет е едноставен – не се плашете да ризикувате, но секогаш бидете добро информирани. Понекогаш, најдобрите идеи доаѓаат од неуспесите. Секој бизнис е комбинација на страст и пресметка, но и на храброст да направите нешто поинакво. Никогаш не треба да се задоволувате со статус кво…постојано барајте иновации.
Што е тоа што, според вас, прави еден бизнис успешен на долг рок?
Успехот на долг рок зависи од повеќе фактори, но најважни се визијата и одржливоста. Секој бизнис треба да има јасна насока и способност да се адаптира на пазарните промени. Но, покрај тоа, сметам дека човечкиот фактор – тимот зад бизнисот – е клучен за успех. Долгорочните успеси се граделе со одржување на квалитетот и посветеност кон клиентите.
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Бојковска: Нашата политика на дејствување се движи во правилна насока, само оперативниот план за вработување се однесува на 65% од младите до 29 години

На денешната трибина на тема „Како политиките на ВМРО-ДПМНЕ ја подобрија положбата на младите во Македонија во првата година од владеење?“ учествуваше пратеничката од ВМРО-ДПМНЕ, Драгана Бојковска.
Бојковска на самиот почеток истакна дека младите имаат поддршка во процесите на носење на одлуките и дека политиката на ВМРО-ДПМНЕ како власт се движи во правилна насока.
„Морам дека кажам дека како ВМРО-ДПМНЕ младите имаат поддршка во процесите на носење на одлуките, бидејќи заедно со Унијата на млади сили направивме и низа на мерки во коишто бевме во дослух со младите односно беа организирани каравани насекаде низ Македонија се со цел да се слушнат потребите на младите во секој еден дел од државата. Нашата политика на дејствување оди во правилна насока и сега кога Власта ја презема ВМРО-ДПМНЕ мислам дека уште позасилено треба да работиме на истото, со уште позасилено темпо ќе работиме во таа насока да останеме во чекор со младите, една од мерките всушност беше и оперативниот план за вработување и една од приоритетните мерки во коишто беа истакнати три области во коишто младите треба да бидат центар и фокус на носење на политиките, тоа се образованието, вработувањето и обезбедувањето на Дом за млади“, објасни Бојковска.
Пратеничката исто така истакна дека сега условите за вработување на младите луѓе се многу подобри за разлика од претходно.
„Освен што се дава суштинска поддршка на младите претприемачи за да се поттикне вработувањето на младите луѓе во Македонија, со оперативниот план кој се однесува над 65% на млади луѓе до 29 години, за разлика од тоа во претходната власт особено младите луѓе се сеќаваат за оној скандалозен Фонт за иновации каде што сведочевме на проневерени средства од 3 милиони евра, и мислам дека со тоа што младите го гледаа и сведочеа ја казнија тогашната власт, сега ситуацијата е многу поинаква, се вреднуваат суштинските претприемачки бизнис планови, и ќе биде процесот многу транспарентен многу отворен за младите се со цел да ја погодиме суштината, а тоа е да го подобриме вработувањето на младите луѓе“, рече Бојковска.
Uncategorized
(Видео) Попов: Јавните повици за младите сега се достапни за сите, нема веќе „прв дојден прв услужен“

Сергеј Попов, претседател на УМС на ВМРО-ДПМНЕ и пратеник во Собранието беше дел од денешната трибина „Како политиките на ВМРО-ДПМНЕ ја подобрија положбата на младите во Македонија во првата година од владеење?“. Попов се осврна на Оперативниот план на Владата и истакна дека довербата на младите да имаат интеракција е зголемена, за разлика од претходната власт кога имаше принцип на ‘Прв дојден, прв услужен’.
„Оперативниот план би го гледал низ две призми. Едната е онаа на Владата, а тоа е дека гледаме Владата е посветена и Оперативниот план го наменила за младите луѓе во Република Македонија. Вториот момент е заинтересираноста на младите да аплицираат и да го користат тој Оперативен план и мерките кои доаѓаат од тој Оперативен план. Ја гледам довербата кај младите луѓе што ја имаат кон државата, односно довербата на секој млад човек да се впушти во една таква интеракција со државата“, вели Попов.
Тој истакна дека за време на претходната власт во земјава, постоеле тие мерки за самовработување, но разликата од оваа Влада и претходната е тоа што повиците не биле достапни до сите навреме, и според него, тоа е она што ја создало недовербата кај младите.
„Нема веќе прв дојден прв услужен, па да си јават тие на своите партиски другари дека утре сабајле во 8 почнува пријавувањето, па да се нацртаат сите спремни со документите, а останатите коишто едноставно не можеле да знаат дека тој ден ќе има јавен повик, да немаат време да ги спремат документите, и врз основа на она прв дојден прв услужен па сите да знаеме кај кого ќе завршат сите средства“, кажа Попов.
Економија
Милев: Владата се грижи за сите млади, подеднакво, мерката 250 евра ваучер за електронски уред е за сите студенти и на државните и на приватните универзитети

Филип Милев, претседател на УМС – Неготино, беше дел од трибината „Како политиките на ВМРО-ДПМНЕ ја подобрија положбата на младите во Македонија во првата година од владеење?“. Милев се осврна на реконструкцијата на студентските домови од страна на Владата, и напомена дека се работи на цела територија на Македонија, а не само во главниот град. Според него, Владата на ВМРО-ДПМНЕ се грижи за младите, со цел да им обезбеди подобри услови, особено во текот на нивното студирање, а во контекст на ова дополни и дека сите студенти, без разлика дали студираат на државен или приватен универзитет ќе бидат опфатени со мерката за 250 евра ваучер за електронски уред.
„Сега немаме празни зборови, и тоа може да го прогледаме низ чекорите кои ги презема сегашната Влада предводена од ВМРО-ДПМНЕ. Тука можеме да ги напоменеме, предвиденото комплетно реконструирање на студентски домови низ цела држава. Тоа се нешто над 18 милиони евра за комплетна реконструкција за државен студентски дом „Стив Наумов“, државен дом „Кузман Јосифовски Питу“, кое буквално беше едно празно ветување на претходната влада, не успеа за седум години буквално да закои една шајка“ кажа Милев.
Според него, Владата успеа за една година да постигне големи резултати во овој дел, а веќе следната година ќе се очекува студентските домови да ги отворат вратите за првите студенти по реконструкциите.
„Веќе следната академска година да дочекаме да тие да бидат отворени и да ги примат првите студенти. Тоа значи комплетно два нови студентски домови, комплетно реновирани со европски стандарди и европски услови. Тоа е нешто што државата може да му го понуди на студентот кој стварно сака да студира тука, да се гради и да се развива тука“, истакна Милев.
Милев додаде дека реконструкцијата нема да се одвива само во студентски домови во главниот град, туку и во другите градови, бидејќи се работи на подобрување на стандардите за млади на територија на целата држава подеднакво.
„Младите треба да се развиваат низ цела држава, а не само во Скопје. Тука се и Штип, како после Скопје може да го наречеме голем универзитетски град, како и Битола. Има предвидено изградба на нов медицински универзитет во Штип, исто во склоп на тоа е предвиден и студентски дом, со тоа што гледаме дека некој стварно се грижи за младите, и некој стварно работи за младите на територија на цела Македонија“, рече Милев.
Милев се осврна и на ваучерите кои Владата ги наменува за млади до 29 години, без разлика дали тоа се студенти на државните или приватните универзитети во земјава.
„Треба да се донеси некаде во октомври месец да почне со реализација и со користење на младите. Тоа е 250 евра ваучер за секој студент до 29 години. Предвидено е како ваучер за технолошко помагало, таблет или лаптоп, кои мислам дека и те како ќе придонесат за дополнително едуцирање на студентите и полесен пристап на информации“, заклучи Милев.