Економија
Како изгледа работата на фејсбук и гугл-кампањи за компании од Силиконската долина од Македонија?

На почетокот на месецов пишувавме за агенцијата LeanSEM и нејзината успешна маркетинг-приказна. Тие работат од Скопје (Тафталиџе во нормални времиња, од дома во овие тешки времиња), за клиенти од Силиконската долина. Компанијата за околу 5 години успеа да соработува со 50-тина компании, управувајќи со маркетинг-буџети од над 2 милиони американски долари и константно расте и бара нови членови на тимот. Работат Google со клиенти како Мастерклас и Јудасити , a за себе велат дека се „зависници од резултати“.
Неколку прашања за Андреј – акаунт директор и Глигор – човекот за социјални медиуми.
1. Како „завршивте” во LeanSEM и со предизвикот да работите за најбрзорастечката индустрија во светот?
Глигор: Се пријавив за Google Crash курсот на LeanSEM, со главна цел да научам нешто повеќе. Секако се надевав, но не ми беше цел да се вработам по секоја цена. Како што поминуваше време, сфатив дека тука не си „играат играчки“, туку има сериозна експертиза и работат со врвни клиенти. Ми стана јасно дека ова е once in a lifetime шанса за прогрес. Го завршив курсот и ми се отвори можност да станам дел од тимот. Почнав во гугл-тимот па подоцна се префрлив во Social тимот. И еве ме.

Глигор
Андреј: Уште во средно одлучив дека сакам да работам нешто поврзано со маркетинг и продажба онлајн бидејќи ме фасцинираа можностите што ги носи интернетот. Затоа решив да студирам e-бизнис, а LeanSEM ме „купи” со ад на Facebook каде што го бараа следниот маркетинг rockstar 🙂

Андреј
2. Како изгледа еден ден на LeanSEM маркетер?
Глигор: Eat. Results. Sleep. Repeat. (уствари нема многу Sleep, хехе)
Андреј: Претпоставувам како што би требало да изгледа и на секој друг маркетер – анализа на бројки, носење заклучоци од резултатите од претходниот ден, откривање growth можности, решавање проблеми, комуникација со клиенти и со тимот.
3. Што се смени во кризава, односно како коронавирусот и „новото нормално” го сменија вашиот работен ден?
Андреј: Во однос на работата не се смени многу, ние и понатаму остануваме фокусирани на резултати и продолжуваме со исто темпо. Практично само мигриравме од канцеларија дома. Секако ми фалат тимските средби и дружење во канцеларија, ама ќе биде и тоа, набргу се надевам.
Глигор: За мене искрено, на почеток беше само селење од канцеларија – дома. Е дури по првите неколку долги недели, почна да ми фали „LeanSEM домот“. Но, со вистински фокус и бистра глава, се посветив на вистинските нешта и успевам да направам многу, дури и вака „заглавен“ дома.
4. Според Вас, што е најважно за да се биде успешен во светскиот дигитален маркетинг од Скопје?
Андреј: Па не само од Скопје, би рекол од каде било, за да бидеш успешен маркетер мора да покажеш резултати. Доколку си способен да ги постигнеш целите и упорност да ги подобруваш резултатите секој месец, најмалку важно е од каде си.
Глигор: Така е. Не е битно дали си од Скопје или од Шангај. Ги имате на тацна речиси истите алатки, затоа многумина го гледаат ова како „the easy way out“. Но, потребни се вистинска пасија за дигитален маркетинг, комбинацијата од аналитички ум и, секако, упорност. Не е работа за секого, а не ни треба да биде.
5. Двајцата сте работеле за македонски клиенти, а сега работите за клиенти од Силиконската долина. Која е главната разлика?
Глигор: Не се споредува. Разликата е во маркетинг-буџетите, мајндсетот, културата, експертизата… Но клучната разлика, според мене, е во можноста за напредок. Никого не го интересира како се викаш, битно е да си најдобар во тоа што го правиш.
Андреј: Би дополнил дека нашите клиенти ја разбираат својата и нашата улога. Нивно е да ни дадат доверба и информации, а наше е да најдеме начин да донесеме резултати. Со овие клиенти добиваме поголема доверба, слобода и многу поголем буџет за да направиме вистински импакт.
6. Цело време сте во потрага по нови членови на тимот. Кое е она „нешто“ кое треба да го има вашиот иден колега или колешка?
Андреј: Техничниот дел се учи и не е квантна физика, ама мора да има пасијата за маркетинг. Второто „нешто” е фокус на импакт и на резултати. LeanSEM нуди милионски буџети на кои секој од нас може да експериментира и гради своето искуство. Сè што треба мојата идна колешка или колега да направи е константно да се прашува што уште можеме да направиме за клиентот и што можам да направам за да остварам поголеми резултати.
Глигор: Андреј го сумираше ова убаво, па само би додал – отворен ум, храбри идеи и неприкосновена желба за раст.
Доколку се пронајдовте во искуствата на Глигор и Андреј, или мислите дека го имате она што е потребно за да работите дигитален маркетинг во меѓународна лига, погледнете го тимот на LeanSEM кој постојано расте. Погледнете ги и нивните LeanSEM вредности кои ги имаат сите вработени и доколку се пронајдете во нив, аплицирајте за отворените позиции.
(ПР текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Славески: Народната банка е пример за креирање политики засновани на квалитетни податоци и истражувања

„Несомнено, квалитетните и навремени податоци и анализи се клучни во носењето на кредибилни политики со кои се одржува макроекономската стабилност. Затоа, Народната банка своите одлуки секогаш ги темели на робусни докази засновани на детални емпириски истражувања, статистички анализи и квалитетни податоци, коишто го одржуваат и јакнат нејзиниот кредибилитет. А во време на глобални неизвесности и повеќе последователни кризи, токму силниот кредибилитет претставува најмоќната алатка за успешно остварување на целите на монетарната политика“. Ова го порача гувернерот Трајко Славески во своето воведно излагање на годишната конференција „Применети економски истражувања: патот кон оптимални национални стратегии и политики во турбулентни времиња“ организирана од страна на Балканската асоцијација на економисти во применета економија, во соработка со и поддржана од Економскиот факултет – Скопјe при УКИМ и Сојузот на економисти на Македонија.
Славески се осврна на анкетното истражување на Global central banking околу главните приоритети на централните банки, оперативните поставености и, следствено нивните истражувачки активности во следниот период.
„На прво место е финансиската стабилност, при што над 45% од централните банки даваат приоритет на финансиската стабилност и отпорноста, во контекст на тековните глобални предизвици. На второ место е справувањето со инфлацијата, при што мерките што ги преземаат централните банки се во насока таа да се сведе на историските нивоа од околу 2%. Третата област е кибер-безбедноста и вештачката интелигенција, коишто се новите предизвици пред кои што се исправени централните банки“, истакна гувернерот Славески.
Во фокусот на истражувањата се и дигиталната трансформација, вклучително и воведувањето на дигиталните валути коишто сѐ помасовно стануваат дел од стратегиите на централните банки.
Славески посочи дека носењето на одлуки базирани на докази е неопходно за централните банки успешно да ја извршуваат својата функција во комплексноста на денешните економии, особено во услови на епизоди на висока инфлација, брзи технолошки трансформации, огромна неизвесност и гео-економска дезинтеграција.
Во своето обраќање тој порача дека Народната банка посветено и во континуитет работи на подготовка на напредни и сеопфатни истражувања и анализи, коишто претставуваат еден од главните чинители при носењето на одлуките со кои се одржува севкупната макроекономска и финансиска стабилност на земјата.
Економија
МФ: Исплатени 19,4 милиони евра нова транша за поддршка на домашните компании

Над 1 милијарда денари нова транша е исплатена од кон Развојната банка за подршка на домашните компании, средства кои Владата ги обезбеди по поволни услови од унгарскиот заем, извести МФ.
Од централниот Буџет кон Развојната банка се исплатени 1,2 милијарди денари, односно 19,4 милиони евра, средства со кои ќе се реазираат инвестициски проекти од страна на домашните компании, кои претходно се одобрени од страна на деловните банки.
Со оваа транша вкупната поддршка што од централниот Буџет е трансфериран кон домашната економија преку оваа владина мерка изнесува 190,5 милиони евра.
Во Буџетот за 2025 година проектирани се вкупно 250 милиони евра кои се наменети за поддршка на инвестициски проекти на домашните компании, а кои треба да покренат инвестициски циклус во приватниот сектор од околу 300 милиони евра. Средствата за оваа намена ги обезбеди Владата по поволни услови преку унгарската Експорт-импорт банка, соопшти Министерството за финансии.
Економија
Халкбанк со нова кредитна линија од 12 милиони евра за одржливо земјоделство

Халкбанк АД Скопје, како една од водечките банки во земјата која постојано се насочува кон поддршка на реалната економија, започнува со реализација на нова кредитна линија наменета за развој на одржливо земјоделство.
Средствата во износ од 12 милиони евра се обезбедени преку Европскиот фонд за Југоисточна Европа (ЕФСЕ) и ќе бидат ставени на располагање на земјоделците и земјоделските бизниси во наредните пет години.
Целта на оваа кредитна линија е да им овозможи на микро (вклучувајќи трговци поединци и индивидуални земјоделци), мали и средни претпријатија пристап до поволни извори на финансирање кои ќе им помогнат да ги реализираат своите планови за работен капитал, како и за инвестиции во опрема, модернизација и развој на одржливи агро-практики.
Кредитите ќе бидат одобрени под атрактивни услови, со варијабилна каматна стапка која започнува од 5,5% и со можност за флексибилна отплата преку месечни, квартални или полугодишни ануитети. Освен финансиската поддршка, програмата предвидува и дополнителни бенефити за земјоделците: организирани работилници и тренинзи преку кои ќе можат да стекнат нови знаења за современи и одржливи земјоделски практики, како и грант компонента до 1.000 евра по корисник, достапна до исцрпување на предвидениот буџет. На тој начин, кредитната линија не е само финансиски инструмент, туку и практичен поттик за модернизација и зголемување на конкурентноста на домашното земјоделство.
Халкбанк и ЕФСЕ соработуваат долги години, а ова партнерство овозможи континуирано насочување на финансиски средства кон микро, мали и средни претпријатија, со што се поддржа растот на многу бизниси и се даде значаен придонес во економскиот развој на државата. Новата кредитна линија претставува уште еден чекор во таа насока, ставајќи акцент на земјоделството како стратешка гранка со голем потенцијал за одржлив развој.
„Поддршката на земјоделството е од суштинско значење за иднината на економијата и благосостојбата на граѓаните. Со оваа нова кредитна линија, обезбедуваме не само поволни финансиски средства, туку и знаење и грантови кои ќе им помогнат на земјоделците да преминат кон одржливи практики и да ја зголемат својата продуктивност. Веруваме дека вложувањето во земјоделството значи вложување во долгорочна стабилност, храна со повисок квалитет и развој на руралните средини,“ велат од Халкбанк.
Европскиот фонд за Југоисточна Европа (ЕФСЕ) е формиран од страна на Банката за развој KfW, со финансиска поддршка од германското Федерално Министерство за економска
соработка и развој (BMZ) и Европската комисија. Фондот има за цел да го поттикне економскиот развој и благосостојбата во земјите од Југоисточна Европа преку овозможување пристап до финансирање за микро и мали претпријатија и за домаќинства со пониски приходи, со фокус на одржливост и позитивно влијание врз заедниците.
Со оваа програма, Халкбанк ја продолжува својата долгорочна стратегија за поддршка на одржливите иницијативи во економијата, инвестирајќи во иднината на земјоделството и обезбедувајќи подобри услови за оние кои ја движат оваа важна гранка.
ПР