Економија
Македонската компанија BtoBet добитник на две престижни награди во iGaming-индустријата
Еден од најдобрите провајдери на софтвер за спортско обложување во светски рамки, македонската компанија BtoBet, месецов се закити со две престижни награди во iGaming-индустријата.
На почетокот на ноември компанијата ја доби наградата Multi-Channel Supplier of the Year, која ја доделува реномираната мултимедијалната компанија 5 Star Media. Овие награди, кои компанијата ги доделува на годишно ниво, претставуваат своевидно признание за најдобрите провајдери во Б2Б-синџирот на снабдување во индустријата и ги промовираат успехот, иновациите и етиката во iGaming-деловната заедница.
Изминатите 12 месеци BtoBet, која сега е дел од реномираната групација Aspire Global, направи значителна експанзија на афричкиот континтент. Благодарение на успешно остварените зделки под повеќе јурисдикции, компанијата месецов се стекна и со наградата за снабдувач на спортско обложување за африканскиот пазар на престижните Gaming Intelligence Awards како дел од најуспешните iGaming-провајдери на глобално ниво.
„Ни претставува особено задоволство што нашите заложби за континуирано унапредување на она што им го нудиме на нашите партнери се препознаени на овој начин. Овие награди се, пред сè, потврда за талентот, иновативноста и напорната работа на вработените, но и за технолошката флексибилност, која ни овозможува да се приспособиме на разните пазарни сценарија. Продолжуваме да креираме врвни технолошки решенија, кои ќе ни обезбедат одржување на конкурентската предност во индустријата, а кои за нашите партнери ќе значат исполнување на нивните цели и долгорочен раст преку обезбедување уникатно обложувачко искуство за нивните играчи“, истакнаа од BtoBet.
Експоненцијалниот раст што компанијата го бележи, особено во последната година, се должи, меѓу другото, и поради тоа што фокусот на нивното софтверско решение е целосно насочен кон играчот со цел да обезбеди врвно корисничко искуство, но и како резултат на зголемувањето на инвестицискиот капацитет преку партнерството со водечкиот глобален провајдер во iGaming-индустријата, Aspire Global. Ова дополнително ѝ овозможи на компанијата да го зголеми своето присуство на пазарите во развој, како Латинска Америка и Африка, но и да ја зацврсти својата позиција веќе развиените пазари, како европскиот.
(ПР-текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Зголемување на цената на горивата
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши зголемување на малопродажните цени на нафтените деривати во просек за 1,81% во однос на одлуката од 30.9.2024 година.
Малопродажните цени на бензините ЕУРОСУПЕР БС-95 и ЕУРОСУПЕР БС-98 и на ЕУРОДИЗЕЛ (Д-Е V) се зголемуваат за 1,00 ден/лит.
Малопродажната цена на Екстра лесното масло за домаќинство на (ЕЛ-1) се зголемува за 1,50 ден/лит.
Малопродажната цена на Мазутот М-1 НС се зголемува за 1,108 ден/кг и сега ќе изнесува 42,780 ден/кг.
Економија
Претседателката на ММФ: Живееме во свет на бавен економски раст и високи долгови
Меѓународниот монетарен фонд може да им помогне на земјите да се приспособат на бавниот економски раст и високиот долг бидејќи ова е светот во кој моментно живееме, изјави денеска претседателката на Меѓународниот монетарен фонд (ММФ), Кристалина Георгиева, на конференцијата за одржливост во Хамбург.
Според неа, тоа значи дека реформите што придонесуваат за раст, подобрување на инвестициската клима и напредок на пазарот на трудот треба безмилосно да се одложат.
„Меѓународниот монетарен фонд може да им помогне на своите членки да ги спроведат неопходните реформи, со што овие земји ќе имаат потенцијал да го зголемат растот на БДП во текот на четири години за осум отсто“, додаде Георгиева, пренесува „Танјуг“.
Конференцијата беше отворена со говорот на германскиот канцелар, Олаф Шолц.
Свет
Градоначалникот на Чилпасинго убиен шест дена по преземањето на функцијата во Мексико
Алехандро Аркос, градоначалникот на Чилпансинго, главниот град на мексиканската држава Гереро, е убиен во неделата, помалку од една недела по преземањето на функцијата, потврди гувернерот на државата.
Аркос е убиен само шест дена откако станал градоначалник на Чилпанцинго во југозападно Мексико, град со околу 280.000 жители, пренесува Ројтерс.
„Поради неговото убиство, целата заедница на државата Гереро тагува и не исполнува со гнев“, рече гувернерката на таа држава Евелин Салгадо во изјавата споделена на социјалните мрежи.