Економија
НБРМ: Расте побарувачката на кредити
Советот на Народната банка ја одржа редовната седница на која беше разгледан и усвоен Извештајот за финансиската стабилност во земјава во 2017 година, соопштија од НБРМ.
На седницата, при разгледување на Извештајот, како што соопштува НБРМ, беше потенцирано дека и во 2017 година банките остануваат најзначајниот фактор за одржување на стабилноста на целокупниот финансиски систем и на одделните финансиски институции.
Во текот на минатата година немало позначителни промени во однос на изложеноста на банкарскиот систем на ризиците во работењето.
Ризиците од нефункционалните кредити не се големи, велат од НБРМ и додаваат, имајќи предвид дека банките обезбедуваат високо нивно на нивна покриеност со исправка на вредноста, при што нивната евентуална целосна ненаплата не би ја нарушила солвентноста на банките.
Меѓу другото, во Извештајот е истекнато дека минатата година дошло до подобрување на солвентноста на банкарскиот систем, при што стапката на адекватност на капиталот достигнала 15,7%.
Високиот износ и квалитет на сопствените средства со кои располагаа банките овозможило релативно лесно усогласување со новите повисоки капитални барања, кои беа воведени заради примена на меѓународните стандарди во овој домен, пред сè на стандардот Базел III, чија цел е зајакнување на отпорноста на банките и банкарскиот систем, велат од Народната банка.
Ликвидноста на банкарскиот систем е задоволителна, при што во 2017 година ликвидните средства се задржале на ниво што овозможило непречено извршување на деловни активности на банките.
Во Извештајот одделно е нотирано и дека во 2017 година, домашниот корпоративен сектор бележи подобрување на показателите од работењето утврдени врз основа на агрегираните официјални финансиски извештаи на секторот, коешто во голема мера се темели на новите извозно ориентирани капацитети.
Висината на долгот на корпоративниот сектор расте побавно, при што за првпат во последните седум години дојде до намалување на неговата нето-задолженост кон надворешните доверители, поради растот на дадените кредити од домашни корпоративни клиенти кон нерезиденти.
Сепак, искуството на банките, додаваат од Народна банка, покажува поголеми ризици од корпоративниот сектор, наспроти домаќинствата, поради што е сè поголем нивниот интерес за кредитна поддршка токму на домаќинствата.
Поголемиот интерес на банките за кредитна поддршка на домаќинствата е поткрепен и со зголемената побарувачка за кредити пред сè во доменот на станбеното кредитирање, поволните остварувања на пазарот на труд и поволните очекувања на потрошувачите во поглед на невработеноста и финансиската состојба. Стимул за поголемо кредитирање на домаќинствата претставува и солидната наплата и следствено добриот квалитет на кредитното портфолио на банките кон домаќинствата, што се согледува преку ниската и стабилна стапка на нефункционалните кредити од 2,4%.
При разгледување на Извештајот, одделно внимание беше посветено и на капиталното финансираното пензиско осигурување и на осигурителниот сектор, како следни два поголеми сегменти од финансискиот систем.
Притоа НБРМ заклучила дека тие не создаваат ризици за финансиската стабилност.
Во дискусијата во врска со Извештајот, уште еднаш било потенцирано дека НБРМ и натаму останува подготвена да ги преземе сите потребни мерки за одржување на стабилноста на девизниот курс, во насока на одржување на ценовната стабилност како нејзина основна цел, но и како поддршка на финансиската стабилност како нејзина втора законски утврдена цел, велат од НБРМ.
На седницата, Советот на НБРМ, разгледала и донела и нова Одлука за методологијата за управување со кредитниот ризик, која, како што потенцираат од НБРМ, е изработена во насока на усогласување на домашната регулативата со барањата на меѓународниот стандард за финансиско известување МСФИ 9, како и со одредбите од европските стандарди донесени од страна на Европскиот банкарски орган и Европската централна банка, пред сè во однос на дефинирањето на нефункционалните и реструктурираните кредитни изложености.
Ваквата одлука, велат од Народна банка, ќе се применува од 1 јули следната година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
МЗШВ: Реализирана исплата на три мерки за директни плаќања
Денеска се реализираше исплатата на мерките за директни плаќања за мали земјоделски стопанства дефинирани според историски плаќања за претходните три години, директни плаќања за обележани грла кози постари од 12 месеци и директни плаќања за женски приплодни грла-маторици,информираат од МЗШВ.
Висината на директни плаќања за мерката за мали земјоделски стопанства дефинирани според историски плаќања за претходните три години се утврдува како просек од висината на одобрените финансиски средства за директните плаќања по Програмите за финансиска поддршка во земјоделството за 2021, 2022 и 2023 година и тоа:
– за одобрен просек од 0 до 10.000 денари, висината на финансиска поддршка изнесува 10.000 денари,
– за одобрен просек од 10.001 до 20.000 денари, висината на финансиска поддршка изнесува 20.000 денари,
– за одобрен просек од 20.001 до 30.000 денари, висината на финансиска поддршка изнесува 30.000 денари,
– за одобрен просек од 30.001 до 40.000 денари, висината на финансиска поддршка изнесува 40.000 денари.
За оваа намена се исплатени 44.630.000,00 денари кон 2.316 корисници.
Исплатени се 15.768.000,00 денари кон 631 корисници, исплатата се однесува на мерката за директни плаќања за обележани грла кози постари од 12 месеци се земјоделски стопанства одгледувачи на кози кои поседуваат минимум 10 кози кои се постари на денот на аплицирање од 12 месеци и истите се чувани најмалку до 30 ноември 2024 година.
Висината на основните директни плаќања изнесува 2.000 денари по грло.
Корисници на мерката за директни плаќања за женски приплодни грла-маторици се земјоделски стопанства кои одгледуваат женски приплодни грла-маторици и поседуваат минимум 5 грла маторици и истите ги чувале најмалку до 30 ноември 2024 година.
Висината на директни плаќања изнесува 1.000 денари по грло-маторица.
Исплатени се 7.954.000,00 денари кон 283 корисници.
Министерството, како што велат од таму, се грижи за земјоделците.
Економија
Германската пошта отпушта 8.000 работници до крајот на годинава
„Дојче пост“ денеска објави дека ќе отпушти 8.000 работници до крајот на годината за да ги намали трошоците по скромниот раст на приходите на матичната DHL во 2024 година.
Програмата за намалување на трошоците вклучува и одделенија на глобалниот логистички гигант DHL, кој вработува околу 600.000 луѓе ширум светот. „Дојче пост“ е нејзина германска подружница, забележува агенцијата dpa.
Групацијата DHL се обидува да ги намали трошоците и проценува дека програмата ќе им донесе заштеда од повеќе од една милијарда евра. Во 2024 година приходите на групацијата пораснаа за само три отсто, на 84,2 милијарди евра. Оперативната добивка е намалена за 7,2 отсто, на 5,9 милијарди евра. Нивните трошоци се зголемија за 2,6 отсто, на 42,8 милијарди евра, а првенствено беа концентрирани во одделот за глобален карго транспорт.
Приходите на одделот за поштенски услуги во Германија, Post & Parcel Germany, забележаа речиси ист процентуален раст од 2,7 отсто. Но, нивната добивка пред камати и даноци е намалена за 5,6 отсто, на 821 милион евра.
Бројот на писма со години се намалува, а во 2024 година значително ќе се намали и бројот на рекламни летоци, најавуваат од компанијата. Светла точка е поголемата количина на испорачани пакети. Одделенијата за брза испорака на пакети и логистички услуги се значително попрофитабилни, но ги трпат негативните последици од падот на економската активност и геополитичките тензии.
Менаџментот на DHL е внимателен во своите прогнози поради пригушеното макроекономско опкружување. „Очекуваме глобалната политичка и економска ситуација да биде нестабилна и во 2025 година“, изјави извршниот директор на Групацијата DHL, Тобијас Мајер.
Економија
Македонија стана членка на СЕПА
Европскиот совет за плаќања денес ја прифати нашата земја како 39 членка на Единствената област за плаќања во евра (СЕПА). Под водство на Народната банка, нашата земја направи значителни напори да ја усогласи правната рамка во доменот на плаќањата и платните системи со регулаторните барања на Европската Унија (ЕУ), со што и официјално се приклучи кон платежната област СЕПА, исполнувајќи една од најважните цели на патот кон членство во ЕУ.
„Од членството во СЕПА очекуваме бројни придобивки за нашите граѓани, компании, но и за економијата во целина. Пред сè очекуваме побрзи, побезбедни и поевтини прекугранични плаќања во евра. Ова е особено важно за македонската економија којашто се карактеризира со висок степен на трговска отвореност (еден од највисоките во ЦЈЕ) и голем обем на прекугранични плаќања. Оттаму, и потенцијалот за заштеда во трошоците, за подобрување на ликвидноста и за зголемување на конкурентноста на компаниите е голем. Секако, ова може да одигра значајна улога во процесот на натамошна трговска интеграција, забрзан економски раст и намалување на доходовниот јаз со ЕУ“, посочува гувернерката Анита Ангеловска-Бежоска во изјавата по повод одлуката на Европскиот совет за плаќања со што нашата земја стана членка на СЕПА.
Гувернерката истакна дека членството во СЕПА е потврда и за високите регулативни стандарди коишто се применуваат од страна на финансиските институции, што е важно за натамошно поттикнување на конкуренцијата, иновациите, но и за задржување на финансиската стабилност, како предуслов и за макроекономската стабилност којашто е јавно добро.
„Нашата економија се карактеризира и со релативно високи приливи на дознаки од странство, коишто достигнуваат и до 15% од БДП. Со оглед на тоа дека дознаките претставуваат значителен дел од расположливиот доход на населението, нема да изостанат придобивките и врз оваа основа“, истакна Ангеловска-Бежоска додавајќи дека за да станат сите овие можности реалност, од особена важност се добрата подготовка и брзото и ефективно приклучување на нашите давателите на платежни услуги кон европските платни системи.
„Овој успех е резултат на посветените напори на тимот на Народната банка, но и на Министерството за финансии и останатите регулаторни тела коишто работеа на усогласувањето на правната рамка и стандардите за работа на платните системи со европските, за што изразувам голема благодарност. Со овој значаен чекор, ја потврдуваме нашата заложба за финансиски напредок и за обезбедување на придобивките од оваа интеграција за секој граѓанин и бизнис во земјава“, посочи гувернерката Ангеловска-Бежоска.
Младо момче добило лажна порака да се сретне со девојка, па било однесено во куќа во Ѓорче и претепано
Хорор во скопската населба Ѓорче Петров. Мајка пријавила во полицијата дека нејзиниот 15-годишен син примил порака на социјална мрежа од лажен...
Обвинителството со детали: Кумановката добила 4.000 евра за бебето од брачната двојка, а кога го барала назад не и’ го враќале – притвор за сопружникот и мајката
Обвинителството донесе наредба за истражна постапка против пет лица, во случајот со родилката од Куманово која и’ го дала своето бебе...
Се намалува бројот на грипозни, но и последнава недела е со рекорден број новозаболени во споредба со изминатите 14 сезони
Бројот на новозаболени од грип се намалува во споредба со минатата недела, но ако се спореди со истата недела изминатите...
Исплатена првата транша во вредност од 10,4 милиони евра од унгарскиот кредит
Развојната банка ја исплати првата транша во износ од 10,4 милиони евра кон комерцијалните банки за проекти на 47 компании...
Зеленски стигна на самитот во Брисел: „Не сме сами и тоа го чувствуваме, ви благодарам“
Украинскиот претседател Володимир Зеленски пристигна на самитот за Украина и европската одбрана во Брисел. По пристигнувањето, тој им се заблагодари...
Димитриевска-Кочоска бара трпение од граѓаните за скандалот со Петровска: Многу бргу на сите ќе ви биде јасно зошто се случуваа сите овие работи
Министерката за финансии Гордана Димитриевска-Кочоска, и седум дена по скандалот во Собранието, е на ставот дека не погрешила и нема...
Хрватите во Македонија сакаат да бидат внесени во Уставот
Хрватите во Македонија ќе имаат корист од вклучувањето на хрватското национално малцинство во Уставот на земјата бидејќи тоа ќе го...
(Видео) Министерот на Трамп се појави на телевизија со крст на челото
Американскиот државен секретар Марко Рубио се појави на „Фокс њуз“ вчера со крст на челото. Христијанската традиција налага дека свештеникот...
Незгода на патниот правец Крива Паланка – Куманово, сообраќајот во прекин
Сообраќајот на патниот правец Крива Паланка – Куманово од 10:10 часот е во прекин. Како што извести АМСМ, на излезот...
„Како Заеви од просечно земјоделско семејство стасаа до сопствеништво на авиокомпании“, прашува ВМРО-ДПМНЕ
„Чудна е пасијата на СДС да води полемика за авио сообраќајот и да спомнува авио летови. Можеби таа пасија доаѓа...
„Зошто Владата три дена крие колку платила за приватниот лет за Будимпешта“, прашува СДСМ
„Мицкоски и ВМРО-ДПМНЕ, кои тврдат дека платите се доволно високи и не треба да се зголемуваат, немаат никаков проблем да...
(Фото) Разорени куќи, уништени возила: како изгледа селото во Јужна Кореја каде што воен авион случајно фрлил бомби
Разорени куќи, уништени возила… Ова се ужасните сцени во Почеон, Јужна Кореја, каде воен авион случајно исфрли бомби, при што...
Орбан му напиша на шефот на Европскиот совет: „Мораме директно да преговараме со Русија“
Лидерите на Европската унија денеска се собираат во Брисел за да најдат одговор на драстичната промена на САД во поддршката...
Денеска е големиот самит на ЕУ: „Европа е пет минути до полноќ“
Додека 27-те лидери на ЕУ се собираат во Брисел, тие се свесни дека безбедносниот поредок воспоставен по 1945 година –...
(Видео) Корејски воен авион случајно фрли осум бомби, при што беа повредени најмалку седум лица
Најмалку седум лица се повредени откако јужнокорејски воен авион случајно фрли бомби надвор од полигонот Сеунџин во Почеон, Јужна Кореја....
Трамп му се закани на Хамас: Веднаш вратете ги сите тела на луѓето што ги убивте или за вас е готово
Американскиот претседател Доналд Трамп му се закани на Хамас со „последно предупредување“ и ги повика да ги ослободат сите заложници...
(Видео) Канаѓаните масовно ги бојкотираат американските производи: „американото“ стана „канадијано“
Во незапаметено прикажување на националното единство Канаѓаните се здружуваат во бојкот за да одговорат на ескалацијата на трговските тензии со...
(Видео) Макрон: Мора да се подготвиме, САД можеби повеќе нема да бидат со Европа
Францускиот претседател Емануел Макрон и се обрати на јавноста пред утрешниот самит на Европската унија во Брисел. Макрон утрово на...
Зеленски: Очекуваме позитивни вести од САД почнувајќи од следната недела
Киев очекува позитивни вести од САД почнувајќи од следната недела, изјави украинскиот претседател Володимир Зеленски. Во своето ноќно обраќање, Зеленски...
Обвинителството предложи одземање на пасошот за двајцата возачи поради сообраќајката на автопатот Гостивар-Тетово во која загина жена
Основното јавно обвинителство Гостивар поведе постапка и предложи мерки на претпазливост за двајцата возачи по вчерашната сообраќајна несреќа на автопатот...
