Економија
„Нептун“ слави 10 години од Happy-програмата за лојалност
Наша соговорничка е Зорка Стојанова, Loyalty Program & Customer Finance Manager (Раководител на програмата за лојалност и кредитирање) во Нептун Македонија, со 10 години работно искуство во Нептун и докажана експертиза во малопродажба. Професионалец во сферата на финансиите, со магистерски студии во областа на Монетарна економија, финансии и банкарство на Економскиот факултет во Скопје. Разговаравме за нејзината улога во голема компанија како Нептун Македонија и за креирањето на стратегија за купувачите преку лојалната програма HaPPy, која нуди безброј поволности.
Во Нептун Македонија работите речиси 10 години. За почеток, запознајте нè што подразбира вашата моментална позиција?
Моја задача и клучен фокус е внимателно градење и имплементирање на стратегии засновани на сериозна анализа на купувачите и нивното однесување, како и нивните желби, потреби и очекувања. Во таа смисла, внимателно ја креираме нашата програма за лојалност, со која сакаме да инспирираме повеќе радост и задоволство со секое купување кај нас.
Се обидувам да ги следам и реакциите на сите наши потрошувачи преку социјалните мрежи или грижата за корисници, знаејќи колку овие повратни информации се непроценливи во поглед на креирање на услови што нашите купувачи најмногу ги посакуваат. Во тој контекст, често тргнувам и од себе; што би ме привлекло, што емотивно би ме поттикнало да бидам лојален потрошувач, каква примарна и секундарна вредност може да ми понуди одредена програма… Така, благодарение на анализата на податоците за потребите и очекувањата, ја креираме нашата NEPTUN haPPy автентична приказна со купувачите.
Улогата на НЕПТУН Македонија во вашиот професионален развој?
10 лојални години во Нептун се поколопуваат со 10тиот роденден на програмата за лојалност. Време во кое успеав да се надградам со знаење, да растам со позиција и преминам во менаџер кој е дел од компанија и бренд што навистина го менува животот. Компанија која вложува многу во своите вработени но и компанија која едно купувачко искуство го носи на едно друго повисоко ниво. Кога го велам тоа, не мислам само фигуративно, туку и суштински – со квалитетот на услугата што ја нудиме, иновативноста, корисничкото искуство, достапноста на колегите во продажба, компетенциите и знаењата на нашите вработени што секојдневно помагаат и олеснуваат нечие секојдневие.
Нептун Македонија е компанија што три децении е лидер на пазарот за продажба на бела техника; апарати за домаќинство; телевизиски, аудио и видео апарати; компјутери; смартфони; фото апарати и камери; лична нега и убавина; ладење и греење. Како се обидувате да останете во чекор со сè и да нудите релевантни поволности за купувачите во секое време?
Уникатноста на лојалната програма на Нептун, иако можеби звучи како флоскула, се должи на филозофијата дека ние не ги следиме трендовите, туку ги создаваме. Важно е континуирано да ги поместуваме границите, да го негуваме квалитетот на услугата и односот кон купувачите, но и да воведуваме нови, напредни поволности, удобно и елегантно искуство при пазарување и секако врвна поддршка во целиот процес. Тоа е најдобриот начин да ги наградите лојалните потрошувачи и да им дадете можност да купуваат по посебни, повластени цени, користејќи ваучери, подароци и специјални изненадувања. Само така нашите купувачи се чувствуваат привилегирани, бидејќи програмата за лојалност е креирана токму според нивните потреби и очекувања. Тоа е еден вид ВИП статус наменет токму за нашите најголеми фанови.
Што може купувачите да очекуваат од HaPPy картичката ова лето?
Пред извесно време лансиравме нова, подобрена haPPy програма, која овозможува низа неверојатни поволности и бенефиции; купување по haPPy цени, наградни поени, достава, промоции, поддршка, подароци за купувачите во сите градови и во сите наши продавници, екстра ваучери, а купувачите ова лето ги очекуваат и специјални изненадувања за топ 10 лојални купувачи.
Сите ние знаеме дека не секогаш купуваме само затоа што нешто ни треба, туку и за да го збогатиме секојдневието, да ги израдуваме најблиските со подарок, но и да се израдуваме себеси. Ние сме пресреќни и се чувствуваме привилегирани што сме дел од тие моменти на дарување и споделување, и сакаме да ги почестиме купувачите со нешто посебно, со нешто што нема да го доживеат на друго место, а тоа е тој, наш, автентичен NEPTUN haPPy третман.
ПР текст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Премиерот Мицкоски го посети логистичкиот центар на Лидл – инвестиција од 115 милиони евра
Премиерот Христијан Мицкоски денеска го посети Регионалниот дистрибутивен центар на Лидл Северна Македонија во Речица, Куманово, кој е во завршна фаза на изградба и се очекува да отпочне со работа во пролет 2026 година.
Инвестицијата е вредна 115 милиони евра, ќе овозможи отворање на 230 нови работни места, а во изградбата Лидл соработува со над 75 македонски компании.
Покрај премиерот Мицкоски на настанот присуствуваа и вицепремиерот и министер за транспорт Александар Николоски, министерот за економија и труд Бесар Дурмиши и заменик министерот Марјан Ристески, директорот на Царинската управа Бобан Николовски, директорот на Агенцијата за храна и ветеринарство Оливер Миланов и градоначалникот на Куманово, Максим Димитриевски.
Милена Драгијска, извршна претставничка на Лидл, изрази благодарност за соработката со Владата, во кои, како што рече гледаат големи партнери.
„Овој логистички центар подразбира свежи производи за македонските потрошувачи во секоја продавница, секој ден. Ова е можност и за македонските производители да ги намалат трошоците, односно да ги складираат своите производи овде како централна локација, а дополнително ние располагаме со механизми за контрола на квалитет, бидејќи гарантираме за свежината и за квалитетот на производите“, изјави Драгијска.
Со површина од 170 000 м2 и оперативна површина од 63 000 м2, ова е најголемиот логистички центар во Северна Македонија. Преку иновативната технологија, стандардите на градба, енергетската ефикасност и начин на работа, со логистичкиот центар се поставуваат нови стандарди за логистичка инфраструктура во Северна Македонија.
Лидл е дел од групацијата „Шварц“, со седиште во Некарзулм, Германија, и е еден од водечките трговци на мало со храна во Германија и Европа. Лидл моментално управува со околу 12.600 продавници и повеќе од 230 дистрибутивни и логистички центри во 31 земја и вработува над 382.400 луѓе.
ПР
Економија
Мицкоски: Трговијата во индустријата е зголемена за 13-14 отсто во јули, споредено со истиот месец лани
Премиерот Христијан Мицкоски денеска одговарајќи на новинарско прашање во однос на тоа дека економијата се опоравува и какви се макроекономските показатели во индустријата, изјави:
„Државниот завод за статистика објави параметар вчера, во којшто вели дека трговијата во индустријата е зголемена за 13-14% во јули, споредено со истиот месец претходната година. И тоа е тренд кој што нѐ следи цела година, но она кое што за мене е забележливо, е фактот што таа трговија во индустријата, во делот на размена со странство е дури и повеќе зголемена, отколку трговијата во индустријата дома.
Кога зборувам повеќе надвор, зборувам за повеќе од 15% и тоа е единствен резултат во Европа каде што имаме толку силна, зголемена трговија во индустријата. И тоа е добар показател, бидејќи јули е првиот месец од третиот квартал. Во првиот квартал имавме 3,2% раст на БДП, во вториот квартал 3,4 иако номиналниот е 7,8. Очекувам во третиот и четвртиот квартал тој раст да продолжи до крајот на годината. Така што ова се сѐ индикатори коишто ние со години наназад, не сме биле ни блиску да ги постигнеме, а камо ли пак да ги коментираме.“
Економија
Дурмиши на „Бизнис Лидер“: Владата и стопанството се партнери во градење на модерна и одржлива економија
Министерот за економија и труд, Бесар Дурмиши, денеска се обрати како почесен гостин на најголемата бизнис конференција во земјава – „Бизнис Лидер“, која ги обединува најуспешните претприемачи, визионери и компании што ја движат македонската економија напред.
Во своето обраќање, министерот истакна дека оваа конференција претставува симбол на волјата, капацитетот и одговорноста за зајакнување на темелите на економијата и за создавање подобра иднина за граѓаните.
„Нашата визија е јасна – Македонија да стане зелена, дигитална и иновативна економија, со силно претприемништво и со култура на иновации во секоја компанија. Само преку партнерство помеѓу јавниот и приватниот сектор можеме да обезбедиме стабилен раст, нови работни места и подобар животен стандард за сите граѓани“, рече Дурмиши.
Остра расправа во Уставниот суд: ДИК правилно постапила, независните можат со два потписа да учествуваат на изборите
Правилникот на Државната изборна комисија кој дозволува учество на независните кандидати на изборите со само два потписа е основан и...
Ново обвинение за струшкиот градоначалник Рамиз Мерко за светлата во Црн Дрим
Основното јавно обвинителство Струга поднесе Обвинителен предлог против градоначалникот Рамиз Мерко, за злоупотреба на службена положба. „Осомничениот, во временскиот период...
Увидот во Трубарево отежнат поради затрупувањето на локацијата, се вршат и дополнителни мерења на загадувањето
Скопското обвинителство и увидни екипи на МВР денеска извршија увид на лице место по настанатиот пожар во Трубарево. Увидните дејствија,...
ВМРО-ДПМНЕ: Политичка омраза преку фотомонтажи за трагедијата во Кочани – осуда и пад на сите етички граници
ВМРО-ДПМНЕ со најостра осуда реагира на срамниот, злонамерен и монструозен обид за политичка злоупотреба на трагичните настани во Кочани преку...
„Влен“: ДУИ за власт е подготвена да ја продаде Струга на Левицата, но на 19 октомври Ќира ќе ја ослободи со гласот на граѓаните
„Најновиот скандал што кружи на терен и во јавноста е жив доказ дека ДУИ изгубила секаков вид политичка ориентација. Темниот...
(Видео) Фотографии од Трамп и Епштајн проектирани на замокот Виндзор, извршени апсења
Четири лица се уапсени откако слики од принцот Ендру, Доналд Трамп и осудениот сексуален престапник Џефри Епштајн беа проектирани на...
Катар: Нетанјаху нема да помине неказнето
Катар изјави дека кршењето на меѓународното право од страна на израелскиот премиер Бенјамин Нетанјаху „нема да остане неказнето“, објави Анадолија....
Медведев: Зоната забранета за летови над Украина би значело војна меѓу НАТО и Русија
Заменик-шефот на рускиот Совет за безбедност, Дмитриј Медведев, предупреди дека воведувањето зона на забрането летање над Украина и соборувањето на...
Лукашенко: Ние и Русите вежбаме лансирање нуклеарно оружје во Белорусија
Русија и Белорусија вежбаат лансирање на руско тактичко нуклеарно оружје како дел од заеднички воени вежби, изјави белорускиот лидер Александар...
(Фото) „Не умираме од несреќи, умираме од корупција“, „Шест месеци без правда за Кочани“: на плоштадот во Скопје одбележани шест месеци од трагедијата во „Пулс“
Вечерва во 20:16 часот, на плоштадот „Македонија“ во Скопје, со ѕвездено небо и молк, како симбол на солидарност и граѓанска...
(Видео) Путин во униформа на огромна воена вежба на источната граница на НАТО
Рускиот претседател Владимир Путин се појави во воена униформа на големата воена вежба на руската и белоруската армија, „Запад 2025“,...
ИЈЗ смирува: Нема тешки метали во почвата и водата не е радиоактивна
Институтот за јавно здравје изврши вонредно испитување во засегнатото подрачје, и во неделата беа земени примероци, мостри од страна на...
„Ќе бидеш моја или ќе бидеш мртва“ – Росица сведочела за заканата од Илија кој подоцна ја уби
Обвинителството го објави записникот од испитувањето на Росица Коцева (31) од Велес, даден на 9 септември годинава, само неколку дена...
Јас не сум од вчера во политиката, партијата Левица фрли гума за спасување на ДУИ со кандидатите во Струга, Гостивар и во Тетово, вели Мицкоски
Партијата Левица предложи кандидати за градоначалници во Струга, Гостивар и во Тетово само за да ги раслои анти-ДУИ гласовите во...
Обвинителството испитува одговорност за големиот пожар во Трубарево, утре увид на терен
Утре, ќе почне увидот на самото место за причините за големиот пожар во Трубарево. Увидните екипи ќе работат под координација...
Подметнување пожар ќе биде тероризам, а фрлање отпад на недозволени места ќе се казнува со затвор над пет години, Мицкоски најави итни законски измени
Премиерот Христијан Мицкоски, денес, при посетата на Јегуновце најави законски измени со кои најстрого ќе се казнува подметнување пожар и...
Идентификувани 20 лица осомничени за подметнување пожари во Скопје
Премиерот Христијан Мицкоски денес изјави дека дваесетина лица се идентификувани како осомничени за серијата подметнати пожари во Скопје. Според него,...
Пред убиството Росица го пријавувала Стефановски за насилство и непочитување на забраната за приближување, го запалил и автомобилот на татко ѝ
Против Илија Стефановски, осомничен за убиството на Росица Коцева (31) и на татко ѝ Киро Коцев (68) во Велес, претходно...
Намалена активната транспарентност на Владата и на министерствата, најмалку информации има за финансиите, објави Центарот за граѓански комуникации
Центарот за граѓански комуникации го објави редовното годишно рангирање на институциите според Индексот на активна транспарентност, односно според активното објавување...
Синоќа повторно предизвикан пожар на „Дрисла“
Синоќа, пред 23 часот, повторно беше предизвикан пожар на депонијата „Дрисла“, на сосема друго место, подалеку од местото што беше...
