Економија
Николовски: Со поддршка на Европската Унија обезбедуваме нова опрема за ГЕН Банката при Институтот за тутун
![](https://makfax.com.mk/wp-content/uploads/2023/08/IMG_3464.jpg)
Министерот за земјоделство, шумарство и водостопанство Љупчо Николовски, денеска го посети Научниот Институт за тутун во Прилеп, којшто е една од најстарите научни институции на Балканот и следната година го слави својот 100-ти роденден. Институтот за тутун е важна научна институција во производството на тутун и сите овие години успешно ја извршува своја научна дејност.
Преку Програмата за рурален развој, Министерството за земјоделство, шумарство и водостопанство (МЗШВ), обезбеди финансиска поддршка за Институтот во вредност од 5.740.000 денари, за поставување на систем за наводнување (капка по капка) на опитните полиња. Системот наводнува 14 хектари површина на која се сади сортата “Прилеп 66”, која е сопствена сорта на Институтот.
Министерот Николовски заедно со директорката на Научниот институт, проф. Д-р Валентина Пеливаноска ги посети опитните полиња каде веќе е поставен новиот систем за наводнување (капка по капка), извести МЗШВ.
Министерот Николовски исто така ја посети и Ген банката која е во состав на Институтот за тутун, во која се чува семенски материјал од 56 сорти и се одржуваат сите автохтони сорти на тутун.
Преку ИПА програмата со средства од ЕУ Институтот доби нова опрема која ќе помогне за научни цели и поддржување на автохтоните раси. Ген банката, со поддршка на МЗШВ, Управа за семе и саден материјал, преку ИПА проект е доопремена со четири нови, современи апарати и тоа: ртилиште за семиња, aвтоматски електронски бројач на семки, eлектрична сушница и дехумификатор.
Во текот на денешната посета на Прилеп, министерот Николовски го посети и Музејот за тутун, кој е еден од најголемите тутунски музеи во светот. Оваа година одбележува 100 години од организираното производство на тутун во Прилеп, и 400 години откако тутунот дошол во Прилеп.Музејот содржи над 4.000 експонати. Некои од нив им припаѓале на познати иматели од историјата и кулоарската историја, некои им припаѓале на познати личности од благородништвото или биле користени во посебни историски прилики.
Компанијата БИМФООД од Прилеп е уште еден позитивен пример на успешена ИПАРД приказна, која максимално ја има искористено секоја можност од ИПАРД програмата, со дури три апликации. Преку средства од ИПАРД програмата, оваа компанија има реализирано поддршка во висина од 19,9 милиони денари за набавка на опрема со која го има проширено и модернизирано своето производство, воведувајќи модерни технологии. Како компанија БИМФООД е еден од лидерите на Балканот во собирањето, преработката, пакувањето и дистрибуцијата на диви печурки, а во својата дејност вршат откуп и преработка на овошје и зеленчик.
Во тек е последниот јавен повик за мерката 3 од ИПАРД 2 програмата во вредност од 8,8 милиони евра наменет за инвестиции во основни средства, опрема, за преработка на земјоделски и рибни производи. Крајниот рок за поднесување на барања за овој повик е до 18 септември 2023 година.
Наскоро преку распишувањето на првите јавни повици започнува и реализиарањето на новата ИПАРД 3. Како земја лидер први во регионот со буџет од над 90 милиони евра европска поддршка ја започнуваме новата ИПАРД програма, за нови инвестици и модернизација на македонското земјоделство, се додава во соопштението на МЗШВ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Економија
Од полноќ поскапуваат горивата
![](https://makfax.com.mk/wp-content/uploads/2022/01/benzin-gorivo-960x639.jpg)
Од полноќ малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 1,00 ден/лит, во однос на одлуката од 14.06.2024, и со тоа малопродажната цена на ЕУРОСУПЕР БС-95 ќе изнесува 81,00 ден/лит, додека цената на ЕУРОСУПЕР БС-98 ќе биде 83,00 ден/лит.
Според најновата одлука на Регулаторната комисија за енергетика и водни услуги, РКЕ, малопродажните цени на ЕУРОДИЗЕЛ (Д-Е V) и на Екстра лесното масло за домаќинство на (ЕЛ1), се зголемуваат за 0,50 ден/лит, и цената на ЕУРОДИЗЕЛ (Д-Е V) ќе изнесува 74,00 ден/лит, додека на Екстра лесното масло за домаќинство на (ЕЛ-1) ќе биде 73,00 ден/лит.
Малопродажната цена на Мазутот М-1 НС, се зголемува за 0,819 ден/кг. и ќе изнесува 44,458 ден/кг.
Економија
Поголема европска интеграција на економиите, делегација на ССК на конгрес на Европската комора во Антверпен, Белгија
![](https://makfax.com.mk/wp-content/uploads/2024/06/Trajan-Antverpen-4-4-.jpg)
Во Антверпен на 17-тото издание на конгресот на Eurochambres од 12-14 јуни ,беше присутна делегација на Сојуз на стопански комори на Македонија предводена од претседателот Трајан Ангелоски, потпреседателот Сашо Дукоски , Соња Божиновска и Сања Божиновска членoви на ССK .
Конгресот на Eurochambres 2024 го отвори Кети Беркс, гувернер на провинцијата Антверпен,и Владимир Длоухи, претседател на Eurochambres,настан кој е катализатор за соработка, размена на знаење и зајакнување на мрежата,и е врвен собир на претставници на Коморите од цела Европа,претседатели, членови, извршни директори, генерални секретари, директори и менаџери,на едно место се присутни експерти кои со своите експертски излагања допринесуваат да се обликува иднината на европските комори.
Фокусна точка на конгресот беа Kоморите – нивните деловни модели, услуги, улоги и поддршка за бизнисите и креаторите на политиките кои се стремат кон брзо и одржливо економско закрепнување по неколкуте предизвикувачки години за европската деловна заедница.
Закажан само неколку дена по изборите за Европскиот парламент, настанот има особено значење бидејќи изборните резултати ќе ја обликуваат агендата на политиката на ЕУ за следните пет години. Високи креатори на политики и претставници на бизнисот и коморите се состанаа за да разговараат за овие клучни резултати и нивните импликации.
Главна тема на конгресот беше конкурентноста,и зелена транзиција кои се клучни, и главни за сите стопански и индустриски комори кои имаат важна улога во поддршката на бизнисите, во нивно одржување и понатамошен развој,и делување на целосното исполнување на единствениот пазар и обезбедувањето вистински рамноправни услови за бизнис. Помеѓу клучните чекори од дијалогот беше потребата од решавање на цените на енергијата кои остануваат многу повисоки ,и имаат големо влијание врз конкурентноста нa бизнисите.
„Во брзо менувачко опкружување, Коморите можат да понудат решенија и имаат клучна улога во предвидувањето на компетенциите што ќе им бидат потребни на бизнисите во иднина.За таа цел, го зајакнуваме нашиот ангажман со приватниот сектор и Европските комори и главни полиња на соработка и делување ни се : енергична модерна економија, чиста технологии,зелена инфраструктура ,тоа е и наша стратегија за долгорочен раст и просперитет,со можност за создавање работни места со висока вредност и модерен и одржлив економски раст и ефективно работиме на нашите приоритети иновациите, соработката и стратешкото лидерство“, истакна Ангелоски.
Економија
Ангеловска-Бежоска: Народната банка е посветена на одржувањето на ценовната стабилност
![](https://makfax.com.mk/wp-content/uploads/2024/06/Регионален-самит-Бечиќи-ЦГ.jpg)
Кризите во изминатите неколку години, како пандемијата, енергетската криза и геополитичките тензии претставуваа вистински тест за централните банки. Овие кризи предизвикаа силна инфлациска промена во светски рамки, невидена во изминатите триесетина години. Исто така, економиите со стратегија на стабилен курс на домашната валута, како нашата, се справуваа и со големи притисоци за задржување на стабилноста на домашната валута. Сепак, од крајот на 2022 година се забележуваат поповолни трендови и кај инфлацијата, и на девизниот пазар. Така, просечната инфлација во регионот на Западен Балкан од 16% во октомври 2022 година во првиот квартал оваа година е намалена на околу 3,5%. Исто и кај нас дојде до позначително забавување на инфлациски трендови, а стабилноста на девизниот курс беше задржана, при што нивото на девизните резерви беше зголемено за 40% во споредба со претпандемичниот период. Сепак, потребна е внимателност. Ова беше истакнато од гувернерката Анита Ангеловска-Бежоска на 11-тиот регионален самит на гувернери, министри за финансии и директори на даночната администрација, „Финансиската стабилност во услови на слаб економски раст во еврозоната“, што се одржа во Бечиќи, Црна Гора.
Според среднорочните проекции на Меѓународниот монетарен фонд (ММФ) се очекува дека инфлацијата во глобални рамки и во регионот на Западен Балкан, вклучително и кај нас, и натаму ќе се намалува, но малку побавно во споредба со претходно. За оваа година, ММФ предвидува дека просечната инфлацијата на Западен Балкан ќе забави сведувајќи се на 3,8%, а за наредната година на 2,7%. Сепак, иако се намалени, ризиците сѐ уште постојат и затоа е потребно натамошно внимателно следење на динамиката и факторите кај инфлацијата и претпазливост во однос на водењето на макроекономските политики.
Гувернерката Ангеловска-Бежоска, учествуваше на панел-дискусијата „Одржување на стабилноста на цените и на банкарскиот систем во неизвесни времиња“, заедно со гувернерите на Црна Гора, Ирена Радовиќ, на БиХ, Јасмина Селимовиќ, на Косово, Ахмет Исмаили, вицегувернерите на српската, хрватската и албанската централна банка, Жељко Јовиќ, Мајкл Фауленд и Лулета Минџози, како и Петар Јовиќ, претседател на Извршниот одбор на „АИК банка“.