Економија
Новиот PEUGEOT 9X8 HYPERCAR – Дизајниран за тркање!
PEUGEOT го припреми новиот 9X8, најнова генерација на предизвикувачкиот Hypercar, кој е подготвен да дебитира на Светскиот шампионат за издржливост на FIA (FIA WEC) во 2022 година. Придвижуван од хибридна енергетска единица со погон на сите 4 тркала, овој хипер-ефикасен прототип совршено се вклопува во стратегијата на PEUGEOT за Нео-перформанси, која е насочена и кон патните и тркачки автомобили кои обезбедуваат одлични перформанси.
Работата на инженерскиот тим на PEUGEOT SPORT и PEUGEOT Design се координираше како никогаш порано за да го произведат 9X8 кој ја најавува новата ера во мото трките. Поради неговите уникатни линии, отсуството на задно крило и моќниот идентитет на брендот се издвојува од другите. Иновативните технички решенија и неговиот мачкаст изглед се истакнуваат како традиционални белези на PEUGEOT.
PEUGEOT 9X8 – најновиот кандидат за трки за издржливост на брендот – е директен наследник на PEUGEOT 905, победник на Le Mans 24 часа во 1992 и 1993 година и на PEUGEOT 908, кој ја освои француската класика во 2009 година. Новиот прототип е подготвен да го продолжи долгото и успешно учество на брендот во светските мото-спортови со високо конкурентни автомобили кои го имаат моќниот и веднаш препознатлив идентитет на брендот.
Името на новиот Hypercar на PEUGEOT е PEUGEOT 9X8.
„9“ ја продолжува серијата која ја користи производителот за своите неодамнешни тркачки автомобили наменети за трките за издржливост, имено PEUGEOT 905 (кој се натпреваруваше од 1990 до 1993 година) и 908 (2007 до 2011 година) станаа икони на брендот.
„Х“ се однесува на технологијата на погон на сите тркала на PEUGEOT Hypercar и хибридниот погонски агрегат што е олицетворение на стратегијата за електрификација на брендот во светот на мото-трките.
„8“ е наставка што се користи за сите сегашни имиња на модели на PEUGEOT, од 208 и 2008, до 308, 3008, 5008 и, се разбира, 508 кој неодамна помина низ рацете на инженерите и дизајнерите кои изработија Hypercar кој стана првиот автомобил кој ја носи ознаката на Peugeot Sport Engineered.
Двата PEUGEOT 9X8 ќе се натпреваруваат на Светскиот шампионат за издржливост на FIA во 2022 година.
„Тоа е првиот тркачки автомобил кој има стил до оваа мера“, рече Kevin MAGNUSSEN.
Зборовите на данецот ги повтори и американецот Gustavo MENEZES: „PEUGEOT отвора ново поглавје во мотоспортот со 9X8. Ќе имаме главна улога во пишувањето на приказната!
“Предниот и задниот светлосен потпис на 9X8, кој има форма на три лавовски канџи, е познат заштитен знак на PEUGEOT, додека новото лого на брендот „главата на лавот“ се карактеризира со позадинско осветлување на страничната и на предната страна на автомобилот. Selenium сивата и контрасната Kryptonitе зелена/жолта боја ја нагласуваат каросеријата и патничката кабина и ја одразуваат шемата на бои избрана за новата линија PEUGEOT SPORT ENGINEERED, претставена со 508 и 508 SW.
Дизајнерите, исто така, посветија исклучително внимание на ентериерот на 9X8. „Сакавме да имаме посебен пристап кон патничката кабина, која досега има тенденција да биде чисто функционалн и нејасен аспек кај тркачките автомобили, без идентитет на брендот“, нагласува Matthias HOSSANN. „Комбинацијата на нашата шема на бои и PEUGEOT i-Cockpit-от обезбедија во патничката кабина на 9X8 карактеристично чувство и го прават веднаш препознатлив како PEUGEOT “.
Надворешно, извајаните тркала придонесуваат за избалансирани линии на јасните, остро структурирани крила на автомобилот, отворите за крилата го откриваат горниот дел од пневматиците и совршено интегрираните ретровизори придонесуваат за впечаток дека протокот на воздух поминува непречено преку автомобилот.
„Јас ги познавам тимовите на PEUGEOT Design и PEUGEOT Sport. Тие секогаш даваат квалитетна, иновативна работа, но морам да признаам дека 9X8 ме воодушеви. Едноставно е прекрасен“, вели Главниот извршен директор на PEUGEOT, Linda JACKSON. „Начинот на кој неговите иновативни, впечатливи линии даваат толку моќен идентитет на брендот, е маестрален“.
„Отсуството на задно крило на PEUGEOT 9X8 е голем иновативен чекор“, вели директорот на Stellantis Motorsport, Jean-Marc FIONOT. „Постигнавме одреден степен на аеродинамичка ефикасност што ни овозможува да ја отстраниме оваа одлика. Не прашувајте како, сепак! Имаме целосна намера да ја чуваме тајната се додека можеме! “
Остранувањето на задното крило обезбеди слобода да дизајнираме елегантна силуета што не е видена со децении. Навистина, работејќи рака под рака со нивните колеги инженери, дизајнерите максимално ја искористија можноста да создадат хармоничен спој на динамични, извајани форми кои формираат чиста, убедлива површина помеѓу истакнатите лакови на тркалата.
Хипер-ефикасен хибриден погонски систем
Од најавата за учество на PEUGEOT во септември 2020 година за вклучување во новата класа Le Mans Hypercar трки за издржливост, фабриката во Версај, близу Париз, работи со пона парена на 9X8.
Како што беше планирано, задниот дел од автомобилот, 2,6-литарски, би-турбо, 500kW (680кс), 90-степен V6 – мотор со внатрешно согорување дел од погонскиот систем на PEUGEOT HYBRID4 500KW – од април поминува километри на станицата за тестирање.
Во меѓувреме, се инсталираат моторот-генератор од 200 kW, секвенцијалниот менувач со седум степени и батеријата во согласност со распоредот за валидација на станицата за тестирање. Моќната, технолошки софистицирана, високонапонска батерија (900 волти) со висока густина се развива од страна на PEUGEOT Sport и Saft заедно со TotalEnergies.
„Нашата цел во однос на нашите енергетски барања е беспрекорна сигурност и совршена контрола“, објаснувa Jean-Mark FINOT. „Le Mans стана 24-часовна спринтерска трка каде што може да се победи или изгуби онолку бројот пати колку што се натпреварувате. Исклучителната енергетска ефикасност на новите Hypercars претходно го дефинира она што ќе го видиме наскоро во светот на патните автомобили. Ова испитување имаше огромно влијание врз нашата работа на пакетот PEUGEOT 9X8, чијшто аспект треба да придонесе за постигнување на хипер ефикасност, од неговиот погонски агрегат до неговата аеродинамика “.
Le Mans, лабораторија за PEUGEOT
„Учеството на PEUGEOT во трките за издржливост има повеќе отколку спортски аспект“, тврди Linda JACKSON. „Трките за издржливост се форма на мото-спортот што ни обезбедува екстремна лабораторија, што објаснува зошто нашата поврзаност со Le Mans е толку силна. Позначајни можеби од резултатите што ги добиваме на тркачката патека се можностите што ги дава за да ја докажеме нашата технологија или плодот на нашата истражувачка работа за трка што Ве фрла во екстремни услови 24 часа. Le Mans ни обезбедува конкурентно опкружување за да ги потврдиме хибридните системи и технологии што во моментов ги развиваме за да ја намалиме потрошувачката на гориво – а со тоа и емисијата на СО2 – на нашите патни автомобили. Екипите на PEUGEOT Sport се горди кога ќе видат дека нивното истражување е пренесено на нашите производствени модели. За нашите клиенти, Le Mans е лабораторија која сведочи за квалитетот на нашите автомобили “.
PEUGEOT 9X8 – Teхнички податоци
Класа: Le Mans Hypercar (LMH)
Должина: 5.000mm
Ширина: 2.080 mm
Висина: 1.180 mm
Меѓуоскино растојание: 3.045 mm
Погонски агрегат: PEUGEOT HYBRID4 500KW (погон на сите четири тркала)
Заден погоски агрегат: 500kW (680кс), 2.6L twin-turbo, 90-степен V6 бензински мотор со внатрешно согорување + седум-степен секвенцијален менувач
Преден погон: електричен мотор – генератор 200kW + редуктор со една брзина
Батерија: Батерија со голема густина, 900 волти, дизајнирана од Peugeot Sport, TotalEnergies / Saft
Гориво и мазива: TotalEnergies
(ПР-текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Димитровски: ЦЕФТА не е само регионален трговски механизам, туку наша практична подготовка за членство во Европската Унија
Заменик-министерот за надворешни работи и надворешна трговија, Зоран Димитровски, учествуваше на ЦЕФТА неделата 2025, што се одржа во Приштина, Косово. Настанот, организиран од актуелното косовско претседателство со ЦЕФТА, беше фокусиран на унапредување на конкурентноста, дигиталната трансформација и на постепената интеграција на регионот во Европската Унија.
Во своето обраќање, Димитровски, нагласи дека од декември минатата година, Министерството за надворешни работи и надворешна трговија ја презеде и надлежноста за надворешната трговија. Во таа смисла, посочи дека оваа трансформација е дел од пошироката определба на Владата да ја зајакне економската дипломатија, да го подобри економскиот настап на државата во странство и да создаде поцврсти врски со меѓународните пазари.
„Активностите поврзани со ЦЕФТА се само дел од пошироката економска агенда на Министерството, чија цел е да создаде подобра деловна клима и да ја зајакне позицијата на државата на регионалните и европските пазари“, рече тој.
Димитровски во своето излагање, особено го акцентираше претседавањето на Република Северна Македонија со два клучни органи во рамките на ЦЕФТА – Комитетот за олеснување на трговијата и Поткомитетот за нетарифни мерки. Тој посочи дека под наше водство биле постигнати значајни и практични резултати во однос на подобрени процедури за стопанството, дигитални алатки кои го олеснуваат пристапот до пазарите, поефикасни системи за следење на трговските бариери, како и унапреден процес на меѓусебно признавање на одредени професионални стандарди.
Во овој контекст, тој објасни дека модернизацијата и дигитализацијата кои ги спроведуваат земјите од ЦЕФТА придонесуваат регионот постепено да се усогласува со европските правила и практики, што е важно за економиите и за деловната заедница.
„ЦЕФТА не е само наш регионален трговски механизам, туку наша практична подготовка за членство во Европската Унија,“ нагласи Димитровски.
Во дискусиите беше потврдено дека напредокот на Заедничкиот регионален пазар 2025–2028 останува клучно достигнување на регионот, а дека ЦЕФТА продолжува да се развива во попредвидлив и поконкурентен систем ориентиран кон потребите на стопанството.
Заменик-министерот истакна дека посакува ЦЕФТА до 2030 година природно да го заврши своето постоење, бидејќи Република Северна Македонија, земјите од Западен Балкан и Молдавија ќе станат членки на ЕУ, исто како што тоа се случи со земјите од Централна Европа, со што ЦЕФТА целосно ќе ја исполни својата мисија.
На маргините на настанот, заменик-министерот оствари и повеќе средби со претставници од земјите партиципиенти на ЦЕФТА при што бес разменети мислења за продлабочување на економската соработка и зајакнување на интегративните процеси во регионот на Западен Балкан.
Економија
Доделени наградите од конкурсот за ликовна и литературна творба по повод Светскиот ден на штедењето
Во Народната банка се одржа традиционалната свеченост по повод доделувањето на наградите од Конкурсот за ликовна и литературна творба за основните и средните училишта, којшто Народната банка го организира во соработка со Министерството за финансии по повод Светскиот ден на штедењето. На настанот се обрати гувернерот на Народната банка, Трајко Славески и заменик-министерот за финансии, Николче Јанкуловски.
Гувернерот Славески, во своето обраќање, ги истакна посветеноста, знаењето и креативноста на младите генерации, нагласувајќи дека пристигнатите трудови ја потврдуваат значајната улога на финансиската едукација во градењето свесни, одговорни и финансиски писмени млади луѓе.
„Штедењето не е само собирање средства. Тоа е филозофија на животот којашто ни овозможува да ги исполнуваме нашите желби, да обезбедиме сигурност за нашата иднина, но и да ги градиме стабилноста и благосостојбата на целото општество. Денес, овој пристап добива уште поголема важност, бидејќи живееме во време на брзи промени, дигитализација и нови финансиски предизвици и можности“, истакна гувернерот.
Заменик-министерот Јанкуловски поздравувајќи ги учесниците рече дека младите покажуват дека секое мало штедење може да биде почеток на голема цел.
„Вие сте пример дека знаењето, вложениот труд и желбата да се мисли за иднината се вредности кои го движат општеството напред. Овој ден нека биде поттик да продолжиме сите заедно – ученици, наставници, родители и институции – да ја негуваме финансиската писменост, да развиваме здрави навики и да создаваме генерации кои ќе знаат да донесуваат мудри одлуки“, посочи Јанкуловски.
Оваа година на Конкурсот пристигнаа неколку стотици трудови од ученици од основното и средното образование на теми посветени на важноста на штедењето, финансиската писменост и улогата на финансиските услуги во современата дигитална ера. Основците твореа на темата „Да штедиме за нашите желби, да штедиме за нашата иднина“, а средношколците на темата „Штедењето, парите и финансиските услуги во современата дигитална ера“.
Конкурсот, којшто се објавува од 2012 година, прерасна во значајна платформа за поттикнување на младите да размислуваат за финансиските концепти, штедењето и одговорното управување со средствата. Низ литературните творби, ликовните цртежи и есеите, учениците ги претставија своите погледи, знаења и лични цели.
Економија
Дурмиши во Берлин: Северна Македонија нуди нови можности за странски инвестиции
Министерот за економија и труд, Бесар Дурмиши, денес учествуваше на панел-дискусија на тема „Можности за странски инвестиции во Северна Македонија“, што се одржа во Амбасадата на Република Северна Македонија во Берлин. Настанот беше организиран од Германско–македонскиот бизнис клуб (DNMBC) во соработка со Министерството за надворешни работи и надворешна трговија.
Министерот Дурмиши во своето обраќање истакна дека Северна Македонија се наоѓа во клучен развоен момент, во кој реформските процеси се насочени кон создавање предвидлива, стабилна и европски ориентирана економска средина. Тој ги нагласи приоритетите на Владата – дигитална и зелена трансформација, модернизација на индустријата, поттикнување на иновации и унапредување на човечкиот капитал.
„Нашата цел е да изградиме економија што создава додадена вредност и нуди јасни, долгорочни услови за инвеститорите. Со новиот модел на финансиска поддршка што ќе стартува во 2026 година, државата ги наградува квалитетните инвестиции, отворањето работни места, технолошките центри и проектите што придонесуваат за регионален развој,“ истакна министерот Дурмиши.
Тој подвлече и дека Германија останува еден од најзначајните економски партнери на Северна Македонија, додавајќи дека заедничката визија е да се зајакнат деловните врски, да се поттикнат модерни инвестиции и да се создадат нови можности за економски раст.
Министерот им се заблагодари на организаторите и деловната заедница во Германија за континуираната поддршка, оценувајќи дека ваквите настани се важна платформа за градење доверба и нови партнерства.
Настанот продолжи со динамична панел-дискусија во која учесниците разменуваа искуства и предлози за унапредување на инвестициската клима и можностите за продлабочување на соработката меѓу двете земји.
На отворањето се обратија Гафар Вејсели, претседател на DNMBC, министерот за европски прашања Орхан Муртезани, како и амбасадорот на Северна Македонија во Германија, проф. д-р Илбер Села. Панелот обедини значајни имиња од економскиот и институционалниот сектор, меѓу кои и директорот на ДТИРЗ Гоце Димовски, поранешната гувернерка на НБРСМ Анита Ангеловска-Бежоска, претставници од Министерството за надворешни работи и надворешна трговија и германската делегација за индустрија за регионот.
ВМРО-ДПМНЕ: Ние како мнозинство немаме од што да бегаме, ќе се расчистат сите прашања поврзани со трагедијата во Кочани
Пратеникот од ВМРО-ДПМНЕ, Бојан Стојаноски, изјави дека во периодот кога државата ја воделе СДСМ и ДУИ се закажувале анкетни комисии,...
(Видео) Филипче: Посебна анкетна комисија за трагедијата во Кочани, тоа е барање на родителите
Нашиот став е дека ние ќе ги поддржиме двете анкетни комисии. Едната којашто ја предлага владеачкото мнозинство каде сакаат да...
(Фото) Поставени дигитални уреди за мерење бучава кај кафеаните во Дебар Маало
Општина Центар започна со имплементација на паметен систем за следење на бучавата, преку поставување на дигитални индикативни уреди на местата...
Осигурителни компании склучиле картел и се договориле да ја зголемат цената за автомобилското осигурување
Десет осигурителни компании се казнети со 17.266.930 денари затоа што се договориле да ја зголемат цената за автомобилската одговорност што секој...
„РКЕ да ја преземе во целост надлежноста во формирањето конечна цена на водата“, порака од тркалезната маса
РКЕ да ја преземе во целост надлежноста во формирањето конечна цена на водата – е пораката од тркалезната маса „Иницијатива...
Засилени контроли на градилиштата во општина Аеродром: изречена глоба од 1.300 евра за непочитување на законот
Општина Аеродром изрече парична глоба од 1 000 евра за правно лице и 300 евра за управителот на истата фирма...
(Видео) Турканици и викање: уапсени три лица во Трново, не им дозволиле на полицајците да влезат на имотот
Полицијата уапси три лица од кривопаланечко кои попречувале полициски службеници и вработени во Агенцијата за храна и ветеринарство при извршување...
Висок функционер на НАТО: Путин блефира, не верувам дека е подготвен за војна со Европа
Висок функционер на НАТО верува дека рускиот претседател Владимир Путин блефира за својата подготвеност за војна против Европа. Зборувајќи со...
ВМРО-ДПМНЕ: Колку криминални шеми имаат издејствувано Заев, Филипче и Николовски, Обвинителството да отвори постапка
„Заев му помогнал со отпишување на жито за 800.000 евра, Љупчо Николовски возвратил со грант за „Мамас“ од 1,4 милиони...
НАТО ја зголемува поддршката за Украина: пристигнува нова резерва оружје и муниција
Министрите за надворешни работи на НАТО ќе се состанат денес во Брисел за да разговараат за понатамошна поддршка за Украина,...
(Видео) Трамп заспа на состанок на кабинетот откога се пофали со својата острина
На почетокот на состанокот на кабинетот во вторник, американскиот претседател Доналд Трамп не ја пропушти можноста повторно да го спомене...
Трамп: САД ќе тргнат по погрешен пат ако продолжиме да примаме ѓубре во нашата земја
Американскиот претседател Доналд Трамп изјави дека не сака сомалиски имигранти во САД, велејќи им да „се вратат од каде што...
„Ербас“ ги проверува авионите „А320“ поради проблеми со металните панели
Авионскиот гигант Ербас најави инспекција на неодреден број свои авиони откако беше откриен „проблем со квалитетот на добавувачот“ кај металните...
Трамп: Документите, наредбите или договорите потпишани од Бајден со „автопен“ се ништовни
Американскиот претседател Доналд Трамп ги прогласи за ништовни сите документи потпишани од администрацијата на Џо Бајден со помош на автоматски...
Трамп ги паузира сите апликации за имиграција од 19 земји
Американскиот претседател Доналд Трамп даде низа исклучително остри коментари за Сомалија и сомалиските мигранти, откако неговата администрација објави дека ги...
(Видео) Путин разговараше со човекот на Трамп пет часа: неговиот помошник даде значајна изјава
Разговорот меѓу рускиот претседател Владимир Путин и Стивен Виткоф, специјален пратеник на американскиот претседател Доналд Трамп, траеше речиси пет часа,...
По пет часа заврши средбата меѓу Путин и Американците – продуктивно, но без компромис за мировниот план, според првичните реакции
Разговорот на рускиот претседател Владимир Путин со специјалниот претставник на САД, Стив Виткоф и зетот на американскиот претседател Доналд Трамп,...
На предлог на Филипче, оставки поднесе раководството и сите членови на Извршниот одбор во СДСМ
На денешната седница на Извршниот одбор на СДСМ, на предлог на претседателот Венко Филипче, заменик претседателката, потпретседателите, генералниот секретар, организациските...
Советот расправаше за труењето во „Димо Хаџи Димов“, Лукровски најави засилени хигиенски мерки во училиштата и инспекции
Советот на Општина Карпош заседаваше по четврти пат, при што советниците расправаа и полноправно одлучуваа по 10 точки кои се...
„Сите што ме познаваат добро знаат колку и како се грижев за безбедноста на сите гости во клубот“ рече Јованов, сопственикот на дискотеката „Пулс“, за кобната ноќ
До ден-денес се чудам и не можам да поверувам што се случи таа вечер, изјави првообвинетиот и сопственик на дискотеката...
